منتدي جماهير الحمام الميت

بركة الليله الفتحتو خشمكم ... كنتو ويييييييين ايام الكاسات ... لسانكم مقطوووووووووووووووووووووووووع !!!!!!!!

نرجو التعليق لجماهير الموج الازرق فقط فقط فقط
*لم تجد احد في استقبالها بعثة المريخ عادت الي الخرطوم صباح امس.

هاكم دي البداية
انا ح اتصل برافت علي يزورهم في الاستاد
معاني الكلمات
رافت علي : لاعب الوحدات الاردني صاحب 3 اهداف في مرمي الحام الميت

صمت دهرا ونطق كفرا
نفس الحال
هسه عليك الله قولتي دقيقة وتردي علي بعد 30 دقيقة
وبعدين علي اي كاسات تتحدثي
ما تهربي من الواقع خلينا في السبعة
والله اقول ليك كلام انتي ارجل من جماهير الحمام الميت واقول ليك كلام
كمان ارجل من اكرم الهادي بسم الله اكرم شنو انا قاصد جمال
ما تمشي بعيد يكون جمال فرفور
ناخد سبعة ما مشكلة المشكلة الشطب هوالمشكلة
دي غناء جمال
ما جمال الوالي
جمال فرفور

الدحيش كتب:: لو في راجل من مشجعي الحمام الميت يتخطي هذه الخطوط

1/ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

2/ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

3/ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

4/ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

5/ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

6/ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

7/ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

مشجعي

الموج الازرق+الوحدات الاردني

إنتو بالذات ما تتكلموا عن الرجالة .
الرجالة قالت ليكم أطلبوا التأجيل لمدة شهر .
الرجالة قالت ليكم أنسحبوا .
إنتو أجبن خلق الله على الأرض .
قلتوا الروووووووب ما بنلعب ، الجماعة ديل في المقبرة هنا غلبونا .
وبعدين يا سيدي إنت قبل كدا أخدت سبعة وللا نسيت ؟
نسيت المقاولون العرب وللا شنو ؟
سبقتونا عليها من زماااااااااااان .

عادي جدا..!!
عادي جدا ان ينهزم الشياطين الحمر في الاردن ببساطة .. !
الاقلام جعلت منه اسدا .. وفرضته علي الناس !!
فريق اكتر من عادي!!
لعب مع الهلال 3مباريات وفاز عليه الهلال في واحدة وتعادل في 2 وقامت الدنيا ولم تقعد ..!!
فصلوا البطولة في جلباب ضيق فاصبحت في حجمه فارتدها !
قدل .. وعمل .. واتجمل .. وعمل بطل !!
فريق اطل عليه النور بعد خمسة سنوات ظلام ..!! عادي جدا
والاقرب من ذلك فريق الوحدات لاعب ناقص من اول دقيقة للمبارة اظن ح يطيل علي واحد ويقول بعد 3دقائق هي فارقة
عادي جدا!!
كالعادة الحظ يلعب معهم ويعطيهم ضربة جزاء
عادي جدا !!
باختصار اطلقوا عليه فريق الاحلام ولكنه فريق الاقلام .

بتخيلوا انه ريال مدريد
ولكنه هو ابن المليح

السلام عليكم يا جماعه وكيف انتو بعد الغيبه الطويله دي
كلام جميل يا عمر عبدو
شتتتتتتتتتتتتتتتتتتتره
عندي سوال واحد عاوز حد يجاوب علي (اقولو ولا ما اقولو )
يا اخي بقولو
بدات سبعه وانتهت سبعه عرفتوها
عارفين جائزه السوال دا شنو ( زجاجه سفن اب سبعوميه ملي ) (كرم)ولا ما كرم قهقه

يا هلالاب إنتو بتعرضوا بي دلوكة غيركم
وينو عماركم إنتو ؟ سويتو شنو ؟
والله جريتكم دي أكبر فضيحة .
إنتو :
الصبيان الجرو سابوا عروضهم وهملوا .
ونحن :
الجري ما بنعرفوا لو لعبنا حرينا
أوووووووووب عليكم من الناس البجيبوا أربعة أهداف في الوحل والطين دا .

