صورة من السريحة 1985م

هذه الصورة التقطت بواسطة عبد المنعم على الجاك عام 1985م ارسلت لي بواسطة كي
هذه الصورة تبدو ماخوزة من جهة الميدان الغربي وتظهر فيها البيارة ومئذنة الجامع العتيق وبيت السيد على وفريق ورة

يا سلام و الله شميت ريحت الدعاش سبحان الله الله يشوفنا ليها تاني يا رب.

سبحان الله صورة للذكرى والتاريخ
اين ذهب بص الخرطوم الواقف جنب البيارة مع الحافلات المكيفة؟؟؟؟؟؟؟؟؟؟؟؟؟؟؟

فعلا صورة رائعة فى ايام خريفية وياها ديك البيارة وياهو داك البص القلب السيرة ويا ها ديك المئذنة وياهو داك بيت خالي العشاء
ياريت لو كان الاستاذ/ عبد المنعم الجاك/ التفت للوراء وصور المقابر حتى ننتبه كم كمية القبور فى ذلك الوقت والآن حتى نعرف اننا سنرحل يوما ما اليها
بالمناسبة هل كان حى الفلاتة موجود ساعتها ولا انتقل؟؟؟

لك يا بت عامر نردد
زاد الالفة البينا سنين
صحت فينا احلام يوم باكر
غيم الامل الشارد يوصل
وانتي معانا في عمق الخاطر

زرقاء اليمامة كتب:: فعلا صورة رائعة فى ايام خريفية وياها ديك البيارة وياهو داك البص القلب السيرة ويا ها ديك المئذنة وياهو داك بيت خالي العشاء
ياريت لو كان الاستاذ/ عبد المنعم الجاك/ التفت للوراء وصور المقابر حتى ننتبه كم كمية القبور فى ذلك الوقت والآن حتى نعرف اننا سنرحل يوما ما اليها
بالمناسبة هل كان حى الفلاتة موجود ساعتها ولا انتقل؟؟؟

يا سلام على نظرك الحاد بالله شفت البص والمئذنة دي كيف وكمان بيت خالك العشاء عدييييييييييييييييييييييييييييييييل
فعلا زرقاء الحمامة
بالنسبة لحي الفلاتة كان وقت التقاط الصورة موجود لأنهم بدأوا الرحيل بداية التسعينات يعني كان عبد المنعم التفت للوراء زي ما قلت وصور كان حايصور حي الفلاتة فقط يعني ما حاكنت تشوفي قبور اجدادك القدماء

يا

اقتباس :: سلام على نظرك الحاد بالله شفت البص والمئذنة دي كيف وكمان بيت خالك العشاء عدييييييييييييييييييييييييييييييييل
فعلا زرقاء الحمامة

هل عندك شك فى حدة بصري كمان
انا لو عاوزة اوريك الواقف جنب البص حاوريك وكمان لو عاوز تعرف ابودريس كان بدور فى البيارة فى تلك اللحظة وكم نبقة كانت شجرة خالي العشاء فيها ذاك الوقت ومن الذي؟؟؟؟؟؟؟؟؟؟

معقوله بس ابو ادريس شغال فى البياره من زمان خالص ونحنا ما عارفين هو مش كان فى العراق والا شنو
الله يستركم من (الزهايمر) لانه غالبا ما يصيب العظماء

اقتباس :: هل عندك شك فى حدة بصري كمان
انا لو عاوزة اوريك الواقف جنب البص حاوريك وكمان لو عاوز تعرف ابودريس كان بدور فى البيارة فى تلك اللحظة وكم نبقة كانت شجرة خالي العشاء فيها ذاك الوقت ومن الذي؟؟؟؟؟؟؟؟؟؟

اقتباس :: معقوله بس ابو ادريس شغال فى البياره من زمان خالص ونحنا ما عارفين هو مش كان فى العراق والا شنو
الله يستركم من (الزهايمر) لانه غالبا ما يصيب العظماء

انتم الظاهر الاثنين الظاهر عليكم عندكم زهايمر لأنه ابوادريس كان فى ليبيا وليس فى العراق وقد جاء من ليبيا فى التسعينات ومسك البيارة من بانقا ودعباس محمد خالد اما أشهر واحد مسك البيارة كان عباس زاوية الله يرحمه والد عامر بليله كما ذكر محمد الصايم فى موضوع آخر0
اما يا زرقاء اليمامة الظاهر عليك بلغت من الكبر عتيه انت من زمن شجرة النبق بتاعت ناس العشاء التى كانت تتدلى فروعها على الحائط وكان نبقها وجبه لذيذة لطلبة المدرسة الابتدائية عند خروجهم من نهاية الحصص وكم مرة خالك العشاء(على فكرة انا عمري ما سمعت ان العشاء عنده أخت)يذهب لمدير المدرسة ويحرر شكوى ضد هولاء الطلبه ولكن هيهات يعرف مين ولا مين كان ععدهم كبير جدا ولكن عندما احتار به الدليل قام مل تعليه للحائط وغرز فيه كميه من الزجاج المكسر ولكن برضو فى اولاد شيايطن قدروا يوصولوا للنبق..... يا سلام كانت ايام