| الأمثال السودانية ... | |
|
|
|
كاتب الموضوع | رسالة |
---|
الهدهد
عدد الرسائل : 1015 العمر : 43 تاريخ التسجيل : 12/11/2008
| موضوع: الأمثال السودانية ... الخميس يناير 29 2009, 20:25 | |
| بسم الله الرحمن الرحيم
أمثال سودانية :
هـذه المساحة أو هـذا العمود مخصص للأمثال السودانية .
الإخوة و الأخوات :
من كان عنده مثل من الأمثال السودانية ، عليه أن يقوم بكتابة المثل ، ثم بعد ذلك نرجو منه أن يقوم بإيضاح مناسبة المثل و شرح مفردات المثل ، إذا كانت المفردات في حاجة لشرح لتعم الفائدة . هـذا و بالله التوفيق ، و صلى الله على سيدنا محمد و على آله و صحبه و سلم .
| |
|
| |
الهدهد
عدد الرسائل : 1015 العمر : 43 تاريخ التسجيل : 12/11/2008
| موضوع: رد: الأمثال السودانية ... الخميس يناير 29 2009, 20:30 | |
| . بسم الله الرحمن الرحيم
المثل يقول :
( التسوي كريت في القرض تلقا في جليدا دبغ ) .
شرح مفردات المثل :
• التسوي : ما تفعله . • كريت : هـي الماعز ( الغنماية ) . • القرض : القرض ( بفتح القاف ) هـو ثمارشجر السنط المعروف . • تلقا : تلقاه ، تجده . • جليدا : جلدها . • دبغ : الدباغة معروفة و هـي للجلود ، جلود الحيوانات .
المعنى العام للمثل :
يعني ما تفعله كريت و هـي الماعز ( الغنماية ) في القرض من أكله و مضغه ، تجد هـذا الفعل في نفسها ، بالدعاء عليها بأن تذبح ثم يسلخ جلدها و يدبغ بالقرض .
هـذا و بالله التوفيق ، و صلى الله على سيدنا محمد و على آله و صحبه و سلم .
| |
|
| |
ناندا مشرف منتدى حواء السريحة
عدد الرسائل : 1695 العمر : 43 المدير العام : 0 تاريخ التسجيل : 02/09/2008
| موضوع: رد: الأمثال السودانية ... الجمعة يناير 30 2009, 08:32 | |
| البوست دة ح يكون المفضل عندى ... شكرا يا الهدهد على المواضيع الحلوة والمفيدة والممتعة | |
|
| |
ابو ناجي
عدد الرسائل : 148 العمر : 38 المدير العام : 0 تاريخ التسجيل : 04/04/2008
| موضوع: رد: الأمثال السودانية ... الجمعة يناير 30 2009, 10:46 | |
| الما بتلحقو جدعو بالحجار هذا المثل قد ذكرته قبل شوية فى بوست "كورة ومقصورة يا والى يا اسطورة " وكان الاخوة الهلالاب الواثق وابوجاسم قد تداخلوا بمداخلات عكس سالموضوع تماما وطبعا معروف المريخ احسن بكتير من حيث الاستاد الفخم والكورة الراقية ولذلك اوردت هذا المثل وهو معناه ان اذا كان هناك شخص يحقد على شخص ما وليس فى مستواه فانه يجدعه اي يرمي بالفاظ غير نائبه ولكن ما بقدر يلحقه فى مستواه | |
|
| |
ريال مدريد مميز جدا
عدد الرسائل : 821 العمر : 51 المدير العام : 0 تاريخ التسجيل : 09/09/2008
| موضوع: رد: الأمثال السودانية ... الجمعة يناير 30 2009, 12:52 | |
| وبي مناسبة الجدع : البيتو من قزاز ما يجدع الناس بالحجار . وأظن مفردات المثل واضحة وأيضا المعنى واضح والعواقب واضحة . | |
|
| |
الهدهد
عدد الرسائل : 1015 العمر : 43 تاريخ التسجيل : 12/11/2008
| موضوع: رد: الأمثال السودانية ... الجمعة يناير 30 2009, 13:06 | |
| - اقتباس :
- ناندا كتب:
- البوست دة ح يكون المفضل عندى ... شكرا يا الهدهد على المواضيع الحلوة والمفيدة والممتعة
[b] الأخت الفاضلة / ناندا
مشكورة على الثناء على بوست الأمثال السودانية ، لكن أرجو المشاركة في هـذا البوست : بمثلين ... تلاته .
