قولو مبروك لعبد الرزاق وياقوت

رزق الاخ عبد الرازق محمد صديق بمولود ( محمد)
كما رزق الاخ ايمن ابراهيم خالد بمولود ( تسنيم)
عبركم نرسل عاطر التحايا لهم ورنبا يجعلهم من الصالحين ويجعل كل ايامنا افراح flower

ألف ألف مبروك و إن شاء يربو في عزهم يا رب وربنا يجعلهم ليهم سند، ورنا يجعلهم من الصالحين آمين.

مليارررررررررر مبروك لابو المعالي والياقوت
ولكن اهم حاجة يا زاد الشجون لحمة السماية.. طبعا حاتكون سماية فى الشرقية وسماية فى الرياض فخلوا الجماعة يجيبوا الخروفين ويضبحوهم فى المنتدى عشان الكل اليأكل وحذارى من المندي ..عاوزين صفرة سودانية :D :D

هو خروف الشرقية يكفي منو ويخلي منو
يكفي قدس ولا امين تنير ولا الشيخ عبد الرحمن ولا الزرافة ولا جرسة ولا شرم
اقتراح ( اي قرد يطلع شدرتو) يعني خروف الشرقية في الشرقية وخروف الرياض في الرياض والجلد والروسين بنتبرع بيهن لمنتدى التهاني Smile

ناس الإمارات ما ليهم نصيب يعني ينفعكم ان شاء الله.

معليش يا ابو الشوش بنديكم الكلاوي والكمونية بس اجتهدو وصلحو الدكوة والذي منو وما تنسو رياض عبد العظيم انا عارفو بحب الشطوط وكده Smile

انت يازول احوص اسع البوست ده بتاع شنو تهنئه فى بوست التعازى والغريب الجماعه بردو ليك والا واحد داير يصلحك مافى
قالو فى واحد احوص بعد عشرين سنه اكتشف انو بيصرف فى الجيران

الله يجازي محنك
والله انا امس رسلت رسالة خاصة جدا للادمن وقلتو ليها حولو لمنتدى التهاني
( الله يسامحو) بس والله ما اتوقعتها منك انت انا كنت خايف من لسان الزرقاء وابعشرين ... بس فرحتنا هي الدافع عساها تكفر هفواتنا

زاد الشجون كتب:: الله يجازي محنك
والله انا امس رسلت رسالة خاصة جدا للادمن وقلتو ليها حولو لمنتدى التهاني
( الله يسامحو) بس والله ما اتوقعتها منك انت انا كنت خايف من لسان الزرقاء وابعشرين ... بس فرحتنا هي الدافع عساها تكفر هفواتنا

كل المحاولات باءت بالفشل يا زاد الشجون معليش تعيش وتاخد غيرها

يا خوفي يا ادمن تكون انضميت للجماعة اياهم
وعاوزني اتملطش منهم

هو انت شفت حاجه

مستعدين يا الملثم
في المنتدى ملثم اكيد عامل عملة سودة
وفي صلاة الجمعة ( مندسي) وعينك تلاقط في خلق الله الدخل الجامع عارفو و( القحا) عارفو والتحت الشجرة عارفو والعزموه عارفو والفي الصف الوراك عارفو انت جاي تصلي ولا مندوب تعداد سكاني Smile

بالمناسبه انا كل ما ادخل المنتدى احسب شعيراتك القاهم تسعه لا بزيدن ولا بنقصن لكن انا يوم حسبت معاهم اضيناتك وطبعا اندهشت على هذه الزياده المفاجئه فى الاسعار