| من السريحة سلام (الأربعاء) | |
|
+6ابعشرين زاد الشجون هشام السريحه زرقاء اليمامة Admin ودعجيب 10 مشترك |
|
كاتب الموضوع | رسالة |
---|
ودعجيب مشرف منتدى ركن للنقاش
عدد الرسائل : 838 العمر : 46 الموقع : السودان / الخرطوم / السوق العربى المدير العام : 0 تاريخ التسجيل : 13/04/2008
| موضوع: من السريحة سلام (الأربعاء) الأربعاء أبريل 23 2008, 12:44 | |
| كان الطقس نهار الامس حار جدا اما العصر فكان الطف قليلا من النهار ومع صلاة المغرب بالضبط انقطع التيار الكهربائى وعشنا فترة بسيطة (ساعة او ساعتين ) وكاننا فى العصر الحجرى حيث كانت السحب تضيف الظلمة الثانية بعد ظلمة الليل والثالثه تمت على يد المدعوة (الكهرباء ) فتمت الناقصة .ولكن كل اول وليه اخر . تخيل معى وانت تبحث عن كل شىء / الهوى / والنور /وفى ناس ذى انا ناقصين (............) اذا اخرجت يدك لم تكاد تراها . ولكن كانت رحمة الله اوسع فهبت ( هبوب الله ) الباردة مع موعد صلاة العشاءو سبحان الله الذى يغير من حال الى حال تخيل نفسك وانت ماشى للزاوية وقبال ما تصل للزاوية يكون النعاس (غلبك ) وكذلك بالنسبة لجامع المستشفى (فى ميدان النيل حاتنوم عديييييييييييييييييل كده) مكيفات طبيعية كانت تاتى ذات اليمين وذات الشمال وكانك تشتم عبق تقوى اهلنا الطيبين قلوبهم خاشعه ولسان حالهم يلهج بذكر الله وبشكره على كثير نعمه هذه النعم التى من بينها اننا والحمد لله من (السريحة) البلد الطيب اهله هكذا بفضل الله وبحمده ساعتين قضاها اهلى فى السريحة فى امتحان اسمو انقطاع التيار الكهرباى وانشاء الله لم يسقط احد (طبعا فى الامتحان ) مرت الساعات وموعد المباراة يقترب رويدا رويدا (عارفنها ياتو مباراة ياجيرانا ) انتو عارفين انو غيرنا نحنا ناس السريحة ما اظن فى ناس بعرفو غير كورة المريخ والهلال مالهم ومال / الاسماء الاعجميه (شلسى / ليفربول / برشلونة/ والريال/ ديل ناس ( طرادة ) (وشلن ) بس ومالهم ومال السهر ماشاء الله بنومو من ثمانية ومرتاحين من الثقافة دى يعنى ماعندهم ليها اى اهتمام والله يخلى ناس السريحة الريادة فى كل شىء (وقولو ماشاء الله) وبعد مرور عشرة دقايق تقريبا من زمن المباراة انصلح حال الكهرباء ورضت عننا (مااصلو نحن اهلها (وبنستاهلا) واستمتعنا بالمباراة ونام عشاق الفريقين وفى النفس شىء من حتى وياريت ياريت لو .......ولو ..... وكاننا مع موعد من الروعه حيث لقاء الاحبه ( الاحبه )هنا هم الاصحاب و(الشله) الجو صفاء وطلعت القمرة ..الخير يا عشاى تودينا لاهلنا... بسالوك مننا لكم خالص ودى واشواقى (منتصر عجيب) | |
|
| |
Admin
عدد الرسائل : 1693 العمر : 51 المدير العام : 0 تاريخ التسجيل : 01/04/2008
| موضوع: رد: من السريحة سلام (الأربعاء) السبت أبريل 26 2008, 17:57 | |
| يا سلام يا ودعجيب سرد جميل ذو تشويق رفيع جدا الله يديك الصحة والعافية والكهرباء ما تقطع منك ابدا الهمبريب بتاع ميدان النيل ده دحين ما فى ناس بلعبوا فيه شدت وكرعت وحرت
بالله يا منتصر حالة الطقس دي عاوزنها كل يوم صباح حتى الواحد يعيش فى خياله كأنه موجود هناك | |
|
| |
Admin
عدد الرسائل : 1693 العمر : 51 المدير العام : 0 تاريخ التسجيل : 01/04/2008
| موضوع: رد: من السريحة سلام (الأربعاء) السبت أبريل 26 2008, 18:27 | |
| معليش يا منتصر انا عدلت عنوان الموضوع لأنه فى كثيرين يمرون عليه مرور الكرام فاكرنه نشرة الاحوال الجوية وهو موضوع حيوي وجميل جدا لكل مغترب | |
|
| |
Admin
عدد الرسائل : 1693 العمر : 51 المدير العام : 0 تاريخ التسجيل : 01/04/2008
| موضوع: رد: من السريحة سلام (الأربعاء) الإثنين أبريل 28 2008, 06:03 | |
| اين باقى الاسبوع يا ودعجيب او اهم يومين فى الاسبوع الخميس والجمعة | |
|
| |
زرقاء اليمامة مميز جدا
