زولة مع محبتي !!!!!!!!!!!!!

صديق عزيز بعثها إلي على الإيميل؛ و لست أدري من كاتبها و لكنها أعجبتني؛ و أردت أن تشاركوني النشوة التي أمدتني بها هذه الرسالة:


زوووووولة تفتح الروح ضلفتين
تخشك تمرقك
بل تساسق بين شفقتك وحرقتك
عادى تخشك تمرقك ما بتأذنك
ما روحها نفاج غربتك
هذه البنية الساكنة اسرار فكرتك
هى الشايلة حسك وسترتك
زووووووووووووووولة
كالنورس تجى تنزل شواطى الالفة والزمن الشفيف
وانا ذى مكتف فى الرصيف
مربوط على حبل السفن
فى الضلمة والليل المخيف
بتجينى تدخلنى وتقيف
شرشرته تيبان السكات
على ارض رويانة وخريف
زولة بتعرف تدخلك
وتقفلك
وتغـــــــفلك
تقعد على ناصية هواك وتشغلك
وانت بتحنس غمام
عشان تجعلك مطرة ودعاش
داير تحلق فى السما ء وارضك فراش
هذا الفراش بطير على نضرة رحيقا وخضرتا
ومحبتا
اومشيتا
ومحنتا
او ضحكتا وسخريتا
وتقعد تهضرب يا ولد من حمتا
ولو تسألك وتحلّفك فى ذمتك الى متى هذا الجنون والى متى
كل التفاصيل لمتة
هذه البنية قد اتت وانت ذاتك

كل الورق
من ذكرياتك

تنجو وين وين مهربك من دفترك
من مصدرك
من مظهرك
من جوهرك
من حرقة الجوف والعرق
هذه البنية تفتح الروح ضلفتين وعلى ضفتين
فى نهر احزان الزمن
تقعد تلوح باليدين
زووووووووووولة تخشك تمرقك ما بتأذنك ما روحها نفاج غربتك
هذه البنية الساكنة اسرار فكرتك هى الشايلة
حســــــــــــــــك
وسترتك.




كم أنت رائع ياصديقي أبا ذر.

طبعا موضوعك ده ذكرنى حاجات قديمه للشاعر هاشم صديق لطالما انت ذكرت( الزولة) انا اجيب من هاشم صديق (زول ) بالمناسبه انا الحاجات زى دى عندى معاها عشق وذكريات ويا انت يازول يارئع
المقطع
زول بحبك

وفيهو ساكن

يا ما دسّاكْ

في ملامحو

وفيها ليكْ

سوَّر مساكن.

كم لقاك

حياك وصبَّح.

وفي ابتسامتك

قرَّب يسرح

كان مناهو

يقيف ويشْرح

إلا خاف

من "بس" و"لكن"

وينكسر خاتر

مشاعرو

ويبقى صبح الدنيا

داكن.
أصلو زول

ممكون وصابر

جوه فيهو

الموج يدافر

وبره

في قسمات وجيهو

تلقى

موج البحرِ ساكن.


زول بحبك

وما كا خابرو.

يا ما لا قاكا

وبسالمك

وداسِّي منك

حال دواخلو.
[b]

عجيب يا ود عجيب يا زول يا رائع يا مدفق مشاعر.

اقتباس :

وتقعد تهضرب يا ولد من حمتا
ولو تسألك وتحلّفك فى ذمتك الى متى هذا الجنون والى متى

قصيدة جميلة لكن المقطع المقتبس ده ما اظن يكون موجود الى زمن قيس وجميل وعنترة ولى

يا ود السريحة بحكاية الزولات دي ( نقرت ) وتر حساس عند ودعجيب
القصيد طبعا للشاعر والممثل الكوميدي جمال حسن سعيد وماغريبة عليهو
( فهو شاعر( اظنك عرفتي )
مسرج خيالك ... حصاني القبيل
معربد غبارو وخلى الصهيل
مسافر مسافر وفاقد دليل
اظنك عرفتي هموم الرحيل) و
التي صدح بها مصطفى سيد احمد
يا زاد الشجون
لسه في ناس بيعدو النجوم ( ما زال ادم يملك قلبا ينبض ( قمحا ووعدا وتمنى)
ولسه في ناس (بيهضربو وتجيهم الحمى ) وكلو بما يرضي الله
والدليل القصيدة السابقة و تباريح ود عجيب واخرون تنقصهم الشجاعة
ما تخليني (افك اخري)

ود عجيب و زرقاء اليمامة و زاد الشجون فرحت لوجودكم و لقرائتكم هذا البوست،وربنا يديكم العافية؛

زاد الشجون: طبعاً آدم بيحب و حيفضل يحب و لازم يصاب بالحمى و السهر في كل العصور، فقد قال قباني:

الحب في الأرض بعض من تخيلنا....
لو لم نجده عليها لأخترعناه....

