حلم X حلم (طماطم) X (طماطم)

من بداية موسم الزراعة وقبيل التجهيزات وما ان تسمع كلمه طماطم حتى يتبادر للذهن السوق المركزى ، وسوق المسيد والشية واللحوم بكل انواعها وتضرب اخماس فى اسداس واكيد تطلع بعربة بوكس او عشرة ابقار ولا يمكن ارض بمساحة 1000 متر م وكمان ناصية واقلها عرسة محترمة لو ما معرس كل هذه المشاريع تبداء وانت راكب من الخرطوم للمسيد وقبال تصل المسعودية يكون اولادك كبرو وقرو الجامعه واسع راكبين معاك فى نفس الحافلة طبعا بعد تصل المسيد وتستقل البكاسى المظللة وتتجه صوب مدينة الاحلام الجهنمية يبداء البوكسى بالرقص وحت الجيرك والنبق النبق وتتلخبط احلامك بعد ما كانت مرصوصة بانتظام فى الزلط (اللهم اتمم مشروع الزلط ) اللهم انا لانسالك رد القضاء ولكن نسالك اللطف فيه ، اللهم اللطف بنا ويسر لنا مشروع زلط السريحة _ ويجى شهر واحد ونرتاح من الشارع الحفلة ده !!! مرات تخطط لزراعة جزء شطة وجزء طماطم وجزء كبكى لكن لامن تجيك هزة عنيفة تكبهم التلاتة فى حفرة واحدة ياساتر وتكون جاءتك( قطائع )
أها اجماعة النرجع للحلم السراب بتاع قبيل داك طبعا انت هناك بعيد بحكم الموقع سواء اكان بالخرطوم او ببلاد البترودولار عامل فيها ممؤل وراعى رسمى زى الوالى او الارباب وهناك فى ميدان الاحلام معاك شريك (مدرب ) زى كروجر او ريكاردو زمان ويكون من زوى الخبرة الطويلة والكفاءة العالية فى مط الاحلام وبث روح الامل وبدل ما يركبك عربية يركبك التونسية فهو يمدك ببشريات وامل طوال طول يوم السبت وانت تمده بالمصاريف لزوم السماد والمبيدات وتحفيز اللعيبة والمدرب نفسه المهم تشيل وترسل فى الضحاكات واكيد انت فى نهاية المطاف حا تضحك يا تضحك مبسوط يا تضحك برااااااااااااااااااااااااااااااك وده البخوف
اها وصلنا (قدح الحنة) وفى العين بريق الامل وفى البال ام العيال القروء واتخرجو وفى اليد حكة القروش البعرفوها الناس اظنها وبعد ما تصل البيت تطلع من جلد الدبيب لزوم التدريب على رجل الاعمال زوى البطون الكبيرة الذين لايرون تحت اقدامهم وتخش فى عراقى وسروال سهلة ومهلة و مركوب قديم من تحت الدولاب
ولامن تصحى من احلامك تلقى الطماطم مفروشة قدامك وعلى حافة الطريق يمين وشمال من بعيد تتخيل انهم فارشين ليك الطريق ورود لكن رويدا رويدا تتضح الحقيقة المرة وتتوجس خيفة اللهم اجعله خير وتدخل بالرجل اليمين بسم الله (هبشك الما ضراك) وفجاءة تلقى الطماطم كلها طريحة الفراش بسبب( العسلة) او( الكلفته)وهذه الاخيرة للذين لايعرفونها هى مرض يمنع الخضار من النمو والتقدم سنتمر واحد (مكانك سر) واقل ما يمكننى وصفه بها قول الشاعر عنترة واصفا امه تقريبا (الساق ساق نعامة ... والشعر منها مثل حب الفلفل
والشعراقصد به الاوراق حمى الله طماطمكم واحلامكم شر الكلفته هذه
المهم بعد ماتكون بلعت ريقك ونشف عديييييييييييييل كده وبقى حجر الزلط شن بقيسو يجيك عمك نظرية ويقول ليك هاردلك ويهرد ليك مصارينك وبكل جراءة يقول لكن استفدنا خبرة واحتكاك وكم (حكاكة) يكون اسنانك جاءتها( اصتكاك) وخشمك جاءهو (ارتباك) تلملم باقى قدرتك الباقية وتقول ليه الحمدلله على كل حال والبركة فى الدورى المحلى اقلعها وازرعها (كسبرة)ولا حبوب بندول مش دى برضو حبوب !!!!
والى ان التقيكم فى حلم اخر استودعكم الله وعفوا ان اطلت فى السرد

