من اجل منتدي السريحة يجب ان 0000

لاحظت في الأيام الأخيرة دي مافي مواضيع ، مافي جديد ، غياب كثيف للأعضاء .
كلما ندخل المنتدى نلقى نفس المواضيع وعضو واحد .
نحب أن نقرأ كتابات بعض الزملاء ولكن لا نجدهم .
نحب أن نناقش بعض الأعضاء ولكن نجدهم .
نحب أن نناكف بعض الأعداء ولكن لا نجدهم .
يا أعضاء المنتدى أين أنتم ؟
لقد أصابنا الملل في بعدكم .
أتمنى ألا يكون موضوع النقل دا هو السبب .

أخي أبو جاسم :
والله نحن أكتر من أخوان والبينا أكبر من كدا
وما عليك بالزول بتاع التحاريش دا
إنت من أنشط الأعضاء

abu Jasim كتب:

صدقوني يا اخوان انتحار المنتدى بقله المشاركات والمساهمات

وبعدين يا اب عشرين نحن ارقى من ان نتعامل بالعكاز عندنا

حاجات تانيه مافي داعي لذكرها ولو كان على اخي ريال

مدريد انا اعرف قصده ماذا يريد فنحن حبايب

وورينا انته اول واحد أكتب مشاركه عشان نمشي على طريقك

بس بشرط لو كانت منقوله اكتب منقوله للفائده

عشان ما نمشي نقسم المنتدى ونفرقه فئتين ويصبح هناك

فريق النقل و فريق عدم المشاركه وقله المساهمات

يا ابوجاسم

احييك من علي البعد باعترافك الضمني بالنقل

والسعي للتاكيد ان النقل لابد منه وان طال السفر

لكن بالجد عينتك دي دائرة عكاز عشان يوقفك في حدك من النقل

هسي المنتدي دا كلو نقل في زول فتح خشمو

الا انت براك جيت ناطي

واتحمل نتائج ذلك

تاني هام ان ما عضو جديد عشان تقول لي ورينا كتاباتك انت

يا ريت تراجع كل مساهماتي واكان لقيت نقل انا ساعتزل الكتابة في المنتدي

وقول ليك انا كتباتي مقلة جدا ولكن اي موضوع كتبت وجد ما يكفي من الردود

في الختام انا ما بعرفك وما عندي معاك قصد جمعنا المنتدي ومن اجله لا اجامل احد

ختي لا تشخن الموضوع

ولك خالص مودتي

ودعجيب كتب:: يا شباب نحن لسنا ضد الفكرة بالمرة ولكن ضد تكرار المواضيع مما يفقدها اشياء كتيرة مثلا انت قمت بنقل موضوع وتناقشنا فيه واخر بعد فترة نقل نفس الموضوع وتانى الناس تجمالو وترد ليه بصرااااااحة انا هنا ما بجامل وبنقول ليه ياخى انت عملت copy لموضوع هو زاتو copy انا لم اقصد شخص بعينه حتى اللحظة
ودمتم

ةد عجيب

احييك من علي البعد

ونحمد الله ان ريناك تصول وتجول في هذا المنتدي بعك غيبة

ريال مدريد كتب:: أخي أبو جاسم :
والله نحن أكتر من أخوان والبينا أكبر من كدا
وما عليك بالزول بتاع التحاريش دا
إنت من أنشط الأعضاء