عمارنا انته عارفو واي زول مريخابي عارفو كويس اكتر من اكرم الهادي
والدلوكه دي دقيناه زمان لمن .................
جريت منو يا معلم انته ما عارف انو التاجيل احد خيارات البطوله ونحن طلبنا التاجيل ولم نطلب الانسحاب
هسع ان سالوكم تقولو المطر وكان المطر انتو جيبتو اربعه كيف
دا طين وطين نيجريا شنو يكون يا عالم ما تنكرو الهزيمه والله حاره اووووووووووف
شتتتتتتتتتتتتتتتتتتتتتتره
اي حاجه سبعه بالف اقصد السبعه بعشره

عبارة الجري نحن ما بنعريفو دي ا سحبها
انت جريت من الهلال
وكمان عمك زيكو شال الكورة وقال تتمسخ
والنتيجة انتهت 2/0 لصالح الهلال . الوالي+ خالد بخيت
وكانت في ضربة جزاء مع زاهر مركز بس للاسف لم تنفذ لانو زيكو شال الكورة وجرا

يا جماعه الخسارة خسارة بلد .... وليس المريخ او الهلال لا داعي للشماته او الفرح الهستيري دعونا نفرح او نحزن سويا
والعنصرية العمياء هذه نخليها ودا ذاتو المضيعنا في كل المحافل ويخلينا نتصارع في لا شي فعند ما يتوشح المريخ برداء الوطن فلنقف معه وكذلك الهلال ونترك ذلك التعصب والقراءة لمزمل ابو القاسم او رمضان احمد السيد لانهم يدعون للعنصرية ....
الهلال + المريخ =المهازل المحمولة جوا
مع تحياتي واحد معجب بالهلال

الواحد ممكن يطلب التأجيل ليومين ، أسبوع ... لكن شهر ! وين دا ؟
وبعدين التأجيل لي شنو ؟
داير تسوي شنو بالتأجيل ؟
دا أسمو طلب تعجيزي عشان تنسحب .
يعني بعبارة تانية الروووووووووووب
وفي واحد أخونا أنا قائل ما حضر ليهو مباراة في حياتو غير حقت زيكو دي .
خليهو المضى لاقي البجيك جديد .

محمد عبد الوهاب كتب:: يا جماعه الخسارة خسارة بلد .... وليس المريخ او الهلال لا داعي للشماته او الفرح الهستيري دعونا نفرح او نحزن سويا
والعنصرية العمياء هذه نخليها ودا ذاتو المضيعنا في كل المحافل ويخلينا نتصارع في لا شي فعند ما يتوشح المريخ برداء الوطن فلنقف معه وكذلك الهلال ونترك ذلك التعصب والقراءة لمزمل ابو القاسم او رمضان احمد السيد لانهم يدعون للعنصرية ....
الهلال + المريخ =المهازل المحمولة جوا
مع تحياتي واحد معجب بالهلال

أنا متعصب وإنت متعصب وهو متعصب وكلهم متعصبين وما في داعي للمثالية دي .
دي حاجة منتهية من زمان .
أنا شخصيا ما شجعت الهلال من الله ما خلقني وعلمني الكورة ... ولا بشجعوا .
عصبيتي من قبل ما مزمل ورمضان يكونوا صحفيين ، يعني جبناها من وين .
من المجتمع .
الواحد يدعي الوطنية والمثالية وهو من جوة الفرحة دايرة تكتلوا وأنا من النوعية دي .
الكلام دا عام وليس مقصود به شخص معين .
وبعدين ما في داعي تكتب واحد معجب بالهلال كان الأولى أن تكتب واحد معجب بالمنتخب أو معجب بالكورة

التحيه لك اخي محمد عبدالوهاب ولكن الخسارة ماخسارة بلد هي خسارة ناس تعبانين
في اعتقادي الخاص لو ودينا اطفال ناقصين كمان ما ممكن يتهزمو ويفشلونا كده
وبعدين قلنا للجماعه ديل
ماممكن تسافر قالو نحنا حالفين بالمشاعر
جميل منهم روح الوطنيه دي فضحونا ايما فضيحه
بقيت كل ما الاقي لي اردني اقول ليه اعمل حسابك انا هلالابي
عليكم الله يا جماعة في داعي اني امشي وانا كاتب يافطه انا هلالابي
سبعة لاحول ولاقوه الا بالله
المشكله يا جماعة انو في اخوان مريخاب قاعدين يكتبو لسه
صدقوني ممكن ما عارفين النتيجه ولا ممكن قايلنها تعادل
ياخي فيقو من الوهم الانتو عايشين فيه
- بلاكتر حكي - دي كلمه كانت من اداري اردني للسفير لما طلبو يغيرو ملعب التمرين
وادخل الاتحاد الاردني وحل المشكله وبعد حل المشكله سبعه امال كان يكون كم يادحيش
لو ما اتغير الملعب
واخيراً انتم بدون مجامله شوهتم سمعة السودان الله لايردكم تلعبو كوره تاني
واطلب من ادارة المنتدى صرف مناديل اقصد ملايات للبكاء الجاد
وشفت كيف تعليق اخونا مدريد فاشل اوربياً ومحلياً وبتفاصح
ههههههههههههههههاي هههههههههههههههاي هههههههههههههههههاي