يا ود عجيب اقل حاجة (بعد احلامك الطلعت منها بقد المسيد اقصد قد القفة ) اقل حاجة بتكون رسمت بسمة على شفاه "غبشة "و عملت انفراج في ازمة اللحمة واسعدت كمية كبيرة من الاسر ويا حلاة كوم الطماطم ( الهوبلي زبون ما يجلي ) 1000 جنيه توقف القفة نار شرق وكم قرون شطة خضراء وزيت سمسم من دكان القاسم وحبة جبنة من حسين (ولا موية جبنة في حال انعدام وزن الجيب )وواحد خبير زي حلاتي يصنع ليك توليفة من المواد دي يعصر فيها خلاصة تجاربة الغذائية ويطلع ليك "فتة " ما حصل سمعت بيها وتنافس ارقى بيوتات الماكولات الغربية ... تعرف الذ حاجة في الطماطم البلي ... ياخي من شدة ريدتي للبلي بتمنى ان كل " لقطة" يطلع لي منها 3 صفايح بلي ... وما مهم لو الجيب " حتا بلي " بس مهم شوفة المسيد المحطة وختة الليد برة البوكسي وده في حد زاتو تحقيق لاحلام الصبينة .
ربنا يحقق احلامك والجاتك في طماطمك سامحتكRainbow

اولا لك الشكر الرينبو على المرور والتعليق اما فيما يتعلق (بالبلى) ما تخاف راقد والله الا تلعب بيه بس هى الطماطم زاتها السمحة وسفرية الصفيحة با اربعة جنيه بس ولك ان تقترح كيفما تشاء فالمواد كثيرة جدا بس ربنا يجيبك سالم وغاااااااااااااااااااااااااانم لاهلك الطيبين وانا شايف الاخ الادمن شغال فى انهيار النظام المصرفى وكده والله نحن غير الجوز بكم الايام دى ما عارفين انهار ولا فقد اعصابه تجى راجع تلقى العصيدة جاهزة وبطماطم مخلوطة وقدحة توم وشطة خضراء والبيان انتهى على العموم لك التحية وللاخ الادمن كذلك مليون تحية وربنا يعافى النظام المصرفى ويطلعو من مستشفى المجانين ويرجع زى ما كان !! اسالك سوال ؟؟ ممكن !! اهو كان وين ؟؟؟؟؟؟؟؟؟؟؟؟؟؟؟؟ معانا ولا مع الخيانة !!!!!!!!!!! انا طبعا اقصد النظام المصرفى وهو قال بعرفنا !!!

اقتباس :: من بداية موسم الزراعة وقبيل التجهيزات وما ان تسمع كلمه طماطم حتى يتبادر للذهن السوق المركزى ، وسوق المسيد والشية واللحوم بكل انواعها وتضرب اخماس فى اسداس واكيد تطلع بعربة بوكس او عشرة ابقار ولا يمكن ارض بمساحة 1000 متر م وكمان ناصية واقلها عرسة محترمة لو ما معرس كل هذه المشاريع تبداء وانت راكب من الخرطوم للمسيد وقبال تصل المسعودية يكون اولادك كبرو وقرو الجامعه واسع راكبين معاك فى نفس الحافلة طبعا بعد تصل المسيد وتستقل البكاسى المظللة وتتجه صوب مدينة الاحلام الجهنمية يبداء البوكسى بالرقص وحت الجيرك والنبق النبق وتتلخبط احلامك بعد ما كانت مرصوصة بانتظام فى الزلط (اللهم اتمم مشروع الزلط ) اللهم انا لانسالك رد القضاء ولكن نسالك اللطف فيه ، اللهم اللطف بنا ويسر لنا مشروع زلط السريحة _ ويجى شهر واحد ونرتاح من الشارع الحفلة ده !!! مرات تخطط لزراعة جزء شطة وجزء طماطم وجزء كبكى لكن لامن تجيك هزة عنيفة تكبهم التلاتة فى حفرة واحدة ياساتر وتكون جاءتك( قطائع )

