قالو قالو على شقى ومجنون

الشقى وما ادراك ما الشقى من هو الشقى ؟؟ وماهو الشقاء ؟؟ اعوذ بالله من الشقاء والبلاء امييييييييييييين يارب العالمين
هناك شعراء كثر اكثرو من وصف انفسهم بالشقاء ولكن شاعرنا اليوم ما خلى حاجة وله اغنية تغنى لليوم وباصوات شبابية وهى رائعة تعجبنى كثيرا وقد غناها الفنان سيف السريحة بصوت جميل جدا ولكن الاحلى عند نانسى عجاج لكن ناقصة بعض الشى اليكم هذه القصيدة

قالو قالوا على شقي ومجنون
صحيح مجنون انتو جنوني ياحلوين
******
انتو لقلبي زاد عمره
وليه المنّ والسلوى
جنوني عيون
عيون لو شافها عطشان السنين يروى
ليه ما اجن
الليل البشيل الناس
بشيلو هموم
أقاسى مرارة الوحدة
وأغالب لوعة المحروم
بتعذب سنين ما ضقت طعم النوم
صحيح شقي ومجنون
******
كثير امثالى من هجر الحبيب جنو
إن شاء الله اجن وأزيد في الجن
انتو تجافو ما تحنو
إيه أنا عندي في الدنيا
فؤادي انتو مالكنو
شبابي الكنت بحلف بيهو
دمرتوه من بدري
وليكم يا حسان الحور
هديت الباقي من عمري
انت بتقولي اصبر
الصبر كملتو بصبري
صحيح شقي ومجنون
*******
أساهر الليل برايا برايا برايا
وبشوق السنين ممكون
بتحسر وأشيل الهم
على يوم بكره كيف حيكون
دموعي الدمعة باريه الدمعه
طارده الدمعه ذارفه الدمعه
انت بتقولي مجنون
وحات الضقتو في ريدكم
صحيح شقي ومجنون

والله يا ود عجيب انا الاغنية بحبها وعزيزة على وبالذات عندما تغنى بها الفنان صديق الكحلاوى
واطربتنى الفنانة نانسى عجاج بصوتها الشجى وذوقها الرفيع ......فعلا اغنية معبرة تحمل فى مضمونها كلمات جميلة
الله يديك العافية يا ود عجيب ..

يا أخوانا ما تخلونا من الجن و الجنون ده !