عدد الرسائل : 442 المدير العام : 0 تاريخ التسجيل : 19/04/2008
| موضوع: رد: من السريحة سلام (الأربعاء) الإثنين أبريل 28 2008, 06:34 | |
| ياريت تفنط الحلة فريق فريق.......... الكمامة...الجدادة.....فريق قدام ..... فريق ورة.... السوق ....حي الزهور | |
|
| |
هشام السريحه
عدد الرسائل : 1399 العمر : 48 الموقع : الإمارات العربية المتحدة-دبي P.O.Box 122038 Dubai-U.A.E المدير العام : 0 تاريخ التسجيل : 23/04/2008
| موضوع: رد: من السريحة سلام (الأربعاء) الإثنين أبريل 28 2008, 11:24 | |
| حي الزهور د ما عرفته؟ وين مكانه؟ | |
|
| |
ودعجيب مشرف منتدى ركن للنقاش
عدد الرسائل : 838 العمر : 46 الموقع : السودان / الخرطوم / السوق العربى المدير العام : 0 تاريخ التسجيل : 13/04/2008
| موضوع: رد: من السريحة سلام (الأربعاء) الإثنين أبريل 28 2008, 13:23 | |
| - هشام السريحه كتب:
- حي الزهور د ما عرفته؟ وين مكانه؟
يا الطولت مننا ليك كم سنه مالسريحه اتقسمت (حى الزهور .. مهرجانات النجوم ... والسوسنه لو برضو ديل ما بتعرفن.... فريق فوق وفريق تحت والذاكرة بيهن معشعشه حليلك انت ا لعشت الضياع والمسكنه والاسامى صارت خفيفه مقسمه ناس سوسو وناس شوشو وحبوبتنا توته بت سوما واولادنا ناس بيبو وحبيبو وجده (ولى) ورايك شنو يا (هشو) | |
|
| |
Admin
عدد الرسائل : 1693 العمر : 51 المدير العام : 0 تاريخ التسجيل : 01/04/2008
| موضوع: رد: من السريحة سلام (الأربعاء) الإثنين أبريل 28 2008, 19:27 | |
| حي الزهور ده ممكن مقصود بيه حي الفلاته | |
|
| |
زاد الشجون مميز جدا
عدد الرسائل : 243 العمر : 50 المدير العام : 0 تاريخ التسجيل : 13/04/2008
| |
| |
ودعجيب مشرف منتدى ركن للنقاش
عدد الرسائل : 838 العمر : 46 الموقع : السودان / الخرطوم / السوق العربى المدير العام : 0 تاريخ التسجيل : 13/04/2008
| موضوع: رد: من السريحة سلام (الأربعاء) الثلاثاء أبريل 29 2008, 15:09 | |
| يازاد الشجون نسيت يوم لقيتك وبريتك وانت وديتنى لبيتنا جعان بتنسى ليه وانا قلبى بتذكر كتيييييييييييييييييييير احتاااااااااااااااااار انا احتااااااااااااااااااااار انا | |
|
| |
زرقاء اليمامة مميز جدا
عدد الرسائل : 442 المدير العام : 0 تاريخ التسجيل : 19/04/2008
| موضوع: رد: من السريحة سلام (الأربعاء) الثلاثاء أبريل 29 2008, 19:33 | |
| معقوله حد ساكن فى السريحة وما يعرف حي الزهور؟؟؟؟؟؟ | |
|
| |
زاد الشجون مميز جدا
عدد الرسائل : 243 العمر : 50 المدير العام : 0 تاريخ التسجيل : 13/04/2008
| موضوع: رد: من السريحة سلام (الأربعاء) الأربعاء أبريل 30 2008, 09:45 | |
| يعني يا زرقاء انا بستعبط عليك الواحد لو قال انا ما عارف ( تكيشوهو) وان قال عارف بالكضب ( يكيش روحو) على العموم حصل خير وغلطانين عشان سالنا ، بس اللوم ما عليك انتي اللوم على ودعجيب ( فاكينا عكس الهوا) وخلاك تملطشي فينا **حاشية : كيش يكيش فهو مكيش واصلها كيشة لكن بصراحة كيشة دي معناها واصلها شنو انا ما عارف بس بعرف استخدمها متين | |
|
| |
ودعجيب مشرف منتدى ركن للنقاش
عدد الرسائل : 838 العمر : 46 الموقع : السودان / الخرطوم / السوق العربى المدير العام : 0 تاريخ التسجيل : 13/04/2008
| موضوع: رد: من السريحة سلام (الأربعاء) الأربعاء أبريل 30 2008, 10:57 | |
| ماسمعت الاغنيه (وسط الزهور مصور وشو الصبوح......) والزهور صاحيه وانت نايم ... .........الزهور والورد الشتلوها جوه قلبى عشان حبيبى التذكارو ديمه عندى .......... معقوله بس فى ناس كده واليك صديقى بعض انواع الزهور الموجوده حاليا بالمشتل (القدامى)
[Aster
أستر
معناها : الصبر والاحتمال
من ألوان هذه الزهرة البنفسجي، الزهري، الأبيض
تعيش من 5 إلى 14 يوم.