المانجلك (ودعجيب) المحترم
لك الود

كعادتك في السرد الجميل فقد وصفتك مرة انك تملك ناصية البيان وهانذا استمتع الان بما تكتبه عن موضوع الطماطم او الحلم السراب وانا معجب بمخيلتك الخلاقة وهذا يدل علي الاطلاع الواسع والحمد لله غير ان الموضوع يثير عندي رؤئ بزوايا اخري . في البدء نحن نؤمن بأن الله هو الرزاق (يبسط الرزق لمن يشاء) ...واقول لماذا تتبخر احلامنا في السودان؟
الزراعة امرها عجب !!!!!!!!!!!!!!!
العالم الان يعاني من (فجوة) غذائية وأسعار السلع الغذائية في ارتفاع مضطرد ومنطق الاشياء يقول بأن المنتج الزراعي (المزارع) يجب أن يكون في أحسن حال ولعل هذا هو حال المزارعين في معظم ارجاء الكون ... الاعندنا هنا الاتتفق معي؟ فلماذا؟؟؟؟؟؟؟؟؟؟؟؟؟
اقول ان جهد المزارع مسروق من عدة جهات والخصها في الاتي:-
1- سماسرة الاسواق المركزيه وغير المركزية فانا لا اتصور ان اقوم بفلاحة الارض واستزراعها ورعايتها لفترات قد تطول وتقصر ساكبا عرقي وجهدي مؤملا في ان اري خيرات ارضي حتي اذا جاء وقت الحصاد اكون تحت رحمة هؤلاء السماسرة فمن يحمي المنتج الزراعي من هذا التغول الشرس؟؟؟؟؟؟؟؟؟؟؟؟؟؟؟
2-عدم انتظام الري وتعرض المزروعات للعطش او الغرق احيانا.
3-لاتوجد حماية من الدولة للذين يستصلحون ويعمرون الارض فهؤلاء هم المنتجون الحقيقيون الذين يجب ان يعول عليهم بلد زراعي كالسودان فأين الحماية؟؟؟؟؟؟؟؟؟؟؟؟؟؟
4-الارشاد الزراعي مازال دوره ضعيفا فانا لا أري اي دورات تدريبية تعقد للمزارعين كما هو متبع في معظم بلدان العالم التي تعول علي الزراعة وما مصر ببعيدة فلماذا؟؟؟
5-لا توجد اجسام اوهيئات نقابية حقيقية للزراع اما اتحاد المزارعين فهو اتحاد ميت ولم نسمع له رأيا يصب في صالح من يفترض ان يدافع عن قضاياهم الحيوية جدا!!!!!!!!!!!
الاخ المانجلك هذه بعض الرؤي التي اثارها موضوعك الشيق (الحلم والطماطم) وكثيرا ماسمعنا مناديا يقول (الطماطم ... يامواطن) وهو يروج للطماطم في احياء المدن فلا شك أن هنالك علاقة حميمة بين الطماطم والمواطنة وليفسرها كل فرد بطريقته..
اقول لك يامانجلك لقد اتحفتنا بهذه الاخيلة الروعة وأرجو ان تستمر في كتاباتك الشيقة والي ان التقيك مرة أخري اقول..... فليبقي الحلم متوهجا وقادة جذوته وليحيا زارع الطماطم ولتحيا (الطماطم برغم الملاطم).
لك الود

طماطم بالدكوة
طمامطم صلطة
طماطم لاح
طماطم صلصة ناشفة
طماطم بزيت السمسم
عصير طماطم
هذه كلها استعمالات للطماطم وهي استعمالات يدوية ما محتاجة لاجهزة ومصانع ولكن برضو هناك فائض كبير يفقد بسبب عدم وجود مصانع وعدم وجود مواد حافظة فمثلا لو كان هناك مصنع لصلصة الطماطم بالسريحة فكيف كان يكون الحال هل سيكون هناك مزارع يتباكي على نزول الاسعار والهوبلي قرش يدلي ؟؟

