بعد الغياب

جيناكم يا حبايبنا بعد غربة وشوق نغالب فيه ويغالبنا
وأتمنى من الله إلا أفارقكم مرة أخرى بأي سبب كان .
ومعلوم أن ظروف الشغل هي التي تتحكم في ذلك .
وأقول للمنتدى :
سوء الحظ أنالني منك هجرا فعلى الحظ لا عليك العتاب .

شتتتتتتتتتتتتتتتتتره
بعد الغياب عاد الحبيب المنتظر .........................
ها زول والله مشتاقين ليك كتير وفاقدنك كتير
كل مانقول كملنا الشيل يطلع شيل باكر شيلن اتقيل

بارك الله فيك يا أخي الواثق .
جينا ليك والشوق دفرنا يا نشوق روحنا ودمرنا
يا المحطات الحنيني القصرت مشوار سفرنا
وأنا كذلك شوقي ليكم ما يتوصف .

والله بجد فقدناك يالريال
وانشاء الداعي خير

إن شاء الله ما تفقد عزيز . قول آمين .
السبب زي ما قلت ظروف الشغل وكدا ، يوم هنا ويوم هناك ويوم هنااااااااااااااااااااااااااااااااااااااااااااااااااااااااااااك .

انت ويييييييييييييييين يا ريال !!!!!!!!!!
ليه تخلينى براى مع المراحيم ديل يستفردوا بى ؟؟؟
لكن والله ما خليت ليهم جهة يقبلو عليها ...
عودا حميدا .. نتمنى عدم الغياب مرة اخرى

و الله افتقدناك يا ريال مدريد و بصراحة ليك وحشة

كلنق كلنق كلنق جرس طابور الصباح
طابور صفا انتباه
تعال برا هنا يا ريال مدريد
اجونى اربعه من ساته 0 ولا اقوليكم خلاص ارجعو
تانى ما تكررا 0
عودا حميدا
فقدابى

مشكورين كلكم على الحفاوة التي استقبلتوني بيها .
بالله عليكم ديل ناس يفارقوهم ؟؟؟؟؟؟؟؟
يفارقني من لا أطيق فراقه ***** ويصحبني في الناس من لا أريده
دي حال الدنيا .
ناندا :
بارك الله فيك وبالنسبة للجماعة أنا عارفك بي مية راجل وبتقدري عليهم . وأعفيني لأني أعتبر نفسي ضيف وحق الضيافة تلاتة يوم كما هو معروف لدينا جميعا .
الماسي :
والله أنا كنت في وحشة بعيدا عن المنتدى وأهل المنتدى ومرات كتيرة أفكر أخلي الشغل الجديد لأنه منعني من التواصل بكم ولكن صبرت لغاية ما جابوا لي كمبيوتر ونت وتم التواصل مرة أخرى وإن شاء الله آخر فراق .
فقدابي :
والله أنا خفت من الموقف دا على الرغم من إني لم أتعرض له في حياتي ليس لأني جعلي وبقيف زي الحمار للجلد بل لأني والحمد لله شاطر شطارة تعجبك ، واتخيلت ليك ناس محمد يعقوب حارن وباقي الكنبة الورا أو ( خط مية غرب ) زي ما قال أستاذ الحسون ( شيخ الحسن إبراهيم حمد ) .

سررت كثيراً بعودتك للمنتدى ، و هـي فعلاً عودة بعد غيبة ، وفي نظري هـي عودة بعد غيبة طويلة و طويلة جداً لأنك يا ريال مدريد من المبدعين القلائل الذين يزينون و يعطرون صفحات هـذا المنتدى ، نتمنى أن نرى دوماً إبداعاتك و مساهماتك القيمة على صفحات هـذا المنتدى الرائع بوجود أمثال ريال مدريد بين رواده ، على كل حال أهـلاً و سهـلاً و أكرر الترحاب بعودتك للمنتدى ، ولك خالص الأمنيات الطيبة ،،،،،،

اخي الهدهد :
سرك الله بما ساءك ولا ساءك فيما سرك
والله إني أحبك لله في الله من غير أن أعرفك ومن دون أدنى مجاملة .
وشكرا على الرد اللطيف

حمدا ألف علي السلامة يا المليح ، أنت ما عرفت الهدهد و عاوزنا نحن و الهدهد نعرفك إزاي !

عودا حميدا ايها الريال

الأخ أبو عبد الرحمن والأخ ياسر :
لكم مني أطيب الأمنيات وأشكركم جزيلا .

الأخ العزيز الحبيب / ريال مدريد

لا أقول أكثر من :

أحبك الله الذي أحببتني فيـه ،،، و أسأل الله أن تكون المحبة بيننا خالصة لوجه الله سبحانه و تعالى لا تشوبها شائبة من شوائب الدنيا ،،، لك أمنياتي القلبية الصادقـة على الدوام بموفور الصحة و تمام العافية ،،،