المزعلني ومقطع مصاريني الواحد جبان وخواف وقال الروووب وبرضو ليهو وش يتكلم بيهو .
وهلالك دا ضربة جزاء ما قدر يجيبها ، داير يجيب قوون متين . لما يلقى القون فاضي وللا شنو .
والله أنا خايف يعمل زي ما عمل الزناتي بتاع بركات .
غايتو أنا ما عارف لكن السنة دي حا تكون كبيسة عليكم إن شاء الله .
وقلنا ليكم مية مرة ما تعرضوا بي دلوكة غيركم .
ليس الفتى من يقول كان أبي ولكن الفتي من يقول ها أنذا .
أصبروا بنتلاقى فوق ضهورهن .

المزعلني ومقطع مصاريني قول الوحدات ياخي
وبعدين احسن نتصفق زيكم كده سبعه ولا نرتب فريقنا
وبعدين الزناتي البتتكلم عنو ده ناس المريخ باكيين فيه لانو فاشل زيهم
ودي حتكون سنه سباعية على المريخ 1 2 3 4 5 6 7
بتعرف تحسب كويس لحدي سبعة ولا اعلمك
وبعدين يا عزيزي الفتى الوحدات الاردني ليس انا
بنتلاقى دي قولها لي كتور جبه اهلي الخرطوم ناس المناقل
في حاجه اسمها سيد البلد ---- الهلال ----
هل وعيت الدرس يافتى

بعث لي بإيميل عابث؛ مناكف؛ مشاغب أحد أروع الأصدقاء الذين أعتز بصداقتهم و أرجو أن تدوم إلى الأبد؛ و في نفس الوقت صديق متعصب جداً يجري بشراينيه دم أزرق؛ الصديق الرائع ناجي الفنجري من أرض الرياض بالمملكة السعودية و أنا أريد أن يقرأ الجميع ذلك الإيميل:

