وكانت ساعة النصر اكتمال الهلال

دوسانتوس رسم ملامح القمة وركز على تنفيذ المعكوسات والضربات الثابتة بدقة
ملامح تشكيلة الهلال للقمة
ظهرت ملامح تشكيلة الهلال لقمة الجمعة امام نده المريخ في مران الفريق امس من خلال الاسماء التي حددها الجهاز الفني وهم :

المعز ، الدعيع في المرمى ، ديمبا ، فييرا ، اسامه التعاون ، امولادي ، مساوي ، البرنس ، عمر بخيت ، مهند ، كواريزما ، امبيلي وقام الجهاز الفني بوضع خيارات بين المعلم وحمودة في وظيفة المحور .
الهلال يعتمد عدة طرق للقضاء على آمال المريخ!!
قام الجهاز الفني للهلال بقيادة سانتوس البرازيلي والوطني الديبة باختيار اكثر من طريقة خططية جديدة تعين الفريق في قمة الغد أمام المريخ من خلال الاعتماد على أكثر من طريقة لعب مختلفة تتركز جميعها في الجانب الهجومي وبكثافة عددية من اللاعبين على رأسهم الطوربيد الكنغولي امبيلي والساحر البرازيلي كواريزما واحمد عادل الى جانب مهند الطاهر صاحب الحلول الفردية في التهديف في المرمى من مسافات وزوايا مختلفة .
-----------------------------------------------
بدا يظهر لينا المريخاب واحد واحد انا عايزهم يتلموا كلهم عشان راجيهم بالبف باف .

وكانت ساعة النصر اكتمال الهلال .

انا ما حأعلق إلا بعد الكورة.

النصر كان مريخابي 100% فهو تعادل بطعم النصر للادء المتميز والاستحواز على الكورة والتهديف فى مرمى الدعيع لعشرات المرات ولكن الحظ فقط لم يحالف وكان ممكن تطلع المباراة5/ صفر للمريخ ولكن ربنا ستر عشان نادي الهلال ما يشتت ويضيع هباء منثورة
لك التحية يا كلاتشي يا مبدع

أنا اختلف معك أخي أبو ناجي !
هو كان تعادلا بطعم الهزيمة ، وليس بطعم الفوز .
هو نعم تعادل بطعم الفوز بالنسبة للهلالاب ، لأنهم كانوا يتوقعون هزيمة نكراء ولكن عاندت المجنونة وعاند مهاجمو المريخ ولم يكونوا في المستوى المطلوب ولم يحالفهم الحظ .
لم أفرح للتعادل كثيرا ولكنه أفضل من أن يخسر المريخ من هؤلاء الأشباح .

والله شكلكم فرحانيين وعايزين تطيرو من الفرح وقاعدين تعلقوا على كيفكم خدو الحقايق
ارجو ان اقدم التحية لفريق المريخ الذي قدم كرة شاملة في الشوط الأول وكانت كفيلة بأن تنهي المباراة بنتيجة أقلها ثلاثة أهداف نظيفة لولا يقظة المدافعين واخص منهم عمار مرق والحارس الممتاز لدرجة ( جدا ) ...
قام الهلال برغم الريح القوية بتنظيم صفوفه ليقدم سيمفونية رائعة انتهت بهدف رائع ملعوب من معلمين كبار قون ( سينما ) يامريخاب المنتدي.
ودقت القلوب والمريخاب شربوا كل المياه في السودان ( ويا الله درون ) حتي جاءت علتنا في مشاطيبنا .. كلتشي باحراز هدف التعادل في آخر ثانية من الزمن الضائع لتكتيك خطأ فادح من لعيبة الهلال بضياع الزمن وعدم الحرص والمتابعة اللصيقة والارهاق ولولا كلتشي لكان هيثم طمبل من مشاطيبنا ولولا طمبل لكان غيره من المشاطيب لانقاذ المريخ دائما ...
شكرا للمريخ لقد اعطانا درس في كيفية الحفاظ علي النصر
وشكرا للهلال الذي امتعنا بتابلوهات رائعة احيانا رغم الريح !!!
وشكرا للهلال لقد كانت ليلة عاصفة ولكنها رائعة ...
كالمعتاد .. لولا ولولا !!!
وبعد اسبوع ستلتقي القمة مرة أخري باستاد الخرطوم في كأس كبيرة ..

والله يالمريخاب ما مصدقين إنتهت على التعادل
على العموم دي بداية الدوري بكرة بتشوفو سيد البلد بعمل شنو

البركة في الحكم الخلاكم تعادلو

بالله عليك شوف آراء الهلالاب مختلفة كيف :
واحد يقول المفروض الشوط الأول ينتهي تلاتة صفر للمريخ .
وواحد يقول الحكم هو السبب في التعادل .
وواحد يقول دفاع الهلال كان نجم المباراة .
كيف يكون الدفاع نجم المباراة لو ما كان مضغوط وقرب يجيب الزيت .
والحقيقة الواحدة والتي لا عليها خلاف هو إن الهلالاب فرحانين بالتعادل أكتر من المريخاب على الرغم إنو المريخ هو الذي كان مهزوم حتى في الزمن بدل الضائع .
أول مرة يلاقيني فريق غالب يتمنى المباراة تتطلع درون .
وبعدين يا أستاذ ما تقول مشاطيب .
إنت ما عارف الشطب كيف ؟ ديل قالوا ما دايرنكم سااااااااااااي .
هلال شنو وكلام فارغ شنو !
أحلى حاجة الهدف جاء من قدم كلتشششششششششششششششششششششششششششششششششششي

الريال انا كلامي واضح جداً وما تجنيت على الفريقين
1 / المريخ لعب كوره سمحه في الشوط الاول وزي ماقلته كانت كفيله ان تنتهي 3/0 لكن بساله المدافعين خلتها سلبيه .
2 / نظم الهلال صفوفه وعزف سيمفونية اثمرت عن هدف سينما .
3 / المريخاب خافو خوفه شديده والركب كانت بتلعب لحدي اخر الدقايق .
4 / كلاتشي مشطوب من الهلال يا جماعة جاب هدف المريخ يعني الكرم هلالي متواصل من طمبل لكلاتشي والحسابه بتحسب شدو حليكم على اولادكم بس ياناس وخلو الاعتماد على مشاطيب الهلال ولا ماعندكم اولاد تعتمدو عليهم دي وارده .
5 / المريخ ادنا درس حقيقة نخلي مخلفات الهلال في سله مهملات تاني غير المريخ .
6/ تابلوهات الهلال كانت جميله .
7 / الاسبوع الجاي في مباره انتو خايفين من هسه مالكم.

الحقيقة الواضحة التي ينكرها الهلالاب هي أن كلتشي وطمبل رفضوا اللعب في الهلال ولكنهم يصورون للناس أنهم شطبوهم .
فرضنا إنكم شطبتوهم ، بالله عليكم دي لعيبة بشطبوها ؟
وين ريكاردو ؟
وين داريو كان ؟
وين يوسف محمد ؟
الهلال شطب رتشارد وجوليت وجبريل وكرنقو ولكنه لم يشطب كلتشي ، بل على العكس كان متمسك بيهو ولكن كانت رغبة اللاعب هي اللعب للزعيم .