تعلمت من غربتى

شباب المنتدى المغترب ... طبعاً ثلاثة ارباع المنتدى مغتربين .... نتمنى ان كل مغترب يورينا طلع بشنو من الغربة ... واضافت ليه او اخدت منه شنو ...فى انتظاركم
flower

شوفى الزمن يا يمه
ساقنى بعيد خلاص
دردرنى
واتغربت
واتبهدلت
ورينى الخلاص
ساقنى القدر منك بعيد
جرعني كأس
***
يا يمه
يا فيض الحنان الما كمل
يا يمه
يا بدرى البشع دايماً يهل
يا يمه
يا نور الصباح وكتين يطل
واشرى يا (زينوبه) ولدك
فى دروب الشوق كتل
محروم من الحب والمحنه
وراك همل
***
يا يمه
يا بحر المودة وكت يفيض
يا يمه
يا شعلة أمل زادت وميض
يا يمه
يا عنقود كلام منظوم قريض
يا يمه
يا نغماً حس بالشوق يرن
وافكارى فيهو .. بيرتعن
دمعاتى شانو .. بينزلن
***
واتذكرك يا يمه
فى الدغش النسايمو يهبهبن
قايمى الصباح متكفلتى
شايلى الحليلى على المراح
والساعة ديك يادبو ديكنا بدا الصياح
والطير ضغارو يغردن .جبتى اللبن بانشراح
***
واتذكرك يا يمه
ساعة الهجير صالاكى نار الدواكى
عُستيلنا الفطير
رشيتى قلتى اكلوهو خير
واتذكرك يا يمه
يا بسمة الطفل الغرير
وكت الخلوق ترقد تنوم
واسهر براى أرعى النجوم
والشوق يرف جنحيهو
بى فوق لى يحوم
,اهتف باسمك فى الخيال
طيفك كمان بي فوقى جال
واتمنى لو لحظات يدوم
لكنى فجأة القاهوو زال
***
واتذكرك يا يمه
ساعة الناس يجونا من البلد
ناعم ترابا على جسيماتن رقد
ريحة التمر فوق الهدوم
لون الخدار خانس لّبد
والشوق أوارو بيشتعل
كان ظنى فيهو يكون خمد
***
واتذكرك يا يمه
والناس قالو قايمين البلد
رصو الهديمات ..عدلوا
ركبوا اللوارى وقبلوا
خلونى وحدى بلا أنيس
كيف انفرادى ..اتحملوا
شالوا السلام من عندى ليك
وان شاء الله عندك يوصلوا
***
يا يمه
ساعة يوصلوا
ويقولوا ليك ..شفناه فى بلد الامان
مبسوط ورايق فى امان
أنبسطى يا نبع الحنان
وانا حالى يشهدبو الزمان
يا يمه رسلى لى عفوك
ينجينى من جور الزمان
يا يمه
رسلى لى عفوك
ينجينى من جور الزمان

الاغنية دى تشجيع ... ورورنا الحاصل

علمتنا واقنعتنا بالتجارب اننا شمعة تحرق نفسها لتنير للاخرين دون لغوب ولا جزع وعلمتنى ان امر الليالى ليلة تكون فيها بعيد عن الابناء والاهل وان اغلى تراب هو ترلب الوطن وعبير طينتها ازكى لانفى من العنبر وهو اسكوجين صافى وان المال الذى خرجت لاجمعه تركته خلفى وهم الابناء والاهل والتراب وما اضافت لنا الا السنبن فى النقصان بطرحها لا بجمعها ثم امتلا الراس شيبا واخزت منا ما لا يباع ولا يشترى وليس له ثمن بل هو اغلى من الثمن وباغلى الاثمان وهى ايام العمر مهى لعمرى لمصاريف بالغة الثمن واخيرا وباختصار
ان خير جليس فى الزمان كتاب
تلهو به ان فاتك الاحباب
لا مفشيا سرا اذا استودعته
وتفاد منه حكمة وصواب
ذلك هو العزاء الوحيد لنا وانصح بذالك الرفاء لانه فخر للقراء ان يلبو اول كامة وهى بصيغة الامر وهى قول رب العزة ( اقرا ) اول ما بدا به القران الكريم وجعلها هكذا مطلقة فلله در من يقرا منفزا لقول الله عز وجل فذالك مما علمتنا اياه الغربة اختى ناندا والسلام

