صوره من منتدى ارسنال العربى لاتدع الفرصه تفوتك

فوق فوق هلالنا فوق،،،
ومبروك للمنتخب السوداني الفوز الذي تحقق.

يا الله على التوقيع يا عسل كبير و كل هلالي كبير.

اقتباس :

فوق فوق هلالنا فوق،،،
ومبروك للمنتخب السوداني الفوز الذي تحقق.

اين التفاصيل ياكي لاني انا لا مريخابي ولا هلالابي انا بعشق الفريق القومي وياريت تمدنا باخبار هذه المباراة الهامة لاني حتى الآن غير ان السودان هزم مالي لا اعرف شيئ

ابوجاسم وخالد سلام
هذه خدمة خاصة مني(للاحراج فقط ليس الا) بتفاصيل مباراة الامس (منقول) وخلو عندكم حس وطني فما معقول تتابعوا كاس اوربا ومباريات السودان لا تعرفوا عنها حاجة

سرد مختصر لاخوانا الماشاهدوا المبارة.....

المباراة الثانية لمنتخبنا الوطني في الجولة الثالثة مع متصدر المجموعة المنتخب المالي من خلال شاشة تلفزيون قناة السودان(ولي عودة مع قناة السودان)، أقول ألف ألف مبروك لصقور الجديان ومبروك للرياضة في السودان هذا الإنجاز والانتصار الرائع الذي تحقق عن جدارة في مباراة كانت في بدايتها مباراة سجال بين الطرفين وانسياق لاعبي منتخبنا لاسلوب وطريقة لعب المنتخب المالي الاسلوب الهاديء المريح بطريقة (1 +3+3+3 ) مما ضيع الكثير الكثير من الوقت الذي يحتاجونه لإحراز أهداف هم في أمس الحاجة لها دون النظر إلى الفنيات والاستعراض الفردي الذي ينتهجه أفراد المنتخب المالي المحترف (عشرة لاعبين محترفين)، لم تأتي الصحوة إلا بعد التصويبة الأولى من اللاعب الفنان علاء الدين بابكر في نهاية الشوط الأول ليغير لاعبي المنتخب اسلوب الأداء البطيء الهادىء ويستنفر صقور الجديان ويتغير شكل الاداء بفعل ردة الفعل وهتافات الجماهير التي الهبت وزادت من حماس اللاعبين.. وبتصويبة يسارية قوية من خارج منطقة الجزاء 45 ياردة أحرز علاء الدين الهدف الأول من صنع المايسترو هيثم مصطفى في الشوط الأول ..ليعود منتخبنا في الشوط الثاني بنشوة المنتصر ويتسارع ايقاع المباراة ليحرز المنتخب المالي هدف التعادل ويحرز منتخبنا الهدف الثاني من ركلة جزاء يمينية و من بعده هيثم طمبل الهدف الثالث الرائع ليعلن الفرحة السودانية بالانتصار..ولحفظ ماء الوجه كان الهدف الثاني للمنتخب المالي..
في امدرمان العريقة امدرمان الصمود نجح صقور الجديان في إدخال الفرحة في قلوب أبناء السودان بهزيمة نجوم أوروبا.. ، في تقديري سفاري.. هيثم مصطفى .. هيثم طمبل..علاء الدين يوسف...نجوم المباراة
خليل محمد احمد أبدع في نقل المبارة ..وتلفزيون السودان مرة أخرى يلعب بأعصاب المشاهدين..

ألف مبروك ..ماضي عريق وغد مشرق لمنتخب السودان...مع مزيد من التدريب والتركيز على الشباب الواعد

abu gasim كتب:

الاخت بسمة اطال الله في عمرك والله يديك العافية
صراحة كفيتي ووفيتي وانا أسف لما ورد بخصوص محرز الهدف الثالث
لاني قرأت في النت أنو هيثم مصطفى طبعاً رجعت لي أكثر من موقع
وعرفت أنو هيثم طمبل وحقكم علينا يا مريخاب وهي فرحة وطنية
والله هي حقيقة أحراج انو مانتابع مبارات السودان ونشوف مباريات أوروبا

وشكراً للاخت بسة وكل الاحترام والتقدير ليك

أبو جاســـــــــــم

شفت تعصب الهلالاب بعمل كيف حتى زغلل عينيك بدل تقرأ طمبل تقرأ مصطفى وبعدين شوف التحليل وين الموج الازرق الذي تتكلم عنه ياخي فى سبيل السودان كل الموج احمر وطني

