فوق فوق مريخنا فوق

جاء في جريدة الصدى في عدد اليوم :

صنفت اللجنة المنظمة لمسابقات الاتحاد الأفريقي لكرة القدم (كاف) فريقا المريخ والنجم الساحلي التونسي على رأس مجموعتي دور الثمانية في مسابقة دوري أبطال أفريقيا، فيما تم تصنيف فريقا الهلال ومازيمبي الكونغولي في المستوى الثاني تمهيداً لسحب قرعة الدور ربع النهائي والتي ستجرى مراسمها يوم بعد غد الخميس 7/ 5 بمباني الكاف بالقاهرة، وكانت (الصدى) أنفردت بخبر بتصنيف فريقا المريخ والنجم الساحلي بعد خروج أندية الأهلي المصري وأسيك العاجي والقطن الكاميروني من المسابقة وأوردت في عددها الصادر اليوم الأثنين المعايير التي يعتمدها الكاف في التصنيف والتي وضعت المريخ والنجم الساحلي على رأس مجموعتي الأبطال.

تيت 000تيت00مريخنا حديد

Admin كتب:: تيت 000تيت00مريخنا حديد

ما عايزين نسبق الأحداث لكن شكلكم كده يا السيد أدمن ح تأكلوها ...

صادق يا شيخ هشام

ابو عبدالرحمن ابو جاسم
خلي الجماعة ديل يفرحو شوية اصل الدور دا جديد عليهم يابرالمة

اقتباس :: مزيدا من البطولات لمريخنا البطل

نحن بين الناس صفوة
نحن في الحياة قدوة
نحن في المريخ أخوة نعشق النجم ونهوى
نحن في التاريخ سفراً يملأ التاريخ زهواً
واختلاف الرأي فينا يجعل المريخ أقوى
نحن في المريخ أخوة نعشق النجم ونهوى [img][/img]

ايها المريخيون الاشاوس كيف انتم واين انتم

اهديكم هذه الملحمه المسماه

نشيد قلعة الأبطال

كلمات : لواء حقوقى عبد المنعم النذير 1984م

عشت يامريخ يا مشرق التأريخ

عشت للأجيال ياقلعة الابطال

ياروعة في الايقاع يا قمة الابداع

بعلمك الخفاق ونجمة البراق

يا تحفة في الانجاز ياقمة في الاعجاز

يامنارة الافذاذ بنورك الآخاذ

ياحبنا الوحيد يا مجدنا التليد

بعزمنا الأكيد نحقق المزيد

نسير في حداك نصبو إلى علاك

نذود عن حماك أرواحنا فداك

بالبذل والعطاء شيدت المنشآت

بالفن والاداء ترفرف الرايات

عشت يامريخ يا مشرق التأريخ

عشت للاجيال ياصانع الابطال

الله أكبر الله أكبر الله أكبر
ود المليح طلع مريخابي صميم ومن الصفوة .
وليك ملايين الترحيبات .
والله بريدك قبل ما أعرفك .
أنا في انتظار مساهماتك الرائعة التي بدأت بشائرها من أول يوم .
وزي ما قال المثل :
العريس من بشتو ، والمطر من رشتو ، والعضو من خشتو .

هشام مبارك عبد الرحمن كتب:

ما عايزين نسبق الأحداث لكن شكلكم كده يا السيد أدمن ح تأكلوها ...

يا ربي من الذي أكلها .
الهلالاب أكلوها ناشفة .
ما لقوا أي حاجة يملحوا بيها .
أكلوها قروض ( أرجو ألا تقرأ قروض بمعنى ديون ) .
منتظرين راي الهلالاب بعد أن اتضح صحة ما جاءت به الجريدة الصادقة ( الصدى ) .

abu Jasim كتب:: صادق يا شيخ هشام

وأنا بقول ليك كاذب يا هلال .

ريال مدريد كتب :

اقتباس :

منتظرين راي الهلالاب بعد أن اتضح صحة ما جاءت به الجريدة الصادقة ( الصدى ) .

أنا سمعت محلل رياضي كبير في التلفزيون السوداني الرسمي لم تسعفني الذاكرة بتذكر إسمه ، حلل أن ضربة الجزاء صحيحة مائة بالمائة و الإعادة صحيحة مائة بالمائة و ذلك بعد رؤية شريط الإعادة البطي ، بل و الأخطر من ذلك أن ضربة الجزاء الثانية أصح من هذه كلها ،،، بقي أيش رأيك إنت يا ود المليح ،،، نقول إنشاء الله ربنا يسترها معاكم و ما تقابلونا من بدري عشان ما تطلعوا بدري ...

من مصلحة المريخ أن يقابل الهلال في المجموعات لأنها ست نقاط مضمونة وفي جيب الساعة .
ولكن من مصلحة الكرة السودانية إن الهلال يكون في المجموعة الأخرى .