[/b] | |
|
| |
الهدهد
عدد الرسائل : 1015 العمر : 43 تاريخ التسجيل : 12/11/2008
| موضوع: رد: الأمثال السودانية ... الجمعة يناير 30 2009, 13:08 | |
| الأخ العزيز / أبو ناجي
مشكورة على مرورك الطيب على بوست الأمثال السودانية ، و مشكور أكثر على المشاركة بإيراد هـذا المثل الشائع في المجتمع السوداني .
نرجو تكرار المشاركة و بث المزيد من الأمثال في هـذا البوست ،،،
| |
|
| |
الهدهد
عدد الرسائل : 1015 العمر : 43 تاريخ التسجيل : 12/11/2008
| موضوع: رد: الأمثال السودانية ... الجمعة يناير 30 2009, 13:14 | |
| العملاق / ريال مدريد
نعم المثل هـذا : مثل شائع ، و معروف و المفردات واضحة لا تحتاج إلى شرح . مشكور يا ريال مدريد ، و نرجو المزيد .
في ظني أن المثل في الغالب الأعم يعبر عن صميم الموضوع و عباراته المختصرة تغني عن الكثير من العبارات ،،، و لا رأيك شنو ؟؟؟
| |
|
| |
الهدهد
عدد الرسائل : 1015 العمر : 43 تاريخ التسجيل : 12/11/2008
| موضوع: رد: الأمثال السودانية ... السبت يناير 31 2009, 09:04 | |
| بسم الله الرحمن الرحيم
من يتبرع و يشرح لنا هـذا المثل :
جا إتفولح جاب ضقلا إتلولح .
هـذا و بالله التوفيق، و صلى الله على سيدنا محمد و على آله و صحبه و سلم .
++++++++++++++++++++++++++++++++++++++++++++++++++++++++
يتبع ........ إن شاء الله تعالى .
| |
|
| |
ناندا مشرف منتدى حواء السريحة
عدد الرسائل : 1695 العمر : 43 المدير العام : 0 تاريخ التسجيل : 02/09/2008
| موضوع: رد: الأمثال السودانية ... السبت يناير 31 2009, 10:10 | |
| - الهدهد كتب:
من يتبرع و يشرح لنا هـذا المثل :
جا إتفولح جاب ضقلا إتلولح .
لما الزول يعمل فيها انه هو بيعرف يصلح الحاجات .. ويجى يخربها اكتر من ماهى مخروبة اتمنى انى اكون وفقت ؟؟ | |
|
| |
ريال مدريد مميز جدا
عدد الرسائل : 821 العمر : 51 المدير العام : 0 تاريخ التسجيل : 09/09/2008
| موضوع: رد: الأمثال السودانية ... السبت يناير 31 2009, 10:21 | |
| - ناندا كتب:
- الهدهد كتب:
من يتبرع و يشرح لنا هـذا المثل :
جا إتفولح جاب ضقلا إتلولح .
لما الزول يعمل فيها انه هو بيعرف يصلح الحاجات .. ويجى يخربها اكتر من ماهى مخروبة اتمنى انى اكون وفقت ؟؟ وبرضو قريبة من المثل البيقول : جا يكحلها عماها . وأنا أيضا أتمنى أن أكون وفقت .
