حاول يخفى نفسه وهل يخفى القمر

حاول يخفي نفسه
الشاعر سيد عبدالعزيز
غناها الحاج محمد أحمد سرور والكثيرون

حاول يخفي نفسه وهل يخفى القمر في سماه
أبداً لا وطبعاً لا شفناه شفناه
*******
حاول يخفي نفسه وغير اتجاهه
سطع النور في أفقه وكل إنسان رآه
خلنا البدر أشرق كامل في علاه
وخلنا الزهر فتح من أنفاس شذاه
******
جذاب حسنه رايع لادن خلقه مايع
رقص البان مشيه تحب تنظر وشيه
عيونك تختشيه من قوة ضياهو
ومن شدة حياهو
مرة إذا نظرته ونظره إليك رناه
قلبك ينشرح له وترتاح لي لقاه
دون تشعر تحبه وتلهج في ثناه
مرة تقول كبدر ومرة تقول كزهر
مرة تسمي شعري ومرة تعممي سحري
تقلب فيه أسما وبرضه تشوفه أسمى
كل وصف تراه أقل من مستواه
مترفع عظيم عالي بعيد مداه
ملأ العين جماله الزاهي رشح نداه
يلالي والكواكب تتناثر حداه
فيه الحسن أودع ما ملكت يداه
مفرح وشوفته تفرح
بتلقاك باسم كالزهر المنسق في زمن المواسم
تشوف في مقلتيه حياه دلاله تيه
واللحظ البجرح والوجد المبرح
أنا من دون أصرح
لي قلب اصطفاه وهسه هناك معاه 0000000000000000000000000000
أغنية حاول يخفي نفسه وهل يخفى القمر في سماه ، قيل والعهدة على الراوي
أن الشاعر سيد عبد العزيز .. كان يسير في الطريق .. وكانوا في ذلك الزمان . لا يرون الفتيات إلا نادرا .. وفي بيوت الأفراح فقط ..
وفي أثناء سير الشاعر وصاحبه فتحت احدى الفتيات باب الشارع (( لرمي شيء ,, أو لغرض آخر .. وكانت تحسب أن الشارع كان خاليا من المارة .. وفجاة رأت الشاعر وصاحبه في مرورهم بجوار بيتها ... وعندها أغلقت الباب بسرعة وتخفت خلفه .. مذعورة ..مرعوبة .. لأن أحد غريبا نظر اليها ... وكان ذلك عيبا . وهنا ألهمت هذه الحركة منها الشاعر .. هذه الأغنية الجميلة .. وهكذا قال : حاول يخفي نفسه وهل يخفى القمر في سماه ..
أبدا ... وطبعا ... لا ... شفناه ... شفناه ....

ابدا وطبعا لا شفناه شفناه
جميلة جدا يا ود عجيب
لكن هناك رواية اخرى لمناسبة هذه القصيدة هو ان الشاعر كان فى حفل زواج وكان هناك جمع غفير من النساء والرجال فى الحفل وثاناء وجوده لمح فتاة فى غاية الجمال وسلط سهامه عليها وهى فجاء اكتشفت ان هذا الشاب يلحظها بعيون ثاقبة فحاولت تخفى نفسها بين الحضور حتى غطت جزء كبير من وجهها بخمار

Admin كتب:: ابدا وطبعا لا شفناه شفناه
جميلة جدا يا ود عجيب
لكن هناك رواية اخرى لمناسبة هذه القصيدة هو ان الشاعر كان فى حفل زواج وكان هناك جمع غفير من النساء والرجال فى الحفل وثاناء وجوده لمح فتاة فى غاية الجمال وسلط سهامه عليها وهى فجاء اكتشفت ان هذا الشاب يلحظها بعيون ثاقبة فحاولت تخفى نفسها بين الحضور حتى غطت جزء كبير من وجهها بخمار

تخيل معى يابساطى كم كانت الحياه حلوة فى الماضى وكيف كانت الاشواق حاره (تموت شوق بس ) وده كلو عشان مافى طريقة تقابل الزول .............. تقتنص انصاف الفرص لكى تحظى بنظرة عابرة ايام ............ وليالى ........... اسبوع كامل ..... شهر شهرين ويمكن سنه كامله ما تلاقاها(النظرة) لو بنظرة ............ حتى عابرة قول احبك ... (وردى)
اما اليوم صار التواصل سهل لذلك بردت الاشواق وكثرت الخيانات العاطفية (وما ممكن تموت من اجل واحدة) ممكن فى رمشه عين ( تتباع) وعادى
الانترنت والموبايل والتكنولوجيا المتطورة( والمتخلفة )عاطفيا كل ما كنت قريب من الزول (الونسه) ليل ونهار (نقققققققققققققققققققققق ............. نقققققق ..........نقنقنقنقنقنقنقنقنق)
لامن تكمل البطاقه كل ما كانت احتمالية طيرانك من المنافسه كبيييييييييييييييييييرة ... اهلنا قالو (كترة الطله بتمسخ خلق الله )

