مبروك للمريخ التوالى الرابع

العنوان اعلاه لم يكن محض تخميناتنا ولا افتراتنا ولكنه واقع حقيقى ولا حتى مهاترات ولا تصريحات الصحفيين ولا ولا وحتى تكهنات الكهنة الذين رفضهم المدرب الديبة وانا من هنا احيه ليس لانه لم يجلب لنا بخور فوزى ولكن لانه رجل عاقل وموحد يعلم تماما بان الكرة لا علاقة لها بالهلال اقصد ببخور الادارى الضليع ولا خزعبلات ابو شنيبو لكن هو ايمان من يلعب ويكد ويبنى طابقين ويصلح استادو ويجلب وارغو ويقلع مصعب من بين ايادى وافواه لاتعرف الا (على الطلاق) وبئس القسم _ احبابى لكم العذر ان طلت فى هذه المقدمة ولكن ارجع بكم البارحة وعلى استاد الخرطوم وايام العيد من كان كبش الفداء ؟؟؟؟؟ هم ليس غيرهم ووحدهم من يصلح ان يكون كبش فداء لنا للمرة الرابعة يرجع كاسنا لدولابه ولكن هذه المرة معه اخوه الغائب والذى كان مدسوس بفعل التحكيم وبحكم شدادى قوى محكوم ومقفل عليه فى دولاب مهترى لايوجد به سواه جاء هذه المرة الى دولاب نظيف وبه اكثر واكبر واقدم كاسات منه وما كان منه الا ان احترم شيبة الكاسات الاخرى المحمولة والزاحفة خوفا وطمعا الدولاب الاحمر
بنقول مبـــــــــــــــــــــــــــــــــــــــــــــــــــــــــــــــــــــــــــــــروك الكاس للناس العزاز اهلو واسيادو واسياد البلد ومن سوف ينكر هذا من منكم سيقول غير المريخ هناك زعيم ومن منكم سيقول بعد الذى حصل ان هناك فريق سيد بلد غير المريخ ومن منكم سوف يقول ان هناك فى السودان فريق اخر غير المريخ لايوجد اصلا هنا فى السودان ندا للمريخ الا ان حى العرب البورتسودانى واحسن لنا ثم احسن لنا مئات المرات ان نجد اولا فريق يستطيع ان يقول للمريخ كفاك او اتحداك ثم نلعب معه ومنه نكتسب الخبرة والدراية ولكننا كنا نلعب مع فريق للملاكمة والمصارعة اسمه الهلال وبرغم ان لجنة تحكيم قد قامت بتعديل القانون (اظنها) لصالح الهلال وقالت له لك ان تلعب ان شئت بايديك وان شئت براسك وان شئيتم بعكاكيزكم ولكم ان تتسلحو ولكم ان تستعينو برجال الخط متى ما شئتم ولكم ايضا ان تسعينو بالحكم الرابع نفسه وبرغم من كل هذا وذاك الا ان عزيمة اهل المريخ ابت ان ترفع الرايةالبيضاء فى وجه تحكيم جبل على الغدر والخيانة وليس احقاق الحق وكل هذا والتحكيم يسن سكينه لقطع اوداج المريخ للضحية ولكن انقلب السحر على الساحر وانهزم اعلام الضلال قبل الهلالوانهزم التحكيم قبل الحكام وانهزم الطريفى قبل شداد وانهزمت الروح المعنوية عند جمهور الهلال فباتو يهابون ويتحاشون مجرد سماع هذا الاسم المزعج طمبل وان لم يفعل شئيا هو والعجب مجرد فنيلة العجب تثير الرعب وسط مشجعى ولاعبى ومدربى وادارى وحراس وحكام الهلال لله درك عجبكو وطمبلكو الولد ولدكم( وبراى سويتا فى نفسى ) اما ولدنا امبارح فقد اشتراهو الوالى ورجعو بحق الخروف والسماية عشان كده رقص رقصتو الشهيرة وتقدل ثم ابتلعته الارض قبل ان يبتلعه اكرم الصغير واضاع ضربة الجزاء التى تعلقت بها قلوب جماهير الازرق المغلوبة على امرها والله حالهم يجنن وامبارح اصدر الوالى قرارا قضى بان لايفرح اهل المريخ كثيرا امام زملاهم فى الهلال وما ( يكاووووووووووووووهم ) من الكية والكى ايضا وكى كذلك ثم لو المهم لانو حالهم اغنى من السوال وباتو فى حيرة هل اشترى الوالى الارباب ام اشترى الاستاد وهل اشترى كلتشى وهل اشترى فيييرا وهل اشترى صابر لب وهل اشترى وارغو وهل اشترى مصعب وهل وهل وهل وهل ؟؟؟ وهلالات كتيرة غائبة عليهم وفائتة بان اعلام الضلال هو من باع القضية
