عتدما تتحقق الأحلام

من صلب الإرادة و اتساع الأفق .. كان هنالك نفر من (( سريحة عامر )) قد شمروا عن سواعد الجد .. لتكون لنا في رحلة العولمة و الشبكة العنكبوتية - وقفة و محطة - يتكئ فيها الجميع ليطول السمر و المقيل .. و أيّ سمرٍ هو ....؟؟؟؟
سمر .. يلتقي فيه الجميع .. على بساط المعرفة و التواصل .. فتتلاقح الأفكار و تنسكب الرؤى لتنساب هادئة - علماً و استنارةً - فيعم الخير جنبات التي لها في دمنا يدٌ سلفت .. و دين مستحق ... سريحة الخير (( سريحة عامر )).
الفخر قبل الشكر لكم .. و أنتم تعبّدون للجميع جسورا للمعرفة و التواصل .. و أسال الله الكريم أن يجعلكم قناديل عطاءٍ .. لا ينطفئ بريقها .. مهما توالت الأيام و السنون .
و أستميح الجميع عذراً إن أتت مشاركتي متأخرة بعض الشيئ .. و لكن كلّ شيئ في هذه الدنيا بقدر ....!!
ختاما تحياتي الغوالي لجميع الأعضاء و المشاركين بمنتدى السريحة .. و تحية أكثر خصوصية للقائمين على أمر هذا المنتدى ... و إلى الأمام قدماً .

و دمتم / قدّس - أبو ســـــــــالم

الاخ قدس لك منى مليون سلااام واشواق تمتد امتداد المسافه الفاصله بيناتنا
انا دايما ما اتذكرك بتلك المقوله (كثافه فى الانتاج وسوء فى التوزيع ) واصبحنا قاب قوسين او ادنى من ان تشملنا هذه المقوله .
واقول لك ( ان تاتى متاخرا خيرا من ان لاتاتى ) ولكنى اعلم انك ستعوض ما فاتك
ويلا مع بعض نقول الراى ونتفاكر ونخت الساس ونبنيها الموده ولنجعل التواصل جسرا لنا لنتزود بعشق تراب السريحه ولنجعلها نبراسا ودليلا للاخريات
لك منى كل المنى

كبير أنت بكلماتك الشامخه و الشاهقه،،
دائماً يا خال تجدنا نبحث عن كلماتك بس أنت بتطول من كتابه لكتابه ما تبخل على المنتدى بكتابتك العقبه و منتظرين منك الكتير.

الاخ محمد ابو سالم ذلكم الرجل الشفيف رغماً عني انفي لك مني كل التحايا والتقدير لعباراتك الجميلة لعلها محشوة بعسل ولبن وحاجات كتيرة ...
طبعا يا اخوانا انتو عارفين محمد الشهير بقدس في السريحة (( وسريحة )) في الشرقية راجل لعاب في الwest ومافي كلام لكن طبعا العبدلله بجرسو ليكم جرسة شديدة ومسنفكو ليكم في قبولو وخليتو ليكم قدر السمسة وطبعا صراحة اتسداها لكن سيك " ها .. حق ورق وكده"
ارجو من الاخ هشام مايرد لي لانو عرفت انو خالك
ولكن وللامانة اولاد ابارهيم ود حمد مشرفنكم كتير في الشرقية في الشفافية والادب والتواصل والتواضع والانسجام انا طبعا زولي قدورة لانو بادب ليك قدس ادب في الكورة " ادب المدائح " وطبعا انشاء الله حتشاهدو قدورة قريب وخالد ود عبدالعزيز كلهم حادعوكم ليكم ما بتخافو بص السريحة حيملأ وشدو الحيل
وبرضو قدس " مسيك " " ومسنفك" .

انت عارف انا الوحيد الذى يبعث فى قدس الرعب حينما نلعب الكوتشينه اغلبو يوما

ابايزيد الطاهر الجميعابي كتب:: الاخ محمد ابو سالم ذلكم الرجل الشفيف رغماً عني انفي لك مني كل التحايا والتقدير لعباراتك الجميلة لعلها محشوة بعسل ولبن وحاجات كتيرة ...
طبعا يا اخوانا انتو عارفين محمد الشهير بقدس في السريحة (( وسريحة )) في الشرقية راجل لعاب في الwest ومافي كلام لكن طبعا العبدلله بجرسو ليكم جرسة شديدة ومسنفكو ليكم في قبولو وخليتو ليكم قدر السمسة وطبعا صراحة اتسداها لكن سيك " ها .. حق ورق وكده"
ارجو من الاخ هشام مايرد لي لانو عرفت انو خالك
ولكن وللامانة اولاد ابارهيم ود حمد مشرفنكم كتير في الشرقية في الشفافية والادب والتواصل والتواضع والانسجام انا طبعا زولي قدورة لانو بادب ليك قدس ادب في الكورة " ادب المدائح " وطبعا انشاء الله حتشاهدو قدورة قريب وخالد ود عبدالعزيز كلهم حادعوكم ليكم ما بتخافو بص السريحة حيملأ وشدو الحيل
وبرضو قدس " مسيك " " ومسنفك" .

يا عزيزي أنا عدو خطير و كبير لقدس في لعب الكوتشينه في الوست و الوش فاسرح و أمرح و انا معاك.

انت أختفيت يا خال من المنتدى إن شاء الله المانع خير،،
إفتقدناك والله ،،،
ما تطول الغيبه.

افتقدناك يا قدس وفى الليلة الظلماء يفتقد البدر اين نحن من كتاباتك ومن حروفك الموسيقيه التى كنت تعزفها لحنا شجيا فتطرب الا من به صمم