السريحة هلالابية ولا مريخابية

يا جماعة انا هلالابي
وبسأل السريحة دي هلالابية ولا مريخابية
شكلها هلالابية وشكل اهلها كده بيض بيض ( من ابيض) ومرتاحيين
وانتو احسن لاعب مر علي السريحة منو وهل هو هلالابي ام مريخابي ؟
مشكور اخونا سيف احمد خالد فلقد كرم في يوم من الايام اخونا ابراهيم الامام علي نفقته الخاصة فله الف شكر
وحقو تكرمو سيف ده زاتو وهو ما مشحود لكن من باب رد الجميل
في كم فريق في السريحة بالمناسبة ؟

الطيب الطاهر ابراهيم كتب:: يا جماعة انا هلالابي
وبسأل السريحة دي هلالابية ولا مريخابية
شكلها هلالابية وشكل اهلها كده بيض بيض ( من ابيض) ومرتاحيين
وانتو احسن لاعب مر علي السريحة منو وهل هو هلالابي ام مريخابي ؟
مشكور اخونا سيف احمد خالد فلقد كرم في يوم من الايام اخونا ابراهيم الامام علي نفقته الخاصة فله الف شكر
وحقو تكرمو سيف ده زاتو وهو ما مشحود لكن من باب رد الجميل
في كم فريق في السريحة بالمناسبة ؟

ابو عبدالرحمن لا تفتح نافذة علي الجحيم !!!!!!!!!!!!!!!!!!!!!!!

نحن كدا كويسين .... الحوار بين مشجعي نادي المريخ والهلال انا اسميه حوار الطرشان

من الذي قال ان السريحة هلالابية او بيضاء اوبيض لماذا لا تكون السريحة مريخابية

ولونها احمر طماطم ...طماطم ؟؟؟؟؟؟؟؟؟؟؟ ولاشنو ..... ودعجيب وين ؟؟؟؟

اما احسن لاعب ففي تقديري هو ابراهيم الامام وهو مريخابي اطال عمره مع تقديري

واحترامي لكل من ارتدي شعار او ارتدي شورت وفنلة السريحة تمثيلا لها في المحافل الرياضية وتحياتي

الخاصة جدا للباشمهندس /سيف احمد خالد وكل من معه في الدوحة

الرجاء قفل باب النقاش حتي لا يصرفنا عن قضايا اخري هامة لك ودي .

ده موضوع يا ابوماسة لا يعدي كده ساكت والا نعلق عليه
السريحة مريخابية 100% يا ابوعبد الرحمن وكما ذكر ابوماسة فان اقدم وامهر لاعب فى السريحة هو مريخابي وكذلك هناك ناس متعصبون جدا للمريخ واذكر منهم
السر القطر
الامام علي
عثمان جماع
عبد اللطيف الامام
سعيد قسم الله
فضل المولى كابو ((الله يرحمه ويغفر له))
واذا كنت سعيد الحظ فلتحضر مبارة للمريخ والهلال معهم ده اذا ما كانوا ذهبوا للاستاد لمشاهدتها مباشرة فكانت لهم قفشات حلوة جدا ومكاواة لا تخطر على بالك وعندما تنتهي المبارة يتجمع الكل فى نص الحلة وهنا حلاوة النقاش والاحتفال بالفوز0
واذكر مرة واحد هلالابي كان بتناقش مع السر القطر فى طريقة لعب باكمبا فلما ضاق السر به ذرعا حلف له قسم وقال ان باكمبا يلعب احسن من مارادونا0

تحياتي للخال ابو ماساة (المتعصب) حتي لون الكتابة احمر والقريب في الامر انو انت بتدلي برايك ثم تطلب قفل الموضوع كما فعلتها سابقا مع احد الاعضا..........

لك كل الود والاحترام

يا دكتور ما الترع اللي في مشروع الجزيرة كلها زرقاء و الأنهار و البحار في العالم كلو مويتها زرقاء و كمان السماء زرقاء !!! أها أيش رأيك ؟؟؟

ياناس المريخ طولوا بالكم شوية وبعدين يا الادمن القال ليك منو عثمان جماع مريخابي حرامك عليك مافي داعي تتهم الراجل هذا الاتهام

والراجل كتير حساس ولو سمع بكلامك ده بياخد موقف منك ومن المنتدي ارجو الاعتزار له وكمان سعيد قسم الله زاتو بقيتو مرخابي
انشاء الله ياالادمن عبد اللطيف الحــــــــــــــــاج تخليهو معاكم والله حيرتونا معاكم وشوفوا يوم 17/11/2008 كدي اعمل لينا استفتاء داخل المنتدي وشوف