ابوبدر كتب:: طماطم بالدكوة
طمامطم صلطة
طماطم لاح
طماطم صلصة ناشفة
طماطم بزيت السمسم
عصير طماطم
هذه كلها استعمالات للطماطم وهي استعمالات يدوية ما محتاجة لاجهزة ومصانع ولكن برضو هناك فائض كبير يفقد بسبب عدم وجود مصانع وعدم وجود مواد حافظة فمثلا لو كان هناك مصنع لصلصة الطماطم بالسريحة فكيف كان يكون الحال هل سيكون هناك مزارع يتباكي على نزول الاسعار والهوبلي قرش يدلي ؟؟

الاخ ابوبدر سلام الله عليك
اؤيدك في ماذهبت اليه من قيام مصانع للصلصة وغيرها من الخضروات والفاكهة حتي تستقيم مسيرة الانتاج الزراعي فالسودان مازال متخلفا في مجال التصنيع الزراعي وطبعا شئ مؤسف برغم الضجة والزوبعة الاعلامية عن الاستثمارات الضخمة والتي لا تصب في خانة الاستثمار الحقيقي لبلد زراعي كالسودان فهو في معظمه استثمار في مجال الخدمات من اتصالات ونقل وبشكل اكبر مما يحتاجه البلد لانه بالطبع سريع العائد وقليل المخاطر ودورته قصيرة . فأين التصنيع الزراعي الذي يستوعب انتاج المزارع وحفزه لمزيد من الانتاج ويستوعب الاف الايدي العاملة ويهزم بطالة الخريجين وغيرهم من العمال المهرة وحتي غير المهرة ويحرك عجلة الحياة بحق وحقيقة خاصة اذا ماعلمنا ان معظم اهل السودان يعملون في مجال الزراعة والرعي .
الاخ ابوبدر انه لشئ يحز في النفس ان تري (صلصة البستان المعلبة والمصنعة في تركيا وصلصات مصنعة في بلدان اخري) تملأ الاسواق بل الترويج لها اصبح ثقافة لدي ربات البيوت خصوصا في مواسم الندرة ... هنالك امثلة كثيرة لتقاعسنا عن الاهتمام بمنتوجاتنا الزراعية وغيرها فلك ان تتصور ان معظم القطن الطبي والشاش يأتي من الصين ومصر (ونحن في مدني) وبركات علي مرمي حجر حيث توجد رئاسة مشروع لزراعة القطن طويل التيلة (فلا نري تيلة ولا فتيلة) هذا المشروع معلوم عنه انه من اكبر المشاريع في العالم التي تروي بالري الانسيابي وينتج اجود انواع المنتجات الزراعية من قطن وخضر وذرة وقمح وغيرها ولكن ولكن ولكن ....
الحديث يطول ...وله بقية انشاء الله
تقبل ودي واحترامي والي لقاء آخر استودعك الله .

كل ما كتب جميل و في محلو ، ويعجبني جدا تحليل الدكتور للمواضيع ، فهو دقيق و علمي بشكل متناهي ماشاء الله ، واللي عايز تكتبوا و في بالك تجده مضمن في ثنايا كلامه متعك الله بالعافية يا دكتور ، وما نملك إلا أن نقول ربنا يصلح حال البلد و أهل البلد، والناس ترجع لربها في كل شيء ، والله وحده هو المنجي من كل شر بلاء و فتنة ، وربنا يكفينا شر الغلاء و الوباء والمحن و الفتن ما ظهر منها و ما بطن ، آآآآآمييييييييين !

يا ابو بدر وابو ميسا ممكن نوقف مشروع الحلم الفسيح ده شوية " اعني مشروع المصانع " زماااان درسونا وقالو لو عايزين تحقيق انتشار اوسع للسلع والمنتجات فلابد ثم لابد من " ربط مناطق الانتاج بمناطق التوزيع فالعلاقة بين الربطة دي ونجاح احلامنا زي العلاقة بين الشتلة والارض ... يا اخوانا كتيير من المزراعين " وانا منهم " بيبيعو منتوجاتهم في "التقنت ولا قدام ابعشرين" يعني لا مسيد ولا مركزي !!! بصراحة احيانا معانا حق لانو لحدي ما تصل الطماطم المنطقة التسويقة المنشودة نكون دفعنا دم قلبنا ويا دوبك البفضل لينا يكفي صحن بوش وحبة شية ده لو الطماطم وصلت سليمة ... انا اقترح ان يكون هنالك مصنع في زلط التي ولا اللعوتة لانو صاحب المصنع حتصلو الطماطم " راقدة سلطة " وبالتالي حيوفر حق " العجن والطحن " وده في حد زاتو بينعكس ايجابا على الاسعار وبالتالي حنرفع شعار صلصة بدلنا ولا شحتفة المركزي والسبابة
والقاكم في موسم ملان حنية وشتلاتو مروية وعرباتتو بعيدة عن قنصات الشرطة المرورية Rainbow