الموضوع ذو شجون يا ناندا
سنرجع لاحقا

البشير ودالنعيم كتب:: علمتنا واقنعتنا بالتجارب اننا شمعة تحرق نفسها لتنير للاخرين دون لغوب ولا جزع وعلمتنى ان امر الليالى ليلة تكون فيها بعيد عن الابناء والاهل وان اغلى تراب هو ترلب الوطن وعبير طينتها ازكى لانفى من العنبر وهو اسكوجين صافى وان المال الذى خرجت لاجمعه تركته خلفى وهم الابناء والاهل والتراب وما اضافت لنا الا السنبن فى النقصان بطرحها لا بجمعها ثم امتلا الراس شيبا واخزت منا ما لا يباع ولا يشترى وليس له ثمن بل هو اغلى من الثمن وباغلى الاثمان وهى ايام العمر مهى لعمرى لمصاريف بالغة الثمن واخيرا وباختصار
ان خير جليس فى الزمان كتاب
تلهو به ان فاتك الاحباب
لا مفشيا سرا اذا استودعته
وتفاد منه حكمة وصواب
ذلك هو العزاء الوحيد لنا وانصح بذالك الرفاء لانه فخر للقراء ان يلبو اول كامة وهى بصيغة الامر وهى قول رب العزة ( اقرا ) اول ما بدا به القران الكريم وجعلها هكذا مطلقة فلله در من يقرا منفزا لقول الله عز وجل فذالك مما علمتنا اياه الغربة اختى ناندا والسلام

رد الله غربتك .... وعوضك الخير فى ابنائك

Admin كتب:: الموضوع ذو شجون يا ناندا
سنرجع لاحقا

الموضوع صعب كدة ؟؟؟ نحن فى الانتظار

ووين المغتربين

واما انا ما جربت غربة وراجي الدور

ومن هسي عندما اسمع الاغنية التي ذكرت اعلاه

ابكي براي قبال ما نشيف حاجة

ولكن مصر علي الغربة وان طال الزمن

ابن عمتي (الطيب احمد ابراهيم ) الطيب خواجة000 كان مغترب فى الثمانينات وكان يحب افراد اسرته جدا ومرة كان بيسمع فى اذاعة امدرمان فى اغنية حمام الوادي ولما جاء المقطع
( صغارك مشتهين ترجع 000 تضم العش بحنية
مش حرام تسيبهم للريح 000 وعارف القاسو ما شوية
جعل ليله ذاك كله نحيب وبكاء ومنتظر الواطة تصبح بفارق الصبر وذهب لكفيله وقال له بفم ملياااااااااااان
هاك الجواز ده وفي كل صفحة دق لي خروج نهائي وانعل ابو 000 وعلى الجابنا هنا000000
لما رجع السودان واحواله المادية تدهورت بقى يكره اغنية حمام الوادي ولما تجي فى الرادي بيقفله وقال هي السبب فى رجعتي وبهدلتي

انا متأكدة زى ود عمتك دة لو اتغرب تانى ... وسمع الغنية تانى بجى راجع ... القلب الحنين ما بتغير :D :D

ابعشرين كتب:: ووين المغتربين

واما انا ما جربت غربة وراجي الدور

ومن هسي عندما اسمع الاغنية التي ذكرت اعلاه

ابكي براي قبال ما نشيف حاجة

ولكن مصر علي الغربة وان طال الزمن

يا ابو عشرين انشاء الله اصلو ما تشوف غربة ... ولا تشوف عذاب .... انت قايل الموضوع دة ساهل ... انا سافرت شهر بس بعدت فيه من امى واخوانى دايرة اموت ... انشاء الله ربنا يفتحها عليك فى البلد دى ويديك من وسع

علمتنى الغربة ان انظر الى الورد كام ضاقت نفسى و لكنها فى نفس الوقت علمتنى ان ابتعد عنه
علمتنى الغربة اننا نمتلك اشيا كثيرة لا ندرك قيمتها
علمتنى الغربة كل حرف منها حرقة قلب مشتاق وحنين ... والم وعذاااااااب
الغربة كربة اذ صح التعبير و لكن فيها يتعلم الانسان المحال
علمتنى بان تحس بانك وحيد وسط الكل والكل يرغبك ولكن لمصلحته الخاصة

سرجك كتب:: علمتنى الغربة ان انظر الى الورد كام ضاقت نفسى و لكنها فى نفس الوقت علمتنى ان ابتعد عنه
علمتنى الغربة اننا نمتلك اشيا كثيرة لا ندرك قيمتها
علمتنى الغربة كل حرف منها حرقة قلب مشتاق وحنين ... والم وعذاااااااب
الغربة كربة اذ صح التعبير و لكن فيها يتعلم الانسان المحال
علمتنى بان تحس بانك وحيد وسط الكل والكل يرغبك ولكن لمصلحته الخاصة

شكرا على المرور ... وربنا يبعد الالم والعذاب انشاء الله

Admin كتب:: الموضوع ذو شجون يا ناندا
سنرجع لاحقا

وييييييييييييييييييييين يا ادمن ؟؟؟؟؟؟؟؟؟؟؟؟

من كتاب علمتنى غربتى ......... سامى الحرباوى :

