ثم ماذا بعد 0000

ها قد جمعنا الله على هذا المنتدى الذى اعتبره شجرة وافرة الظل لنا جمعنا بمن لا كنا نظن اننا سنلتقى بهم والفضل يرجع بعد الله للقائمين به وزرعو ا بزرته فلله الحمد وشكر الله لهم ووفقهم لما يحبه ويرضاه اميت
فماذا لو اجمعنا غلى شىء ينفع اهلنا فى شتى نواحى الحياة بعد تكوين لجان من هذا المنتدى وكل بما يسر الله له ان يكون 0 مثال من كان دكتورا يكلف بمجال الصحة وله اعوان يعينونه
ومنها يكون لجان صغيرة جزء مسؤول عن الرش وجزء مسؤول عن النظافة فى القرية بصوره دوريه
واعلم يقينا ان الشباب لدينا هناك يريد قيادة لا سيادة ومن الجنسين غايتهم خدمة السريحة من اى النواحى
فهم فى غاية الاستعداد
2 الذين هم فى
انحاء المعمورة وامصارها يكونون لجان فى ما بينهم تكون مسؤولة عن دعم لجان الصحة ماديا هناك
ويكون كل فرد مكلف بجمع الاشتراكات فى تواصل مع المسؤول من لجنة الصحة فى السريحة
3 واللذين هم بالمملكة من كانوا فى الرياض يكونون لجنة للتبرعات يكون مسؤولا مثلا عنها طه بابكر
واللذين فى ابها يكون مسؤولا عن التبرعات مثلا خالد الامام على او ما يرضونه 0 وكذلك فى الدمام
وغيرها من مدن المملكة 0 والاشتراكات تكون رمزية لكل عضو وحسب ما يرونه مناسبا فى ما بينهم
ونحمد الله الكوادر اغلبها موجودة فى السودان 0 كالدكتور مبارك ( الكوند ديستلا )ان صح نطقى للاسم
وحسن مدنى وغيرهم كثر واللذين سيعانونهم اكثر
ولا ننسى حواء السريحة فهى صاحبة القدح المعلا فى خدمة اهلها اقول ذلك عن تجربة لا عن فراغ
كتبت ذالك راجيا من الاخوة الاعضاء جميهم التعليق فى كيفية البداية والباب مفتوح لكل من ادلى برايه
( وخيركم خيركم لاهله ) فلتجمعنا السريحة بعد لا اله الا الله ومحمد رسول الله
السريحة امى حبيبتى وبها مقر ولادتى
فيها ربيت صغيرا واخذت منها طلاقتى
لو غالنى مكر بالهجر منها دون ارادتى
يبقى الحنان وحبها يملا مهجتى
يصفو الفؤاد لتربها والمع يملا مقلتى
اهلى واحبابى بها منهم جزور محبتى
ميلاد اجدادى بها وانا الحفيد لجدتى

ودالنعيم سلام عليكم ورحمة الله وبركاته

لك مني مليون سلام ومحبة صادقة

ونحن منذ ان تفتحت عيوننا على هذه الدنيا انت دائما

تحمل هم الغير وبالاخص هم حبيبتنا الغالية السريحة

وهذا الحب يجري في دمك منذ زمن بعيد

وذي ما بقولوا اهلنا : الداب نفسو قصر وانت حاشاك التقصير

وفقك الله الى ما تصبوا اليه ونحن معك قلبا وقالبا

ونبارك لك هذه المبادرة الجميلة التي تصب في مصلحة السريحة

ونرجو من الجميع المباركة والمشاركة في هذا المشروع

فلك مني مليون تحية - الشيخ عبدالرحمن- الدمام

[center] الفكرة هائلة بالجد وما غريبة علي بشير بالمناسبة بشير قارئ ممتاز ورائع وحكاية طرحو للموضوع ده رهيبة وانا اقترح بالنسبة للناس الهنا بالسودان ان يبدأوا بالنظافة وردم كبري ازرق من الموية المكسرة دي عشان عرباتنا تمشي وما توحل وعشان نسوانا ما يلدن في الطريق بسبب الدقداق او الوحل وعشان مرضانا ما يتاخروا يصلو للدكتور في الخرطوم اتفقنا يا جماعة
نبدا باي حاجة بس نبدا الشارع بتاع السوق فيهو خيران عملتها العربات زمن الخريف زمن المطر ونحن لازم كل زول يجيب طورية او كدنكة او كوريق ونصلح الشارع .....سندق الضخر حتي ينبت الصخر لنا زرعا و...