بالمناسة هناك عصير طلع جديد اسمه عصير طماطم وهو كباقي العصائر كعصير المانجو والبرتقال وغيره ، فهذه فاتحة خير على اهلنا وممكن يعملوا عصير طماطم فى المناسبات واستقبال الضيوف وممكن ايام الرخصة دي الواحد يجيب ليه صفيحة طماطم ويعملها عصير ويضعها فى التلاجة فبذلك يكون قد وضع احتياطي لمدة شهر كامل فى ااستقبال ضيوفه وبذلك نكون قد حاربنا البيبسي والكولا ومنعنا من اسرائيل هذا الدعم السخي0

ماشاء الله انا شايف كمية من الاقلام التى يعجبنى انا اقراء لها فاضت واستفاضت فى احلامى الغبشاء دى لامن عملو منها مصانع والله العظيم احترت ارد لمين ولا لمين ولكنى سارد بقدر المستطاع
ابوماســـــــــــــــــــــــــــة
تحية تسابق تحية وقبلها الف شكر عل المرور حقيقة اقتراحاتك خلتنى تانى اعيش فى الاحلام وارجع واتغطى وانوم فى العسل عشان احلم بان هناك سوف تكون مصانع للصلصة جنب( الصراية ) لانها قريبة من الشارع بتاع الزلط الورانى عشان الرينبو ما يلقى حجة ويصحينا من احلامنا دى اها الزلط وجاء وتانى ما تصحينى الا للصلاة يا رينبو وخلينا ننوم النومة( بتريحو ) وعشان الطماطم البلى الهوبلى الزبون ما بجلى تبقى غالية والطماطم غير السفرية تسافر من السريحة فى علبة مكتوبة عليها صنع فى السريحة خالية من اى مواد اضافية
اسع نحن عائزين نقطع صلصة (الجافة) لكن العمال عاملين تقلية (ما فاضين ) لانو عندهم الاهم وهو (لقيط) الطماطم وكده لانو مجزى وفى النهاية العامل بيطلع بصفيحة سالمة وصفيحة صلصة مالو ومال (قطيع الصلصة) الحار
اتذكر ذات حلم فى التسعينات كنت زرعت طماطم وشرعت اخطط ولكن اول منقصات الحلم واول مقلب كان التيراب (بلدى) وحبة الطماطم كبيييييييييييييييييييرة وبعدين لينة ما بتسحمل اى شئ المغصة شقتنى وحلفت تانى ما اديها اى (ملح) يوريا لانها هى كده( باااااااااااااااائظة) قمت قطعتها صلصة (جافة) لزوم تعبئتها فى شوالات للبيع فى السوق ولكن حصل امر الله وجاءت مطرة ما عارف الجابها شنو فى الوقت داك !!!!!!!!!
سبحان الله !!! المهم قدر الله ماشاء فعل قامت صلصتى (سودت ) اى مال لونها للسواد وطبعا ده عيب ينقص من سعرها المهم بالكاد حليت الخساااااااااااااااارة ولكن المحمدة فى انه لم اتعرض للنهب والسلب فى الطريق المسلفت (ان الله اداك صلصة خلق الله ما بتخليك )
دى صلصة ياجماااااااااااااااااااااااااعة اقتراح فى محلو وانا اسع فرحــــــــــــــــــــــــــــــــــــــــــــــــــــان بالجد كده كانو المصنع اكتمل وبقى جاهز واسع فى التشطيب لكن هو الحلم بقروووووووووووووش وهو نحن حلمنا طلعنا الفضاء ولا قدينا ابرة ولا علمنا روبوت
اصبرو شوية وانا حا اعمل ليكم تصور للمشروع ودراسة جدوى شاملة كاملة من الارضية وحتى المباع من تكاليف الارض والمبنى والاليات وكهرباء وعربات النقل والادارة والتكيف والاجلاس والحواسيب ومصروفات التغليف والتعبئة ومصاريف عمالة ورواتب ومتطلبات اخرى وحتى الارباح انشاء الله اها رائكم شنو فى( الفياقة والروقة ) دى فقط فى انتظار الموول والوالى رئيس طوالى !!!!!!!!!!!!!!!!!
ابوبـــــــــــــــــــــــــــــــــــــــــــــــدر مشكوووووووووووووووووور على المرور الجميل وانا شايفك اديتنى خيارات كتيرة كانت بعيدة من البال سا استعملها فى حال فشل مشروع مصنع السريحة لتعليب الخضر والفواكه
الاخ هشــــــــــــــــــــــــــــــــــــــــام جزاك الله خير وبارك الله فيك وحقيقة الدكتور ما خلى شى نقولو تانى وربنا يصلح حال البلد اللهم امـــــــــــــــــــــــــــــين يارب العالمين
ويارينــــــــــــــــــــــــــــــــــــــــــــو يا رائع ليه نوقف مشرع الحلم الصلطة ده ؟؟ طالما انه صلطة !!!!!!!!خلينا نتصلص ونتسلط من (السلطة) بالفتح وليس بالضم كفانا الله شر التسلط وانشاء الله الزلط قرب جدا قاب قوسين او ادنى وده طبعا ما حلم لانو خلاص نزل لارض الواقع وزى ما ارتبطت الشتلة بالارض سترتبط باذنه تعالى مناطق الانتاج بمناطق التوزيع اها تانى فى شنو ؟؟؟ وكل اول ليه اخر ومهما طال الليل لابد من الفجر ولن ندفع نقطة دم وااااااااااااااااحدة اللهم الا يشيلها منك الباعوض وده كمااااااااااان موضوع تانى ساتعرض له فى وقت اخر انشاء الله
الامـــــــــــــــــــــــــــــــــــــــــــــــن العزيز لك التحية وانت تضيف لنا مشروبا اخر اقصد مشروعا اخر وهذا المشروب ايضا سيكون ايضا اضافة حقيقة للموارد ارجو ان يكون حقا من الطماطم وزى ما عندنا مشروب (مازا) كانت هناك اشاعات انه من (القرع) ولكن طلعت اشاعة ساى هو القرع قالو ليكم هين ولا لين ده (قرع ود العباس ) مش فول ود العباس
ولكم جميعا تحياتى واشواقى وارجو ان اكون قد اطلت عليكم (ااااااااااااااااااااى قاصد)
والى ان التقيكم فى نقة قادمة باعوضة واحدة ما تقرصكم