صدق قول الشاعر

لا تأمنن النساء ان حببنك بودهن **** ان ودهن مقسم
اليوم لك قلبها ولسانها **** وغدا لغيرك كفها والمعصم

الرجال هم اساس هذا التغير والخداع كله كان من جانبهم كم فتاة تشكوشت وكم فتاة تركت الدراسة وكم فتاة مطلقة وكم فتاة تزوجوا عليها
من اين هذا مش هم الرجال البيعملوا كده ولا انا غلطانه
قال لا تأمنن النساء؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

اي تغير واي خداع ايتها الزرقاء وكمان بتتكلمي عن الشواكيش عاوزاني احسب ليك كم واحد جنّ او انتحر او ساب الدارسة بسبب شاكوش من واحدة .......... صحيح اللختشو ماتو

Admin كتب:: اي تغير واي خداع ايتها الزرقاء وكمان بتتكلمي عن الشواكيش عاوزاني احسب ليك كم واحد جنّ او انتحر او ساب الدارسة بسبب شاكوش من واحدة .......... صحيح اللختشو ماتو

ده كان زمان زمن الرجال فعلا يجنو او ينتحرو كمجنون ليلى وجميل بثينة وغيرهم من العصر الجاهلي
لكن تعال الآن شوف الرجال بضربوا النساء ويضطهدوهن ويعاملوهن معاملة سيئة جدة الم تقرأ عن حقوق المراة الضائعة الم ترى كيف شوه وجه الحسناء (سناء) التى ليس لها زنب سوا ان رفضت زوجها فقام باحراق وجهها بماء النار فى ابشع جريمة ضد المراة فى السودان

يا احبتي
السبب الاساسي ليس في المراة او الرجل وانما هو بعدنا ( نحن معا ) عن شرعنا الحنيف فوالله ثم والله لو اننا التزمنا بقيمنا الاسلامية لما كانت هنالك ( شواكيش) ولا ( خيانات ) ولا ( بيع ) ولا ( بصبيص) ولا كل هذه المصطلحات والمسميات
لان الهدف من الزواج سامي
وقواعد اختيار الزوجة معروفة
والموافقة على الزوج من قبل الفتاة معروفة
وكل ذلك مكفول ومضمون ومنصوص عليه
لكن لكل قاعدة شواذ ... اصبح ضعاف النفوس يخربون اجمل الصور همهم المتعة اللحظية لا يكترثون للقلوب التي تتفطر ... واصبح الكذب شطارة والخداع ذكاء وعدم الحياء جراءة و .... و .... و .... وهكذا انقلبت الموازين واكتظت الحياة بـ ( بالمتردية والنطيحة والمنخنقة وما اكل السبع ) .... لكن كل دور اذا ما تم ينقلب و ( يبقى الامل) Smile

ده كان زمان زمن الرجال فعلا يجنو او ينتحرو كمجنون ليلى وجميل بثينة وغيرهم من العصر الجاهلي
لكن تعال الآن شوف الرجال بضربوا النساء ويضطهدوهن ويعاملوهن معاملة سيئة جدة الم تقرأ عن حقوق المراة الضائعة الم ترى كيف شوه وجه الحسناء (سناء) التى ليس لها زنب سوا ان رفضت زوجها فقام باحراق وجهها بماء النار فى ابشع جريمة ضد المراة فى السودان

وليه الواحد يجن اسع ظروف الحياه القاسيه ماكفايه كمان جابت ليها جن وده كلو هين الله يسترنا من المراة الثرثاره(النقناقه) البتخلى الحياه نكدx كد نوع دى ياها البتطلع الزول من الشبكه
والله يكون فى العون

]

وليه الواحد يجن اسع ظروف الحياه القاسيه ماكفايه كمان جابت ليها جن وده كلو هين الله يسترنا من المراة الثرثاره(النقناقه) البتخلى الحياه نكدx كد نوع دى ياها البتطلع الزول من الشبكه
والله يكون فى العون [/quote]

والبخلي المرة تثرثر شنو غير ان الراجل ما ملتزم بواجبات منزله واطفاله تجده يجلس فى النت والمقاهي لكي يهرب من المسؤولية واديك مثال ولا بلاش؟؟؟؟؟؟؟؟؟؟؟؟؟؟؟؟؟؟؟؟؟؟؟؟

زرقاء اليمامة كتب:: ]

