لا تنسي يا سنير انك كنت ...

بمناسبه بدايه العام الدراسي الجامعي الجديد تنتشر البرلمه فماهي البرلمه Question

البرلمة هي أن يقوم سنيراً او مجموعة من السناير بإعداد مقلب لبرلوم او مجموعة من البرالمة او جميع أفراد الدفعة

الذين يطلق عليهم البرالمة والقصد منها السخرية...علماً بأن السنير هو الطالب الذي تخطي السنة الاولي في

المرحلة الجامعية..والبرلوم الطالب الذي مايزال في السنة الجديدة (الجديد لنج)...

تنتعش ظاهرة البرلمة في الايام الاولي التي تطأ فيها أقدام البرلوم أراضي الحرم الجامعي ..وغالباًماتكون في اليوم

الاول للبرلوم ..لان البرلوم يكون في حالة من الذهول بسبب طبيعة الحياة الجامعية المختلفة ويكون بين فرحان

وخائف في نفس الوقت وله القابلية لتنفيذ أي أمر صادر له من سنير حتي لو كان .....................

اغلب الاحيان يكون العقل المدبر لظاهرة البرلمة سنير قد طعن في السن (لكثرة الربيت ) ويكون ذو خبرة عالية في

مجال المقالب أو أى سنير أخر قد تجرع من نفس الكأس بداية أيام الجامعة ....

من المقالب مثلاً أقدام سنير قد ظهرت علية علامات الشيخوخة يذهب الي البرالمة ويدعي أنه أستاذ ويطلب منهم

الدخول الي القاعة ويبدأبالتعرف إليهم خاصة الجنس اللطيف ..فيمدح شخصاً ويذم أخر او يكتفي بإدخالهم الي القاعة
ويذهب ممايجعلهم عرضة للسخرية.........

هذه مساحه لتحكي اول موقف برلمه لك في الجامعه

خــــــــارج النص........
وياأنت....برلمني دائماً مبتسم

والله انا غايتو ما حصل اتبرلمت
الظاهر انو انت ياكونان برلموك
برلمة شديدة عشان كدة الموضوع
دا معشعش جواك بصراحة برلموك كم
مرة وممكن تحكي لينا
واحدة من ايام البرلمة دي؟؟؟؟؟؟؟؟؟؟؟؟؟؟؟
قهقه

هههههههههههههههههههههههه

فعلا البرلمة دي موضة جديدة

على ايامنا احنا في مصر كانت اسمها

لسة بدارة

والقديم كان ديك البرابر

عشنا وقرينا 0 والراجينا برضوكتير
مشكور اخ كونن على التعريف ( للبرلمة )بس عرف لينا كلمة كونن 0 نورنا الله ينورك بعلمه0

البشير ودالنعيم كتب:

عشنا وقرينا 0 والراجينا برضوكتير
مشكور اخ كونن على التعريف ( للبرلمة )بس عرف لينا كلمة كونن 0 نورنا الله ينورك بعلمه0

هههههههههههههههههههههههههههه
هههههههههههههههههههههههههههه

ههههههههههههههههههههههههههه

والله انت ما لك حل يا ود النعيم

اخ كونن إنت عايش في العصر الحجري ولا شنو
البرلمة دي إنتهت وجميع الطلاب الفي الجامعة حاليا مفتحين

برلمة الجامعة ساهلة يا كونن المشكلة برلمة المنتديات ... عندنا واحد فى منتدى التكينة مش برلوم و بس ، ده كرهنا اليوم الارتدنا فيهو منتدى ... و بالمناسبة فى منتدى السريحة برضو فى واحد ... ديل ما منتظرين زول ييقلبن لانهم براهم ممقلبين انفسهم .

دمك خفيف يا كونن وشكلك نضيف ....قال برلمني دائما وابتسم قال

يا كونن شكلك برلوم ، لكن برلوم مولود بي سنونو !

هشام مبارك عبد الرحمن كتب:: يا كونن شكلك برلوم ، لكن برلوم مولود بي سنونو !

يا شيخ هشام نسي البرلمة بتاعتكم انت وخالد البشير عندما جاكم واحد سنير فى الداخلية العصر وقال ليكم يالله ال"main road عشان نفتش ليكم لسكن وكنتم لابسين عراريق وسراويل واقنعكم بأن تذهبوا المين رود بملابسكم دي وشايلين شنط حديد وكان حدث كبير حتى الآن بتتذكره وبتضحكوا عليكم0 Laughing

:lol:

صدق ، أنا شكلي كده ح أصدق كلامك ده ، ياخي دي جبتها لينا من وين دي ، ما في زول في تاريخ الجامعة سواها يا أدمن ، لكن أصبر شوية خليني أكلم خالد و نتشاور في الموضوع و ندبر ليك برلماية !

