حرم سرالختم محمد من واشنطون

الأخ العزيز / علاء الدين

سعدنا و تشرفنا بمعرفتك ، و أرجو أن تنقل التحايا للخالة العزيزة / حرم سر الختم و الأخت / مي .

الاخ مهيد ريال مدريد
مسامحك يا حبيبى
و الله دخلتنى فى اضافرينى بى اعتذارك المهذب الذى قسوت فيه على نفسك بصورة كبيرة
يا أخى نحن جيل الديناصورات المنقرض فهمنا فطير و روحنا محرقانا ارجو معاملتنا كمخرفين لا نستوعب المداعبات الظريفة .... يعنى الا تختوها لينا عديل كده .
و كمان ابدعت فى حذف المشاركة الجابت الزعل مما دعانى لحذف مشاركتى التى ابديت فيها زعلى احتراما و تقديرا لكلماتك التى طوقت بها عنقى .
و لا يهمك يا حبيبى .... لكن الظاهر عليك عملتها مخصوص عشان ما اديك الضربة بتاعت ( هذه المفردات ) و قد نجحت فى ذلك ... لكن اتحداك ... رغم عدم مشاركتى فى الورقة الاخيرة لكن برضو حأجى الاول ...رأيك شنو ؟؟

allaelden كتب:: علاءالدين والرئيس الامريكى اوباما

علاءالدين والرئيس الامريكى اوباما والمرشح مكين وساره بيلين

علاءالدين والرئيس الامريكى اوباما والمرشح مكين

انت يا علاء الدين اوباما ده مشحوط كدة ما بغير وقفته دى فى كل لقطة ؟؟؟

حـــــــــــــــكم والله وعجائب !!!!!!!!!!!!!!!

ملاحظة زكية يا ناندا.... و الغريبة ماسك اصبعو السنة كلها

الصوره دى قبل مايكون رئيس كان مرشح الحزب الديموقراطى
ومن المفترض هو مسافر الي ولايه ثانيه الا يمر عبر نقطة التفتيش
فاخذته عبر الباب خلف الامن, مستعملا بطاقه دخول المطار التى تسمح لى بالدخول
من الباب الخلفى
وكانت ملاحظه جميله من ناندا فقد طب اصبع اوباما على خفيف فى الباب الجانبى لكن لم يتعور
بل انتفخ فوضعنا له ثلج حول الاصبع حتى صعد الطائره ...سوف يتم تعين ناندا فى جهاز الامن
لتلك الملاحظه الذكيه جدا جدا تحياتى

allaelden كتب:: الصوره دى قبل مايكون رئيس كان مرشح الحزب الديموقراطى
ومن المفترض هو مسافر الي ولايه ثانيه الا يمر عبر نقطة التفتيش
فاخذته عبر الباب خلف الامن, مستعملا بطاقه دخول المطار التى تسمح لى بالدخول
من الباب الخلفى
وكانت ملاحظه جميله من ناندا فقد طب اصبع اوباما على خفيف فى الباب الجانبى لكن لم يتعور
بل انتفخ فوضعنا له ثلج حول الاصبع حتى صعد الطائره ...سوف يتم تعين ناندا فى جهاز الامن
لتلك الملاحظه الذكيه جدا جدا تحياتى

لا ياااااااااااااخ !!!!!!

مبالغة لكن !!!!

نرسل التحايا عبرك ياعلاء الى الحاجة حرم سر الختم وبنتها مي
وربنا يجعلها سفرة سعيدة وترجع لينا بالسلامة

الاخ ابوسلطان
تقبل تحيات الحاجه حرم ومى كمال الدين

تحياتي للحاجة حرم ولبنتها مي والتحية اكبر للاخ علاء الدين الذي ربطنا بأهلنا فى امريكا وله منا جزيل الشكر والامتنان
لكن يا اخ علاء الدين لسع لم نعرفك كويس انت قلت انت ابن عمهم ولكن من اي منطقة انت فى السودان،،، اعتقد انك من الشجرة لان لهم اهل كتيرين فى الشجرة
ارجو توضيح ذلك
ولك خالص تحياتي

allaelden كتب:: الاخ ابوسلطان
تقبل تحيات الحاجه حرم ومى كمال الدين

مي عبد الرؤوف وليس كمال الدين يا علاء الدين .

