| بــــــــــــــــــــــاص البـــــــــــــــحر | |
|
+8زرقاء اليمامة الواثق ابو تسنيم Rainbow ياسرعبدالمنعم على الجاك Admin abu Jasim ابعشرين 12 مشترك |
|
كاتب الموضوع | رسالة |
---|
ابعشرين مميز جدا
عدد الرسائل : 274 المدير العام : 0 تاريخ التسجيل : 21/04/2008
| موضوع: بــــــــــــــــــــــاص البـــــــــــــــحر الإثنين أغسطس 11 2008, 22:47 | |
| يوم لا انساه في حياتي 0000 ويسظل في خيالي الي الابد 00ذكري للتاريخ اعيدها الان اليكم عبر الزمان فصولها قصير لغة 000طويلة الامد والزمان000 وان تقاصرت المسافة في تلك الذكريات 000ولكن احسست انها اطول رحلة في حياتي 000انقلها الان كما كنت اعيشها اليوم 000 البداية فكرة جاءت بعد انتظار 000الوالد قرر السفر الي الشرق (البشاقرة)0 000حينها اصررت علي السفر معه 000 والحقيقة التي يجب ان انقلها انني كم كنت سعيدا بهذه السفرية و متشوقا وولها لركوب بص البحر ومشاهدة الكثير الذي شكلته ما ينقله الغير عن مسميات لقري واشياء كثيرة 000لحظات طال انتظارها 000حزم الوالد معه بعض الاشياء وحملت انا خيالا يئن العقل ان يحمله في ذلك اليوم متشوقا اولا لركوب البص وثانية لمعرفة ومشاهدة ملامح قري ود لميد 000 العديد 000التكينة 000وغيرها وفي ذاك الزمن لئن شاهدت اي قرية وبعض ملامها لتعود وتستعرض هذه المشاهد علي اصاحابك في الفريق لهي من جمائل ذاك الزمان (الود عامل تفتيحة )0000ودا كلو اخوتي وانا لسه ما ركبت بص البحر والذي كان يجوب السريحة طولا وعرضا بحثا عن ركاب 0000 المهم في فجر ذاك اليوم حملت مع الوالد ما يريد ان يحمله واتجهنا الي محطة البص وانتظرنا البص حتي وصل ولا زلت جيد اذكراين جلست والجميل ان مقاعد البص في ذاك الزمان كنبتين فقط واحدة يمين والتانية شمال وحينها كان البص يمتلي تماما مثل سفينة نوح يحمل كل شئ انسان حيون طيور وكثير من مثير وكان معظم سكان القري المجاورة ياتون الي السريحة الي اللحاق بالبص خاصة يوم الاسواق 000000 وكان مشهد البص مشهدا جميلا واجمل من ذلك صفوة ذلك الزمان وسماحة اهله وحسن معشرهم وطيبتهم وحسن تعاملهم وتقراء ذلك في وجوههم وتعاملهم وكان حظي في ذلك اليوم من الفلوس عظيما وكل من شاهدني مع ابي يحاول ان يكرمني وكان اهل ذاك الزمان الجميل يعدون للاستفادة من سفرهم ويجعلونه خير وسيلة لمعرفة الاخبار الاهل 000000 وعندما بدا البص رحلته يتهادي ويئن بما يحمله من خيرا البلد والتي يجمع اهلنا كل ما عندو من محاصيل لبيعها في السوق والعودة بخير وفير لاهل البيت 00000 للقصة بقية واترك الباب مواربا لمن يريد الدخول وتسجيل بعض زكريات الزمن الجميل
| |
|
| |
abu Jasim مميز جدا جدا
عدد الرسائل : 1467 العمر : 48 الموقع : Kingdom Of Saudi Arabia - Riyadh المدير العام : 0 تاريخ التسجيل : 28/04/2008
| موضوع: رد: بــــــــــــــــــــــاص البـــــــــــــــحر الثلاثاء أغسطس 12 2008, 08:05 | |