عدل سابقا من قبل ريال مدريد في السبت يناير 31 2009, 10:39 عدل 1 مرات | |
|
| |
الهدهد
عدد الرسائل : 1015 العمر : 43 تاريخ التسجيل : 12/11/2008
| موضوع: رد: الأمثال السودانية ... السبت يناير 31 2009, 10:28 | |
| - اقتباس :
لما الزول يعمل فيها انه هو بيعرف يصلح الحاجات .. ويجى يخربها اكتر من ماهى مخروبة اتمنى انى اكون وفقت ؟؟ [/quote] الأخت الكريمة / ناندا
هـو كده .... ذلك كذلك ..... التفسير صحيح مائة بالمائة ، 100 % .
نرجو من قاضي المنتدى صاحب الفضيلة التعليق على إجابة الأخت / ناندا . | |
|
| |
الهدهد
عدد الرسائل : 1015 العمر : 43 تاريخ التسجيل : 12/11/2008
| موضوع: رد: الأمثال السودانية ... السبت يناير 31 2009, 10:34 | |
| - اقتباس :
[b]وبرضو قريبة من المثل البيقول : جا يكحلها عماها . وأنا أيضا أن أكون وفقت . [/quote] هـو كده .... ذلك كذلك ..... هـذا المثل مطابق لذلك المثل ، بنسبة مائة بالمائة ، 100 % .
نرجو من قاضي المنتدى صاحب الفضيلة / ريال مدريد ، تزويد هـذا البوست من وقت لآخر ببعض الأمثال .
| |
|
| |
abu Jasim مميز جدا جدا
عدد الرسائل : 1467 العمر : 48 الموقع : Kingdom Of Saudi Arabia - Riyadh المدير العام : 0 تاريخ التسجيل : 28/04/2008
| موضوع: رد: الأمثال السودانية ... السبت يناير 31 2009, 16:36 | |
| التحية ليك يا الهدهد واحب أن أشارك في هذا البوست بإمثال كنت قد شاركت فيها في بوست ود عجيب - هذا البوست للامثال الشعبية -
فيما يلي :- بخيت شكروه قال داك شهر تانى قيل أن عبدا اسمه بخيت رأى بين جماعة هلال رمضان دون غيره واراهم اياه فشكروه وشهدوا له بقوة الإبصار فاغتر بالشكر وقال داك هلال تانى ، يضرب لمن يدعى معرفة الشئ اكثر من الواقع المعتاد
بركة الكلام في قلته يعنى الكلام أحسنه ما قل ودل
الجاياك ما بتختاك المقدر لك لابد أن يصيبك
حساب ولا كوار حاسبني بنظام وزن أو كيل أو تقدر بإجمال والكوار معناه فرض ثمن للسلعة جمله
الحساب ولد أي الحساب كالولد لا ينسى يضرب عند المغالطة في الحساب
إذا حضر الماء بطل التيمم معناه إذا حضر الأصيل ألغي الوكيل
الحلفك كتلك والشكاك عاداك الذي حلفك فهو عرضك للموت والذي شكاك إلى الحكام تعرض إلى معاداتك
الحوت ما بهددوه بالغرق يضرب بعدم المبالاة بالوعيد
خت الخمسة فوق الاثنين ضع أصابعك فوق شفتيك – يضرب للأمر بملازمة الصمت
إن جاتك في مالك سامحتك وان جاتك في نفسك بكتك إذا رماك الدهر بمصيبة في مالك فقد سامحك بالنسبه في جسمك أو ابنك أو عرضك
إن جنك ضررين شيل الأخف إذا عرض عليك أمران مخيفان فأختر اخفهما ضررا
اسمك خصمك يا علمك الدغاله يا علمك الهباله يعنى من وافق اسمه اسمك وكان معك في مكان واحد ونادى مناد بذلك الاسم فأما أن تجيبا معا فيكون المقصود الاخر فهذا من الهبل واما أن تسكتا معا فيكون سكوتكما عدم مبالاة وهذه الدغاله