Anthurium, Flamingo Flower, Tail Flower
زهرة الفلامنجو
معناها : حسن الضيافة.
منها 120 نوع
من ألوان هذه الزهرة الزهري الابيض والأحمر.
تعيش من 2 إلى 3 أسابيع .
Oncidium Orchid, Golden Shower Orchid
زهرة الأوركيد
معناها : الحسناء
من ألوان هذه الزهرة جميع ألوان قوس قزح .
تعيش من7 إلى14 أيام.
Anemone, Windflower
شقائق النعمان
معناها : شوق وانتظار
هذه الزهرة لها جميع ألوان قوس قزح
تعيش من 6 إلى 12 أيام
Alstroemeria, Peruvian Lily
ألستروميريا
معناها : الصداقة
هذه الزهرة لها ألوان متعددة: الأصفر، المشمشي، برتقالي، أحمر، زهري ، بنفسجي، بنفسجي فاتح، أبيض مائل للصفرة، أبيض وتأتي بالألوان الثنائية.
تعيش من 6 إلى 8 أيام . ][/color] كده اظن كفايه | |
|
| |
زاد الشجون مميز جدا
عدد الرسائل : 243 العمر : 50 المدير العام : 0 تاريخ التسجيل : 13/04/2008
| موضوع: رد: من السريحة سلام (الأربعاء) الأربعاء أبريل 30 2008, 13:32 | |
| يا ود عجيب انت شارب حاجة ؟؟؟ يا ود الناس حي الزهور ده وين موقعو في حلتنا | |
|
| |
زرقاء اليمامة مميز جدا
عدد الرسائل : 442 المدير العام : 0 تاريخ التسجيل : 19/04/2008
| موضوع: رد: من السريحة سلام (الأربعاء) الأربعاء أبريل 30 2008, 14:32 | |
| لا انت فى دي غلطان يا ودعجيب ليس هناك مشتل فى السريحة الا واحد فقط وهو فى حي الزهور الذي اقطن فيه وكدي فتش السريحة كويس يا زاد الشجون وحتما ستجده | |
|
| |
زاد الشجون مميز جدا
عدد الرسائل : 243 العمر : 50 المدير العام : 0 تاريخ التسجيل : 13/04/2008
| موضوع: رد: من السريحة سلام (الأربعاء) الخميس مايو 01 2008, 07:37 | |
| يا ود عجيب ويا زرقاء اليمامة مشكلتي انا صبري قليل وحي الزهور ( ده طرفي منو ) ما داير اعرفو ان شاء الله لو بقى الجناين | |
|
| |
ودعجيب مشرف منتدى ركن للنقاش
عدد الرسائل : 838 العمر : 46 الموقع : السودان / الخرطوم / السوق العربى المدير العام : 0 تاريخ التسجيل : 13/04/2008
| موضوع: رد: من السريحة سلام (الأربعاء) الخميس مايو 01 2008, 09:52 | |
| يازاد الشجون خلى بالك واسع لانى اقصد بذلك ان تواصل فى قفشاتك الحلوه بالمناسبه (انا صبرى قليل) اغنيه لشيرين ممكن اسالك سوال ؟ بتعرف " القطيعات " | |
|
| |
زرقاء اليمامة مميز جدا
عدد الرسائل : 442 المدير العام : 0 تاريخ التسجيل : 19/04/2008
| موضوع: رد: من السريحة سلام (الأربعاء) الخميس مايو 01 2008, 10:24 | |
| - زاد الشجون كتب:
- يا ود عجيب ويا زرقاء اليمامة
مشكلتي انا صبري قليل وحي الزهور ( ده طرفي منو ) ما داير اعرفو ان شاء الله لو بقى الجناين يا زاد الشجون حي الزهور ده مهم جدا ولازم تعرفه اكيد كنت بتروح وتشم الورد البلدي وتتكلم عربي عشان انت سوداني مش مصري الزهور صاحية وانت نايم...........داعبت شعرك الحمائم انتشرت فى البلاد سهلا فسهلا زهرة فى الحقول يا ما احيلا يان قرات هذه الابيات؟؟؟؟؟ | |
|
| |
زاد الشجون مميز جدا
عدد الرسائل : 243 العمر : 50 المدير العام : 0 تاريخ التسجيل : 13/04/2008
| موضوع: رد: من السريحة سلام (الأربعاء) السبت مايو 03 2008, 13:48 | |
