وارغو ب 16 مليار جنيه لنادي اوربي

الخبر التالي منقول من صحيفة الوطن ومفاده ان وارغو مرغوب لدى الاندية الاوربية وقد وصل سعره ل 16 مليار جنيه سوداني وهذا ما يدحض الافتراءت التي ساقها بعض الشامتين و الاعلاميين ويزيد الثقة من امكانية وارغو الاحترافية

اقتباس :: الوطن» في تفاصيل جديدة حول أكبر صفقة في الملاعب السودانية
تعرفت «الوطن» على تفاصيل الصفقة الكبيرة الدائرة بين المريخ، وبعض الأندية الأوربية، والتي أبدت رغبة بضم اللاعب وارغو، إلى صفوفها.
وفجّر السيد جمال الوالي، رئيس نادي المريخ قنبلة كبيرة، أثناء زيارته للأستاذ سيد أحمد خليفة، رئيس تحرير صحيفة «الوطن» أمس، حيث دار معه الحديث على النحو الآتي:
** هل الاتصالات مستمرة؟؟.
ً نعم.. ووفد التفاوض، سيصل يوم السبت.
** بالطبع.. حتى يشاهد مباراة المريخ مع كمبالا سيتي؟؟.
* ربما.. ولكن الألمان حريصون على ضم اللاعب.. ووكيلهم قال: إنَّ وارغو موهوب، خاصة وأنه يلعب بقدمه اليسرى..
ووعدوا بأنهم سيولونه عناية خاصة.
** كم هو مبلغ شراء اللاعب؟؟.
هُم قالوا «5» ملايين دولار.. ونحن نتمسك بـ «6» ملايين دولار.
** شكراً سيد جمال؟!!.

ههههههههههههههههههههههه
والله ضحكتني شديد يالأدمن الخبر دا دايرين تدارو بيها خيبتكم في الاعب وتوهمو الجماهير الغلابة ان الاعب جاب سعر مبالغة وكان صفقة تجارية رابحة
بتاع الوطن دا ما قالو ليه إسم النادي شنو

اغلي لاعب في الملاعب السودانية اين بصماته في المريخ ؟ هدف واحد في عشرة اسابيع بالرغم من انه مهاجم صريح ومرات لاعب وسط مهاجم والله دا لو في تحرير السريحة كانوا رفوه

أسمع كلامك اصدقك * * * أشوف امكانيات وارغو الاحترافية أستغرب

انته متاكد يا ادمن ممكن نادي صومالي ولا يمني كدي اتاكد كويس وتاعل

والله ما شاء الله !!!!!!

الدحيش كتب:: والله ما شاء الله !!!!!!

ردك كان متوقع يا الدحيش ولكن حاتشوف اليوم بيان بالعمل

لو الهلالاب ما بعرفوا وورغو كان معليش ولكنهم يعرفونه كما يعرفون أبناءهم وزي جوع بطنهم .
لاعب سجل في الهلال كمية من الأهداف في مباراتين فقط ويقولون عليه كل هذه الأقاويل .
سبحان الله .
أنا لو كان عندي الخيار فلن أبيعه ولو مية مليون عشان يذكر الهلالاب ديل بمهزلتهم .
إعلام الهلال .............. ولكن يا خسارة جمهور الهلال ....................

ياريال مدريد نحنا ما بننكر انو وارغو سجل اهداف في مرمى الهلال لكن وينا اهدافو دي هدف ومعاه كرت احمر
يعني دا ماسوووووووووووورة اصحوا يالمريخاب من الوهم دا

قرر فريق المريخخخخ تأجيل وفد الفريق الالماني الذي كان ينوي التعاقد مع النيجري ومحترف المريخ استيفن وارغو
واشارت المتابعات بان المجلس وضع في حساباته ان اللاعب سيكون فاقد التركيز وعليه يضع المجلس موضوع اللاعب وارغو في حساباته .
قالوا اللعب سيكون فاقد التركيز !!! نحن بنسأل متي بخش الشبكة؟؟؟
وبعدين الوفد الاوربي موجود ولا رجع اوربا ؟
احتمال يكون قادر الملعب قبل التبديل 0
يا اخونا ما تخلكم واقعيين 00

اطرف تعليق في حاله طرد وارغو (يوم جديدو كسرايدو) معقوله يا جماعه 16مليار جنيه الكترابه
يمكن بالقديم (احتمال )اي حاجه عند الجماعه ديل (يمكن).
وارغو ما ماسوره يا ابو سلطان وارغو نبله (عرفته كيف )اسال الدحيش لو ما عرفته

شتتتتتتتتتتتتتتتتتتتتتتتره
بخخخخخخخخخخخخخخخخخخخخخخخخخ ماسوره قاطعه [b]