اصله مارق في الربا والتلاف اصله هنا بمعنى حقيقته الربا الحرام والتلاف الحساب ومارق خارج ومعناه كل أمر حاضره حرام ومصيره حساب
اللعور وسط العمى يقدل الأعور يقدل في بلد العمى (يتبختر)يضرب لمن يكون فيه نقص خفى في الأخلاق فينصح من يجاهر بذلك النقص أو يكون به عيب حقيقة في شكله فيسخر ممن يكون به ذلك العيب اكبر مما فيه
الأسد ما كتل مرته يضرب تطمينا للمرأة التي تخاف صحبتها لزوجها احتيالا عليه أو تطمينا له واصله إن الإمام على جاءه إعرابي شاكيا زوجته بأنه كل ما جاءها صاحت : قتلني قتلني فقال اقتلها وديتها على | |
|
| |
abu Jasim مميز جدا جدا
عدد الرسائل : 1467 العمر : 48 الموقع : Kingdom Of Saudi Arabia - Riyadh المدير العام : 0 تاريخ التسجيل : 28/04/2008
| موضوع: رد: الأمثال السودانية ... السبت يناير 31 2009, 16:38 | |
| ختوه غرض تخاصموا حتى صار الكلام بينهم في مرارة القرض
اسمع كلام الكبير و لو كان اسمع كلام المسن وان لم يكن زو جاه أو مال أو سلطه فأن تجاربه لا تخلو من سلطه
ابلم مو شقي شقي البتكلم معاه الابلم هو الذى لا يفهم و لا يفهم فهذا الابلم لا يتعب فى محادثته وانما يتعب محادثه فى حالتى الفهم والتفهيم وتفهيمه صعب لضعف عقله
الابوه إت ما محتاج لخال قال احمد بك ابوسن لولده علي وهم على الطعام أعط ماعون ألا يدام لأخيك عبدالاله لان خاله كريم فأجابه الذي أنت والده لا يحتاج لخال – يضرب في معناه مباهاة بحسب الوالد
أبوك أمير وأبوي أمير مين بسوق الحمير أبوك أمير وأبى أمير فمن منا يسوق الحمير أي من منا يخدم صاحبه – يضرب للمتكبرين الذين لم يتفضل إحداهما بأخذ الفضل والخضوع للأخر
أرجى سفيه و لا ترجى باطل انتظر السفيه ليعقل ولا تنتظر الباطل لينعكس ( السفيه من يصرف أمواله في ملذاته و لا يلتفت إلي واجباته الدينية والادبيه أما الباطل فهو الذي يكون عالة على غيره )
خربانه من كبارها حالة العداوة والبغضاء الظاهرة في الصغار موروثة من آبائهم وأمهاتهم
خلى خشمه ملح ملح ترك عذوبة ريقه مالحة من خجل او وجل
خلى ريحته طير طير ترك رائحته تشبه رائحة الطيور والمعنى أتعبه وضيق عليه – يضرب للفخر الممزوج بألشماته
الخواف ربى أولاده الذي يخشى العواقب تطول حياته فيقوم بتربية أولاده بدنا بالغذاء وعقلا بالتعليم – يضرب في الحذر من التورط في المخاطر
الخيروه حيروه من خير بين أمرين متساويين أوقعوه في حيرة لان المتساويين يصعب التمييز بينهما
الخير تجقلب والشكر لا حماد الخيل تجرى بين كر و فر فى الحرب والنصر ينسب لحماد حماد هذا من أولاد عبد الله جماع كان رئيسا لمنطقة العبدلاب
دخانكم يدخن وجوعكم يمحن ترى الدخان من المطبخ و تشم الرائحة والدار يعمها الجوع بظهور اثره على اجسام افرادها وشكاوى ضيوفها
دمع ألحن بيقيف ودمع النفع سريف يبكى ذو الرحم والصديق على الفقيد فيقف دمعه ويبقى ذو المنفعة جاريا دمعه وقتا أطول
الدين لو درهمين يسود الخدين تأكيدا لحكمة الدين هم باليل وذل بالنهار