دمتم أعزائي...

حبك ياعميقه العينين
تطرف
تصوف
عباده
حبك مثل الموت والولاده
صعب بان يعاد مرتين
عشرين الف امراة احببت
عشرين الف امراة جربت
وعندما التقيت فيك يا حبيبتى
شعرت انى الان قد بدات
كيف لا احب وهاهو نزار قبانى بعد عشرين الف امراة احباها
يقول الان الان بدات
والله انا بهضرب وبتمسكنى الحمى لامن ................ ا........... ح............ب
ولكم محبتى

[quote="ودعجيب"]حبك ياعميقه العينين
تطرف
تصوف
عباده

]
اسكت يا ودعجيب قبل ما يجوك جماعة الشيخ كشك الله يرحمه تذكر عندما غنى ترباس البعبدة قال فيه(هناك فنان فى جنوب الوادي يغني البعبدة اسمه ترباس تربسه الله فى قبره)

ودعجيب كتب:

انا ماقلت حاجه ده نزار قبانى القال كده
انا بس قلت بحب هو الحب فيه حاجه
اما تصوف وتطرف وعباده دى حاجات ذكرها قبانى ما قلتها انا
فلو كان الحب جرم انا اسف لانى مجرم

حاشاك والله يا ود عجيب من الجرم و الإجرام.

ودعجيب كتب:

صدقنى صورتك احلى من الديكور ماشاء الله ياسلاااااااااااااااااااااام لو سحبت ال ...................

[size=24]

الا دي يا ود عجيب

اعمل حسابك

وما تكررا تاني

مفهوم[/size]

حتى ابوعشرين طلع هلالابي ........ فينكم يا مريخاب اظهروووووووووووووووووووووووووووووا

الله يكتر الهلالاب** ويخليهم زي التراب** وكفاية على المريخاب ** ودعجيب والبساطاب**
بس 5/3 كتيرة شديد فى كاس سوداني وخليك سوداني

الأخ بساطي لا يخفى الهلال في سماهو شفناهو شفهناو، لما يظهر الهلال يختفي كوكب المريخ تماماً.

آآآآي يا ود عجيب فيها مليون حاجة انت كان ما مقتنع بي كلام نزار ما كنت قلتو
ويسلمو ابوعشرين وزرقاء اليمامة ( في الحتة دي بالذات)

Admin كتب:

حتى ابوعشرين طلع هلالابي ........ فينكم يا مريخاب اظهروووووووووووووووووووووووووووووا

حرم هلالابي


ومنزل اهداف الهلال

وحلايب مصرية

في حد معترض

زاد الشجون كتب:

آآآآي يا ود عجيب فيها مليون حاجة انت كان ما مقتنع بي كلام نزار ما كنت قلتو
ويسلمو ابوعشرين وزرقاء اليمامة ( في الحتة دي بالذات)

اول مرة نتلم مع بعض


دي عملتها
كيف

عشان تآمن وتعرف انو
نحن بنعبر عن وجهة نظرنا بحيادية تامة والزول الغالطان بنقول ليهو غلطان قدامو
اسالك بالله ردك على بساطي بانك هلالابي وحلايب سودانية و و و كنت شارب حاجة لما كتبتو ؟؟؟

أحبتي عذراً ان عدت بكم الي الزولة التي اصبحت أم كل سوداني هلالبي او مريخابي

تثبيتاً لحق صاحبها هذه الزولة البتفتح الروح ضلفتين للشاعر المرهف جمال حسن سعيد له منا التجلة والاحترام

الركن كتب:

أحبتي عذراً ان عدت بكم الي الزولة التي اصبحت أم كل سوداني هلالبي او مريخابي

تثبيتاً لحق صاحبها هذه الزولة البتفتح الروح ضلفتين للشاعر المرهف جمال حسن سعيد له منا التجلة والاحترام

من يومك موسوعة في الشعر و الشعراء لك التحية
أرفع لك القبعة إجلالاً وأحتراماً.