انت يا الادمن ود عجيب ده الطماطم طارت ليهو في راسو ولا شنو؟؟؟ لون الخط احمر والكلام كتييير كترة الطماطم في اليومين دي و احمر دم من المغايس وتفرتق الاحلام Rainbow

فوائد الطماطم يارينبو
* غنى بالفايتامين والاملاح المعدنية
* تفيد فى علاج امراض النقرس والتعفنات المعوية
* تقاوم عسر الهضم وحموضةى المعدة الزائدة
*تكافح الامساك وتساعد على طرد الفضلات الى الخارج
* عصير الطاطم يساعد على هضم الاطعمة النشوية واللحوم
* تقاوم التهاب المفاصل وحصيات الكلى وحصيات المثانة
*تفيد فى علاج تقرن الجلد (تراكم طبقات الجلد السطحية بعضها فوق بعض )
* سهل الامتصاص وتعدل حموضة الدم
*يمكن تناول الطماطم نيئة او مطبوخة اوعلى شكل عصير

اها رائك ارينبو دحين بعد ده كلو مش الجوز با اربعة جنية يجنن انا اقترح حقو اى زول يشيل معاها النشرة ده ويعلقها على الصفائح ولا رئك شنو ؟؟؟؟؟؟؟؟ وبرضو تقول طايرة لى البخليها ما تطير لى شنو؟؟ ياخى احل خسارتى اول حاجة وتانى انشاء تطير ولا تقلب الهوبة
الكلام اعلاه ياجماعة ليس دعابة ده شى حقيقى واسالو دكاترة المنتدى