مدخل اول ·
7 × 1 = 7
7 × 2 = 14
7 × 3 = 21
7 × 4 = 28
7 × 5 = 35
7 × 6 = 42
7 × 7 = 49
7 × 8 = 56
7 × 9 = 63
7 × 10 = 70
* في تخفيضات خاصة للمريخاب ·· في جدول سبعة بالتحديد·
* مدخل ثاني·
*جدول سبعة دي احفظوه ··· بسألكم منو ··· مفروض بعد كدا تقبلوا علي الاستاد·
* ان شاء الله تردموه رملة ساكت·
* الطوب الايامات دي ضارب الدلجة·
* يا جمال الوالي نكون (واضحين) معاك ··· طابق تاني ما بحلكم ··· طابق ثالث ما بحلكم ··· طابق رابع ما بحلكم ··· طابق خامس ما بحلكم ··· طابق سادس ما بحلكم·
* طابق (سابع) يمكن يمرقكم ····
* جهزوا السيخ·
* ما تقعدوا تغالطوا ساكت ··· الغلب دا غلب سبعة طوابق ··· ما يغشوكم بالطابق التاني ساكت·
* الطابق التاني ما بعمل حاجة مع السبعة·
* مدخل ثالث·
* مفروض المريخاب يحمدوا الله انو (وارغو) وقع معاهم ··· لو ما وقع معاكم ··· بعد (السبعة) دي ما بتسجل ليكم ·
* هسع بعد (السبعة) دي يمكن ما يرجع ليكم ··· معقول زول تجيبوه عشان تسجلوه في فريق الكورة ··· يكتشف بعد اربعة شهور ··· انو بيلعب في فريق كرة سلة·
* السبعة دي بي امانة شديدة ما سمعنا بيها في كورة القدم·
* لكن اقول ليكم حاجة·
* البرد ··· كان ليه اثر ··· في الهزيمة دي·
* برد شنو يا ود الناس ···· ناس الوحدات ديل لاعبين في (الصيف)·
* اقول ليكم حاجة تانية·
* الخريف ··· هو السبب·
* يا ود الناس خريف شنو؟ ····· ناس (الوحدات) ديل لاعبين في (الربيع)·
* انتوا يا الهلالاب ··· ما تصعبوا الحكاية ساي ·· الحكم ظلم المريخ ··· عندهم (طابق) ما حسبو ليهم·
* المشكلة ··· انو ناس الوحدات من الدقيقة التانية لاعبين (عشرة) ···
* لكن بالجد كدا ناس المريخ كانوا لاعبين (سبعة) ··· اكرم ما بنعدو ··· والزومة ما بنعدو ··· وبله جابر ما بنعدو ··· وامير دامر بنعدو ··· لكن بنعدو مع الوحدات·
* الشغيل دا كان صانع العاب عديل·
* المباراة كلها ··· وانا بقول ناس الوحدات المحترف دا سجلو متين؟·
* انتوا عارفين المريخ فقد (فرانسيس) ···
* فرانسيس لو كان لاعب ··· كان المباراة دي ما وصلت (سبعة)·
* كان انتهت ستة ونص·
* ستة ونص دي اول مرة نسمع بيها·
* مدخل رابع·
* جاءنا البيان التالي من غرفة تسجيلات المريخ·
* دخل كل من اكرم الهادي ومجاهد والشغيل وامير دامر والعجب وسفاري والسعودي وايدهور والزومة وبله جابر وقلق دائرة الشطب ·· وافادت الاخبار القادمة من الاردن ·· ان المريخ سوف يسجل (فرانسيس)·
* فرانسيس دا يتقطع ليكم يعني·
* غايتو فرانسيس دا بسهولة كدا ممكن ينافس اكرم الهادي سليم·
* مازدا الفيه معروفة من المنتخب·
* مدخل خامس·
* قالوا ليك اكرم الهادي سليم مفتكر المباراة (ضربات ترجيحية) ··· سبعة ·· اربعة دي سمعتوا بيها قبال كدا·
* الشيء شنو؟·
* قالوا ليك ··· ناس شركة نوكيا ··· بدل (تلاتين ·· عشرة) ·· ح يعملوا موبايل جديد اسمو (تلاتين ·· سبعة)·
* تلاتين ·· سبعة دا (شبكتو) ··· اسمها شبكة (اكرم)·
* كرم شديد·
* انا عرفت ليه الناس البمرضوا بمشوا (الاردن)·
* اتاريهم بمشوا فوق رأي·
* بامانة كدا ·· فريقكم دا محتاج يدخل (الانعاش) ··· امير دامر تحلف تقول لاعب (ضمنة) ·· اي كورة يجليها·
* لكن (البرد) برضو كان ليه اثر·
* اكرم قالوا ليه انت الكورة بتفوت فيك كيف بسهولة كدا ··· قال ليهم (البرد)·
* برد شنو؟·
* البرد دا يا ربي محترف مالي·
* ناس المريخ مرة اتغلبوا في الجزائر ··· قالوا (الالعاب النارية) هي السبب·
* اها المرة دي مرة يقولوا (المطر) ·· ومرة يقولوا (البرد)·
* انا ما عارف الناس ديل عاوزين يلعبوا وين؟·
* مفروض الجماعة ديل يودوهم يلعبوا في (الدوري الاسباني)·
* تجي مطرة يقولوا (المطرة)·
* ما تجي مطرة ··· يقولوا عدم المطرة هي السبب·
* تكون في العاب نارية ··· يقولوا بس ··· السبب الالعاب النارية دي·
* تكون ما في العاب نارية ··· يقولوا وين الالعاب النارية·
* الالعاب النارية نجيبها ليكم من وين في البرد دا·
* ناس امير دامر ديل بيلعبوا تنس·
* مدخل سادس·
* عرفنا من معلوماتنا الخاصة ·· ان المريخ سوف يدخل التسجيلات غدا بمفاجأة كبري·
* تحت ·· تحت عرفنا ان (المفاجأة) التي سوف يدخل بها المريخ غدا ·· هي لاعب الارتكاز (الضجة) ··· (الطابق التاني)·
* يلا صفقوا كلكم ··· ما تقعدوا لي كدا·
* لكن بيني وبينكم ·· كلو من (البرد)·
* الله يقطع سنين (البرد)·
* معقولة فريق يهزموا (البرد)·
* البرد في عينك·
* لاعبين عشرة ·· يغلبوكم (سبعة)·
* يعني لو لاعبين سبعة ·· كان غلبوهم عشرة·
