ناس حشرية لدرجة ..

ناس حشرية لدرجة ..
فى ناس فى الدنيا دىالله لا رماك فى طريقهم .لا يقولوا خير لا يسكتو ساكت . يتحشروا فى اى شئ . وزى ديل عندى مثال ليهم حى قابلتو البارح ..واحد حلاق هندى . لى 9 سنوات بحلق عند حلاق واحد
بقعد وهو عارف يسوى شنو لا سؤال ولا كلام . غير ان يهز رأسه فى بداية الجلسة مرحبا بى .
على شقاوتى البارح ما لقيت حلاقى . قالوا سافر . اوكى مافى مشكلة شرحت للحلاق التانى انا عاوز شنو وقعدت .
ما ربط الفوطة سمح حتى اكتشفت انه من النوع الفوق داك . داير يتكلم فى كل شئ . قلت يا ولد طالما اصلها الحكاية بتأخد وقت خلينى اتسلى معاهو شوية . وبدأ بطرح الاسئلة وانا اجاوب .
والله محقق درجة اولى مو فى عرضا ليهو . كان السؤال الأول . إنت فى سودانى ؟ ايوه نعم .
السودان فى كبير ؟ ايوه قدر الهند .
ومرت الأسئلة ساهلة شوية شوية وسألنى من مشاكل الجنوب والشغل والرواتب فى السودان وكل شئ . وآخر شئ
دخل على الخصوصيات . وقلت والله مانى موقفوا حتى النهاية . وبدأ سيل الأسئلة . انت فى حرمة ؟
( يعنى متزوج ) .
نعم . فى كم اولاد .؟ كذا اولاد .. كم ولد وكم بنت ؟ جاوبت وبديت اتململ شوية . مين فى كبير ؟
ولد ام بنت ؟ الكبير الولد .
وخلاص روحى ضاقت . وفى اسئلة كتيرة انا ما قلتها ليكم . وكان السؤال الأخير الذى قصم
ظهر البعير ... قال لى حرمة مال انت يلد ولادة طبيعى ام عملية .؟؟ هنا اتنفضت وقلت ليهو القطعية خلها خلاص ما عاوزها وهاك قروشك ..
لأنه كان باقى سؤال واحد بايخ وكنت خايف يسألنى منه وساعتها ما كنت حا القى اجابة .
النوع ده مرَّ عليكم دحين ؟؟

والله الدنيا مليااااااااااااااانة بالنوع ده من الناس اشكال والوان ...اغلبهم لاقيتم انا ....المشكلة بتكون فى عدم المقدرة على الاحراج !!!!!

اعتقد يا اخ خوجلابي انو الظاهرة دي بس عند الحلاقين
ممكن يكونو عايزين ما يشعروك بالملل لكن الاسئلة المحرجة
الزي دي صعبة شوية على الواحد خاصة اذا خشت في
الخصوصيات .