ريال مدريد

الله يسامح الجميع

لكن الزول دا من انشط الاعضاء في النقل

أحبابنا الموضوع اخد أكتر من حقه بكتير و أفترض أنه الناس المفروض تكون متسامحه و لابد من مشاركة جميع الأعضاء في المنتدى، و المنقول لسنا ضده و لكنا ضد تكراره، و هناك من الأحباب من لا يملك ملكة الإضافة و بلورة الموضوع على قالب شخصه، فهل يتوقف عن المشاركة و يكون قارئ بالمنتدى فقط، و هناك أناس لا يملكون ناصية البيان و بلاغة التعبير فهل يتوقفون عن المشاركة أيضاً، لا و ألف لا إن المنتدى للجميع و الدار لا يعمر إلا بأهله، و بصمة حضور العضو بمشاركته، و إلا فلا فائدة من إشتراكه بالمنتدى و لا فائدة من عضويته به، و قلما تجد موضوع منقول غير مفيد بل يستحيل ذلك، لسنا مع الناقلين و لسنا مع المبدعين و لكننا مع المنتدى قلباً و قالباً، و قياس إزدهار المنتدى بكثرة أعضائه و ثراء موضوعاته، سواء المنقولة المفيدة أو الإبداع المدهش، انا عن نفسي أنقل ما أحس فيه فائدة أستق أن أعلمها وحدي و أعطي صاحبها حقه الأدبي في نقلها كما هي، بل و أحياناً أذكره بالإسم، و أستمتع جداً بقراءة إبداعات الكثيرين و لا أريد ذكر أسماء حتى لا أنحاز لفئة دون الأخرى، و في النهاية أحب المنتدى و أحب أعضاؤه جداً و أرجو أن لا يسبب الموضوع حساسية من الأعضاء و كل يكتب و يشارك على قدر ما أعطاه الله و توفر له من الملكة الإبداعية أو ملكة معرفة المفيد الذي يجب نقله لتعم الفائدة، و هناك أعضاء كثر لا يجدون وقتاً ميسوراً لكتابة للتفكير في موضوع و الكتابة عنه بإبداع و ذلك لظروف عملهم أنا مثلاً أدخل المنتدى اثناء الدوام عند توقف ضغط العمل، و أحياناً يكون العقل مضغوطاً فعند توفر الوقت تكون في حيرة كيف تشارك و يكون لك وجدود في المنتدى في دقائق معدودة، صراحةً أستفزني الموضوع و أعتقد أني قد أطلت عليكم لك العتبى في الإطالة، مع محبتي.

الاخ هشام
تحياتي واشواقي
مشتاقين والله
لقد وفقت فى الرد واعتقد تحليلك للموضوع من كل الجوانب قد لامس جوهر القضية وانا معك فى ما طرحته قلبا وقالبا

يا اخوان الزول ده كان ما فضحتو ما بنفع
موضوع سبحان الله عالج امراضك بالسجود
ماخوذ بالحرف والنص من الموقع التالي
http://www.ali9.net/vb/showthread.php?t=1734
دي واحدة

اتنين
شاهد اهداف الهلال
كلها روابط من مواقع
كنت تنزلها بنفسك عشان نقول خطير

والمواضيع التي قام بكتابتها
++
من اجل منتدى السريحة
كلام غير مقنع ولا يمت للحقيقة بصله
وكثير من الاعضاء مهملين البوست ده

1 / اكيد كلكم بتعرفوني
سطرين والموضوع انتو بتعرفوني ولا لا

2 / باص البحر
بالله ده موضوع كنته راكب في باص البحر وشفته ورايت وسمعته وين الفايده

3 / سوق التكينه ومنتدى السريحة
نعديها اسواق ساي نحنه

4 / الجنيد
والله موضوع

5 / ادمن قرب لي اضانك
يا سلام

6 / دبليو دبليو الكمامة دات كوم
عاوز تتكلم في الكمامة كمان ماشاء الله

7 / الطيش ما بليد
ها ونعم الموضوع ده اختراع جديد ده

8 / اشاده خاصة لود عجيب
الحكاية بقت ما سنجر مع كل الاحترام لود عجيب

9 / حكاية من سوق السريحة
الف ليله وليله يا ابو الحكاوي انته

10 / ادمن اتلاقينا وين
موضوع مفيد للكل واستفدنا منو الصبر والشجاعة والكرم
بالله عليك ده الكنته بتقاتل من اجلو كل واحد يكتب ويفعل لي زي الكلام ده عجيبه

11/ ابحثو معي
فلان وينو ماجا ليه موضع قمه في الروعه

12 / مكالمة تلفونية
بالله عليك اديني الرقم عشان اتصل
كلمني فلان وهناني بالعيد
عشان اهنيك بالرقم اني ما بعرفك للاسف

13 / دا العيد
الموضوع الوحيد الكاتبو وكلو من ما قام من الصباح ومشى العيد والناس في الصلاه
ياخي وريني الفايده هنا ما كل الناس نفس الشئ بتقوم من الصباح وبتمشي العيد

14 / قضيه خطيرة
اول حاجه انته زكرت انك ما من ناس السريحة
والاخوان كلامهم منطقي واولهم زرقاء اليمامة
ومسوي فيها احصائية عن المتزوجين والما متزوجين
لله درك كم انت عالم ومفيد يا ابو الاحصايات

