كـــــــلام عيــــــــب

إن شاء الله يكون الخبر دا صاح عشان مصارينكم تتقطع مرة واحدة .
لسه ثقافة الاحتراف لم تمر عليكم .
دا سوق عالمي والحشاش يملأ شبكتو !
الناس المفلسين يقعدوا يتفرجوا بس أو يربوا لينا اللعيبة عشان نلقاهم جاهزين .

[quote="ريال مدريد"]الأخ الدحيش :
أحب أقول ليك التصريحات التي تسبق الانتقالات لا تعتبر كذبا في العرف الكروي ، ولكن تفسر على إنها دعاية للاعب أكثر من الكذب ، بل أكاد أجزم بأن كل لاعب انتقل لفريق آخر كان قبل الإنتقال يقول إنه لا يفكر في ترك النادي وإنه سعيد في هذا النادي ولكن يرى مصلحته في ترك النادي وربما المال يلعب دورا أساسيا في هذه المسألة .
قلت لي ( أول مرة تسمع بي إساءة بتنشاف ) ، طيب وريني اللاعب الخلوق دا كان بيمدح وللا بقول في شنو ؟
أما بخصوص لعب العجب في المنتخب فأنا ذكرت إنو مصاب واعتذر للمدرب ولم أقل يلعب ، ولو لعب سوف يلعب على سمعته وتاريخه والأفضل أن يبتعد حتى يتم شفاؤه من الإصابة .[/quote]

الاخ مهيد انا واحدمن الناس معجب جداااااا بتعليقاتك في كل المواضع واول ما احصل ريال مدريد علي طول بعمل دبل كلك وبكون مستمتع جدا وخاصة لما التعقيب يكون بكلمات دارجية مثل (كتر .. وحترب ) بس تعليقاتك عن سيد البلد انا اعرف ما تضمره بي داخلك عن الهلال .. وانت تذكر تماما انا وانت كنا نشاهد مبارة بين الهلال وفريق مغربي علي ما أظن وكانت النتيجة 1/0 لصالح الهلال وكان الهلال محتاج لهدف تاني عشان يتأهل والكلام ده في الدقيقة 85 يعني فاضل 5دقائق من نهاية المبارة وانا زعلان جدا قلت ليك خلاص فقدنا الامل وانت فرحان جدا وقلت لي والله ما اسمع جون ورقه ما برتاح . والكلام قبل 10 سنوات . طبعا انا قلت القصة دي عشان يعلم ثمار المنتدي مدي حقدك علي الهلال. فبعد هذا الحقد هل ينتظر منك حسن النية تجاه هيثم مصطفي فانت بتقول اذا ما اساءة كان بقول في شنو !!! (ابن سيرين) وبعدين بالنسبة لكلتشي انا لم اتحث عن تصريحاته قبل الانتقال انا بس حبيت اوضح لك مدي كذبه واجحافه في حق السودان والهلال ... ولك ودي

يالريال الإحتراف إنتو بتعرفو كويس
بعدين الزول لو بصح بلعب عشان الكورة بالعقل والمنطق بعد ما اطلع القمة
انزل القاع تاني

والله يا أبوسلطان مافي حاجة موديانا القاع الا المريخاب ومشجعنهم القله ديل

يا خي شوفوا هلال الملايين واتعلمو منو نحنى نبني والمريخاب يهدوا

والله يا أبوسلطان مافي حاجة موديانا القاع الا المريخاب ومشجعنهم القله ديل

يا خي شوفوا هلال الملايين واتعلمو منو نحنى نبني والمريخاب يهدوا

ماعرفين نعمل معاهم شنو
الناس ديل الهلال دا بقى عقدة ليهم في اي حاجة

مكتوب علي أصارع الهلالاب ديل براي .
ولكن ما في مشكلة ديل ما دايرين ليهم تعب .

حبيبي الدحيش :
والله العظيم أنا في كل مباراة سواءاً في الدوري الأسباني أو الإيطالي أو الدوري الممتاز بتذكر حكاية جون ورقة دا وبالذات لما أكون مزنوق والفارق هدف واحد بس ، لك مني التحية وعلى احتفاظك ببعض الذكريات والتي تدل على أصالة معدنك يا غالي .
وبعدين حكاية الحقد دي خليها بعيد لإننا جميعا نعلم مدى الحقد بين الطرفين وليس من جانبي فقط .
والله العظيم ( ثلاثة ) السبب الوحيد الذي جعلني أحقد على الهلال وأشوف الموت ما أشوف الهلال ولا أشوفو يوم منتصر هو إنت وأحمد الكشة .
إتنين الحقد مالي قلوبهم ونيتهم سودا زي وشهم ، عشان كدا الهلال دا ما بمش لي قدام وما بجيب ليهو كاس .

أبو سلطان :
الهلال أصبح محطة لكل لاعب يرغب في أن يمشي لي قدام .
وأكبر دليل على ذلك إنو كل المحترفين الذين سجلهم الهلال لم يستمروا معه ، ولو ابتدينا بي زولو ، أنقيدي ، قودوين ، داريو كان ، كلتشي ، يوسف محمد وحتى المدرب ريكاردو والقائمة تطول .
اللاعب داير يتطور وحاسي إنو في الهلال واقف محلك سر .
عشان كدا بكون تفكيرهم منصب لأندية ذات طموحات وأندية تعرف طعم الكاسات وليس كل ما تفتخر به هو نهائي أفريقيا .
وأبشركم أي لاعب يلعب كويس في الهلال فإنه في طريقه للمريخ بلا محالة .

abu Jasim كتب:: والله يا أبوسلطان مافي حاجة موديانا القاع الا المريخاب ومشجعنهم القله ديل

يا خي شوفوا هلال الملايين واتعلمو منو نحنى نبني والمريخاب يهدوا

بالله عليكم زي دا يردوا عليهو يقولوا ليهو شنو ؟
نتعلم من الهلال شنو يا أبو جاسم ؟
ما تقول ليك كلام ما معروف ؟
الهلال يبني في شنو ؟
الهلال حفر أستادو قبل شهرين ولسه ما قادر يعمل ليهو نجيلة .
البناء دا خلوهو للزعيم بس وللوالي .
أستاد ما عندو ويلعب مبارياته في أستاد الخرطوم وتمارينو في دار الرياضة ويقول ليك عندنا فريق .

والله انا ما مصدق معقوله الكلام الفات دا كلو والشتايم دي في حق قيثاره الكوره السودانيه ملك التطريب
بدون منازع معقوله يا مريخاب (اووووووووووووووووف) هيثم مصطفي (حفظه الله ورعاه)
دليل واحد علي فهم واخلاق وقمه الزوق والادب والاحترام هو تصويت هيثم للعجب للافضل لاعب عربي
في حين ناس شداد ومازدا المربي العجب ادو ابو تريكه يا سلام عليك يا سيدا (ما بتقدرو علي الكلام دا )

اما عن الاعتراف والمريخ الكسيح والكاسات الصفيح دي بنجيها مره تانيه يا (الوصيفاب )

شتتتتتتتتتتتتتتتتتتتتتتتتتتتتتتتتره
موج وانهدر تاريخ ندر اسمو الهلال

يالريال قودين مشى من الهلال الأهلي السعودي ويوسف محمد سويسرا وريكاردو مصر كيف ومن وين مشو
وريني محترف من المريخ مشى دوريات زي دي