فصل المعلق الكبير الرشيد بدوي عبيد من الاذاعة

المعلق الرياضي الكبير الرشيد بدوي عبيد وفي غضبة عارمة بعد تعادل السودان مع جيبوتي خرج عن طوره وتلفط بألفاظ بذئة لا تصدر عن جاهل ناهيك عن المعلق الكبير وكان مخرج الاذاعة هو السبب فى اذاعة الشتيمة على الهواء بعد ان تيقن الرشيد ان المايكرفون قد قفل والاذاعة قطعت ولكن حدث شيئ ما جعل الاذاعة تواصل الارسال وتسمع شتمية الرشيد للعالم اجمع وطبعا من الصعب نقل هذه الشتيمة والالفاظ البذيئة الى هنا
لذلك قررت ادارة اذاعة امدرمان فصل الرشيد بدوي عبيد من الاذاعة نهائيا وبذلك يكون قد انهى مشواره الحافل فى االتعليق الرياضي بهذه السقطة الكبيرة
من المعروف طبعا ان الرشيد مشجع هلالابي كبير وهذا يكفي؟؟؟؟؟؟؟؟؟؟؟؟؟

الله لا ردّاه !!!!!
بس يا آدمن رسل لي الشتيمة والكلام البذيء دا إن شاء على الإيميل وللا رسالة في جوال وللا بلوتوث وللا بأي حاجة .
عشان نحكم عليهو هل هي غضبة مضرية أم هل هي غضبة بدوية .

رسلتها ليك على الخاص بس ما تتهور وتقوم تنزلها فى المنتدى لانه الراجل ده هلالابي وممكن الجماعة ديل يعلنوا فيك الجهاد

لا حول ولا قوة إلا بالله العلي العظيم .
بالله دا كلام دا ؟
الكورة تتقدم كيف وفيها ناس زي ديل ؟
والله دا حقو يقيموا عليه الحد .
يا ربي شداد يكون قال شنو ؟ ما الراجل برضو هلالابي !

هو منو الما هلالابي يا اخوانا وبعدين ممكن زعله غيوره على الوطن
ما زيكم ما عندكم وطنيه وبعدين الرشيد ده علم بارز في التعليق
وانتو منو العاوزين تقيمو عليه الحد والله مدريد كلها ما تعمل ليه حاجه
خلي انته ريال ولا شلن وله جنيه وبعدين مافي زول في الدنيا ما بغلط
بس يعني التور لمن يقع تكتر السكاكين عليه انا ما عارف الحصل
لكن يكفيه شرف انه شيخ المعلقين في السودان وانو هلالابي
ويحمد ربو انو مافي واحد في العالم بعايرو بي ابو سبعه

السبعة دى ما تلهله بيها كتير يا ابو جاسم عشان بعدين لما يسألوك بعد عمر طويل ما تقعد تقول سبعة سبعة ... بعدين غلطته دى شينه كبيرة ... لكن انا سمعت انه هذه الالفاظ خرجت من اشخاص كانو قريبين منه .. يعنى يمكن يكون برأءة ... والله انا اتمنى انه يكون برأءة .. لاننى احب الاستماع الى تعليقاته الكروية ...

الدنيا كلها هلال موتوا بحسرتكم وكلام الرشيد دا دليل على إن مشجعين الهلال عندهم وطنين
واولاد بلد اصلين مش مجنسين

شنوا ياناندا ليكم حس تتكلموا في السبعة الحلوةدي

عجبنى واحد رد على زول قال نفس جملتك دى ... وطنية وكدة ..
(ماهي معاير الوطنية في عرف الرياضة والرياضين؟ هل هي أن تشتم وتسي أولاد أكبرهم يمكن أن يكون متوسط أبناءك؟ الحديث الفضفاض عن الوطن والوطنية أصبح مستهلك علي أيامنا دي!! وأي غيرة تلك التي تجعل شخص يخاطب ملاين المستمعين بأن يتهور ويتلفظ ب ...........! وأي فقد لشخص بهذه السلوكيات رغم
تواجده في حقل الأعلام لأكثر من 20عاما حسوما؟
أخي الحبيب مالم تنتفي مثل هذه العواطف والمجاملات لن نرتقي رياضيا ولاثقافيا )
وكفى

ابو سلطان يقول سلام كتب:: شنوا ياناندا ليكم حس تتكلموا في السبعة الحلوةدي

كنا نتمنى تاخدو تاركم فى مباريتكم بى كورتكم ما بى لسانكم .........

