السماية كانت رائعة وناقصاكم بس

بالامس كانت العقيقة او السماية كما يحلو لنا وكانت جميلة جدا اجتمع فيها الاهل والاصدقاء وجميع السودانيين ببدر من رجال وحريم وقد اتي الينا من ينبع فوج كريم يضم الاخوان عبد العظيم حسن شلهوب وصالح محمد صالح واسامة شوية اما الاخ العبيد ابراهيم فقد تخلف بسبب الدوام وكذلك الشيخ/ فيصل بابكر واسرته من المفترض ان يكونوا ضمن الحضور ولكن لسفر الشيخ فيصل خارج المملكة فقد اعتذروا عن المجئ وقد كانت العزومة مندي مع الرز وهي الاكلة المشهورة فى السعودية وستشاهدوها بالصور0
طبعا الكل منتظر ان اذكر اسم المولود وكان اقتراح الاخ ابوبدر فى محله فقد سميته (بدر) نزولا لطلب الاخوة السعوديين ببدر ولانهم زعلوا المرة الماضية عندما سميت ناجي ولذلك سميته بدر وقد انبسط الجميع وحتى الوالد والوالدة ما قدروا يقولوا كلمة لانه معروف ود بدر شيخ ام ضوبان ولذلك كان الاسم مستحسنا للجميع0

الاخ عبد العظيم شلهوب وصالح محمد صالح واسامة شوية

بدر --- ربنا يكبره ويعلمه ويكون زخرا للوطن

وهذه صورة لابناء عبد العظيم ومعهم ابني ناجي

وصورة اخرى للاولاد بتجاه آخر

وصورة اخرى لناس يبنع

جانب منالحضور من الاخوة السودانيين

الجماعة ضاربين المندي والكبسة

وآرخين منهمكين فى الاكل والمندي سيد الموقف

اتكاء خفيفة بعد جهد مقدر وبحث فى الموبايل عن اسامي المعازيم للاتصال بهم

انشاء الله ربنا يديم الفرح وربنا يخلى ليك اولادك يا ادمن لكن وين سمايتنا نحن ناس المنتدى وانت ما كان ترسل صورة (المندى) ده قبل الفطور عشان نحن اسع دايرين نفطر فول وتقوم نيتنا تطلع منو !!!!!!!كان ترسلها قبل العشاء عشان الواحد يتخييل انو بياكل معاكم ويشبع فته
انشاء الله تنفعكم
بالمناسبة ياخى تحياتى لصالح محمد صالح الزول الرائع وبهنئه بالعيد السعيد طبعا صالح يا بساطى دفعة وصديق قديم وقول ليه ليه ما شايفنك معانا فى المنتدى

الاخ Admin

لك الود...
اولا نقول لكما انت والسيدة حرمكم (ابوناجي وابوبدر وام ناجي وبدر) مبروووووووووووك العقيقة
وان شاء الله ربنا يحفظكم واولادكم ونشوفكم في السودان .
كم كان هذا النقل رائعا بالصور لجوانب من حيثيات السماية خاصة مشاركة الاخوة معك تحياتي لهم
ولكل الجماعة في منطقة المدينة المنورة وبدر والكبسة دي اعادت لي ذكريات كثيرة فهنئا لكم وليحفظكم الله

ما رأيك في صحن الفول ادناه ؟

يا سلااااااااااااااام على صحن الفول ده يا ابوماسة ده يساوي خروف كبسة بحاله وشكرا على التهنئة الرقيقة

عامر ديمة ان شاء الله ديمة مرسى العابر
ومبروك المبروك جعله الله غرة عين لكما ولوطنه ودينه ثم اين الاخ عبد العظيم هذا والله مشتاق ليه ولصوته بلغه منى السلام ولمن حضر هذه العقيقه ورجاءا تلفون عبدالعظيم ( سواق ابو كرسه ) والف مبروك تكرارا

الحمد لله كانت السماية و ما قصرت بالمندي بس المفروض كومنا يجينا لحدي محلنا خصوصا المشاركين والأعضاء في هذا المنتدي ، لكن معليش نتعوضها إنشاء الله إذا جينا زايرين المدينة المنورة علي صاحبها أفضل الصلاة و التسليم ، بس ما شاء الله الولد وسيم جدا يشبه أهله العبدلاب و الدفعلاب ، مع خالص إعتذارنا للأهل آل بساطي إنشاء الله يتطلع ليكم ناجي !!

ماشائء الله ... ونعم الاسامي يا ادمن .. ومبروك مرة اخرى .. وسماية ما شاء الله ما ساهلة .. ربنا يحفظه ويرعاه

الف مبــــــــــــــــــــــــــــــــــــــروك يا ود بساطي مع انها جات متاخره اوي
والجماعه ضاربين المندي ايييييييييييييييييييييييييييييييييييييييييييييييييييييي

شتتتتتتتتتتتتتتتتتتتتتتتتتتتتتتتتتتتره
تكبر وتروح المدرسه وتصاحب شله كويسه

يا اخوي مندي شية فراخ كلو بالهنا وينفعكم

لكن بصراحة حقنا ما بنخليهو

يجينا بي لوي بي طيارة بي ركشة كارو

المهم حقنا يصل

ومنتظرين لي عيد الاضحي

ألف مبروك أبوناجي و ألف مبروك أم ناجي على العقيقة و قبلها على المولود الذي أدعو الله ان يجعله من الصالحين، و الاسم فعلاً في منتهى الروعه ربنا يحفظه ليكم و إن شاء الله تشوف ذريته يا أبو ناجي،
و الله يا أبوناجي ثقافتك بقت مندية الحاصل شوية وين الخروف؟؟؟
وين الشية ؟؟؟؟
وين المرارة؟؟؟؟
و الله السعودية دي عملتها فيكم الله يعينكم،،
والله إحنا هنا كان كرامة رخصة أو سيارة أو غيروه ما بنقبل أقل من رحلة بخروفها و الشية بتكون مدورة.
مشتااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااقين.