- ناندا كتب:
(( تخيل الدنيا من غير رجال ))
1- اغلاق العيادات النفسيه
2- افلاس مصانع المهدئات
3- وقف تساقط الشعر بسب الهموم
4-بطاله فتيات الفيديو كليب
5- انتهاء الارهاب والحروب
6- انتشار السكينه والهدوء
7- انتحار اليسا وروبي ونانسي وماريا وهيفااااااااء
هوووووووووووووي يا ناندا أرعي بي قيدك
والله هسع ندوره معاكم
أها النجيك لي كلامك القتيهو دا:
استعدي وامسكي الخشب..........
1-هو برا القفة والمصاريف الكتيره والواحدة من الصباح
جيب جيب عندكن شنو؟؟؟؟؟؟؟كدي قولي لي.
دا اكبر سبب للجنون.
2-هو براكن اتن في شي خلا المهدئات تغلى...
معليش يعني دي نسيناها نحنا وما كتبناها يعني ممكن
تسجليها لينا ؟؟؟؟؟ومشكورة جدا وربنا يكتر من امثالك.
3-والله دي كضبة كبيرة هو عليك الله الشايل هم التاني
منو؟؟؟؟؟؟؟ وبعدين في كل 1000ولا2000 راجل مصلع في مرا
واحدة بس مصلعة خلي كمان تقولي لي تساقط
شعر عليك الله انسينا ياخي.
4-النقطة دي ما كان تقوليها لانو كدة وريتينا انو حواء
معتمدة على وجود آدم لكي تغني له وتغريهو وتاكل قروشو
شفتن محنكن حصلن وين؟؟؟؟؟؟؟؟؟والله غايتو.
5-إنتي الظاهر ما سمعتي بي عجوبة الخربت سوبا
دي ما أكبر ارهابية عرفها التاريخ السوداني دي خربت
سوبا المملكة التي كان حكم السودان منها آنذاك .
والغيرا كتااااااااااااااار بس ما في داعي للفضايح.
6-هو قالوا ضل راجل ولا ضل حيطة
عشان كدة حلمكم في السكينة برا رجال
زي عشم الكلب في موية الابريق.
7-والله يمكن دي الحاجة الوحيدة الممكن نقبلها ليك
لكين برضو عليها مآخذ لكين عشان ما تيأسو من الحياة
ونحنا زاتو ما بنقدر نستغنى عنكم والبيت البرا مرا
زي الزول برا راس وكمان اقول ليك انتو الساس والراس
وانت يا حواء:
ربة البيت وام الولد انت للاوطان اصفى مورد
عشان كدة يا حواء نستميحك عذراً ان سطت سيوف
السنتنا على برهان مجدك فلك العتبى حتى ترضي
ولك ياستاذة ناندا البيت دا لانو انا بحب العشر
ولا يهدى النفيس الا للنفائس:
قال عنترة:
فوددت تقبيل السيوف لأنها **** لمعت كبارق ثغرك المتبسم
وقال إيضا:
ولو لاها فتاه في الخيام مقيمة *** لما اخترت قرب الدار يوما على البعد ِ
مهفهفه والسحر في لحظاتها *** إذا كلـــمت ميتـــا يقـــوم من اللحـــــد ِ
أشارت إليها الشمس عند غروبها *** تقول إذا اسود الدجي فاطلعي بعد ِ
وقال لها البدر المنير ألا اسفري *** فإنك مثلي في الكمال وفي السعد ِ
فولت حياء ثم أرخت لثامها *** وقد نـــــثرت من خدهــا رطــــب الـــورد ِ
وقال المتنبي:
هام الفؤاد بأعرابية سكنت *** بيتاً من القلب لم تمـــدد لــه طنبـــا
مظلومة القد في تشبيهه غصناً *** مظلومة الريق في تشبيهه ضربا
بيضاء تطمع في ما تحت حلتها *** وعـز ذلك مطلـــوبا إذا طلبــــا
كأنها الشمس يعيي كف قابضه *** شعاعها ويراه الطرف مقتربا
وقال قيس بن الملوح:
ومفروشة الخدين ورداً مضرجا *** إذا جمشته العين عاد بنفسجا
شكوت إليها طول ليلي بعبرةٍ *** فأبدت لنا بالغنج دراً مفلجا
فقلت لها مني علي بقبلةٍ *** أداوي بها قلبي فقالت تغنجــا
بليت بردفٍ لست أستطيع حمله *** يجاذب أعضائي إذا ما ترجرجا
اها دي شهادة من المعلمين الكبار ابقن عليها عشرة
لكين اوعا تصدقوا الكلام دا لانو كان زمان وقت النسوان نسوان.