ماسورة وجابت فيكم الأهداف دي .
لو كان وورغو ماسورة يكون الهلال شنو ؟
عشان أنا عارفكم ما بتعرفو أجاوب بدلا منكم !
يكون الهلال ( تي ) ( T ) لأنه يركب فيه تلاتة مواسير .
وبعدين يا ناس يا ضعيفة يا ما بتعرف الكورة بالله عليكم هدف وورغو دا شفتوهو قبل كدا في الملاعب السودانية ؟
والله العظيم هدف لم أشاهده إلا عن طريق مارادونا في إنجلترا أو هدف ميسي في خيتافي أو هدف جورج وياه في أحد فرق الدوري الإيطالي عندما كان يلعب لميلان .
إنتو مهضربين كدا مالكم ؟
وورغو قاعد في المريخ ولا نريده أن يذهب إلى أي فريق في العالم عشان ندفنكم بيهو في مقبرتكم دي .
فعلا وارغو الهلال حارقو .

ههههههههههههههههههههه
والله البقرا كلامك يا الريال يقول دا منتخب نجوم العالم
ما لاعب
لكن معاك حق يا الريال إنتو ما قادرين تصحصو من الصدمة في الاعب الماسووووووووووورة مقاس 60 بوصة
اصحو يا نادي نجوم العالم

وارغو ماسورة خلاااااااااااااااااااااااااااااااص اقتنعنا
إنت زعلان مالك ؟
خلي الماسورة دي في حالها .
يعني خايف على مصلحة المريخ من الماسورة دي ؟
المواسير عندكم مالية الأستاد وما حصل قلنا ليكم ماسورة بالعكس أنا بقول ديل أحسن لعيبة عشان يلعبوا .
وين كوارزما ؟
والله دا أكبر مقلب في الهلال ، أما أمولادي فحدث ولا حرج .
ومع ذلك أنا بقول ليك ديل مفروض يلعبوا في أبطال أوربا .
والله إنتو خايفين بس من وارغو .

والله يا أبوسلطان أذكرته المسلسل بتاع الاذاعة السودانية حلم × حلم ناس عدلان وحمدوه وعديلة

واتذكرته مرت عدلان لم تحاول تصحية وعدلان بحلم وبشخر الجماعة يقولو ليها

خليهو النومة يمكن تريحو شوية !!!!

خلي الجماعة في النوم العميق يمكن النومة تريحهم شوية

والله العظيم ورغو دة عامل زي بيكاهم سمعة بدون فائدة جاب ليه هدفين تلاته في الهلال قالو ده زيو مافي
ولما جاء الدوري جاب هدف واحد وبقولو أسطوري زي مردونة وميسي والله كان الهدف ده زي هدف الجماعة ديل حقو يعتزلو الكورة تدريب ولعب ويشوفوا ليهم شغلانية تانية .....عجيب أمرك يا الريال أصحه شوية ياخي نرشك بي موية ولا نفوقك بي كلونية

بعد مرور يوم من حديث ابو جاسم .
مجموعه من الناس متراصه امام باب احد العيادات (والله قال ليك الزول دا قام مخلوع خلعه ما حصلت
قبلي كدا (قالها احد المتواجدين )مالو المسكين داشكلو كدا كان في حادث ولا طاقهو كهرباء (سال احد الحضور )
بادر احدهم بالجواب( كهربه شنو يا ود الناس الزول قالوا ليك مريخابي موووووووووت اها معاه صاحبو هلالبي
والهلالبي دا بتاع مقالب اها في اليوم داك قال النخلع ليك المريخابي دا اها لبد ليهو في ركن المريخابي جا ماشي
يغني بس الهلابي طلع ليهو وقال (امبيييييييييييييييييييلي جاك )اها من الساعه ديك والزول دا راقد .
اوعه اكون صحيتك يا الريال
شتتتتتتتتتتتتتتتتتتتتتتتتتتتره
بريدك ونحبك وانته غالي علينا

الريال صاحي ليكم وما بنوم كلو كلو .
سقد بس
الواحد لما يكون ما عندو موضوع يقعد يألف في الحكاوي زي كدا .
إمبيلي دا شفناهو قبل كدا وما سوى التكتح .
والله يا هلالاب حاتكم بقت صعبة خلااااااااااااااااااااااااااااااص

( التكتح) دا كيف يعني زول جايب فيكم هدفين في استادكم(ذات الرباعيه )ولا نسيت
شتتتتتتتتتتتتتتتتره
الريد البتقولو انته فاقدو من جوه جواك هلال مافيش جواك حنان مافيش وريني كيف بتعيش (صلاح الامين)

إزدواجية المعايير دي كرهتنا في السياسة وجات لاحقانا في الكورة .
وبي نفس فهمك دا وارغو جاب فيكم ثلاثة أهداف وطلعتوهو ماسورة .
أثبتوا على حاجة واحدة .
بي أمبيلي بي الجن الأحمر بعد نتلاقى بتعرفو حاجة .
المرة دي رحمة ما في .
ضرب شديد