| التحيه لك أخ ابعشرين وأنت تنشر مفردات بمعاني جميله طعم العسل أن صح لي التعبير فعلاً ذاك هو الزمن الجميل وقد عشت الواقعة معك سجال لحظة بلحظة وكاني كنت معكم هي فعلاً قصه تتميز بواقع حياتنا الجميله في الزمن الماضي لكن كانت برغم بساطتها ألا انها تحمل في طياتها ألفا محبه حب للواقع الذي نعيشة سفر ترحال جميل مُشوق خاصة من العنوان الذي جذبني وأوحى لي حقيقة بأنه الزمن الخرافي أي أنه مستحيل العوده له وأن كنا نأمل في ذلك أن تكون روح الجميع متعاونه في صف واحد لا تحمل ضغينه كما هو يسود الآن وترابط أسري من أروع ما يكون
تحيه لك أخي أبعشرين ولا أقول لك كما قال الشاعر في اليراع : في كفه قلماً يلُج لعابه سمٌ وينفثهو على الأوراقي
لكن أقول لك : في كفكَ قلماً تلُج لعابه ابداعاً وتنفثهو على الأوراقي
كم أنت رأئع أخي الحبيب وأنت تبحر بنا في ماضينا الجميل
تحياتي : أبوجاســـــــــــــــم | |
|
| |
Admin
عدد الرسائل : 1693 العمر : 51 المدير العام : 0 تاريخ التسجيل : 01/04/2008
| موضوع: رد: بــــــــــــــــــــــاص البـــــــــــــــحر الثلاثاء أغسطس 12 2008, 08:36 | |
| والله يا ابعشرين موضوع جميل والتعليق عليه داير ليه قعدة كاربه كدي ومعاها شاي بنعناع حتى نعصر الذاكرة ونطلع منها باص البحر والبنطون بعدي وللبشاقرة بودي | |
|
| |
ياسرعبدالمنعم على الجاك مميز جدا
عدد الرسائل : 188 العمر : 52 الموقع : yaseer_meneem@yahoo.com المدير العام : 0 تاريخ التسجيل : 22/04/2008
| موضوع: رد: بــــــــــــــــــــــاص البـــــــــــــــحر الأربعاء أغسطس 13 2008, 10:36 | |
| عاطر واوفـر تحياتى اخى ابعشرين على ماسطره يراعك من اجترار للذكريات الجميلة . والتى على ماضيها نعيش. ذكريات تحكى للاجيال جيلا بعد جيل . كحكاوى وحجيات الحبوبات (فاطمة السمحة شليل وغيرها) حكاوى نتلهف ونشتاق اليها كتلهف اديم الارض الى غيث السماء .
اضافة الى معلوماتك واو ذكرياتك (باص البحر) اتذكر لونه ازرق كزرقة النيل . وسائق الباص اسمه فضل الله وهو من قرية ازرق جارتنا العزيزة. وعدد الرحلات اعتقد مابين رحليتين الى ثلاثة يوميا .
وارجو يا اخى ابعشرين ان تكون دايم الجريان وان تفيض خيرا وبركة فى حكاويك وذكرياتك الجميلة . ودمت ينبوعا لا ينضب
| |
|
| |
Rainbow مميز جدا
عدد الرسائل : 145 العمر : 51 المدير العام : 0 تاريخ التسجيل : 23/07/2008
| موضوع: رد: بــــــــــــــــــــــاص البـــــــــــــــحر الأربعاء أغسطس 13 2008, 13:53 | |
| شقاوة شفع يا ابعشرين اهديها لك فبرغم خطورتها الا انها جميلة الحاج عوض الجيد رحمة الله عليه كان له بص بحر ايضا انا اكثر ما يجذبني لي بص البحر البطيخات البتلقاها تحت الكنب وياحظك لو كان ابو ناداك وانت بتلعب(اغبش مكتح ومليان سفاية) عشان تساعدو في حمل البطيخات انت تاكل وسخيلاتك تاكل واجمل ما في ذلك اللمة الجميلة والتحلق حول الصينية التي اعدتها الوالدة بعد ما ادت السكين كم كرشة على عتبة الباب وصاحبتنا البطيخة بعد ما كانت مرطبة تحت الزير جابوها منططة عيونا للضبح والباقي براك تمو داك زمن والله جد جميل وزي ما قال الغناي ديل ايام جميلة كانت يا حليلة لك الود ممدود حبل صبر يعبر كل القرى و ياخد من طيبة اهلها حبا جزلا يشع كجباه صغارنا السمر وكبارنا الشموخ Rainbow | |
