الجـــــــــنيد

حقا انه فنان

والفنان الحقيقي يطرب نفسه اولا ومن ثم يطرب معه الاخرون اي معجبيه
هذه الحالة تنطبق علي واحد من ابناء السريحة المبدعين
تجدهم في اي مكان وزمان
قمة التواضع والادب
اجمل ما فيه الابتسامة التي تفارقه
مرح صاحب نكتة
عندما يحدثك تجد فيه احساس انه فنان
لا اطيل عليكم في من اتحدث عنه الان
انه الفنان القمة
الجنيد

من هذه الزاوية احي قمة الطرب في السريحة

عبدالقادر ود تنير

لكن بين وبينكم كدا الزول من الشاقرة ولا السريحة
افتينا يامين تنير

ساتناول الحديث عنه لاحقا

وكذلك سيف السريحة

والشاب محمد الامين

ابعشرين شكرا لك على ذكر المبدعين ولكن هناك اكثرهم واقدمهم ابداعا اظنك نسيته او لا تعرفه الا وهو صوت الطرب الاصيل (هيبة) عبد الرحمن مصطفى العباس الله يغفر له ويرحمه كان بجانب فنه الرفيع خفيف الظل ذو نكته له وقع خاص
كان لهم حفل فى امغد وقد ادوا فاصلين من الحفل بجهد كثير وعندما فرغوا من الفاصل الثاني طبعا منتظرين صينية الصفرة المدنكلة ولكن بكل اسف جابوا ليهم شعيرية فتضايق هيبة جدا وسأل واحد من ناس العرس وقال ليه العريس ده اسمه مين: فاجاب الشخص اسمه اليسعى... فرد عليه هيبة بتضجر وقال اول مرة فى حياتي اسمع لي بعريس اسمه اليسع :D :D :D :D

يا ابو عشرين صدقت الفنان الجنيد صاحب نكتة
قالو ابوه ( الله يرحمه) قال ليهو يا ولد الليلة ما تساهر بكرة ( بنطلع الخلا بدري)
الجنيد الظاهر نسى الموضوع وفي الليل كانت في حفلة كاربة وهو يحب الطرب جدا ولا يمكن يفوت الفرصة صاحبنا ساهرفي الحفلة والدنيا برد وجا داخل البيت ستة صباح ( يا دوب جرّ العنقريب على ضل الضحى واتغطى ) ابوه جا واداهو ( خراتة ) بي عدسية طايعة وقال ليهو ها جنا انا قلت ليك شنو ؟؟ الجنيد ( فتش وشو ) وقال لابوهو ( والله الواحد يديك بنية في سنونك ثلاثة سنة تاني ما تكد ليك عضم ) Smile

يا ابعشرين محنك دي ما حاتبطلها

Admin كتب:: ابعشرين شكرا لك على ذكر المبدعين ولكن هناك اكثرهم واقدمهم ابداعا اظنك نسيته او لا تعرفه الا وهو صوت الطرب الاصيل (هيبة) عبد الرحمن مصطفى العباس الله يغفر له ويرحمه كان بجانب فنه الرفيع خفيف الظل ذو نكته له وقع خاص
كان لهم حفل فى امغد وقد ادوا فاصلين من الحفل بجهد كثير وعندما فرغوا من الفاصل الثاني طبعا منتظرين صينية الصفرة المدنكلة ولكن بكل اسف جابوا ليهم شعيرية فتضايق هيبة جدا وسأل واحد من ناس العرس وقال ليه العريس ده اسمه مين: فاجاب الشخص اسمه اليسعى... فرد عليه هيبة بتضجر وقال اول مرة فى حياتي اسمع لي بعريس اسمه اليسع :D :D :D :D

يا ود بساطي

عندنا في البلد
الواحد لو ماش يخطب واحدة من اهلها
يسوق معاهو جماعة
وطبعا الزيارة دايما في الامسيات
عشان لو اهلها رفضوا ما يكون زول شافهم
المهم لو اهل الخطيبة عشوا اهل الخطيب شعيرية
دا معناهو شيلوا نعلاتكم وما عندنا ليكم مرة
واكان ضبحو ليكم معناها مبروووك عدييل

زرقاء اليمامة كتب:: يا ابعشرين محنك دي ما حاتبطلها

محني انا هينة

لكن انت الممحنك شنو

كدي عايني في صورتك

الله يكفينا شر المحن

زاد الشجون كتب:: يا ابو عشرين صدقت الفنان الجنيد صاحب نكتة
قالو ابوه ( الله يرحمه) قال ليهو يا ولد الليلة ما تساهر بكرة ( بنطلع الخلا بدري)
الجنيد الظاهر نسى الموضوع وفي الليل كانت في حفلة كاربة وهو يحب الطرب جدا ولا يمكن يفوت الفرصة صاحبنا ساهرفي الحفلة والدنيا برد وجا داخل البيت ستة صباح ( يا دوب جرّ العنقريب على ضل الضحى واتغطى ) ابوه جا واداهو ( خراتة ) بي عدسية طايعة وقال ليهو ها جنا انا قلت ليك شنو ؟؟ الجنيد ( فتش وشو ) وقال لابوهو ( والله الواحد يديك بنية في سنونك ثلاثة سنة تاني ما تكد ليك عضم )

نكات الجنيد عندي كتيرة

دائرة ليها مذاكرة

ومراجعة بعض المراجع

ووالمصادر الخاصة

يا ابعشرين
انا ملاحظ انك مركز على حكاية العرس والخطوبة شديد في اي بوست تشارك فيهو لازم تجيب طاري العرس ( يا خوفي ) تكون مشوكش والصورة القلت حقت ولدك دي تكون (ستارة ساي ) والله يستر Smile

زاد الشجون كتب:: يا ابعشرين
انا ملاحظ انك مركز على حكاية العرس والخطوبة شديد في اي بوست تشارك فيهو لازم تجيب طاري العرس ( يا خوفي ) تكون مشوكش والصورة القلت حقت ولدك دي تكون (ستارة ساي ) والله يستر

اعترف واقول الصح

الشاكوش حار

الجنيد مرة قاعد مع عمك الجزولي ويهاظر فيه ولما الجزولي زهج منو

قالو ليهو قوم مني كدي عامل عيونك الاتنين لفت ديل

هاهاهاهاي
عمنا الجزولي قفشاتو كثيرة وطرايفو عجيبة
يا ريت لو تديها خفسة و ( تتفن وتجيب المدفن )