ريال مدريد كتب:: من مصلحة المريخ أن يقابل الهلال في المجموعات لأنها ست نقاط مضمونة وفي جيب الساعة .
ولكن من مصلحة الكرة السودانية إن الهلال يكون في المجموعة الأخرى .

يعني يا ود المليح ؛؛؛ بالله عليك ؛؛؛؛ إيش الأحلام المن الساعة ستة دي ؟؟؟؟؟ ؛؛؛؛ والله أنا في رأي الخاص إنو الأولي لكم أن تبعدوا من سكتنا ؛؛؛ يا برالمة ؛؛؛؛ علي قولة أخونا أبو سلطان .... قال من مصلحة المريخ أن يقابل الهلال لأنها ست نقاط مضمونة و في جيب الساعة كمان ؛؛؛ والله الظاهر ساعتك دي يا ود المليح من أيام الساعة أم زمبلك !!!

قالوا برلوم وطلع سنير على المجموعة هههههههههههههههههههههههههههههاي
لو افترضنا إننا برالمة زي ما بتقول إنت يا سنير ليك عشرين سنة تربت وما عملت أي حاجة .
شوف البرلوم من أول سنة في راس المجموعة والسناير تحتنا .

أوقعت القرعة فريقي المريخ والهلال في مجموعة واحدة وإلى جانبهم كانو بلارز النيجيري وزيسكو يونايتد الزامبي .
وهي مجموعة تعتبر صعبة لأن فريق كانو بلارز أقصى الأهلي المصري من البطولة .
وزي ما قلت ليكم الست نقاط دي مضمونة في جيب الساعة خلونا نشوف نقاط الفرق التانية .

والله أمر عجيب وكلام منطقي جداً السته نقاط مضمونة فعلاً سيد البلد حيخش بمعنويات مرتفعة طبعاً عندو سته وياريت يكمل عليهم ويشفط النقاط الباقية وسلمي على الوالي .

ريال مدريد كتب:: أوقعت القرعة فريقي المريخ والهلال في مجموعة واحدة وإلى جانبهم كانو بلارز النيجيري وزيسكو يونايتد الزامبي .
وهي مجموعة تعتبر صعبة لأن فريق كانو بلارز أقصى الأهلي المصري من البطولة .
وزي ما قلت ليكم الست نقاط دي مضمونة في جيب الساعة خلونا نشوف نقاط الفرق التانية .

غايتو يا ود المليح شيلو شيلتكم ؛؛؛ بس المحل اللي إنت فيها دي من هسع شوف فيها هلال أحمر و إسعاف ولا لا ؟ عشان ما تجهجه الجماعة في أبها ساي !!!

باذن الله الهلال والمريخ سيكونوا زي الفرق الانجليزية مانشتر وتشليسي وسيصعدوا الى دوري الاربعة والى النهائ كمان
بس دعوااااااااااااااااااااااااااتكم وخلوا العنصرية

Admin كتب:: باذن الله الهلال والمريخ سيكونوا زي الفرق الانجليزية مانشتر وتشليسي وسيصعدوا الى دوري الاربعة والى النهائ كمان
بس دعوااااااااااااااااااااااااااتكم وخلوا العنصرية

يا سلام عليك يا أدمن ،،، ماشاء الله ،، والله الليلة كلامك حلو ،،،، وده الكلام العايزنو من زمان ،،، ربنا يوفق السودان ،،، و نتمني أن يكون الكأس سودانيا بحتا ،،، آآآآمييييين !

يا سلام عليك يا أدمن ،،، ماشاء الله ،، والله الليلة كلامك حلو ،،،، وده الكلام العايزنو من زمان ،،، ربنا يوفق السودان ،،، و نتمني أن يكون الكأس سودانيا بحتا ،،، آآآآمييييين !
_________________
دا الكلام الصاح....

يا جماعة دا ما كلام الادمن ........ شكلو كده هرش بمعنى خاف من هسه

لكن المريخاب مشو بالمقولة البتقول (( الخواف ربا عيالوا ))

خليكم كده هارشين من الهلال طوالي

لا أعلم الغيب ولكن هلالك دا ما يقيف مع المريخ شوط واحد والأيام ستثبت لك ذلك .
فريق اتأهل بي يا الله ويا مين لا يقف أمام فريق تأهل بدون هزيمة .
وأرجع وأقول الست نقاط مضمونة في جيب الساعة الصغير .
ووالله لا أخاف على المريخ من الهلال ولكني أخاف عليه من التحكيم وما أدراك ما التحكيم .

والله دا حال الفرق الضعيفة التحكيم والطقس زي ما سمعنى بي هزيمة الوحدات وبكرة بدخلو فيها نفسيات واعصاب وامراض عقليه وهلمى جراء والتحكيم حيشيل الكورة ويدخلى في مرماكم ويقول ده هدف ياخي خليك واقعي وشوفوا ليكم حجة تانية