الاخوه ريال و Admin
مى عبدالرؤوف هى بنت خالى وامى انا نعيمه كمال الدين من حى العمده امدرمان وابى الطاهر حسن البدرى من حى العمده امدرمان وجدى غلام الله بن عائد من اليمن{ الحديده} واهلنا فى امدرمان ال البدرى وال الحورى وهنا فى امريكا حرم محمد... ومى كمال الدين.... وعلاء الدين حسن The last name الاسم الاخير
انا اتيت الى امريكا عن طريق اللوترى 1999 انا وزوجتى مى وبعد خمسه سنوات حصلنا على الجنسيه الامريكيه ومازلنا محتفظين بالجنسيه السودانيه , و الحاجه حرم بعد ثلاثه سنوات ستحصل على الجنسيه الامريكيه........ فى السودان منزلى فى الثوره الحاره الثالثة عشر منزل الاهل فى الحاره العاشره.... اصدقائ فى السريحه.. ياسرعبدالمنعم . طلب اسكان.... وطلب محمد على ... وفاروق...نصرالدين وبشيرخال مى والمرحوم اسحق وابن خالى كمال الدين عبد المنعم ابن بلقيس من السريحه زواجى من مى تم فى السريحه وفى امدرمان كانت لى عدة زيارات للسريحه ولى عدة اصدقاء لا استحضر الاسماء واستاذى التكينه درسنى فى تلودى وهو يسكن فى الثوره الحاره الرابعه ...كنت دائما اشترى محاصيل من السريحه وكذلك اشترى محصول الطماطم بمساعده من ابن خالى كمال وخاله احمد وابيع لسوق الجمله فى السريحه الصابون وزيوت الطعام كان لدينا مكتب اتصالات فى دكان الحاجه حرم سرالختم قبل دخول سوداتل
انا على اتصال دائم مع الاخوه ناصر عباس زوج موده والاخ ياسرعبدالمنعم على الجاك ومجدى فى السعوديه و و و على العموم لقد قضيت اجمل الايام فى السريحه اهدى سلامى لاهلها الكرماء الطيبين

url=http://imageshack.us][img=https://2img.net/r/ihimizer/img261/3889/s5550728531018673440tc6.jpg][/url]

التحية ليك اخ علا الدين وبالذكرة العطرة التي سردتها في

بوستك السابق الجميل الذي مثل اصالتك السودانية والتواضع

والذكرة العطرة التي لم تنساها والتحية للخالة حرم والاخت مي

والاصدقاء واطال الله في عمركم ونشوفكم في ديار الوطن الام

بصحة جيده وعافية .

أبــوجـــاســــــم

الاخ علاء مشكور على النبذة التاريخية عن عائلتكم ومن المفاجآت التي ظهرت انك ابن عم كمال عبد المنعم
ياخي انت رأفت الهجان ما يلحقك من لخبطة النسب دا
صراحة انا ما بقدر افهم نسبكم دا الا اذا عملت لينا شجرة النسب Laughing

بالمناسبة هلى اللوتري ما زال مجدي والاوضاع فى امريكا ما زالت على ما يرام بالنسب للعرب والازمة الاقتصادية ولا احسن ما نقدم!!

مشكور جدا يا علاء الدين
لقد وضحت لنا الحقائق كاملة وقد أتذكر بعض الملامح من ذكرياتك الجميلة وبالذات في حتة كمال عبد المنعم دي .
ما شاء الله إنت طلعت من حلتنا عديل كدا . وربنا يديم المحبة .
فعلا نحن نسينا حكاية THE LAST NAME دي وأعذرنا لجهلنا .

