قضية اخرى يا حضرة القاضى !!!

يا جماعة اعملوا احترم لسعادة المشير دا
عاوزين تلحقوا الترابي فى بورتسودان ولا شنو؟

والله أنا غايتو شخصيا مما شفت الزول واقف مع عمر البشير جريت واطي .
الراجل طلع إيدو لاحقة ، ومسنود بي رئيس الجمهورية وبي رئيس المنتدى .

يا ابو جاسم انا ما قلته ليك القاضي دا احم احم
انته عارف امبارح اخر معلومه جاتنا شنو ، الجماعه حولوا ليهو 200الف ما جنيه دولار يا اخوي في حسابو الخاص في سويسرا ـــــــــــــــــــــــــــــــــ اها بعد كدا حقو نلملم الجماعه وهب الدوليه جاك زول
وانته عارف في زول ما بتنفع صورتو مع .............

شتتتتتتتتتتتتتتتتتتره
عذرا يا كبير

جابت ليها رشاوي كمان ؟
يا جماعة أنا خفت سااي والخواف ربى عيالو ، وأبعد عن الشر وغنيلو ، ونحن ما قدر الناس ديل والعارف عزو مستريح ، ورحم الله رجل عرف قدر نفسه . وأنا قلت الروووب عديل كدا تاني في حاجة ؟ يعني بالواضح كدا شوفوا ليكم قاضي غيري ، أنا وراي عيال داير أربيهم .

اقتباس :: ماشي يا استاذ انور
يحلنا الحلة بلة
انا بدوري اورد ليكم القصة القصيرة علها تشفع لي عند قاضي المحمكة واطلع منها براء زي الشعرة من العجين
المحافظ فى كمبو عبد الكريم
هي لله 00 هي لله 00 لا للسلطة 00 ولا للجاه0
اكواخ من القش متناثرة بفوضى رائعة فى كمبو عبد الكريم000 اطلت حليمة برأسها من وراء كوخها الذي يفصله عن الجيران جدار من الحصير 00 ارخت سمعها لتتبين مصدر هذا الصوت القادم من بعيد 00 اشاحت ببصرها الى الساحة الممتدة قبالة البيوت 00 كانت بعض القيوم قد تجمعت فوق سماء الكمبو فى ذلك الصباح الخريفي الباكر00دجاجة يتبعها سرب من الفراخ تنقر فى حترب او بقايا مريسة اندلفت حديثا امام بيتها 00 الكلب جيمس يبدو نصف نائم تحت شجرة النيم المواجهة للكوخ 00 لا تزال الكلاب فى الجزيرة تحمل اسماء مفتشي الغيط من ايام الاستعمار الانجليزي0
هي لله 00 هي لله 00 لا للسلطة 00 ولا للجاه
الصوت يقترب رويدا 00 رويدا 00 انضمت الى ركب المنتظرين للصوت ثلة من نساء ورجال واطفال"الكمبو" اصطفوا فى صفين بينهما ممر ضيق بالكاد يسمح بمرور عربة صغيرة 00 الصوت ريتفع بمقدر 00 آدم كعادته ينظم الناس بعصاه الطويل 00 يا ابكر انت تعال قدام00 يا ابوكرنك انت رجع وراء شوية00 يا حاجة حواء انت خليك00 بس لزي البنات لوراء 00 يا ادم خليك وراي
جيمس هو الكلب الوحيد من بني جلدته حضورا فى هذه الزفة00 ذيله يزداد طولا وارتفاعا كلما ارتفعت الهتافات0
يتبع

بدأ موكب المحافظ يلوح فى الافق البعيد يمخر عباب الترع والكنارات وارتال من سيارات ليلي علوى يرفرف فوقها علم المحافظة بالوانه الثلاث ووسطها رأس غزال0
ها هو الموكب يشق الصفوف المصطفة على الجانبين بصعوبة بالغة000كل يمني نفسه بالنظر الى وجه الحكومة البهي 000 الشباب يحاولون الامساك بتلابيب المحافظ للتبرك به 00 وثب رجال بالملابس المدنية من العربة التي تسير فى مقدمة ومؤخرة الموكب قبل ان يتوقف 000 يحملون اسلحة اخف بكتير من تلك التي يحملها دبابو الدفاع الشعبي 000 توزع الرجال المسلحون فى الاركان الاربعة بسرعة 00 اخرج احدهم جهازا لاسلكيا وطفق يتحدث000تمتم بكلمات مبهمات واعاده فى جيبه000
فى الصيوان الذي اعد على عجل امام الكنبو جلست الحكومة فى الصف الامامي توزع البسمات بالمجان يمينا ويسارا000 اخد الشيخ ود خاطر مكانه بين الحكومة000 اكرم الكمبو ضيوفه بالموجود من البلح والفول المدمس 00 تحدث الشيخ ود خاطر مرحبا بالحكومة في دارها ولم يزد00 وهو يعلم بان الحكومة على دراية كافية بمشاكل جماهيرها 00 ثم ان هذه الزيارة تهدف الى التبشير بالسلام وليس بغير السلام 00 عندما تحرك المحافظ من مقعده ليخاطب الجموع المتعطشة للنظر اليه والاستمتاع بحديثه العذب 00 بدأت الاصوات تخرج بقوة00000
تكبير00 الله اكبر 00 الله اكبر 00 الله اكبر
تهليل00 لا اله الا الله 00 الا اله الا الله
شعارنا00 جهاد - نصر - شهادة