15 / وعسى ان نعود من جديد
مشيت اجازة وجيتكم من جديد وغيابي طول
تاني ما تطول الغيبه

16 / غيب وتعال
ودي تاني نفس الموال لي يومين ما خشيت المنتدى وجيتكم تاني
والله استفدنا منك كتير يا اب عشرين
قمه في المواضيع

والشي التاني الباقي كلو ردود

مع انو عامل نسخ من منتديات اخرى

اتامرون الناس بالبر وتنسون انفسكم

وانته مسجل من 21 / 4 / 2008 م

مواضيع دي كلها والله بالجد كتيره 19 موضوع 2 مقتبس و 17 انشاء كلها

ما فيها فايده وبالاخص باص البحر ده

ولو عملنا نحن زي ما بقول المعلم ده
حيكون منتدى خرافي نعديهو انشاء وخلاص في 8 شهور
نكتب لينا 16 موضوع وكلها مشيت وقمته ولاقيت واتصل علي فلان
وين الفائده المرجوه ؟

عججججججججججييييييييييب كلو كلو

معليش يا ابعشرين شكلك انته البديت وخليت الامر شخصي وانا اسف

جزاك الله الخير ياابوجاسم
هذا المواضيع ليس له اي فائده
جد لوانا ما من السريحة وجيت ووجت هذا المواضيع

اقوال دي مواضيع فى منتدى عامر ذي دا
دا ما مستوي الى مدير البوست
الرجاء النظره اليه

لا يا ابوجاسم ابعشرين اكبرمن كدة بكتير ومقالاته كلها جميلة وتبرهن على انه كاتب لا يستهان به واجمل مواضيعه التي ذكرتها كبص البحر والجنيد والكمامة دوت كم وكان لها القدح المعلى من حيث الثناء والاستحسان من الاعضاء والزوار وقد حقق ابعشرين شعبية كبيرة بمواضيعه هذه ونحن نكن له كل الاحترام والتقدير وارائه دائما مرنه
اما اذا كنت افتركت انه نقدك فى شخصك فانت خاطئ وان كان بدرت منه كلمة ما فهو دائما يمزح مع الاعضاء فلذلك لا تظلم الراجل فاكيد كان قصده غير الذي فهمته

العزيز ابوجاسم

دا رائك الشخصي

مقبول رحم الله امرئ اهدي الي عيوبي

لكن برضو مصر تستاهل العكاز عشان ما تنقل

وللعلم العكاز اداة للتاديب ويجب استخدامها مع الذين يستااهلونها

ولكل مقام مقال

وللعلم كان ممكن ارد باكثر من كدا لكن جاتني تعليمات من ناس عزاز في المنتدي بالا ارد عليك

الاخ العزيز هشام

لك خالص التحايا واشكرك علي المداخلة

طولنا ما شفناك الحاصل شنو

ابوناجي شكرا لك اخي علي هذا الثناء

يا ادمن اقترح منع النقل من المنتديات

العزيز ابوجاسم

اتمني ان تنزل كل روابط مساهماتي حتي

اخضع مشاركاتي لتقييم الجميع

اخونا / اب عشرين
لم انته تكتب مواضيع زي الناس بكون بستاهلو
16 موضوع وكلها كلام فارق جيت ومشيت وزرته
وانته وين وانا وين .............الحكاية شنو !
بعدين ياخي ما يهمك حد وخليهم الناس العزاز عزاز
علينا كلنا لكن انا داير اوصل ليك مفهوم
يا خي الناس كلها واحد وحقو الفلسفه الزايده الناس
تخليها وما تتفلسف علينا في منتدانا ما تنسى انك
غريب والغريب يحترم نفسو ولا يغلب وشو ولو
انته عندك عكاز ياخي بسيطه نحن بنعرف نأدبك
خليها الانضرب بيها بوش نديك مقاس اكبر شويه

معليش يا ابعشرين اقنعتني انك كاتب ومعلم كبير
في شتى المجالات والمعلم بنقل وبقول ما تنقلو
ياخي اتلم على اهلك احسن ليك !!
وبالجد والله بتتعب لو معاي بتلعب

بالله يا اخوان شوفو الفصاحة بسميها مساهماتي
عليك الله يا ابعشرين ما تمرضني وتقول مساهماتي
هي دي مساهمات بسميها اختشي شوية
ادمن وين اته انا ما شفتك وكنته مستنيك في البانطون
ولقيتك راكب عربية شنو المسخره دي وين احنا
ابعشرين ياخي شوف ليك ترعه ولا شوف ليك بحر
وخلي باص البحر يوصلك .