| يا مانجل القطيعات بعرفا حق المعرفة ( يا سال عرقنا) وخالط شوال القش ونحن بنفتش للبصارة واللضنة ( نص النهار) عشان ما يفوتنا تمرين العصر يا زرقاء اليمامة الزهور صاحية وانا صاحي بس للاسف حتة ( داعبت شعرك الحمائم) انا بختلف معاك فيها من زاويتين الزاوية الاولى حادة مافي داعي لزكرها والزاوية التانية حكاية الشعر دي ( الله يرحم ايام زمان ) و ( ليت الشباب يعود يوما فاخبره بما فعل الاغتراب ) | |
|
| |
ابعشرين مميز جدا
عدد الرسائل : 274 المدير العام : 0 تاريخ التسجيل : 21/04/2008
| موضوع: رد: من السريحة سلام (الأربعاء) الإثنين مايو 05 2008, 22:34 | |
| يا زاد الشجون حي الزهور ده مهم جدا ولازم تعرفه اكيد كنت بتروح وتشم الورد البلدي وتتكلم عربي عشان انت سوداني مش مصري الزهور صاحية وانت نايم...........داعبت شعرك الحمائم انتشرت فى البلاد سهلا فسهلا زهرة فى الحقول يا ما احيلا
دائما قادي عربي يا زرقاء اليمامة
القصيدة بتقول داعبت شعرك النسائم وليس الحمائم بالبديهة كدي مافي حمامة بتداعب ليها شعر انا قوت قلت ليك قادا عربي وبلاغة ما غلطان عليك | |
|
| |
ابعشرين مميز جدا
عدد الرسائل : 274 المدير العام : 0 تاريخ التسجيل : 21/04/2008
| موضوع: رد: من السريحة سلام (الأربعاء) الإثنين مايو 05 2008, 22:37 | |
| يا ود عجيب
بالمناسبة يوم الجمعة انا ماش السريحة بيتكم بي وين عشان اجيك بي كرعي | |
|
| |
زرقاء اليمامة مميز جدا
عدد الرسائل : 442 المدير العام : 0 تاريخ التسجيل : 19/04/2008
| |
| |
ودعجيب مشرف منتدى ركن للنقاش
عدد الرسائل : 838 العمر : 46 الموقع : السودان / الخرطوم / السوق العربى المدير العام : 0 تاريخ التسجيل : 13/04/2008
| موضوع: رد: من السريحة سلام (الأربعاء) الثلاثاء مايو 06 2008, 12:50 | |
| - ابعشرين كتب:
- يا ود عجيب
بالمناسبة يوم الجمعة انا ماش السريحة بيتكم بي وين عشان اجيك بي كرعي اهلييييييييييييييييين وسهلييييييييييييييييييييييييييين ومرحبتييييييييييييييييييييييييييين وشرفتنا مرتينحا افرش البيت ورود حمراء والون الباب بالاحمر ونضبح ليك خروف دمو احممممممممممممر واسمر يا اسمر لمتين لبيتنا تصل | |
|
| |
ابعشرين مميز جدا
عدد الرسائل : 274 المدير العام : 0 تاريخ التسجيل : 21/04/2008
| موضوع: رد: من السريحة سلام (الأربعاء) الأربعاء مايو 07 2008, 15:57 | |
| - ودعجيب كتب:
- ابعشرين كتب:
- يا ود عجيب
بالمناسبة يوم الجمعة انا ماش السريحة
بيتكم بي وين عشان اجيك بي كرعي
اهلييييييييييييييييين وسهلييييييييييييييييييييييييييين ومرحبتييييييييييييييييييييييييييين وشرفتنا مرتين حا افرش البيت ورود حمراء والون الباب بالاحمر ونضبح ليك خروف دمو احممممممممممممر واسمر يا اسمر لمتين لبيتنا تصل بالاحمر
اكان اجيك العبدلاب ارحلو الشرق | |
|
| |
ودعجيب مشرف منتدى ركن للنقاش
عدد الرسائل : 838 العمر : 46 الموقع : السودان / الخرطوم / السوق العربى المدير العام : 0 تاريخ التسجيل : 13/04/2008
| موضوع: رد: من السريحة سلام (الأربعاء) الأربعاء مايو 07 2008, 16:21 | |
| حرم كرم منى سااااااااااااااااااااااكت كان نلون ليك الباب والشبابيك باللون البنفسجى ده عشانك انت ما تخاف لانى حاجيب بطيخه نيه لان لونها ابيض طبعا ( والنى للنار) | |
|
| |
| من السريحة سلام (الأربعاء) | |
|