يبتع

الواثق اخوي انا شايف ناندا والهدهد ورطونا ومشو

بقينا انا وانته في الصورة برانا حتى القاضي

سوى لي فيها أبعد عن الشر وغنيلو وحكاية ال 200 الف

دي جابت نتيجة اخ اخ اخ على الدراهم واخ اخ اخ

على الناس الليهم ضهر قوي مساكين احنا يا الواثق

شكلنا كده حنخش السجن بتهمه الشهاده دي

لكن بوصيك حتى لو انا دخلت السجن ما تسكت

وصلها لكل مكان في العالم شمس الحق لازم تظهر

والادمن اعلن الجهاد علينا يعني اعضاء المنتدى

حاول تتدسى منهم واطلع متلثم كان عاوز تشتري ليك

حاجات خاصه وانا بسبقك في الكهف البعيد داك

نعتكف فيه لحدي الازمه تروق شوية

والله موقفنا بقي صعب يا ابو جاسم ، لكن حا نواصل المد حتي اخر نقطه في دمنا وقلمنا لن نستكين للضغوط لا تراجع عن المبدا لن نتنازل ،لن نكون مثلهم سوف نعلنها واضحه كشمس نهار مصيف
القصه القصه
وما تخاف يا اخوي اكان (كتمت )نخش الغابه وبعد داك الحكايه تكون دواس عديل

شتتتتتتتتتتتتتتتتتتتتتره
في عينيها عالم تاني ما شوفتوها يا خلاني

يا أبو جاسم ويا الواثق :
الظاهر عليكم عندكم قصد معاي أنا !
طلبنا منكم تقيفوا معانا في القضية الهامة دي وقفتوا شوية وبعدين بطبطوا وقعدتوا سويتو لينا فيها كلام في السر وطلعتونا ما عندنا ضمير وبنقبل الرشوة .
خفنا علي نفسنا وعلى عيالنا وقلنا نربيهم ونسيب ليكم الجمل بما حمل برضو ما عاجبكم ورجعتوا تطالبوا بمواصلة الكفاح المقدس .
ما مشكلة واصلوا كفاحكم دا لغاية ما يوديكم غوانتنامو .

االمهم غوانتنامو وبيقفلوها وبعدين
انته معذور يا حضرة القاضي بي
همسه بس بجردوك من منصبك
لكن نحنى بنخش الغابه ونعلن التحدي
امام الادمن والاخ صاحب الصورة وممكن
احتمال كبير ناس الهدهد وناندا لانهم
قبضو الدراهم وسكتو .

غابة وين دي ؟
ناس الغابة الأصليين جو راجعين منها ماشي إنت تسوي فيها شنو ؟
أسمعها نصيحة مني ، زي ما بقول المصريون ( أكفي على الخبر مابور ) وعيش يا عم .

انا ما قلته ليك يا ابو جاسم ما بتجينا عوجه ،انته ما سمعته الرئس الليله قال شنو
في تصريحه لقناه المنتدي اليوم ؛لا علاقه له مع انور التكينه وانو الصوره حقت انور دي مفبركه )[img][/img]

قضية اخرى يا حضرة القاضى !!! - صفحة 4 F7up-f50b7bd6d2

واعلن التضامن نعنا في القضيه اها رايك شنو

شتتتتتتتتتتتتتتتتتتره
ظهر الحق

أنا من زمان كنت شاكك في الفبركة دي

وخلي بالك ده اسلوب جديد في المراوغه

والله انا خايف الادمن يكون في السودان

لسه ما جاء من الاجازه ويكون ده زول تاني

عجبي على زمان طال فيه الفبركات

قضية اخرى يا حضرة القاضى !!! - صفحة 4 Q8lots-3732ab5532

يا ربى المع دكتور نافع دى برضها مفبركة ؟؟؟؟؟؟؟؟؟؟؟؟؟ كفاية و لا ازيدكم ؟؟

abu Jasim كتب:: أنا من زمان كنت شاكك في الفبركة دي

وخلي بالك ده اسلوب جديد في المراوغه

والله انا خايف الادمن يكون في السودان

لسه ما جاء من الاجازه ويكون ده زول تاني

عجبي على زمان طال فيه الفبركات

والله يا ابوجاسم دي بالغت فيها لكن
وانا قايل ما فى زول حايكتشف السر دا Smile

انور التكينه كتب:: يا ربى المع دكتور نافع دى برضها مفبركة ؟؟؟؟؟؟؟؟؟؟؟؟؟ كفاية و لا ازيدكم ؟؟