والله ياابن عبد الرحمن وياالسيد ابوسلطان(هاهاهاهاهاهاها) اناما برلموني لكن الظاهر عليكم انتو عاملن فيها السناير الدمهن خفيف....بس انا قاصد افهم المافاهم موضوع البرلمة مع انهم قليلين بعدين كل زول حر في اختيار موضوعو البعجبو ياساده Laughing

خارج النص....... العاجبو عاجبو والماعاجبو ماادخل..هاهاهاهاهاهاهاهاهاهاهاهاهاهاهاهاهاهاهاها

والله ياهشام ودشريف انا مابرلوم انا سنير مولود بسنونو فعلا بس انا مابمشي almain road بعراقي وسروال وشايل شنطة الحديد في راسو هاهاهاهاهاهاهاهاهاهاهاهاهاهاها خارج النص............. المين رووووووووووووود دا حلو حلا

اخونا عامر الشايقي كان أتى لزيارتي فى الجامعة ونحن نتمشى فى الحرم الجامعي شاهد صفوف طلبة واقفين وقال لي الحاصل شنو هناك وقلت بالتأكيد ده صندوق دعم الطلاب لتوزيع المعونة الشهرية فاعطيته البطاقة بتاعتي وقلت ليه اقيف فى الصف لاني عندي محاضرة وحرصت عليه انه لا يتصرف فى الفلوس حتى اخلص من المحاضرة وذهب اخونا ود الشايقي وقف فى الصف ولما جاء دوره طعنوه كم حقنة كده بتاعت السحائي والتهاب الكبد الوبائي0
ومن اليوم داك ودي طفشة ما شفته فى الجاممعة تاني ولا حتى انتظرني كملت المحاضرة ولما عرفت السبب بطل العجب Laughing

Admin كتب:: اخونا عامر الشايقي كان أتى لزيارتي فى الجامعة ونحن نتمشى فى الحرم الجامعي شاهد صفوف طلبة واقفين وقال لي الحاصل شنو هناك وقلت بالتأكيد ده صندوق دعم الطلاب لتوزيع المعونة الشهرية فاعطيته البطاقة بتاعتي وقلت ليه اقيف فى الصف لاني عندي محاضرة وحرصت عليه انه لا يتصرف فى الفلوس حتى اخلص من المحاضرة وذهب اخونا ود الشايقي وقف فى الصف ولما جاء دوره طعنوه كم حقنة كده بتاعت السحائي والتهاب الكبد الوبائي0
ومن اليوم داك ودي طفشة ما شفته فى الجاممعة تاني ولا حتى انتظرني كملت المحاضرة ولما عرفت السبب بطل العجب

هاهاها هههههه Smile

كونن كتب:: والله ياهشام ودشريف انا مابرلوم انا سنير مولود بسنونو فعلا بس انا مابمشي almain road بعراقي وسروال وشايل شنطة الحديد في راسو هاهاهاهاهاهاهاهاهاهاهاهاهاهاها خارج النص............. المين رووووووووووووود دا حلو حلا

فعلا برلوم يا كونن هسه هشام شريف دخل في البوست ده من أساسو !

يا جماعة والله الموضزع دا قديم لكين الما عندو قديم
ما عندو جديد وأنا حبيت اعيد الذكريات لي ورة شوية
ومن غير كدا اصلو الموضوع لذيذ حبتين وفي الحقيقة انا
ما كنت مداوم على المنتدى في فترة من الفترات وما شفت ردود
الاخوة الاعضاء وعجبني السجال بين الادمن وابناء حقبته ايام الدراسة
رايكم نقوم نخلي الموضوع دا للمرح والفكاهة انا غاتيو ح أحكي ليكم
عن مواقف البرلمة في جامعتنا والشي التاني فرصة للناس الجداد يعرفوا
شئ من ماضي المنتدى واسمح لي يا صاحب الموضوع(كونن) انو استخدم
عبارتك المشهور (خارج النص) وبقول:
خارج النص.....................................
نعيد الكان حيل الكان
نخلي الحب يفرح بيتا يبقى جناحين ويطير بينا......