العطالــــــه النافعـــــــه

[color=blue]كدي حقوالليله يا جماعه نناقش الازمه الماليه العالميه ولا شنوقالها( محمد خريج اقتصاد) بصوت فاتر رد عليه عثمان(خريج علوم سياسيه) بعد ان جر نفس عميقنا من سيجارته: ماليه وعالميه شنو ما تخلينه في محليتنا دي ونتكلم عن قسمت الثروه والسلطه بين الشريكين. قاطعهم صوتا مالوف لديهم قفز الي ساحه الحوار لقد كان صوت عمك عمر بادرهم قايلن لهم Sad

بدل ما تتكلموا في امور حلتكم دي معدنها لي نيفاشا والازمه العالميه ولا صحن الفته ومويه الجبنه ومويه الفول دي اسرت فيكم ولقيتو الشجره البارده دي وصناديق البارد وقعتوتنظرو في الاقتصاد والسمنه والسلطه).
قاطعه النعيم (خريج مختبرات طبيه)نعمل شنو يا حاج عمر ؟ تعملو شنو عليك الله دا سوال تاسلو هسع عاجبكم الوضع دا يعني الواحد من الصباح همو كلو 50الفته 10 السيجاره ما تعملوا ليكم مشروع مشروعين تنفعوا بيهن الحله دي بد ل العطال والكسير في الضلله. خرج عليهم صوت ابح شوف يا عم نحن والله في شجرتنا دي ما عاجبنا الوضع وعندنا الافكار بس ما لاقين البقيف معانا كان ذلك صوت (خالد خريج حاسوب) رد عليه عمك عمر بعد ان اعتدل في قعدته وتناول كميه لا يستهان بها من التمباك: (بتفكرو في شنو ؟)رد النعيم بصوت الواثق من افكاره ( شوف النوريك اولا نحن دايرين نلم الشباب ديل كلهم تحت منظومه واحده هي شباب السريحه ونعمل ليهم تنوير بالحاصل والوضع الحالي للحله وبعد نكسب التايد وتكون عندنا قاعده جماهيريه واسعه اي مشروع ما اظن يقيف قدامنا) قبل ان يكمل كلامه دخل عليهم حاج موسي بعد ان رجع من الحواشه للتو بادر عمك عمر بسوال ( الليله البقعدك يا حاج عمر مع الشباب المطاميس ديل ظنيتو موضوع ما هين عليك الله شوف الجنا دا واشار الي طه(خريج هندسه ميكانيكا) شوف شعرو دا كتير كيف بتمسو شنو (باسطه)ولا شنو رد طه يا حاج موسي ما اسمو(باسطه اسمو الراستا ) كدي خلونا في موضوعنا المهم نحن دايرن منكم يا حاج موسي وحاج عمر تقيفو معانا في المشاريع الدايرين نعملا رد حاج عمر( طلق معاكم بس نعرف انتو دايرن تعملو شنو ؟) رد محمد نحن عندنا مشاريع كتيره للتطوير الحله ساله حاج عمر(.كدي قول لي مشروع واحد.)
اقول ليك لي ما اقول ليك ااااااا في ذات اللحظه التي اراد فيها الشباب انا يطرحوا افكارهم خرج عليهم عثمان الموذن بصوته الجميل معلنن عن صلاه الظهر ........................... وبعد ان انتهاء الاذان اتفقو ا علي العوده بعد الصلاه مباشره للمناقشه المشاريع .

وللموضوع بقيــــــــــــــــــــــــــــــــــــــــــــــــــــه فقـــــــــــــــــــــــــــــــــــــــــــــــــــــــط
تابعوا الحلقـــــــــــــــــــــــــــــــــــــــــــــــــــــــه القادمــــــــــــــــــــــــــــــــــــــــــــــــــــــــه

شتتتتتتتتتتتتتتتتتتتتتتتتتتتتتتره
قالوا العلم ممحوق اخر الزمن ودو الولد للسوق الا القرش خلاك خاوي الكرش والراس[/color]

واصل وما تتاخر يا واثق اديك العافيه

بعد انتهاء الصلاة مباشرة ذهب الجميع الى منزل عثمان والذي قام بالضيافة من شاي مغرب وزلابية وقعدة جميلة فى الحوش ولكن طنين البعوض ولسعاته الموجعة قد خربت عليهم الجلسة الاريحية فانقلب الموضوع راسا على عقب فى كيفية التخلص من البعوض وكف الناس شر الملاريا اللعينة
عثمان : يا جماعة ما ممكن دي باعوضة ولا ضبانة شوفوها كبيرة كيف
احمد : طبعا ما كلوا من دمنا لكن خليها اصلو دمنا غير موية الفول وموية الجبنة ما فيه حاجة
طه : عشان كده خلوها تمشي الخرطوم تشرب دم جداد الوالي وشية قندهار
عثمان مرة اخرى : يا جماعة كدي خلونا من تنظيركم ده شوفوا لينا حل للبعوضة دي
االنعيم : تعرفوا يا شباب كيف الصين قضت على الذباب فى فترة من الفترات امرت كل فرد من سكانها قتل 5 ذبابات فقط 000 اضرب 5 × 2 مليار ... اييييييييييييييييك0000 ديل اتلقي الضبان ما حاق فيهم 00 اه يا جماعة ايه رايكم نطبق نظرية الصينين فى قتل الذباب
طه : يا النعيم انت داقس ولا مهوي ياخي ديل الصينين داير تقارنة معاهم وبعدين نحن كم وهم كم وبعدين البعوض ده زاتو الموا فيهوا وين؟؟
عثمان : مستلم الجلسة بحكم الشاي واللقيمات والقعدة فى حوشهم قال انه يقترح ان يتداول هذا الموضوع فى المنتدى وتطرح افكار وخصوصا انه سمع ان رابطة ابناء السريحة بالسعودية قد جمعوا مبلغ من المال لهذا المشروع الحيوي0000000
يالله يا الواثق كمل 0000 ايه رايك ما ده الكلام العاوز تكمل بيه قصة البؤساء

شترررررررررررررررررررة
سهرنا الليل وكملناه فى ظلال عينيك النعسانة