ضيف الاسبــوع

والله يا الواثق طارق دا أنا خاتيو آخر حاجة ، وكنت داير أكتبو ليهو لكن خايف عليهو ( يفز ) .

ريال مدريد كتب:: المثل بيقول كترة الأسماء تدل على عظمة المسمى .
وأنا أقول كترة الشراك تدل على عظم الصيد ، يعني لو ما الصيد يستاهل ما كان شركنا ليهو بالحاجات دي كلها ولا كان انتظرنا الزمن دا كلو .
عشان كدا يا أخوي اختار الشرك المناسب وأنا أفضل أن تجي للطش لأن القلابة يمكن أن تكسر رجلك والسبيب يمكن أن يقطع رجلك ولكن الطش بخلعك ساكت .

الأخ الحبيب / ريال مدريد

في رأي : الشرك شرك طالما أنه يكفي لاصطياد الفريسة ...

و الأسير أسير في زنزانة أو في منتدى السريحة ....

و الخوف حاصل في وجود هـذه الكوكبة من الأعضاء ....

الأخ العزيز / أنور التكينة

كما ترى في هـذا البوست ، يوجد في هـذا البوست اقتراح مقدم من الأخ العزيز / حمد النيل ،،، و الموضوع يتعلق بأن يكون هـناك أحد الأعضاء من الإخوة أو الأخوات ... يكون ضيف على المنتدى ، و يستقبل أسئلة الأعضاء ... و قد تم ترشيح الإخوة :

أنور التكينة ، حمد النيل ، الطيب الطاهـر ، الهـدهـد .

و قد اعتذر الأخ / الطيب الطاهـر ، و قال إنه مشغول ... و اعتذر الهـدهـد ، أن يكون أول المستضافين ....
و انحصر الأمر بين الأستاذ / أنور ، و الأخ / حمد النيل ...

الأخ / أبو جاسم ... طالب باستضافة الأستاذ / أنور التكينة ... لماذا ؟؟؟ قال عنده مجموعة من الأسئلة القوية الهامة ....
كذلك الأخ / الطيب الطاهـر ... أيضاً طالب باستضافة الأستاذ / أنور التكينة .

عليه نرجو منك يا أستاذنا الفاضل التكرم بأن تكون ضيف الاسبوع ،،،

و لك مقدماً جزيل اشكر و التقدير ،،،

أخوك / الهـدهـد

سلمت أيدك يا الهدهد ايه التواضع ده ......قرب اضانك جاي انته خايف مش كده .
احم احم زي ما قلت ليكم سلمت ايد الهدهد على التنازل للكبار / أنور التكينة و الاخ/ حمد النيل وشكلي مروس على الاستاذ أنور التكينة ومابسيبو ابداً والاخ / حمد النيل شايفو مابخش كتير ممكن مشغول وهو استاذ فاضل يستحق ان نستضيفو وشكراً .

اها يا الهدهد حليتك امش ادسه في الغرفة ديك لحدي الموضوع ماينتهي بخير الجماعه ديل دخلو ليك فيها شرك وقلابة وطش لا وكمان قالو جايبين ليك طارق ينيشك ويقص جنحيك والكلام ده مابيرضيني " أفوا أنا اخوك اااااالهدهد"

يا أبو جاسم ما تشق الصف ولو عايزها بالتصويت ما في مشكلة .
وإذا كان عذرت حمد النيل عشان ما بكون متواجد باستمرار فهذا العذر حجة عليك أيضا لأن الهدهد من المتواجدين بالمنتدى باستمرار ( ما شاء الله تبارك الله وعيني باردة ) .
بالطريقة دي الموضوع دا بجر .
الحسنة الوحيدة التي تشكر عليها هي إنك دخلت الهدهد في الغرفة ديك ، وبالطريقة دي ممكن نقبض عليهو بكل سهولة ، بس نقفل عليهو الباب ونحوشو جوة .

abu Jasim كتب:: سلمت أيدك يا الهدهد ايه التواضع ده ......قرب اضانك جاي انته خايف مش كده .
احم احم زي ما قلت ليكم سلمت ايد الهدهد على التنازل للكبار / أنور التكينة و الاخ/ حمد النيل وشكلي مروس على الاستاذ أنور التكينة ومابسيبو ابداً والاخ / حمد النيل شايفو مابخش كتير ممكن مشغول وهو استاذ فاضل يستحق ان نستضيفو وشكراً .

اها يا الهدهد حليتك امش ادسه في الغرفة ديك لحدي الموضوع ماينتهي بخير الجماعه ديل دخلو ليك فيها شرك وقلابة وطش لا وكمان قالو جايبين ليك طارق ينيشك ويقص جنحيك والكلام ده مابيرضيني " أفوا أنا اخوك اااااالهدهد"

الأخ العزيز / أبو جاسم

جزاك الله خيراً ، و أنا ما عندي أي مانع في مسألة ضيف الاسبوع : يكون الأخ / حمد النيل ، يكون الأستاذ / أنور التكينة ... بس أنا معاكم ... معاكم ،،، ما عندي فرق ، حمد ... أو ... أنور .

المهـم راحتك يا أبو جاسم ... و الفائدة للأعضاء ، أعضاء المنتدى ...

ختاماً مشكور على هـذا التعاطف الكبير مع الهـدهـد ...

ريال مدريد كتب:: يا أبو جاسم ما تشق الصف ولو عايزها بالتصويت ما في مشكلة .
وإذا كان عذرت حمد النيل عشان ما بكون متواجد باستمرار فهذا العذر حجة عليك أيضا لأن الهدهد من المتواجدين بالمنتدى باستمرار ( ما شاء الله تبارك الله وعيني باردة ) .
بالطريقة دي الموضوع دا بجر .
الحسنة الوحيدة التي تشكر عليها هي إنك دخلت الهدهد في الغرفة ديك ، وبالطريقة دي ممكن نقبض عليهو بكل سهولة ، بس نقفل عليهو الباب ونحوشو جوة .

الأخ العملاق / ريال مدريد

أنا بدون طارق قلبي طائر ... و أظن أن وجود الهـدهـد في المنتدى ، يجب أن يكون دافعاً لتقوم إدارة المنتدى بالدفاع عن الهـدهـد ... فالهـدهـد يعمل تحتهم ويأتمر بأمرهـم ، فمن حقه عليهـم الدفاع عنه و الوقوف معه في وجه هـذه الهجمة الشرسة ...

هـذا نداء للأخ العزيز / Admin ، و الأخ العزيز / هـشام السريحة ، و الأخ العزيز / حمد النيل ، و الأخت الكريمة / ناندا ... و غيرهـم من أعضاء إدارة المنتدى ... نداء بضرورة مساعدة الهـدهـد المسكين ، الذي تكاثرت عليه المحن و توالت عليه الخطوب من كل حدب و صوب ،،،، فهـل من مجيب ؟؟؟؟