* قالوا ليك الجماعة ديل لاعبين عشرة من الدقيقة التانية·
* دا كلو من (المطر) ··· ما تسمعوا كلام الهلالاب دا·
* كمان يا مريخاب (المطر) ماسكة ليكم (الجهاز الفني)·
* انتوا غلبتكم (المطر) ··· فريق انتوا وإلا ولاية الخرطوم ·· البتجهجهو (مطرة)·
* الراكوبة ما بتشكر في (المطر) ·· عشان كدا اكرم الهادي سليم ··· ما بتشكر في(الخريف)·
* مفروض ناس المريخ ينتظروا الهلال يشطب ليهم (روي قلواك) ·· عشان يسجلوه·
* اخير ليهم من اكرم الهادي سليم·
* انتوا تعالوا هنا ··· الشغيل دا متين بقي صانع العاب ·· الزول دا بقي اخطر من هيثم مصطفي ··· انتوا وقت عندكم لاعب بصنع الاقوان زي الشغيل دا بتلعبوا (العجب) ليه؟·
* بقت عليهم مطرة وبرد ·· وسبعة اقوان·
* مدخل سابع·
* قالوا فريق (الوحدات) اتغير اسمو واصبح اسمو (السبعات)·
* برضو (السبعات) احسن من (الستات)·
* قالوا ليك في جماعة بيلعبوا في كوتشينة ·· واحد في الجماعة ديل قافل من الصباح علي كرت·
* الزول كان قنعان من الخمسين ·· وبينو وبين نفسو قال انا قافل علي كرت ميت·
* فجاة كدا فكوا ليه (سبعة) هارتي·
* الزول جر ليك الخمسين ·· قال ليهو في زول بفك ليه (سبعة) في البرد دا·
* عمليتك دا (مازدا) ما بعملها ·· تفك ليك (سبعة) هارتي ·· والزول قافل ليك من الصباح·
* الكلام دا هسع خلوه·
* قالوا ليك في واحد سافر مغترب عشرين سنة ·· برة البلد ·· حصاد غربتو كلها قال عاوز يكبها في عمارة·
* اشتري ليه قطعة ارض وقال عاوز يعمل سبعة طوابق ·· عندو واحد قريبو (مقاول) ·· قال ليه ما عندك مشكلة كل سنة رسل لي (الريالات) وانا بعمل ليك (طابق)·
* صاحبنا سافر مربط علي الكلام دا·
* بقي شغال ليل ونهار ·· بدك الفطور والغداء ·· عشان يوفر ويرسل القروش للبيت·
* كل سنة بجمع قروش الطابق وبرسلها للمقاول قريبو في السودان·
* شهر ·· شهرين ·· المقاول برسل ليه ·· بقول ليه شطبنا ليك (الطابق) ·· رسل لينا قروش الطابق التاني·
* المغترب داك يصبر سنة ·· ويجمع القروش ويرسلها للمقاول·
* المقاول يصبر ·· شهر ·· شهرين ·· ويرسل ويقول ليه شطبنا الطابق·
* الزول دا سبع سنوات بالطريقة دي يرسل في القروش·
* بعد فترة قال خلاص انزل معاش في الغربة وارتاح في عضمي ·· رجع مفتكر يلقي العمارة من سبعة طوابق ··· جاء نايم قفا·
* من المطار طوالي مشي علي العمارة ·· قال عاوز يشوف السبعة طوابق بقت كيف؟·
* مشي علي العمارة ·· لقي ليك اول طوبتين ظاهرات فوق الاساس ·· يادوب يتشافن ·· لو ما دققت النظر ما بتشوفن·
* لو انت بتلبس نظارة ·· ما بتشوف اي حاجة ·· عمارة صقيعة·
* صاحبك طوالي تلفن للمقاول ·· قال ليه تعال هنا ·· انت العمارة دي رحلتها من مكانها ·· اوعك تكون السبعة طوابق قامن لي تحت·
* المقاول ما كذب ··· قال ليه عمارتك دي فكيتها ليك ·· يعني عملت ليك الطوابق (فكة) ·· عندك طابق في الواحة ·· وطابق في استاد المريخ وطابق في بورتسودان ·· وطابق في مدني ·· وطابق في كسلا ·· وطابق في كادقلي·
* قالوا ليك طابق كادقلي حاجة ما تخلص·
* ملحوظة: البرد جااااكم·
هوامش
* معارضة الهلال ظاهرة صحية ·· لكن علي المعارضة قبل اي شيء ان تدعم الهلال وان تقدم اعمالها المادية للفريق·
* افتكر مجلس الهلال محتاج للمعارضة·
* قيل ان فريق جزيرة الفيل في انتظار شطب مجاهد من المريخ·
* اما فريق حي العرب فلن يرضي باقل من السعودي·
* بخت اندية الدرجة الاولي ·· (المشاطيب) كتروا·
* اكرم في الاردن افتقد (الطابق التاني)·
* حارس يجيبو فيه قون من منتصف الملعب ·· حارس شنو؟·
* كلو من البرد·
* برد ومطر·
* افياني شطبوه وإلا لسع·
* يا الطاش عجلوا لينا شطب الزول دا ·· خير البر عاجله·
* باقي نحن (مستعجلين) ·· لاحقين القطر·
* العجب في الموسم الجديد ما بلعب ليكم اكتر من اسبوع·
* اسبوع بالتحديد ·· ما بزيدكم فيه ساعة·
* مريخابي جابوا ليه ولد ·· قال ما بسمي ليه في (السبوع) ·· بسمي ليه في 15 يوم·
* مريخابي تاني قال بقي يشوف الممتاز ·· سبعة ·· سبعة·
* انتوا قايلين الممتاز دا لعب·
* ايداهور مفروض يسحبوا منو الجنسية السودانية ويمنحوه الجنسية الاردنية·
* كروجر عرفها·
* اكيد امس (ترباس) مشي يشرب موية·
* الشوط الاول انتهي تعادل اتنين ·· اتنين·
* انت يا ترباس تمشي تشرب موية في البرد دا·
* كلو من ترباس·
* اتوقع بكرة صلاح ادريس ·· يدافع عن جمال الوالي·
* انتظروا وارغو·
* خبر عاجل : بالجد كدا ·· دا كلو من مشاطيب الهلال·
* خبر عاجل جدا: كمان (البرد) شطبو الهلال·