صدقوني يا جماعة حنبنيهو وطن حدادي مدادي ...ونبنيهو جوة عيونا وجوه قلوبنا وجوة الجوة ...وبايادينا ومعاولنا وفؤسنا
عارفين انا بحلم بشنو ......بحلم بزول عندو بيت وحوش ....والشارع الفاتح فيهو بابو ضيق شوية ...
يقوم الزول ده يكسر حوشو ويكون ما عندو حاجة ويدخل متر في بيتو يعني يقتطع متر من ارضو ويوسع الشارع عشان المارة ..
عشان عرباتنا تاخد راحتها ..
عشان هو بيؤثر علي نفسه ولو به خصاصة
وبحلم بامرأة بتنظف الحوش قبل بيتها وبحلم بزول بيشجر الشارع ..
وبحلم برضو بزول ما بيدفق الموية في الشارع ولا الوساخة
وبحلم بناس المحلية يحرقو الاوساخ او يشيلوها للمعالجة
وبحلم بعد داك يتحقق حلم د.ابوماسة كل زول يكون عندو لاب توب ويعرف الجات ان شاء الله يتلمو الطيب ود ابكر وزول تاني اسمارت علي الماسنجر طبعا
مالو الله بيدي الجنة جل في علاه
تعالو نزرع 500 شجرة علي الترعة عشان يغطن سماء الحلة وعشان ترتاح فوق اغصانها العصافير
وعشان الصبايا البيلقطن قطنا يغنن ساعة الهجير
وعشان المطر لما يجي تفرهد سلحات الزهور
وعشان الطين يبقي روضة والشارع تكسوه رملة
شكلي كده حاواصل بعدين مع اني كنت بحلم
نرجع تاني نبقي علي موضوعنا لازم نعمل باقتراح ودالنعيم ونحن جاهزين بكرة لو قلتو تعالو بنجي ويستحسن يكون جمعة عشان نكون قاعدين

اقول ليك حاجة خلونا نتميز عارفين معني نتميز خلاص نطلقها صرخة للتميز في كل شئ
الشكر للبشير والشكر لمن يزكيني في الفكرة بالتميز ....طبعا الدعوة اصلا مطلقة من سيد الخلق بان اذا عمل احدكم عملا فليتقنه .صلوات الله عليه وسلم .

يا الله عليك يا الطيب ، معليش علي الطيب الحآفة دي لأنو أنت بكلامك ده ذكرتنا الطيب الطاهر الشاب و هو في قمة النشاط صاحب الهمة العالية لخدمة البلد و الروح الأبية التي تتكسر دونها الصعاب ، لا أعني أنك الآن ليس لديك نشاط حاشا و كلا ، ولكن هذه الدماء الحارة صراحة دفقت في قلبي حنين و هم العودة الي سنار اليوم قبل غد كي أشارك أخي و صديقي الطيب الطاهر في هذا العمل الجماعي و الذي سوف نجد عليه معينين كثر بإذن الله حسب ظننا بشباب السريحة ، الله عليك يا الطيب و أنت تبعث فينا الهمة التي رجعت بنا إلي أيام توصيل الكهرباء للسريحة و زرع الأعمدة علي إمتداد خط السريحة أبو عشر و من بعدها تغيرت الفكرة إلي خط السريحة كاب الجداد و لم يتواني الشباب لحظة واحدة عن هذا العمل و هذا النداء لبت عامر بقيادة شيخنا الفاضل عبداللطيف الحاج ، لا ننسي هذه الأيام التي مضت قضيناها لن ننسي ذكراها ، و لن ننسي أيضا أيام الرابطة التي أنجز فيها شباب السريحة مشاريع تحسب في عالم الخيال ، نظافة مستشفي سوبا الجامعي ، نظافة شوارع السريحة بشكل شبه دوري ، يا الله أيام جميلة ، أيام الأسابيع الصحية التي نحشد لها إصطاف كامل من أميز أطباء مستشفي سوبا لعمل أسبوع صحي شامل للكشف و العلاج المجاني لأهلنا الطيبين بالسريحة و ما جاورها من قري ، لا ننسي ذاكم الجيل الجليل الذي زرع فينا حب الوطن و العمل من أجله لا تمنعنا القيود و لا تردنا الصدود ، لا ننسي الإخوان طه بابكر و الأخ أنس عباس و الأخ عبد الرازق محمد صديق و الأخ عبد القادر إبراهيم و الأخ فاروق عمر و الأخ الشامي محمد زين و العم عادل عبد الرحمن و الأخ صابر و هارون و الإخوان نادر الحاج و كمال عبد القادر تنير و سهل الطاهر و محمد الصايم ، و ذاكم العزيز الغالي الذي نسأل الله سبحانه و تعالي أن ينزل عليه رحمته و يوسع عليه في قبره الأخ مشعل ابراهيم خالد ، و الأخ ياسر حمزة و الأخ عبد المتعال الأمين ، و نفر كثير ، نعتذر لمن نسيناه بالذكر ، جزاك الله خيرا يا أخ الطيب فلقد بعثت في أنفسنا ثورة داخلية مجللة ، نسأل الله سبحانه و تعالي أن يكتب لك الأجر و يوفق الجميع لخدمة الوطن خالصا لوجهه الكريم