الاخوه الاعزاء ابوناجى وابو جاسم ومدريد التحيات الطيبات الزاكيات وتحيات الحاجه حرم ومى .
عبد الرؤوف كمال الدين سعيد الحورى والد مى
عبدالمنعم كمال الدين سعيد الحورى والد كمال
نعيمه كمال الدين سعيد الحورى ام علاء والمهم فى الموضوع الحاجه حرم مصره على ان ريال مدريد دا ما من السريحه..قلت ليها دا اسم من اسماء الفرق الاسبانيه ودا اسم مستعار برضو ماقادره تفهم ليه بستعير من اسمو? ضحكت قوى قوى بالله ياريال على الاايميل بتاعى رسل لى اسمك الحقيقى allaelden14@hotmail.com عشان الحاجه تقدر تتواصل مع المنتدى وتعرف الناس لانها كل يوم داير تعرف اخبار ناس السريحه منو الخطب ومنو العرس ومنو....المات
ودمتم ذخرا للسريحه خاصه
[img=https://2img.net/r/ihimizer/img300/9584/allameygardingqk7.jpg]

الأخ العزيز علاء الدين :
طبعا رسلت ليك تعريف كامل في الإيميل بتاعك ورسلتو ليك كمان على الخاص .
بس ما تجي وتقول لي قالت ( بري ما عرفتوا ) .
لو قالت كدا أكيد تكون زايغة من اللوتري .

مرحبا الخاله حرم والاخت مي والاخ علاء الدين

التحية للاخت حرم سرالختم ولمي وللاخ علاء وربنا يثبتكم واوصيكم بالصلاة في مواعيدها ودخلوا لينا كم نفر في الاسلام وقولو ليهم نحن ناس مسلمين ووروهم دينا عبر تعاملكم وربنا يوفقكم ....مي طبعا كنا بنرسلها انا وفؤاد والضب وكان عمرها وقتها 6 الي 8 سنوات تقريبا وما بتكون بتتزكرنا ...

الاخ الطيب الطاهر وروز.... تقبلوا تحيات مى والحاجه حرم وهى تعانى من شده البرد والوحده
قالت دايره تمشى السودان وترجع فى الصيف ,قالت بعد شويه حاتنسى العربى
قبل يومين كدا كان فى جليد نزل وغطى كل مكان فاغلقت المدارس وكان هنالك بعض الطلبه
يحملون الكواريك لتنظيف وازاحة الثلج من الشارع وبعض البيوت
فحضر طلبان وطروقوا باب بيتنا ففتحت الباب حرم ودار النقاش التالى:
الطلبه:
نحن طلبه نريد ان ننظف الثلج من امام منزلكم
حرم: بفلوس ولامجان?
الطالب: 10 دولار
حرم : يفتح الله .... ..بالانجليزى Thank U
الكلام دا كلو كان تم بين الحاجه حرم والطالب الامريكى من دون تدخولى ...
.بس كان بلغة الاشاره ............بالانجليزى يامرسى
.........................................................
الاخ ريال مدريد هذا الموقع الحكومى للوترى الامريكى وهو مجان وهذا الموقع يفتح فى السنه مره
شهر اكتوبر ويقفل فى نهاية نوفمبر ويعتمد على الحظ فهل انت محظوظ يا ريال مدريد

http://www.dvlottery.state.gov/

االتحايا للاخ علاء والاخت حرم سر الختم والابنة مى عبدالرؤوف فمن على البعد احييكم داعيا المولى عز وجل ان يحفطكم
ويرعاكم 0

allaelden كتب:: الاخ ريال مدريد هذا الموقع الحكومى للوترى الامريكى وهو مجان وهذا الموقع يفتح فى السنه مره
شهر اكتوبر ويقفل فى نهاية نوفمبر ويعتمد على الحظ فهل انت محظوظ يا ريال مدريد

http://www.dvlottery.state.gov/

أخي علاء الدين :
الأهم من اللوتري هو ( هل هي عرفتني وللا ناس تكساس نسوها الناس ؟ )
والله أنا كنت ولا زلت أطمع في سنة واحدة بس ولا أزيد عليها لكي اتعلم اللغة الإنجليزية من خشم الخواجات .

الاخ ريال مدريد
مى قالت بتعرفك وبتعرف اهلك كلهم لكن بعد ماالحاجه حرم شرحت ليها فتذكرتك على طول
بعدين اللوترى يعتمد على الحظ وسوف اساعدك فى البنك استيتمنت لانه ضرورى بس جرب
شهر عشره وانا فى انتظارك تقبل سلام الجميع

أشكرك أخي علاء الدين ولو كانت على الحظ فمن الأفضل أن أنسى الموضوع لأني أعرف حظي جيدا فهو يلازمني طيلة 36 سنة .