الذوق يخلق في الاطباع لا يشترى و لا يباع من لم يوجد زوق في تكوينه لا يحصل عليه بالشراء مهما كثر ماله – يضرب لمن لا يأتى بالأمور على مقتضاها بل هو كثير الشذوذ في أعماله ومعاملاته
راحت شمار في مرقه ذهبت بلا فائدة كما تذهب فائدة الشمار عندما يوضع في المرق يضرب تحسرا | |
|
| |
abu Jasim مميز جدا جدا
عدد الرسائل : 1467 العمر : 48 الموقع : Kingdom Of Saudi Arabia - Riyadh المدير العام : 0 تاريخ التسجيل : 28/04/2008
| موضوع: رد: الأمثال السودانية ... السبت يناير 31 2009, 16:40 | |
| •الواقعة من السما بتحملها الواطا * العود كان مافيه شق مابقول طق * اب سنة بضحك على اب سنتين * القفة ام اضنين بشولوها نفرين * جارك القريب ولا ود امك البعيد * النسيبة عين شمس * الصابر يعرس مرة راجل * قلِ العروض جفا * الزارعه الله فى الحجر بتقوم * حلم المطلقة فى الرجوع * بليلة مباشر ولا ضبيحة مكاشر * بيت الجدرى ولا بيت النقرى * الكحل مابنفع فى العين الحجر * الماشفتو فى بيت ابوك بخلعك * الشينة منكورة * الواضح مافاضح * العرجة لى مراحا * سيد الرايحة بفتح خشم البقرة * الببارى الجداد بوديهو الكوشة * المرة بدقوها باختها * الماعندو لسان فقرى وفلسان * فى الوش حبايب وفى القفا دبايب * سمحة البتعرّف * البرقص مابغتى دقنو * الماعندو ضهر بينضرب على بطنو * عيب الزاد ولا عيب سيدو * السترة والفضيحة متباريات * البحر بشيل عوامو * العترة بتصلح المشيه | |
|
| |
abu Jasim مميز جدا جدا
عدد الرسائل : 1467 العمر : 48 الموقع : Kingdom Of Saudi Arabia - Riyadh المدير العام : 0 تاريخ التسجيل : 28/04/2008
| موضوع: رد: الأمثال السودانية ... السبت يناير 31 2009, 16:44 | |
| سمح الغنا في خشم سيدو قلبي على جناى وقلب جناي على حجر درب السلامة للحول قريب تعيس الحظ يلاقي العضمة في الفشفاش بليلة مبشر ولا زبيحة مكشر الما كلوا الدبيب يخاف من جر الحبل الخير في الملعون زي الشرة في القندول الجمرة تحرق الواطيها المايهدي الكريم تعبان الراجل افجخي بصلة قبل ما يبقي اصلة رزقاً تكوسلوا ورزقا يكوسلك البتبلبل بعوم . السواي مو حداس . الخيل بجغلب والشكر لي حماد
وده احسن مثل عندي حلاوة التوب رقعتو منو وفيهو ..
ــــــــــــــــــــــــــــــ كفاية دة الحد الائتماني انتهى ــــــــــــــــــــــــــــــ | |
|
| |
ابو ناجي
عدد الرسائل : 148 العمر : 38 المدير العام : 0 تاريخ التسجيل : 04/04/2008
| موضوع: رد: الأمثال السودانية ... السبت يناير 31 2009, 19:58 | |
| ابوجاسم ما تدينا معاك فرصة ياخي كملت الامثال كلها؟؟؟ | |
|
| |
الهدهد
عدد الرسائل : 1015 العمر : 43 تاريخ التسجيل : 12/11/2008
| موضوع: رد: الأمثال السودانية ... السبت يناير 31 2009, 20:02 | |
| الأخ العزيز / أبو جاسم
مشكور يا أخي على هـذا المرور الطيب ، و على هـذه الباقه من الأمثال السودانية .