|
| |
ابعشرين مميز جدا
عدد الرسائل : 274 المدير العام : 0 تاريخ التسجيل : 21/04/2008
| موضوع: رد: بــــــــــــــــــــــاص البـــــــــــــــحر الأحد أغسطس 17 2008, 20:10 | |
| اخوتي الكرام اشكركم علي اجترار هذه الذكريان الجميلة
لكن بين وبينكم كدي ناس ود عجيب وهشام واخرين لا علاقة لهم بهذا الصرح التاريخي
ولا يعرفون اي حاجة عن باص البحر
تيييييييييييييييييييييييييييييييييييييييييت
| |
|
| |
ابو تسنيم
عدد الرسائل : 17 المدير العام : 0 تاريخ التسجيل : 10/06/2008
| موضوع: رد: بــــــــــــــــــــــاص البـــــــــــــــحر الإثنين أغسطس 18 2008, 08:23 | |
| - ابعشرين كتب:
اخوتي الكرام اشكركم علي اجترار هذه الذكريان الجميلة
لكن بين وبينكم كدي ناس ود عجيب وهشام واخرين لا علاقة لهم بهذا الصرح التاريخي
ولا يعرفون اي حاجة عن باص البحر
تيييييييييييييييييييييييييييييييييييييييييت | |
|
| |
ابو تسنيم
عدد الرسائل : 17 المدير العام : 0 تاريخ التسجيل : 10/06/2008
| موضوع: رد: بــــــــــــــــــــــاص البـــــــــــــــحر الإثنين أغسطس 18 2008, 08:35 | |
| اولاً آسف لقد ضغطت علي الزر الخطأ في الرد علي المساهمة . ولكني اود القول أنني اصابتني قشعريرة وأنا أقرأ باص البحر واسترجعت اياماً وحكاوي لم تندثر ولكنها مع زحمة الحياة انزوت في ركن قصي وغطي عليها غبار الزمن وغبار باص البحر نفسه عندما يريد أن يعبر الكباري وخصوصاً قنطرة ودلميد والفرناقة (الغبار الناعم جداً) علي حد قول احدي الحنكوشات عندما زارت السريحة (دا زي لبن البدرة ) والنسان ابن بيئته . التحية لك وانت تحي فينا الزمن الجميل وترسلنا عبر كلماتك وسردك الي اجواء ماضي الصبا وايما ايام هي . | |
|
| |
ابعشرين مميز جدا
عدد الرسائل : 274 المدير العام : 0 تاريخ التسجيل : 21/04/2008
| موضوع: رد: بــــــــــــــــــــــاص البـــــــــــــــحر الإثنين أغسطس 18 2008, 19:11 | |
| مزيدا من الذكريات
الموضوع طويل
يا ادمن الصف راجيك
ابو تسنيم اكتب لينا موقف طريف حصل في باص البحر | |
|
| |
الواثق مميز جدا
عدد الرسائل : 388 العمر : 39 المدير العام : 0 تاريخ التسجيل : 26/05/2008
| موضوع: رد: بــــــــــــــــــــــاص البـــــــــــــــحر الثلاثاء أغسطس 19 2008, 16:11 | |
| - ابعشرين كتب:
- مزيدا من الذكريات
الموضوع طويل
يا ادمن الصف راجيك
ابو تسنيم اكتب لينا موقف طريف حصل في باص البحر ونحن نكتب عن شنو ونحن الما حضرنا باص البحر ولا اقول ليك حا نكتب عن روزت بدري ولا الركشات احسن ولا شنو يا ابو 20 لك كل الود شتتتتتتتتتتتتتتتتتتتتتتتتتتتتره الماحضر باص البحر يقع البحر | |
|
| |
زرقاء اليمامة مميز جدا
عدد الرسائل : 442 المدير العام : 0 تاريخ التسجيل : 19/04/2008