نرجع لمهزلة التحكيم
لو تذكرون عندما لم يلعب علاء طيارة وقلق بسبب مرض امه مع المنتخب غرموهم للواحد تقريبا عشرين الف بالجديد طبعا ووقفوهم شهر لانهم من المريخ ولما غاب علاء يوسف يوم مباراة تنزانيا اتو به الى اتوهات اتحادهم واوهمونا بانه سينال عقابه لكن حاكموه بحرمانه من مباريات اثنين محلية واخرى دولية فلكم ان تتخيلو قبح اللعب بعقولنا فقالو له المبارات المحلية هى مباراة الاهلى والاخرى هى قمة مهزلة الطريفى بين المريخ والهلال يعنى الاتنين اتلعبو وكان العقاب باثر رجعى مهازل والله مهازل تعالو معى الى حيث الطريفى الذى كان بالسابق زول نصيحة ماله اليوم بات مبرمجا لهزيمة المريخ فى كاس السودان وليس التنشيطية كما يقول البعض من اهل الديار الحمرا هذا لانه فات عليهم خبث الاهلة فى اى موقع يرتادونه طلب (واظنه ) ان يكرت ايداهور الجزار حتى لايكرر المجزرة وطرد علاء الدين بابكر لانه مزعج وكان عليه التركيز وتغاضى كذلك الحكم عن ضربتى جزاء اوضح من الشمس فى كبد السماء عندما امسك مرق بالكرة على بعد خطوات من الما يتسمى معتز الحكم القابض حقه ولماذا لم يطرد الدعيع بعد ان خرج خارج التمنتاشر واستلم الكرة بيده وعرقل لايداهور وما قاله رجل الخط للزومة وما عمله ايفيانى للجمهور كل هذا وما فعله جمهور عطبرة ضد المريخ وما فعله وسيفعله التحكيم اكثر لو لم تكون لنا وقفة قوية نرجوها من الزعيم الطيب جدا الوالى الغالى ونقول ليه مبروك ياوالى وواصل طوالى بالامس هتفت جماهير الهلال ضد (على الطلاق ) وهذا يوحى لنا باشياء كثيرة سوف تحدث فى الزريبة زريبة العيش
هتفت جماهير المريخ وكانها لم تستضيف هذا الكاس لمدة ثلاثة اعوام خلت لانها ارادت ان تمنة الخلال بهزيمة تقييييييييييلة من العيار الثقيل وذلك حينما صرح الديبة بانه يمتلك فريقين وانفضح الامر وهو لايملك ولا فريق واحد
يمكن بهم منازلة الاهلى الخرطوم ناهيك عن فريق قوى اسمه المريخ وخرج اعلام الضلال من هذا الموسم بلا حمص سوى كاس الطريفى والذى اتو به من محلات ببحرى وطلوه بالذيت ليكون وعملو ليه (ظهرة) ليكون ناصع البياض وليقول الارباب هذا كاسى والكاس كاسنا ونحن اهلو
ملاحظة بسيييييييطة _ سوف يلعب الهلال فى دورى الابطال للموسم القادم ولكن من كان له الفضل فى هذا ؟؟؟؟؟
الفضل ايضا يرجع للمريخ ولنقاطه الخمسة هى التى قادت الهلال الى المعترك ولولاها لكان الان فى محل حى العرب بورتسودان يصارع الصغار وحقيقة خطير انت يامريخنا ؟؟؟؟؟؟؟؟ ارجو ان تكتبو لارى ماذا تخبى عقول الهلال بعد هذه الهزائم المتتالية المتوالية بطريقة هندسية رهيبة وفق تنظيم حريف لم يكن بالعشوائية والحظوظ التى يعتمد عليها غيره
للعلم : كاس السودان ومنذ ان بداء لم يحرز الهلال فى مرمى المريخ ولا هدف الا هدف عكسى احرزه على ما اعتقد ادريس المدافع المريخى بالغلط فى مرماه ؟؟ وانا داير زول شاطر يذكر لى هدف واحد فقط فى مرمى المريخ فى كاس مختوم اسمه المريخ (السودان ) وكل سنة والمريخ يضحى بالهلال امــــــــــــــــــــــــــــــــــــــــــــين !!!!

