رباطاب يا جماعة

رباطابي عنده فرن
جاهو مسكين قال ليهو: لي يومين ما ضقت طعم الرغيف الرباطابي
قال ليهو: ياهو طعمو زاتو ما اتغير

قالوا واحد سافر لابوحمد
واول ما نزل من القطر لقى شافع رباطاب بيببع في ليمون
قام قال ليهو: يا ولد ليمونك ده فيهو موية
قام الشافع رد عليهو بسرعة:
نان قالولك ساقنو بالتيمم

قالوا واحدة من حريم الرباطاب كانت بتبيع زلابية وطعمية للركاب في محطة ابوحمد
بعدين الايام ديك شغلوا القطر الاكسبرس وكان ما بيقيف في اي محطة
المهم الحاجة دي القطر جا ماشي فيها بووووو وماباعت اي حاجة وقامت رجعت البيت
قام الراجل قال: ان شاء الله بعتي كويس الليلة
قامت ردت قالت ليهو:
بعت شنو الشئ ما جا ماشي فيني زي ترجمة الفلم الاجنبي

ولد رباطاب سألوه في المدرسة ..
قالوليه: ابوك عمرو كم؟ .....
قاليهم : و الله ما عارف لكن طول معانا .....!!!

رباطابي جاء الخرطوم لحضور زواج
وكان متوقع في العشاء مالذ وطاب من الصواني الكبيرة زي مابيحصل في البلد
المهم وقت العشاء عمك جابو ليهو صحن ورق وحاجة باردة
وبعد ما اكل لمو منو صحانة الورق
فعلق علي ذلك قائلا:
العرس زي امتحان الشهادة جابو الورق ولمو الورق

قالوا رباطاب قاعدين يحفروا في قبر في المقابر
جاء واحد قال ليهم السلام عليكم قالوا ليه عليكم السلام
قال ليهم خير مالكم
قالوا ليه عندنا واحد مات
قال ليهم مات هنا ولا خبر
قالوا ليه خبر
قال ليهم سمح بتحفروا ليه
قالوا ليه: دايرين ندفن التلغراف

قطار الوحدة كان قطر سريع بين الخرطوم وعطبرة
له راسين يصل عطبرة يقلب علي طول للخرطوم
الرباطابي شاف القطر قال ليهم:
دا شنو الزي شريط الكاسيت

حمار اتعود يحك راسو بشباك فصل في مدرسة..
الاستاذ قال لي الطلبة: الحمار ده كل يوم بعمل كده عندو ود عم هنا ولا شنو؟
رد عليهو تلميذ رباطابي:
والله ما بجي إلا في حصتك يا أستاذ

بالمناسبة بالامس كانت فرقة تيراب الكوميدية عاملة حفلة حلوة جدا بالمدينة المنورة وقد حضرها كم هائل من الجماهير وقد امتلات بهم قاعة المشاهدة
وقد ابدع فيها محمد موسى وفخري وعبد الله البعيو
وكنا نضحك من الاعماق لننفس ما كنا كاتمنه كل تلك هذه المدة
وطبعا التذكرة كان مبلغها بسيط 50 ريال فقط للشخص
وحاحاول اتذكر النكات وانقلها لكم هنا

نحن في انتظارك يا ابوناجي ما تمش تعمل رايح علينا

عليك الله يا ابو جاسم كتر من الرباطاب ديل ........ والله ناس حلوين شديد

هاكي دي يا ناندا

اشترى رباطابى قماش مشى الترزى عشان يفصل جلابية فساله عن سعر التفصيل فقال له بى 25 الف قال ليه بتخيط بى بنج ولا شنو .

قالو ليك في رباطابي مركبو غرقت مشى يفتح بلاغ الضابط سألو المركب غرقت وين قال ليه غرقت في شارع الظلط

في رباطابي اشترى ليه غنماية ودساها من الجيران وخايف عليها من العين وجارو شافو بالحيطة المهم بعد كم يوم مشى الرباطابي اشترى ليه بقرة فريزين وجاي ماشي براحه خايف الجيران تشوفو طلع ليه جارو بالحيطة قال ليه اها بعد ما جبت الكهرباء القومية ادينا الجننيتر العندك جوه ده .

رباطابي مسافر للسعودية مشي يقطع تذكرة السفر من الوكالة وكانت الموظفة حنكوشة اخرت عمك اكثر من ساعتين بعد داك قال ليهو ياعمو تذكرتك عايزة ذهاب واياب قال ليها لا خليها بخروج المهزوم يابنيتي
…………………………………………………………………………………………………
رباطابى راكب جمل وببيع النبق والحرجل جات بت حنكوشة تشتري منو وقالت ليهو عمو جملك ده بضرب؟
قال ليها: لا بعمل مس كول بس

متعك الله بالصحة أستاذنا أنور التكينة

والله اضحكتني الطرايف دي ويا ريت كما

قالت ناندا ادينا جديد ما عندك

والله يا ابو جاسم الحاجة الوحيدة انى ما بعرف احكى .. لكن بستمتع بالنكت بطريقة ما عادية

والله النكت الاخيرة دى حلوة شديد !!!!

اها يا ابوجاسم دا جزء من النكات البتذكرها فى ذلك الحفل الكبير

- جعلي معاه ولدو لاقاه رباطابي
خاف يسحرو قام دساه وراه
قاليه مالكم واقفين زي الساعة 12 شوكه!!
:::::::::::::::::::-----------------------------:::::::::::::::::::
- رباطابي .. سألوه سايفون يعني شنو؟
قال ليهم صندوق فيه حبل، تشده، يا تحلق تشرب يا ماتلحق
:::::::::::::::::::-----------------------------:::::::::::::::::::
- واحد بحب رباطبيه قال ليها : بريدك
قالت ليهو : ص.ب 44
:::::::::::::::::::-----------------------------:::::::::::::::::::
-رباطابي إخلاقوا في نخرتو
واقف في الشمس الساعة 12 جاهوا
واحد بي ضهروا مشبه عليهو قال ليهو (حمد النيل)
قال ليهو (لا أحمد شرفي)
:::::::::::::::::::-----------------------------:::::::::::::::::::
- إمام شايقي في الركعه التانيه
سمع ليهو زول جاري يحصل الركعه
سلم وهو واقف
:::::::::::::::::::-----------------------------:::::::::::::::::::
- رباطابي جزار شايل عظام
سأله شايقي: عازم كلاب؟
قال ليهو: أيوه .. كرت ما جاك
:::::::::::::::::::-----------------------------:::::::::::::::::::
- أسيبك آه
أحبك لا
ترسل آه
أرسل لا
أضرك آه
أفيدك لا

(نانسي الشايقية)
:::::::::::::::::::-----------------------------:::::::::::::::::::
- شايقي زار أمه في المستشفي
لقي مكتوب في الباب (أدفع)
قال أزورا في البيت أحسن
:::::::::::::::::::-----------------------------:::::::::::::::::::
- شايقي طلع ليهو شيطان
وهو ما حافظ ولا آيه من القران
قرأ ليهو (طلع البدر علينا)
:::::::::::::::::::-----------------------------:::::::::::::::::::
- جعلي رسل بته لي مسابقة من سيربح المليون
عشان يعرف صديقا إسمو منو؟

حلفاوى كان بصلى بحريم فى لبنان كإمام ولمن خلص الفاتحة وقال ولا الضالين، الحريم وبصوت ناعم قالن آمييين، رد الحلفاوى: أيه الأصوات الحلوة دى والله إلا أعيد سورة الفاتحة تانى !