لن نرتقي رياضيا ولاثقافيا * * كلام مؤسس جداً وبدليل مشجعنكم يا ناندا
معاير الوطنية في عرف الرياضة والرياضين؟ غيره على الوطن اكثر من اي شئ
ولم الاولاد ديل يكون ما عندهم وطنيه = نحرق دمنا على الفاضي ده وطن ونديهم على راسهم
وتواجده في الحقل الاعلامي اكثر من 20 سنه دي براها كفايه عشان نحن مانجي نألف ونزيد
ونخت ونشيل على كيفنا والناس المافاهمه حقو تسكت .
وبالجد نصيحه لو عاوز الشعب السوداني نرتقي رياضياً وثقافياً
الحل موجود عندي وبسيط = حذف نادي اسمه المريخ =
ودي ما عواطف دي سبعه فنيله كرستيانو رونالدو انا بلهله بيها حُر بي كيفي ياجماعة .

حالتك صعبة ... والمجادلة ما مجدية ...

يا شيخه بعد السبعة ولا قبل ؟
وشايف ما شاء الله حالتك مستقره .
بس برضو في حبه رجه نسأل الله السلامه
ويخليلكم ناديكم عشان نشوف فضايح اكتر

خلينا فى مصيبتنا فى الرشيد احسن ......... اتمنى انه يكون براءة ... ويكون فعلا ما قال الكلام ده

دي احصائية من ملك الإحصائيات الأستاذ عبده قابل :
خسر الهلال بنتيجة ٥/صفر امام فريق الرجاء المغربي مرتين وامام الترجي التونسي مرتين ايضا وخسر ٦/صفر امام الترجي مرة و ٧/ ٢ امام المقاولون العرب في مباراة ودية و٩/ ١ امام الهونفيد المجري و ٥/صفر امام الفيصلي الاردني و٥/ ١ امام شباب بلوزداد الجزائري ومحليا خسر الهلال من الموردة ٧/ ٢ في نهائي كاس بلدية ام درمان. كما خسر أمام أهلي صنعاء بنتيجة 5/1
بالله عليكم دي كم قوون ، الفضائح بالهبل لكن خلوها مستورة

تسلم يا ريال

بالله عليك الكلام ده قبل كم ميته سنه ؟
وبعدين نحن في الحاضر ديل لو اولاد صغار ولاعبين قدام البرازيل
ما بغلبوهم كده وناقصين ما تنسى ! وما تنسى انو الاهلي المصري
المعزبكم جبنا ليكم منو التار عشان خاطركم بس الخمسات الزي المطر
الكانت عليكم بس نرجع ونقول الزمن ده مافي زول يعمل حسنه في زول

اكبر مشجع مريخابي بالسريحة
عاطف،،،،،،،دا بيعشق المريخ لحد الجنون وعندما اتهزم المريخ من الوحدات الاردني رفض العشاء وبات جوعان فى سبيل المريخ

فصل المعلق الكبير الرشيد بدوي عبيد من الاذاعة Uuuuuu11

نسيت اذكر ان هذه الصورة هدية خاصة للمريخابي الاصيل ريال مدريد

الله عليك يا ود بساطي
ليهو حق ما ياكل ، غيرة ، اخلاص ، وفاء ، تضحية ، دي أبسط صفات الصفوة .
أنا شايفك قربت شوية من الجماعة ، أمش قدام شوية .

يعني انتو اتعشيتو يا ادمن وريال مدريد وناندا
يا عيب الشومممممممممممممممم

معقولة يا ريال عرفت مكان الصورة فين؟

انت عرفت كيف يا ابوجاسم اننا اتعشينا عشان تعيب علينا ؟؟؟؟؟ ولا هو كلام والسلام !!!!!!!

Admin كتب:: معقولة يا ريال عرفت مكان الصورة فين؟

عرفتها ليك من العدة الما مغسلة دي .
يا ربي المرة دي مشت وين وفاتت العدة دي مجدوعة كدا في الطش ؟
مشت تجيب صابون العدة وللا شنو ؟

بداها حسيه يا ناندا
الراجل كتب انو من غيرتو ما اتعشاء يعني حالة نادرة
يعني معقول ريال مدريد يخلي العشاء عشان المريخ
صعبه جداً وماهي مقبوله عندو