وليه الواحد يجن اسع ظروف الحياه القاسيه ماكفايه كمان جابت ليها جن وده كلو هين الله يسترنا من المراة الثرثاره(النقناقه) البتخلى الحياه نكدx كد نوع دى ياها البتطلع الزول من الشبكه
والله يكون فى العون

والبخلي المرة تثرثر شنو غير ان الراجل ما ملتزم بواجبات منزله واطفاله تجده يجلس فى النت والمقاهي لكي يهرب من المسؤولية واديك مثال ولا بلاش؟؟؟؟؟؟؟؟؟؟؟؟؟؟؟؟؟؟؟؟؟؟؟؟[/quote]

اجمل مافي هذا المنتدي يا ود عجيب انك تقاتل وحدك

ولك خالص التحايا
ومن هنا ادعو مشرف المنتدي منحه جائزة المنتدي المشاركة الفاعلة

ومزيد من المساهمات
واحي العبدلاب جميعا
شرق وغرب

لك الشكر الاخ ابو (عشرين ) وتكرم ياعينى والله العظيم انا كنت داير ادخل فى حوارك مع الجماعة اياهم بخصوص الاسم (ابوعشرين) حتى كدت ان اكون قريب منك انشاء الله (ابسته) او (التقنت )
عشان الناس ديل شايلنها معانا بدون سبب (ظلمو الغرام) وبالذات صاحبنا بتاع المويه البارده والشاى ده (والفى قلبو something براهو dancing )

يا ود عجيب ويا زرقاء اليمامة
انتو مسخنين الحاية كده مالكم ؟؟؟ المرة عملت والراجل عمل
سؤال بريء جدا : في واحد فيكم متزوج ؟؟؟
ولو الاجابة لا تبقى دي المصيبة ( لانكم بتفتو بغير علم) يعني كل اراءكم مبنية على الشمارات
ولو الاجابة نعم دي المصيبة الاكبر وخوفي تنطبق عليكم مقولة ( كل اناء بما فيه ينضح)

يا ابو عشرين : معقول في مكان فيهو ( عوة ) انت ما تظهر فيهو ؟؟؟؟
اتضح لي انو العلاقة بينك وبين العوة زي العلاقة بين حسن صيوان والمناسبات ( عبرك اهديه باقة ورد لحبة لصلة الارحام )
** عوة : تعني مشكلة
Smile

يعنى تقصد انو ابوعشرين دخل عشان يخرب (على طريقه المديده حرقتنى) ما اظن ده يحصل لانى بعرف ود عجيب جيييييييييد والرجل مهذب فى الرد وله قدره فايقه فى اداره الحوار ده لو ما حول الحوار لصالحه انا شخصيا خضت معه معارك كثيييييييييييييرة وفى النهايه كان راقى لم يتعامل مع الموضوع ب(الشخصيه ) و هنا يكمن التفوق
اما زرقاء اليمامه حقيقه لا اعرف عنها الكثير الا من خلال المنتدى ويظهر انها كويسه جدا
لا تخشى على مثل هولاء يا زاد الشجون ابناء السريحه دايما كبار وانت واحد منهم

مشكور يا الملثم ( مصر تتلثم رغم انو الدنيا حر)
( حتة المديدة حرقتني ) موجودة في ابعشرين ( ما حينكرها) لكننا احيانا نسعد بها ( اذا كان العيار خفيف) والله يسلمك من لسانو في كلامك ده
ود عجيب رغم فارق السن البينا الا اننا اصدقاء (close friend ) وانا بعرفو ( زي جوع بطني) لذا من الطبيعي ان نتوافق او نختلف
زرقاء اليمامة ( رغم شطحاتها احيانا) لكن حبها للمشاركة واثراء النقاش
والعناد يجعل للبوست نكهة مميزة
** طبعا دي ارائي الشخصية ( لي الحق فيها) ولكم حق التعليق ومحبتي

ودعجيب كتب:: لك الشكر الاخ ابو (عشرين ) وتكرم ياعينى والله العظيم انا كنت داير ادخل فى حوارك مع الجماعة اياهم بخصوص الاسم (ابوعشرين) حتى كدت ان اكون قريب منك انشاء الله (ابسته) او (التقنت )
عشان الناس ديل شايلنها معانا بدون سبب (ظلمو الغرام) وبالذات صاحبنا بتاع المويه البارده والشاى ده (والفى قلبو something براهو dancing )

الغريب يا ود عجيب انا بعرف معظم اهلكم وبعرف مسلم اخوك معرفة قديمة جدا جدا من زمن الصبا ولاقيتو قبل اسبوع اكان عندكم بكي في الشرق وفاة زوجة عمك الشيخ ادريس
لكن ما بعرفك دا محيرني كبف ما اعرفك
ولكن طالما نلتقي هنا
سيظل الود بيننا
ولك خالص تحياتي