طيب يا جماعة ...دي فوائد الطماطم
فهل يصح ونفعها باين ياشبابنا نبيعها ونقعد نعاين
اقترح تفتح ليك صيدلية " طماطم" مكان دكان عمك السيد وانا اضمن ليك نجاحها المركتز على عوامل عدة منها بحكم موقعها المميز:
1 - فهي قبالة المستشفى
2 - لانها تقع في مدخل مناطق الانتاج
3 - اغلب زوار السريحة من القري المجاورة لنا من تلك الناحية
4 - قريبة من ميدان النيل " اي زول بتجيهو حالات هياج من الكورة بيجيك على طول
واقترح تسميتها " صيدلية دلع نفسك واتهنا ... في الطماطم كل ما تتمنى"
ما تنسانا من حقوق الملكية الفكرية ان شاء الله حتى لو وصفة تودر الفلس اقصد الزهج Rainbow

انا البندورة الحمراء
مزروعة بين الشجرة
تاكل منها لا تشبع
وتصير خدودك حمراء
وتصير خدودك حمراء
هذه اغنية تذاع فى اليوم مائة مرة فى قناة طيور الجنة وطبعا ناجي حاكمنا حكم ابتكو ويا ويلو لو احد غير القناة وتلقائيا حفظنا كل الاناشيد ومنها انشودة البندورة وانا بهديها للاخ رينبو نيابة عن ناجي .. وبالمناسبة قناة طيور الجنة وهي قناة اردنيية وهى ممتازة جدا جدا للاطفال وانصح اي رب اسرة ان يجعل ابنائيه يتابعونها وهي فيها اطفال فلتة ما شاء الله عليهم ينشدوا ويخطبوا ويغنوا ويذيعوا اخبار ( اخبار الدار) وهي دائما عبارة عن خناقات بين والدهم ووالدتهم0وهي تدرب الاطقال وتعودهم على الكلام بطلاقة وحفظ الاناشيد والتقليد وما شابه ذلك غايتو كان لها اثر كبير على ناجي0

اقتباس :: ويذيعوا اخبار ( اخبار الدار) وهي دائما عبارة عن خناقات بين والدهم ووالدتهم0وهي تدرب الاطقال وتعودهم على الكلام بطلاقة وحفظ الاناشيد والتقليد وما شابه ذلك غايتو كان لها اثر كبير على ناجي

0

إنشاء الله ناجي طلع بيعرف يتكلم زيهم ، أخاف تصيبه النعره الكمامية في الحياء و عدم طلاقة اللسان ، لكن يا أخوي أحسن يجيك زي الكمامة لأنو الحياء من الإيمان كما قال المصطفي صلي الله عليه و سلم !! ولا رأيك شنو ؟

هلا بابو عبد الرحمن
نحن لو باراداتنا نرضي جميع الاطراف وياريت يشيل الحياء من الكمامة والشجاعة والفروسية من جده بساطي ويشيل الاصرار والعزيمة والتدين من المانجلك الكبير

Admin كتب:: هلا بابو عبد الرحمن
نحن لو باراداتنا نرضي جميع الاطراف وياريت يشيل الحياء من الكمامة والشجاعة والفروسية من جده بساطي ويشيل الاصرار والعزيمة والتدين من المانجلك الكبير

زي كده ؟ :D :D :D :D :D :D :D :D :D :D

url=https://servimg.com/view/13046552/46] حلم X حلم (طماطم) X (طماطم) Crying10

[/url][/quote]

[right]هسه يا ابو ماسة انا تانى باكل لى طماطم ؟[/right]

الاخت /ناندا
ابداع فى غاية الروعه
شتتتتتتتتتتره
بختك يا ود عجيب الحكايه جابت ليها سباح من اولمبيات بكين
فقدابى

اقتباس :: هسه يا ابو ماسة انا تانى باكل لى طماطم ؟

ليه ياناندا ..................... كفي الله الشر
أنا احسست بتوجع المانجلك (ودعجيب) وتبخر حلمه ولذلك اتيت بصورة هذه الطماطم التي تتأوه .... معليش خلي روحك رياضية واسف اذا اوحت لك صورة الطماطم بأخيلة أخري .... طيب رأيك شنو في صورة الطماطم ادناه:-