الاكتر منو

اكيد الســـــــــــــــــــــــــــــــــــــــريحة هلالبية مية في المية ودي حاجة معروفة

يا جماعة الناس فى البيت الواحد بكونو منقسمين مريخ وهلال ناهيك من السريحة باكملها
لكن من ناحية الردود المريخاب اكتر من الهلالاب وشكلو المنتدى كلو مريخابى الا فى شوية هلالاب
الادمن وازن بيهم المنتدى
مع تمنياتى للهلال الصمود امام المريخ السنوات القادمة
ما تزعلو هلالكم كعب اليومين ديل

بالمناسبة دى ياجمااااااااااااااااااااااااااااااااااااااعة الخير الهداااااااااااااااااف منو السنة دى ؟؟ هداف الدورى الممتاز حايكون طمبلكو ولا ميدو ؟؟؟ والاتنين (حمر) والمريخ ترتيبه (86 ) عالميا والثانى عربيا وده تصنيف الاتحاد الدولى للاحصاء والتاريخ الكروى (IFFHS ) ولا ده برضو تصنيفنا نحن !!!!!!!!!!!!!!! السوال كم يكون ترتيب الهلال ؟؟؟؟ بس اوع يكون فوق المئة الله يستر ما يكون (124 )

والله الكلام دا احسن ما تجيبو سيرتو
لانو انتو كده بتلعبو على اوتار حساسة
عشلن كدة احسن تتخارجو من الموضوع دا

اكثـــــــــــــــــــــــر من نص الســـــــــــــــــــــــــــــــــريحة
مــــــــــــريخابين انا اولاهـــــــــــــــــــم

لو لم أكن مريخيا لتمنيت أن أكون مريخيا

ديل أهل الصفوة

أحب نجومك أحب نجوم من دفاعك لي هجومك

أنا بعرف المريخابي من الهلالابي من شكلو ومن كلامو الهلالاب ظاهرين وما في داعي أضرب ليكم أمثال

التحية لك ياود عجيب ..... انا يامنتصر بسألك سوال اي انجاز حققه المريخ عشان يكون ثاني عربيا وانتو يالمرخاب السنة الفاتت لعبتو الفاينل طبعا وصلتو المرحلة دي عن طريق فرق الحمام الميت (ودوري ما فيهو تمساح يقدل فيهو الورل ) ولوتزكر لما جاء التمساح الا وهو الصفاقسي التونسي حسم المبارة في استاد المريخ في اول 10دقائق ... ورغم الوصول للنهائي التصنيف كان ابعد من ذلك بكتير . نرجع للسؤال اي انجاز حققه المريخ هذا العام عشان يكون ثاني عربيا .. ولك ودي

يا جماعة بنكرر تحزيرنا
احسن نقفل الموضوع ونكتفي
بالقول الله اعلم
واقرب مثال على ذلك
في ناس حسساسين
حتى في قول هلال مريخ ولا
مريخ هلال
ولا أنا غلطان؟؟؟؟؟؟؟؟؟؟؟؟؟؟؟؟؟؟؟؟؟

يمنع منعاً باتاً التكلم على المريخ المريخ زعيم الأندية السودانية

ما اروع النجوم فى عنان السماء وما اروعها على اكتاف قادة الجيوش الذين يحمون الارض 0فكل العا لم يعشق المريخ والسكن فبه 0وسوف نهدى الهلال قطعة ارض فى سطح المريخ وسوف نسميها المقبره الحقيقيه لان السقوط من سطح المريخ تعرفون عواقبه 0 واشيد بجمهور الهلال الصا بر والذى يحلم ان ينال فريقه بطوله خارجيه منذ تاسيس النادى 0وانا شد جمهورالمريخ اهدوا الهلال كاس خارجى من دواليبكم بشرط يقنعوا الفيفا وشداد 0وبهذه الخطوه نكون اكملنا فقره منسيه من مبا درة اهل السودان وامسكوا الخشب 0عزززززززززو

الفتى الذهبي99 كتب:: يمنع منعاً باتاً التكلم على المريخ المريخ زعيم الأندية السودانية

زعيم عندكم بس يا مساكين
موعدكم بكرة إنشاءلله في المقبرة اختاروا ليكم مكان ندفنكم فيه