علمتني غربتي أن أكثر السفر والترحال، وأن أجوب بلاد الله لا من أجل المتعة بل من أجل العبرة، ففي ترحالك وتنقلك بين البلاد تزويد لها بخبرات ما كنت لتحصل عليها وأنت بين أهلك، وفي ترحالك وسفرك تعويد لنفسك على تحمل المسؤولية واستقلا ٌ ل بذاتك، فغربتك ستذيقك من حلاوا ومرارا، وقد تكويك أحيانًا بنارها، ولكن في ذلك تهذيبًا لنفسك، وصقلا لها...
ستلتقي في سفرك بأناس من جنسيات مختلفة، ما كنت لتلتقيهم في بلدك، وستتعامل مع هؤلاء، وفي ذلك فرصٌة عظيمٌة لك للتكيف معهم، وتعّلم فن التعامل مع الناس على اختلاف ثقافاتهم ولغاتهم وأجناسهم، وذلك أمر ليس بسهل، فكثير من الناس يعجزون عن التفاهم والتعامل مع أناس من جنسيات مختلفة، بل إن بعضهم يخشى حتى المحاولة!!
في غربتك ستلتقي بشخصيات كثيرة، وستقيم علاقات جيدة، وستحصل على فرص عظيمة، وستكتسب خبرًة ما كنت أبدًا لتكتسبها لو لم تسافر...
سر في الأرض، وتعرف على ثقافات الأمم، وإياك أن تسخر من عادات بلد من البلدان، أو أن تتكبر عليهم تخبرهم أ ن عادات بلدك أفضل وأحسن، بل احترم عادات الشعوب كلها، فالله خلقنا شعوبًا وقبائ َ ل لنتعارف...

ناندا
امر الغربة ان تعيش غريب قي وطنك
فكل مغترب نهاية غربته العودة لارض الوطن وبذلك يطوي ملف العذاب
لكن الغريب في وطنه كيف ينهي غربته ؟؟؟؟
اتمنى ان يسع السودان جميع احلام ابناءه حتى لا نقاسي مرارة الغربة فاغتراب المغترب نار لا يتوقف لهب السنتها عنده فحسب بل تحرق كل من له صلة به من ام واب وولد وزوجة وصديق واخ واخت و ... و... و... واتمنى ان يعم الخير كل ربوع بلادنا وانفسنا حتى لا نكون غرباء في بلادنا ... غرباء بين اهلنا ... غرباء فيما بيننا ولكم المحبة الخالصة Rainbow

شكرا على مرورك الجميل

- تعلمت من الغربة أننا نملك أشياء كثيرة لكننا لا ندرك قيمتها إلا عند فقدانها أو الغياب عنها

- تعلمت من الغربة أماكن وأسر وأسماء لم أعرفها يومًا

-تعلمت من الغربة أن أكتم ألمي بداخلي وإن كانت ستفضحه عيوني عن جميع الناس

- تعلمت من الغربة معنى الصداقة الحقيقة من المزيفة

-تعلمت من الغربة كلمات ولهجات لم أعرفها يومًا خلال تنقلاتي

-تعلمت من الغربة بأن أحل مشاكلي بنفسي دون الرجوع لأحد

- تعلمت من الغربة معنى الصبر والتحمل

-تعلمت من الغربة أن...وأن ....الخ

هذا المقال كتبته فى مذكراتي بتاريخ 28/10/1998 وهي سنة اولى اغتراب فكتبت:
مغترب: هذه الكلمة الرنانة الحلوة التي تجذب الاف الفتيات السودانيات حينما يقال ان هذا الشخص مغترب كأنه ملك خاتم سليمان او الفانوس السحري حيث تتمنى كنوز قارون تجدها امامها ولكن!! ما هي حقيقة المغترب، المغترب انسان هاجر من وطنه لسبب واحد فقط وهو المال !! ولكن ماذا يجد امامه من عوارض ومشاكل يشيب لها رأس الفتى ، حيث الكفيل والاقامة والعمل و..و... وكذلك نجده مهموم بمشاكل اسرته فى المقام الاول حيث لا يمر يوم والا يتذكرهم وهو مصاب بضغط نفسي وعصبي واذا انفجر في اي لحظة فسيؤدي بيحياته0
وهذا يؤدي الى تجدد القناعة عند الشخص ان بلده مهما كانت صعب العيش فيها اهون له من هذه الغربة اللعينة التي تؤدي الى تحطيم الملكة الفكرية والثقافية وبل حتى الحالة الكوميدية تلاشت بفعل هذه الغربة0
وطني لو شغلت بالخد عنه *** نازعتني اليه فى الخلد نفسي
-----------------------------------
بلادي وان جارت على عزيزة ** واهلي وان ضنوا على كرام
-------------------------------------
ثلاثة يعز الصبر عند حلولها ويذهل عنها عقل اللبيب
خروج اضطرار من بلاد تحبها وفرقة اخوان وفقد حبيب
-------------------------------------
اللهم رد غربتنا ورجعتنا تامين سالمين وغاااااااااانمين يا رب