شـــاكـــوش

يا جميله وياحلوه سمحة زي
وأهلك مرتاحين وعندهم قروش
ودايره تحيه منّى انا ؟؟
انا الغلبان وزول مربوش
انا السافرت لبلاد برّه كايس الغربه
جيت مكشوش
أشوفك ساى تصن اضني
يموت الحيل ورأسي يدوش
اقوم اديك تحيه عشان يجينى الرّد من البرطوش
بخاف يا انتى قلبى رهيف
وما بستحمل الشاكوش
لأنك انتى ما من توبنا
يا حنكوشه بت حنكوش
لأن الفرق بينّا كبير
فرق طاقيه لى طربوش
سكنكم انتوا فيلاّ انيقه
ترقش فوق سطوحها دشوش
ونحنا سكنّا أوضه صغيره
بس مترين اظنّو الحوش
بتاكلى بيرقراً طاعم كمان وتحلّى ماكنتوش
ونحنا نجوط ونتشاكل
على صحناً مستّف بوش
اذا شمّينا كشنه فى يوم
نضج ونهيج كأنو وحوش
نقوم طيران على الجيران
وندخل توووووووووووش
بلا استئذان ..وناكل حتى لو قرقوش
دايره تحيّه منّى انا !
بخاف يا انتى
قلبى رهيف
وما بستحمل الشاكوش

كما قلت انفا فالشاكوش يدق
على قلب الحبيب وراس المسمار
وما بين الراس والقلب اوجه شبه
لا تحصى ولا تعد

ياحماد ياحليل زمن الشواكيش الكلام دااااا كان زمان هسى اختفى وماسمعتى انا بزول ادوهو شاكوش قريب
البنات بقن بنات حلال كدااااا وبسمعن الكلام وبقواا حريصين للارتباط الرسمى ممكن للوضع الاقتصادى الاخير
ممكن وهو مجرد رااى واكيد قابل للتعديل
ولك حبى

الكمات جميلة جداً يا ابو جاسم
بس ما يكون الموقف حصل ليك