كتب البشير ودالنعيم يقول:-

اقتباس :

السريحة امى حبيبتى وبها مقر ولادتى
فيها ربيت صغيرا واخذت منها طلاقتى
لو غالنى مكر بالهجر منها دون ارادتى
يبقى الحنان وحبها يملا مهجتى
يصفو الفؤاد لتربها والدمع يملا مقلتى
اهلى واحبابى بها منهم جذور محبتى
ميلاد اجدادى بها وانا الحفيد لجدتي

الفرذدق : احى فيك روح الوطنية المتاصلة فى جذورك وستنام السريحة قريرة العين بجهود ابنائها الاوفيا<
الطيب الطاهر : انت مدهش فى كل ما تقوله وتمزج الشعر فى مواقع محتاجة اهذه الجرعات فهنئا لسريحة عامر بك وبامثالك

ابوماسة : اكيد ردك حايشمل تفسير مقولة ابو الفرذدق( الكوند ديستلا ) ما هو سر هذا الاسم والذي قد مر على قبل كده ولكن لم تسعفني الذاكرة لاستذكاره
اما نحن جاهزون للسريحة بكل ما اوتينا من مقدرة من اجل النهوض وتحقيق سريحة الاحلام ونبارك جميع الجهود التي بذلت من رابطة ابناء الشرقية ومنتظرين المندوب الذي سيمثل منطقة الشمال حتى ندفع الاشتراكات المقررة

احبتى 0000 ما انا الا من غزية غوت غويت
وان ترشد غزية ارشد
الاخ الطيب لك الود من جوى الحنايا
الاخ ابوماسة شاكرا لك الى لا نهاية
الاخ ابو عمر ربنا يحفظ عمر ووالدين عمر وهذا المؤمل فيكم احبتى جزاكم المولى خير الجزاء
واما سؤالك عن (الكوند ديستلا ) فاترك الاجابة للاخ ابوماسة حتى ترى كيف ضاع من السريحة الكثير الكثير
فسؤالك مهم جدا 0 وارجو من ابوماسة ان يوسع فى الاجاية لان كثير من الشباب لم يعوا ما كانت السريحة عليه0 ودمتم ذخرا لهذا الوطن الذى احببنوه بقدر عطاه لكم 00 ودمتم

الاخ ابو الفرذدق
لك كل التحية والتقدير وانت تشحد الهمم وتشمر سواعد البناء والعطاء من اجل مستقبل مشرق لاجيال آتية
واسف للتأخير لاني كل يوم اقول ارد على هذا الموضوع الحيوي يشغلني شاغل ولكن من اجل السريحة نتفرغ ونحن معك قلبا وقالبا وانا على بمطنقة المدينة المنورة احصر الناس الموجودين فيها واجمع منهم الاشتراكات

ثم ماداا بعد ودايماا اهلناا بقولو الجواب بكفيك عنوانوو اطلعت على المقترح الجميل واناا شحصياا مامستبعد
الاقتراح من شخص اكن لة كل الحب والاخترام والتقدير وهو دايماا ينادى باسم السريحة فلة ولكم كل الود والتقدير
وكل من رحب واثنى على المقترح الجميل
الطيب الطاهر ابوماسة الشيخ ودرقية ادمن ابوعمر والرايع جداا هشام مبارك وصراحة اتفاجاات جداااا لمستوى الحروف ودى دايرة ليهااااا قعدة ولاشنو ياهشى وزى مابقول حسين التوم عمومااا لشكراا للمنتدى والشكر الجزيل على القايمين على امرة
ودعواتناااااا بالتوفيق للجميع