هوى يا انور ... نحن مالنا ومال نافع ولا ما نافع ... انت مافى داعى تعمل فيها داير تخوفنا بالمشير .. بعدين مشيرك دة خلى يمشى يحلحل مشاكله هو ... وما بنخليك لو اتصورت مع زعبور ذاتو !!!!!!!!!!
بعدين انا عندى صورة مع كوندليزا رايس ... اجيبها ليك ؟؟

من هو زعبور يا ناندا؟؟؟؟؟

كتبت ناندا :

]هوى يا انور ... نحن مالنا ومال نافع ولا ما نافع ... انت مافى داعى تعمل فيها داير تخوفنا بالمشير .. بعدين مشيرك دة خلى يمشى يحلحل مشاكله هو ... وما بنخليك لو اتصورت مع زعبور ذاتو !!!!!!!!!!
بعدين انا عندى صورة مع كوندليزا رايس ... اجيبها ليك ؟؟[/quot

ناندا ازيك
يا اختى رايس زمنا فات و غنايا مات أحسن تجيبيها مع هيلارى كلنتون
بعدين المشير ده اللى هو رئيسى و رئيسك ما بتجيهو عوجة تب .... ببساطة لانو رمز سيادة و الدفاع عن رمز السيادة تتلاشى عنده كل المعارضات الداخلية .
بعدين الجماعة ديل انا استعنت بيهم بس لمعرفة اسرار الانقلابات حتى يكون انقلابى الموعود فى المنتدى ناجحا .
فهمتى و لا أزيدك يا امريكية انتى ؟؟؟؟؟

يعني نفهم شنو من الموال ده يا حضره القاضي
الغائب الحاضر صور وواسطات على مستوى رفيع
ما نطالب بحقوقنا نسكت ويضيع حقنا في الزمن
الفيهو المتهم برئ والبرئ متهم والظالم مظلوم
والمظلوم ظالم اين الحق يا الادمن اين الحق
يا أستاذ انور التكينه الصحفي المحترم

انور التكينه كتب:: و الله مشكلتنا مشكلة .... دايرين يحاكمونا الناس الما عندهم شجاعة يكتبوا اسمائهم عديل و داخلين بى اسماء مستعارة ...الريال ... الهدهد ... ناندا ... ياخى اختشوا على روحكم .....انا شخصيا ارفض المثول امام محكمة قاضيها نكرة و كذلك الاتهام و الشهود ..... و الله العظيم دى قوة عين منكم و مسكنة من الادمن و اعضاء المنتدى ...

نعلن التمرد و القيام بانقلاب .....
المارش العسكرى شغغغغغغغغغغغغغغغغغغغغغغغغغغغال
ايها المواطنون الكرام هنالك بيان هام فترقبوه
تررررم ترررم ترررم

ونعيده مرة أخرى حتى لا تتوه وجهة نظرنا

ونحن نعلن التصدي لتلك المحاوله وعلى

جميع الاعضاء ننبه حضر التجوال في هذا

البوست حتى اشعار اخر .

وقواتنا الباسله سوف تتصدى لأي هجوم محتمل

وعلى المتطوعين دخول البوست والتجنيد لدى

العقيد / الواثق وكبير المستشارين / ناندا وقائد المعارك الميدانية / الهدهد

ابو ناجي كتب:: من هو زعبور يا ناندا؟؟؟؟؟

زعبور دة زول مهم شديد بالمناسبة !!!

يا ربي ده منو !!!!!!!!!

[img]

قضية اخرى يا حضرة القاضى !!! - صفحة 4 F7up-0cc56c5843

[/img]

أنا عندي ليكم اقتراح وهو أن ينضم الأخ علاء الدين إلى هيئة المحكمة لأن علاء الدين عندو صور مع الرئيس أوباما وجون ماكين وسارة بالين .
يعني لو قدرتو تجروهو معانا بنستفيد منو فائدة عظيمة .
العقوبات بتكتر
والحصار دا أقل حاجة ممكن يعملها .

والله يا حضرة القاضي انته كده جبت الديب من ديلو

صح وبرافو عليك ناقصنه مسانده علاء الدين ونعلن

الحرب على المتمردين .

الجماعة ديل لو عرفوا الكلام دا ما بخلوكم ، أحسن نسرع ونكلم علاء الدين قبل ما يصلوا ليهو ويملوا ليهو راسو .
والله الزول دا لو إنضم للجماعة ديلك خلاص أكلناها بالجد كدا .
دي آخر فرصة يا أبو جاسم .
يللا ورينا شطارتك في إقناع علاء الدين .