• طبعاً أنا كان قصدي ايراد المثل و شرح المفردات . • إذا كان للمثل قصة أو مناسبة على المشارك ذكرها ، طبعاً إذا كان يعرفها . • الأخ الحبيب / أبو جاسم ، لا اعتقد بعد ذكر كل هـذه الأمثال ، أن يكون هـناك بقيه .
| |
|
| |
ريال مدريد مميز جدا
عدد الرسائل : 821 العمر : 51 المدير العام : 0 تاريخ التسجيل : 09/09/2008
| موضوع: رد: الأمثال السودانية ... السبت يناير 31 2009, 20:07 | |
| يا جماعة الأمثال دي كلها في أحد البوستات القديمة وما في داعي تكرروها لينا تاني . | |
|
| |
abu Jasim مميز جدا جدا
عدد الرسائل : 1467 العمر : 48 الموقع : Kingdom Of Saudi Arabia - Riyadh المدير العام : 0 تاريخ التسجيل : 28/04/2008
| موضوع: رد: الأمثال السودانية ... السبت يناير 31 2009, 20:08 | |
| معليش يا جماعة حقكم علي لكن والله العظيم بحب الامثال دي وبتفلسف بيها مع الفلبينيين والهنود والاخوان العرب معاي هنا في المكتب واقعد اشرح ليهم شئ غلط وشئ صاح المهم بديهم دروس مجانييه | |
|
| |
abu Jasim مميز جدا جدا
عدد الرسائل : 1467 العمر : 48 الموقع : Kingdom Of Saudi Arabia - Riyadh المدير العام : 0 تاريخ التسجيل : 28/04/2008
| موضوع: رد: الأمثال السودانية ... السبت يناير 31 2009, 20:10 | |
| ممكن يا الريال البوست القديم مندثر شويه
ومافيها حرج لو نعلنها تاني وبعدين عاوزين تفسير
ده اهم حاجة في الحكاية دي كلها | |
|
| |
الهدهد
عدد الرسائل : 1015 العمر : 43 تاريخ التسجيل : 12/11/2008
| موضوع: رد: الأمثال السودانية ... السبت يناير 31 2009, 20:25 | |
| - اقتباس :
- ريال مدريد كتب:
- يا جماعة الأمثال دي كلها في أحد البوستات القديمة وما في داعي تكرروها لينا تاني .
العملاق / ريال مدريد
طبعاً أنا جديد عندكم في المنتدى ، و الله لا علم لي بأنها موجودة من قبل على صفحات المنتدى ، و أشكرك من كل قلبي على التنبيه ، جزاك الله خيراً .
| |
|
| |
ريال مدريد مميز جدا
عدد الرسائل : 821 العمر : 51 المدير العام : 0 تاريخ التسجيل : 09/09/2008
| موضوع: رد: الأمثال السودانية ... السبت يناير 31 2009, 20:46 | |
| أخي الهدهد : موضوعك هادف جدا وطلبت وهو أن يذكر المثل مع شرح المثل ، أما البوست القديم ففيه كانت تكتب الأمثال فقط دون شرح . لذا التنبيه لأبو جاسم بأن يذكر مثلا واحدا ويشرحه لنا لا أن يحضر كمية من الأمثال . وأنا لا زلت على رأيي بأنه موضوع مهم جدا . أما عن إنك جديد في المنتدى فأنا أقول لك ( كلنا في الهوا سوا ) يعني أنا برضو جديد ولكن اطلعت على ذلك البوست فقط ولم أكن مشاركا فيه . | |
|
| |
الهدهد
عدد الرسائل : 1015 العمر : 43 تاريخ التسجيل : 12/11/2008
| موضوع: رد: الأمثال السودانية ... الأحد فبراير 01 2009, 04:35 | |
| العملاق / ريال مدريد
اعتقد أن ،،، الأخ الحبيب / أبوجاسم ،،، بعدما أوجد كل هـذه الأمثال : نقل هـذا البوست عملياً إلى الإرشيف ، أو بعبارة أخرى من سجل الأحياء إلى سجل الأموات . ألا ترى أنه أورد كل الأمثال السودانية .
| |
|
| |
| الأمثال السودانية ... | |
|