يا ود عجيب ظنيتك بايت في الخرطوم خصيصا عشان الموضوع ده ،،، ولا مش كده ، ها ها ها ، علي كل مبروك عليكم الكأس و مرحي ليكم يا هلالاب ،،،

هشام مبارك عبد الرحمن كتب:: يا ود عجيب ظنيتك بايت في الخرطوم خصيصا عشان الموضوع ده ،،، ولا مش كده ، ها ها ها ، علي كل مبروك عليكم الكأس و مرحي ليكم يا هلالاب ،،،

شتتتتتتتتتتتتتتتتتتتتتتتتره
لقد اصيبت يا هشام الزول دا ليهو زمن مستني الفرصه دي هههههههههههههه
ونقول لكل المريخاب مبروك باللون الازرق لنها دي اخلاق الهلالاب
وبرضو اسياد البلد ولا شنو

الواثق كتب:: شتتتتتتتتتتتتتتتتتتتتتتتتره
وبرضو اسياد البلد ولا شنو

انت لسه مع الوهمة دى !!!!!!!!!!!!
اسياد البلد واضحييييييييييين !!!

شتتتتتتتتتتتتتتتتتتتتتتتتتترة :

اصح من وهمك .. اصحى !!!!

تانى انا ماداير اسمع هلالابى يتفاصح لحد مايجى وارغو سمعت ولا (طرشت يا الواثق) بلا فصاحة معاكم الفصاحة دى كانت يوم ليلة الفداء الكبرى بعد ان ضحينا بكبشين اقرنين املحين ابطحين وبعد ما الرقاصة بتاعتكم (عليوة)اخدت رقصتا سيرنا السيرة وكانت ليلة العرس فى الرد كاسل التى ربما تحتاجون لربع قرن من الزمان لتاتو بمثلها او اقل منها بشرط ان يكون (على الطلاق)غير موجود انذاك ويالواثق وارغو وراك ؟؟

استحلفكم بالله ان تصوتو للعجب خمسة مرات هنا لو تفضلتم كل واحد يصوت فقط خمسة مرات حتى نستطيع ان نسمع اسم السودان عاليا http://www.iffhs.de/?b002ec70a804f4cd003f09

الي كل اعضاء المنتدي اقدم احترامي وودي املا ان يعيد الله العيد علينا جميعا ونحن في اتم الصحة والعافية وان نري بلادنا وقد تقدمت كثيرا واصبحت في مصاف الامم الراقية.

ياجماعة الدنيا عيد والخلق الرياضي يقتضي التسامح ولكن شوية (مشاغلات) مهم فانا اهدي
الفيديو ادناه الي عشاق الاحمر الوهاج وكذلك السراب الازرق ولا اتمني ان يذبح الهلال (حاشا لله) ولكن الذبح الرمزي في اطار الخلق الرياضي مطلوب وكل عام والجميع بخير .

الف مبروك للمريخ على {كاس.ممتازو.................}