abu Jasim كتب:: اخونا / اب عشرين
لم انته تكتب مواضيع زي الناس بكون بستاهلو
16 موضوع وكلها كلام فارق جيت ومشيت وزرته
وانته وين وانا وين .............الحكاية شنو !
بعدين ياخي ما يهمك حد وخليهم الناس العزاز عزاز
علينا كلنا لكن انا داير اوصل ليك مفهوم
يا خي الناس كلها واحد وحقو الفلسفه الزايده الناس
تخليها وما تتفلسف علينا في منتدانا ما تنسى انك
غريب والغريب يحترم نفسو ولا يغلب وشو ولو
انته عندك عكاز ياخي بسيطه نحن بنعرف نأدبك
خليها الانضرب بيها بوش نديك مقاس اكبر شويه

معليش يا ابعشرين اقنعتني انك كاتب ومعلم كبير
في شتى المجالات والمعلم بنقل وبقول ما تنقلو
ياخي اتلم على اهلك احسن ليك !!
وبالجد والله بتتعب لو معاي بتلعب

العزيز ابوجاسم

اتمني ان تنزل كل روابط مساهماتي حتي

اخضع مشاركاتي لتقييم الجميع وليس لتقييمك الشخصي

يا ابوجاسم
ما تمرض نفسك اكتر من اللازم
انت بصراحة جيت براك للبوست
انا ما رسلت ليك كرت دعوة
ولذلك اتحمل تبعات ذلك
وبصراحة يا اخي انا ما بعرفك
وما عندي معاك قصد
كل الذي طلبته من الجميع
وليس من شخصك المحترم
عدم النقل من منتديات اخري
والان الكرة في ملعبك
يا تستجيب
وما تنقل
يا تصمت

عيب ان يصدر هذا الحوار من اثنين من اكبر اعضاء المنتدى .....

تصمتني انته اخر الزمان والله كبيره
ياخي ما تتلم وتشوف ...... وين!
مافي داعي لذكرها واحترم نفسك
وبعدين ياخي المنتدى للجميع وبوستك
ده بخص الكل وانته زول بتنقل وبتقول
للناس ما تنقلو عامل لي فيها فيلسوف حضرتك
وبعدين انا اخش اي مكان يا حبيبي صاحب بلد
حُر ود عرب الله يستر تطلع شنو انه
والله بالجزمة على راسك لو ما احترمت نفسك
مع احترامي لكل الاعضاء

معليش ياناندا اصلو العينه دي انا بعرفها كويس
تستاهل كده

عيب ان يصدر هذا الحوار من اثنين من اكبر اعضاء المنتدى .....عيب كبير

لالالالالالالالالالالالالالالالالا عيب ولهو حرام

abu Jasim كتب:: تصمتني انته اخر الزمان والله كبيره
ياخي ما تتلم وتشوف ...... وين!
مافي داعي لذكرها واحترم نفسك
وبعدين ياخي المنتدى للجميع وبوستك
ده بخص الكل وانته زول بتنقل وبتقول
للناس ما تنقلو عامل لي فيها فيلسوف حضرتك
وبعدين انا اخش اي مكان يا حبيبي صاحب بلد
حُر ود عرب الله يستر تطلع شنو انه
والله بالجزمة على راسك لو ما احترمت نفسك
مع احترامي لكل الاعضاء

معليش ياناندا اصلو العينه دي انا بعرفها كويس
تستاهل كده

الله يسامحك

ويسامح الجميع

يا جماعة الله يسامح الجميع .
أبو جاسم إنت كتبت بوست بعنوان صفحة جديدة ماذا نكتب فيها فأتمنى ألا يكون هذا النقاش في هذه الصفحة الجديدة وأمسحه كله وأبدا صفحة جديدة تاني .
ولا أريد أن أقول فلان غلطان أو فلان غلطان فنرجو منكم أن تسكتوا عن هذا الموضوع حتى لا نفقد أحدكما وكل منكم يتمثل بقول الشاعر :
قالوا سكت وقد خوصمت قلت لهم إن الجواب لباب الشر مفتاح

ريال مدريد

نتمني اي يمتد الحوار

ولكن من اجل ترقية المنتدي

وعدم اللجؤ الي لغة تحط من قدر المنتدي

ولك محبتي