| موضوع: رد: بــــــــــــــــــــــاص البـــــــــــــــحر الأربعاء أغسطس 20 2008, 02:57 | |
| خالي العشاء كان اول سواق لبص البحر زمان | |
|
| |
الواثق مميز جدا
عدد الرسائل : 388 العمر : 39 المدير العام : 0 تاريخ التسجيل : 26/05/2008
| موضوع: رد: بــــــــــــــــــــــاص البـــــــــــــــحر الأربعاء أغسطس 20 2008, 16:25 | |
| اي صاح لكن باص البحر ولا باص الحاج ود عوض الجيد واظن انو بخيت ود الشايقي اتلمذ علي بد خالك العشاء ولا كيف زمن الرخصه حديد والجنيه شديد هلا هلا زمان والله شتتتتتتتتتتتتتتتتتتتتتتتتتتتتتره يا زمن وقف شويه واهدي لي لحظات هنيه وبعدها شيل باقي عمري | |
|
| |
ابعشرين مميز جدا
عدد الرسائل : 274 المدير العام : 0 تاريخ التسجيل : 21/04/2008
| موضوع: رد: بــــــــــــــــــــــاص البـــــــــــــــحر الإثنين أغسطس 25 2008, 15:27 | |
| ارجو شاكرا من الاخوة الاعضاء الانقسام الي فسمين (ا) و(ب)
(ا) للذين ركبو باص البحر و(ب ) للذين لم يركبو باص البحر
أ ب
- - -
| |
|
| |
Admin
عدد الرسائل : 1693 العمر : 51 المدير العام : 0 تاريخ التسجيل : 01/04/2008
| موضوع: رد: بــــــــــــــــــــــاص البـــــــــــــــحر الثلاثاء أغسطس 26 2008, 08:34 | |
| ابعشرين انا من الفئة أ وهي ايضا بدورها تنقسم الى عدة اقسام وهي 1- الذين كانوا يركبون داخل البص 2- الذين كانوا يركبون فوق راس البص وما احلاها 3- الذين كانوا يتهربون من الدفع فعندما يجي صلاح كريكبة لجمع القروش فمنهم من يقول عند الفوق اذا كان راكب جوه او يقول ليه عند الجوة اذا كان راكب فوق واذا كان هناك بكاء فى السريحة او التكينة او البشاقرة فالشفع ساعتها يعفوا من الدفع 4- منهم من كان يركب فى السلم ويكون فى النص ولا مع الفوق ولا مع الجوة وبذلك يكون قد ضاع بين الاثنين فى الدفع اها انت مع اي فئة من فئات أ يا ابعشرين | |
|
| |
Rainbow مميز جدا
عدد الرسائل : 145 العمر : 51 المدير العام : 0 تاريخ التسجيل : 23/07/2008
| موضوع: رد: بــــــــــــــــــــــاص البـــــــــــــــحر الثلاثاء أغسطس 26 2008, 11:51 | |
| يا ابو عشرين في فئة ثالثة ركبو التونسية ديل بينفعوا في التصنيف ولا تكتفي بالفئة (أ) والفئة (ب) الادمن ركب الفئتين وركاب فئتين زواغ اصحابي الاساتذة زمان قالو لي خلي بالك من ود بساطي ما يزوغ بي حق الدرس وفعلا كان يروغ منا كما يروغ الثعلب والسبب طعمية حواء مع الود الاصيل لكل الذين شاركوا في البوست Rainbow | |
|
| |
ابعشرين مميز جدا
عدد الرسائل : 274 المدير العام : 0 تاريخ التسجيل : 21/04/2008
| موضوع: رد: بــــــــــــــــــــــاص البـــــــــــــــحر الأربعاء أغسطس 27 2008, 20:52 | |
| - Admin كتب:
- ابعشرين انا من الفئة أ وهي ايضا بدورها تنقسم الى عدة اقسام وهي
