طاهر حكايات شخصيه خياليه

السلام عليكم يا جماعه الخير نعاود الابحار معكم بعد غيبه وايجازات كتيره.
تتميز حلتنا بالعديد من الشخصيا ت البارزه وذات وزن في المجتمع سواي اكانت الشهرا بشي ايجابي اوسلبي
(عرفتو كيف )ومن هذه الشخصيات مسار الجدل (او مسار الحكي عنها)شخصيه طاهر حكايات او (تيتو حكي ) طاهر حكايات دي الا تقولها بوراوه قداموا كدا مافي زول بقوليهو (شفتو كيف).
طبعا انتو عرفتو سر التسميه دي جات من وين (انا عارفكم ناس شاطرين ولا شنو )
ولا اشرح ليكم(عشان بعدين ماتقولوا لي ما فاهمين ) اتت التسميه من انو اي موقف او حكايه حصلت ليك تحكيها ليهو يقوم طاهر دا يقوم ينط ليك في حلقك
ويقول ليك والله الحكايه دي بتزكرني حكايه حصلت لواحد قريبنا او واحد صاحبي او زميلي ويشبكك نقه لمن تعرف حاجه(اوعه تقولو لي ما عرفتو حاجه )وهاك يا حكي مع انو حكايتو من نسج خيالو (والله الزول دا بتخيل كيف انته ذاتك لمن تصدق عديل كدا )اوعه تكونو صدقتو .
اها مره كده طاهر حكايات دا كان قاعد ..................الوالو الو قلته شنو اجيك بره خلاص اقفل انا جاي عليك (طبعا سمعتوا براكم جاني تلفون ومجبور لازم امشي )نسيت بكره نواصل الحكي عن تيتو حكايات .

شتتتتتتتتتتتتتتتتتتتتتتتتتتتتره
في كل عام كنت اقطف بعض ايامي وانثرها عبيرا في يدي

اها رجعنا ليكم ونواصل الحكايات ومواقف طاهر حكايات

قبل يومين تلاته كنا شله كدا قاعدين في دكان عمك موسي ودكان موسي يقع في طرف الحله
وهو كان المحل الوحيد الذي لا تصل اليه اقدام طاهر (وما تسالوني ليه ).
اها اليوم داك كان بنتناقش في الغزو الاسرايلي علي غزه وموقف الحكومات العربيه المخيبه للامال
وتطلعات الشعوب العربيه .
بدا عثمان الحديث (والله يا اخونا الحكام العرب ديل ما يعملوا اي حاجه عشان كدا الناس حقو تركز علي الدعم
الشعبي والتبرعات و...............)وقبل ان يكمل عثمان رايه طلع لينا عمك طاهر من وين برضو ما تسالوني . طبعا خش ليك توش في الموضوع وبداهو بجمله محفوظه عنه ( الله عليكم يا اولادي لمتكم دي بتذكرني بايام زمان .
زمان زمن حرب النكسه او حرب الايام السته والوقت داك نحن كنا في الجامعه في سنه تانيه طب (طب عديل يا راجل ما تتخشي )
في الساعه تمانيه الادقيقه كدا ونحن كنا شله ذي شلتكم دي بنلعب بلي استيشن (يا زول الشعلانيه دي ظهرت قريب )
وبتذكر انا كنته غالب 7 اربعه (هسع في زول جاب سيره المريخ )اها عشان ما اطول فجاه كدا جاني ليك مسكول في تلفوني n95(يازول )اها جنبي صاحبي قلته ليهو شوف البمسكل دا منو قال لي دا عمك جمال عبد الناصر
( اي جمال عبد الناصر اصلو فردتي للنهايه )خلاص اضرب ليهو قوليهو بضرب ليك بعد انتهي القيم دا
تاني جاني ليك مسكول لمن عاينته لي التلفون لقيتو ليك ملك الاردن الحسين بن طلال اها في اللحظه ديك قلته اكيد في حاجه جمال وحسين يمسكلو اها بعد ما ضربته ليهم قالوا لي دايرنك تدخل لينا وساطه مع ليندون جونسون الرئس الامريكي السابق ونحن عارفنو صاحبك وما برفض ليك طلب وقول ليهو دايرين هدنا مع اسرائل
قلته ليهم بضرب ليهو هسع و....................)وقبل ان يكمل طاهر كلامه هبطت علي جواله 3310 رساله
ما ان فتحها بدت عليه علامات الخوف وتغير لونه سالناه الحاصل شنو لم يرد لكن راينا الرساله كان مكتوب فيها
(هنالك حاله طواري كل القوه داخل المنزل )كانت الرساله من زوجته (فتحيه ش ق ح) وهي اختصار لي
(شمارات وقوالات حاره ) اها بعد داك عمك طاهر قام جاري صوف كوركنا ليهو (الحصل شنو مع الرئس الامريكي ) رد وهو يجري ( مره تانيه بوريكم )..................

شتتتتتتتتتتتتتتتتتره
اسمعنا مره وحاتنا عندك اسمعنا مره الدنيا تبقي ما فيها .........

بس يا الواثق ما طول الغيبة لان طاهر دا رمز لاشخاص كتير بنعرفهم وكلهم يتجسدوا فى هذه الشخصية المرحة جدا

والله ليك وحشة يالواثق ولي شتراتك الحلوة