كل الهلالاب قايلين السبعة دي جديدة يا جماعة إنتو سبقتونا عليها من بدري .
ومن منو من المقاولين العرب .
والله يكفي المريخ فخرا إنو ناس الهلال يفرحوا بي فرح الناس التانيين .
ويكفي الهلال بؤسا أن ينتظر هزائم المريخ من الأندية الأخرى .
يا ريت تسوهو بي عرق جبينكم .
دا كلو عشان تنسونا الكاسات والتسجيلات .
لكن تلقوها عند الغافل .
شدو حيلكم الجايات أكتر من الرايحات .
إنتو نسيتو جريتكم من وفاق سطيف ، يا ناس ما تخجلوا .
ليكم لسان تتكلمو بيهو .
الإختشوا ماتوا .

الله يديك العافيه يا هشو على الكلام الطيب
وبعدين ماسمعت انو ود الامين قرر يسوي اغنيه سبعه سنين
1 / 2 / 3 / 4 / 5 / 6 / 7
انا بفتكر انو الناس ديل ليهم كرامه برضو فريق كبير
مابيرضى يخسر اقل من سبعة وده شان العظماء والعظمه لله
الكبير كبير والمريخ كبير في الهزائم التي تشين بسمعه السودان
ياكافي البلاء على فكره ياجماعة الكورة دي مازهجت من كتره
الاهداف والجماعة ديل سبق وقلنا ليهم ماتسافرو ومشو بالدس
بيدي لا بيد عمر واصبحو يغنو * براي سويته في نفسي *
ملحوظة: البرد جااااكم·
كان من المفترض اي لاعب يخش ومعاه دفايه على الاقل وسيوتر برد
ممكن تتطلع تعادل اربعة / ثمانيه

البرد جااااكم·: البرد جااااكم· : البرد جااااكم· اتتتتتتتتتتتششششششششششوووووهههه
وههههههههههههههههههاي ههههههههههههههههاي

اقترح على الحكومة إنها تقفل نادي الهلال ويستفيدوا من المقبرة إن شاء الله يعملوها زريبة عيش أو ملجة أو كمينة طوب أو أي مشروع تاني عشان الجماعة كلهم أصبحوا يشجعوا في الوحدات .