1- الذين كانوا يركبون داخل البص 2- الذين كانوا يركبون فوق راس البص وما احلاها 3- الذين كانوا يتهربون من الدفع فعندما يجي صلاح كريكبة لجمع القروش فمنهم من يقول عند الفوق اذا كان راكب جوه او يقول ليه عند الجوة اذا كان راكب فوق واذا كان هناك بكاء فى السريحة او التكينة او البشاقرة فالشفع ساعتها يعفوا من الدفع 4- منهم من كان يركب فى السلم ويكون فى النص ولا مع الفوق ولا مع الجوة وبذلك يكون قد ضاع بين الاثنين فى الدفع اها انت مع اي فئة من فئات أ يا ابعشرين انا يا شاطر كنت بخمس يمين السواق لان البص زمان اكان الدركسون باليمين
يعني بالبلدي كدي مفرد السواق
يعني ملح
لكن انت البزوغ من رسوم درس العصر
وتمش لي طعمية حوة ولقيمات بت الكور
اكيد اكنت مجنن الكمساري | |
|
| |
Admin
عدد الرسائل : 1693 العمر : 51 المدير العام : 0 تاريخ التسجيل : 01/04/2008
| موضوع: رد: بــــــــــــــــــــــاص البـــــــــــــــحر الخميس أغسطس 28 2008, 06:56 | |
| - Rainbow كتب:
- يا ابو عشرين في فئة ثالثة ركبو التونسية
ديل بينفعوا في التصنيف ولا تكتفي بالفئة (أ) والفئة (ب) الادمن ركب الفئتين وركاب فئتين زواغ اصحابي الاساتذة زمان قالو لي خلي بالك من ود بساطي ما يزوغ بي حق الدرس وفعلا كان يروغ منا كما يروغ الثعلب والسبب طعمية حواء مع الود الاصيل لكل الذين شاركوا في البوست Rainbow ههههههههههههه ما احلى طعمية حواء وتسالي الطرشاء ومدمس نعناع وفتة مطعم احمد حسين بقروش الدرس ذكرتني طرفة يا أ0رينبو حصلت للاخوان معاوية وحسن بمناسبة رسوم الدرس كان طبعا بالمتوسطة ان كل اخوين مفترض يدفع فيهم واحد فقط رسوم الدرس ويعفى الآخر وكان معاوية وحسن فى فصل واحد فكان يوم السبت نظافة عامة وقد طلب من كل الطلاب حلق روؤسهم فجاء الدور على حسن فوجده حالق وبعد كم تلميذ جاء الدور على معاوية ولم يكن حالق فسأله الاستاذ لماذا لم تحلق فقال له ما حلق حسن0 | |
|
| |
ابعشرين مميز جدا
عدد الرسائل : 274 المدير العام : 0 تاريخ التسجيل : 21/04/2008
| موضوع: رد: بــــــــــــــــــــــاص البـــــــــــــــحر الجمعة أغسطس 29 2008, 14:22 | |
| - زرقاء اليمامة كتب:
- خالي العشاء كان اول سواق لبص البحر زمان
العشا خالك بي وين
خلي اللبط
العشا دا جدي انا
زرقاء انت شفتي بص البحر | |
|
| |
البشير ودالنعيم مميز جدا
عدد الرسائل : 266 المدير العام : 0 تاريخ التسجيل : 29/06/2008
| موضوع: رد: بــــــــــــــــــــــاص البـــــــــــــــحر الإثنين سبتمبر 01 2008, 00:00 | |
| والله يابوعشرين اعجبنى سردك الذى بغير رتوش رغم طلاوة الاسلوب وحلاوته ولكنى ضحكت كثيرا حثى حسبنى من يرانى على بعد اننى غير سوى لانى لحالى فى الاسنقبال ضجكت لاننى تخيلت ساعتها ماذا كنت ترتدى وليتك ذكرتها والله انا الان اضحك بعمق جزاك الله خيرا عزيزى وكل سنة وانت طيب والقراء وصياما مقبولا وفتك عافية | |
|
| |
Rainbow مميز جدا
عدد الرسائل : 145 العمر : 51 المدير العام : 0 تاريخ التسجيل : 23/07/2008
| موضوع: رد: بــــــــــــــــــــــاص البـــــــــــــــحر الإثنين سبتمبر 01 2008, 21:06 | |
| - البشير ودالنعيم كتب:
- والله يابوعشرين اعجبنى سردك الذى بغير رتوش رغم طلاوة الاسلوب وحلاوته ولكنى ضحكت كثيرا حثى حسبنى من يرانى على بعد اننى غير سوى لانى لحالى فى الاسنقبال ضجكت لاننى تخيلت ساعتها ماذا كنت ترتدى وليتك ذكرتها
والله انا الان اضحك بعمق جزاك الله خيرا عزيزى وكل سنة وانت طيب والقراء وصياما مقبولا وفتك عافية يا ود النعيم ابعشرين كان " مفرد السواق " والادمن " بتاع زواغانات " وانت " نعومابي " والاقربون اول بالمعروف يعني برضو كنت بتملح ولا انا غلطان ؟ جميل جدا ان نضرب همونا بالفرح لكن الاجمل ان يكون الفرح قناعة في الدواخلرغم مرارة الواقع Rainbow | |
|
| |
ابعشرين مميز جدا
عدد الرسائل : 274 المدير العام : 0 تاريخ التسجيل : 21/04/2008
| موضوع: رد: بــــــــــــــــــــــاص البـــــــــــــــحر السبت سبتمبر 06 2008, 09:36 | |
| - البشير ودالنعيم كتب:
- والله يابوعشرين اعجبنى سردك الذى بغير رتوش رغم طلاوة الاسلوب وحلاوته ولكنى ضحكت كثيرا حثى حسبنى من يرانى على بعد اننى غير سوى لانى لحالى فى الاسنقبال ضجكت لاننى تخيلت ساعتها ماذا كنت ترتدى وليتك ذكرتها
والله انا الان اضحك بعمق جزاك الله خيرا عزيزى وكل سنة وانت طيب والقراء وصياما مقبولا وفتك عافية الاخ البشير النعيم لي عظيم الشرف اني اكون تسببت في اسعادك وضحكك وخاصة في هذا الشهر العظيم والاجر تلاقيط
لكن الشئ الضحكك دا ما عندك منو مواقف تسردها لنا هنا وخاصة انك من جيل باص البحر
وازيد من ضحكك يوم يا زول حاولت اهرب واشتت من البيت وقررت ان امش التكينة وليس حبا في التكينة لكن صاحبك عامل تفتيحة وداير يشوف الزلط واستغليت قصة انو امي سافرت هي للشرق ومشيت ولابس ليك عراقي وسنفجة وعيني قوية ركبت بص البحر والكمساري ادحر فيني ساي لانو عارف عينتي دي ما عندها قروش والسبب الخلاهو ما يسالني فاكراني ماش ازرق ولا النابتي وغير ذلك المهم يا ود النعيم ركبت في اخر زاوية وكنكشت ليك في السيخ قوي والباص يمش يميمن شمال مع الدقداق والعجب وقت يجي في ترعة تقول انقلب عديل وطبعا لحظات زي دي النسوان ما بنسترن فيها تمسع الصرخي والكواريك قلبووو وانقلب وكلام زي دا و انا لابد في اخر كوع وماسك قوي وكنت اتحاشي اي سؤال جانبي يعني يقةم يفول ليك واحد يا ولد انت ود منو وماش وين لانو اكيد بيكلم ابوك ويقول ليهو يومداك شايف ولد ك في البص ماش وين . وانا مستمتع بهذه الرحلة الهلامية والخيالية والبص يصارع الدقداق وبعد ان قترب من ود ليمد وقبل الكنار العجيب الفيهو الكتاحة العجيبة (دي حقو يسجلوها في موسوعة جنس ) والتي تفقد اي سائق بصره لمدة خمس دقائق وقبل الوصول الي هذه المحطة توقف البص والسبب اشارة من بص اخر كان يسير في الاتجاه المعاكس يعني من البحر الي السريحة وتحدث السايقان مع بعض لمدة خمس دقائق وفي تلك اللحظات لم ادري والا كساري البص الاخر ياتي وبكل عنف ياخذني ويجرجرني الي البص الاخر ولم اعرف السبب وعندما وصلت الي البص الاخر اتضح ان امي كانت في ذلك البص وهي عايدة من مشوارها وراتني خلسة واستنجدت بالكمساري لاعادتي وحينها لزمت الصمت وبدات افكر في العقاب الذي ينتظرني ز ولقد اضاع علي الكمساري رحل العمر التي تجرات علي انجازها لوحدي رغم مخاطرها وعندما وصلت البت نلت من القعاب ما فيه الكفاية
رايك شنو يا البشير ود النعيم ابو الفرزدق في الكسرة دي
وسيمتد التواصل بيننا | |
|
| |
ودعجيب مشرف منتدى ركن للنقاش
عدد الرسائل : 838 العمر : 46 الموقع : السودان / الخرطوم / السوق العربى المدير العام : 0 تاريخ التسجيل : 13/04/2008
| موضوع: رد: بــــــــــــــــــــــاص البـــــــــــــــحر السبت سبتمبر 06 2008, 10:30 | |
| والله يا ابعشرين ما ظننيتو نحن بنتذكر البص ده كويس لكن بتذكر انو فى واحد كده قريبنا كان سواق للبص فترة طويلة وزى ما قلت انو البص كان دركسونو يمين وصاحبنا طبعا بسف التمباك ومتعود يبصق التمباك بالشباك اليمين وفجاءة اصبح سواق فى عربة تانية دركسونها شمال ومرة كان خاتى سفة كاربة بعد ما انتهى قام رماها فوق واحد كان جالس لجواره والذى كان يتونس معه طوال الرحلة وبعدين اعتذر لصاحبه متعللا بانه كان يفتكر نفسه لسع سائق بص البحر ... ودور بى البلد ده احرق البنزين البلد ده !!!! بص البحر ده صحيح هو كان بابو واحد وفى الخلف كمان .............. | |
|
| |
هشام السريحه
عدد الرسائل : 1399 العمر : 48 الموقع : الإمارات العربية المتحدة-دبي P.O.Box 122038 Dubai-U.A.E المدير العام : 0 تاريخ التسجيل : 23/04/2008
| موضوع: رد: بــــــــــــــــــــــاص البـــــــــــــــحر الإثنين سبتمبر 08 2008, 07:37 | |
| - ابعشرين كتب:
اخوتي الكرام اشكركم علي اجترار هذه الذكريان الجميلة
لكن بين وبينكم كدي ناس ود عجيب وهشام واخرين لا علاقة لهم بهذا الصرح التاريخي
ولا يعرفون اي حاجة عن باص البحر
تيييييييييييييييييييييييييييييييييييييييييت انا ركبت باص البحر قبل كده، و صاحبك ما صغير يا أبعشرين، ممكن ود عجيب يكون ما ركبه. | |
|
| |
فقدابى1 مميز
عدد الرسائل : 158 المدير العام : 0 تاريخ التسجيل : 02/07/2008
| موضوع: رد: بــــــــــــــــــــــاص البـــــــــــــــحر الإثنين سبتمبر 08 2008, 15:32 | |
| الاخ /ابعشرين لك التحيه البصات كانت كتيره جدا فى هذا الخط (السريحه التكينه )واذكر منها باص عبدالجليل ودشعيب (جليلو جا)وبص ود جادين (الفرامل حبل ) وبص عوض الجيد وبص فضل المولى ومن السواقين اذكر منهم العشاء (خالى ) وعبد العال والحاج عوض الجيد وعبدالجبار (كديسه وفار ) ومن الكماسره الصديق سعد وحماد النابتى وعبده ازرق وجليد ام شجر رحمة الله على من مات والصحه والعافية للاحياء فقدابى | |
|
| |
ابعشرين مميز جدا
عدد الرسائل : 274 المدير العام : 0 تاريخ التسجيل : 21/04/2008
| موضوع: رد: بــــــــــــــــــــــاص البـــــــــــــــحر الإثنين سبتمبر 08 2008, 21:12 | |
| انت عارف يا فقدابي مشاركتك كانت قيمة جدا لانها توثق لهولاء الجنود المجهولين لانهم قدموا وافمو شبابهم في هذه المهم التي هي من صميم خدمة الشعب
ونحي كل من عمل في باص البحر سوي سائق او كمساري | |
|
| |
| بــــــــــــــــــــــاص البـــــــــــــــحر | |
|