المشكلة انها ما وحدات لكن سبعات يا كبتن هههههههايي
زريبة عيش أو ملجة أو كمينة طوب ده مستواكم ياعم
الهلال سيد البلد وكل من يقول غير ذلك فهو واهم
ياخي انته مابتجيك حموضه لمن تسمع سبعة
يارجل خاف الله وانسحب زي باقي الجماعة
والبوست ده خليه للهلالب يصولو ويجولو ويمرحو
اسياد البلد ياعم

تحية لك اخي هشام
ردا علي المقال ..
حرام عليك يا ود العمه انت ظالم الجماعة ديل (الحمام اليت)
ذكرت في مقالك انو سبب الهزية في الجزائر والاردن البرد+ الالعاب النارية
وانت غير مختنع بذلك وهي الحقيقة . انت ما شفتهم لما كانوا لاعبين مع القطن التشادي
كانوا ابطال . انت كدي جيب ليهم فريق من تشاد او الصومال يعني حمام ميت ده مستواهم
والجماعة ما بقصروا
واقول ليك كلام ممكن جمال الوالي يعمل ليهم الطابق البعد السابع

لما كانت السنة عليهم كبيسة وما فرحوا بأي حاجة قالوا نشوف لينا حاجة نفرح بيها بدل القعدة ساكت .
ولقوا ليهم موضوع ومسكوا فيهو ، أفرحوا يا غلابة ما دام جنائزكم ديل ما جابوا ليكم حاجة .
البرد عادي جدا ممكن يكون سبب الهزيمة .
ناس جاية من مناخ استوائي ويلعبوا في درجة حرارة 5 درجة ، ليه هم ما بشر .
والله نحييهم على مواقفهم البطولية وهذا ديدنهم ما زي جماعة قاموا جاريين وليهم علالة .
الجري دا ما حقي .

أبو جاسم كتب :
يارجل خاف الله وانسحب زي باقي الجماعة

إنت عارف نحن رجال وناس حارة وباردة ما بننسحب من المعركة ، الانسحاب والجري دا حق ناس تانيين .
واللبين بالإشارة يفهم .
التولي يوم الزحف دا من شيم الهلالاب .
أأنا عارف ما بتفهموا .
إنتوا لو بتفهموا مفروض تسكتوا ساكت لغاية ما تشيلوا ليكم كاس وللا تغلبوا الزعيم .
لكن الفهم دا ما قسمة .

يايا ريال انت تاعب نفسك ليه ؟؟؟ الخشوم اللى بتجعجع دى كانت وين ايام الكاسات ؟؟ عشان تعرف انه كيسهم فاضى ... الايام ديك ولا واحد ما دخل المنتدى ..وبعدين الناس ديل حتى اجوبتهم منقولة .... عشان كدة خلينا فى محكمتنا .

بالصدفة مررت بقرب منزل حسن محمد احمد ابوعلي وكانت مباراة المريخ والوحدات تشتعل نارا وكنت مشغول جدا بموضوع ما ولكن صياح الجماهير المرتفع جدا وهم يرددون عبارة "قوووووووووووووووووووون" جعلني ادخل وقلت اكيد المريخ احرز هدف ولكن اصبت بخيبة كبيرة جدا عندما وجدت الهدف للوحدات وكل الهتاف دا للوحدات وكان كل الهلالاب واقفين وقفة رجل واحد مع الوحدات وجماهير المريخ متعصبة جدا والدم يجري فى عروقها وعندما انتهت المباراة كانت تحصل مشكلة بين الحضور والمكاواة ورمي الحجارة وزر التراب والاصوات المرتفعة كانت هى السائدة0
صراحة تأسفت كتير للسلوك المشين لجماهير الهلال التي لا تعرف معنى الوطنية ولا تحترم شعور الآخرين ولا تفرق بين المباراة التنافسية المحلية والمباريات الدولية