هشام السريحه كتب:

اخي بساطي،
تعصبك انت ما خلاك تقرأ تعليق محمد كويس، قال قراها هيثم مصطفى في مواقع على النت يعني المواقع هي الغلطانه و ليس عيونه مزغلله،
يعني لا مكان للتعصب الهلالي، ويكفي الهلال الفخر إنو على الدوام يكون له نصيب الأسد في المنتخب الوطني يعني المنتخي أصلاً إذا جاز التعبير فهو هلالي، وهيثم طمبل ده منو ما إفراز هلالي قديم أكل عليه الدهر و شرب.
بعدين عمر الموج ما كان احمر،، دائماً الموج لونه أزرق.
إحنا الأحمر ده ما بنشوفه إلا في الضحية.

معقولة يا هشام النت ما يفرق بين طمبل ومصطفى فالاول مهاجم معروف بتسديد الاهداف اما هيثمكم فلاعب وسط ونادر جدا ما يحرز هدف
الموج الاحمر انا قصدت به شعار المنتخب الوطني وليس المريخ

شفته تعصبك خلاك تقول هيثمكم ما هيثم مصطفى لاعب المنتخب،،هههههههههههههه
بعدين ما علقته على أعظمية المنتخب من الهلال على مر التاريخ،،،
و بعدين المنتخب السوداني عندو اللون الأبيض برضو و لا نسيته.

وبعدين سيدها ما تتكلم فيهو فهو صانع المعجزات أقصد الألعاب و هو الذي ليهو الفضل الكامل في إحراز الاهداف سواءاً على صعيد المنتخب أو الهلال. ويكفي انه كان نجم المباراة.

والله يا سقراط اثلجت صدورنا واول مرة تفصح عن هويتك الرياضية وياهم ديل المريخاب دائما وطنيتهم فوق كل شيئ
ويا هشام بالنسبة لتشكيلة المنتخب دي طبعا واضعها ابو المدربين ماذدا وهو غني عن التعريف فكونو التشكيلة اغلبها هلالاب هذا دلالة عن ان المريخاب غير متعصبين ولا كان حصل عكس ذلك
هيثم مصطفى صانع العاب ما فيه كلام ولكن الكلام عندكم انتم عاوزنه يعمل كل شيئ وحتىالتهديف نسبتو ليه وبكرة اذا حارس السودان صد ضربة جزاء تقولو هيثم هو اللصنع الصده0
آخر نكتة سمعتها من محمد موسى فى برنامج الشروق مرت من هنا
قال واحد هلالابي على السكين تلقاه من الصباح يقوم ويتمغي ويقول الله ... هيثم مصطفى .. اشاغل فى شفع الشارع يا ولد انت البتشبه كلاتشي ده جيب لي موية .. يا ولد انت الطالع فى الحيطة تشبه كرونقو ... وهكذا ... زوجته طلبت منه ثوب فاشتراه ليها وقال ليها يالله البسيه ووريني رأيك ايه .. قامت لبستة وقالت ليه زي العجب ... صاحبنا من شدة الغضب قال ليها طلقانة بالثلاثة ورجع منها الثوب0

فوز السودان على مالي مهدد بالخطر

تقدم منتخب مالي بشكوي

للفيفا بواسطة الاتحاد الافريقي

بأن الاتحاد السوداني ,, قد اختار اسوأ

ملعب في السودان لتقام فيه المباراة

وقد وصف المنتخب المالي ,, الملعب بالأسطبل

ودعـــــــــم شكواهو بصور ولقطات من المباراة

ولقد شوهد في الصور الكتاحة والغبار ,,

وقد صرحوا بان هناك روائح .. أصابت لعيبتهم

بالاغماء ,,, حيث أثرت تلك الروائح في نتيجة المباراة


الله يســـــــــــــــــــــتر

خاص لابوجاسم وهشام
فضيحة كبرى فى الهلال(حارس مرمى الهلال تشادي بدون اوراق ثبوتية)
حارس مرمى تشادي الجنسية يصل الخرطوم ويتدرب مع الهلال
تحصلت صحيفة المريخ على معلومات مهمة وخطيرة من جدة تفيد بان الحارس الذي استقدمه الهلال قبل ايام واسمه عبد الرحمن علي ابراهيم ويطلق عليه الدعية هو تشادي الاصل والجنسية وظل يلعب لعدة سنوات مع فريق الموج الازرق في دوري رابطة الجالية السودانية بجدة وأن رابطة المريخ سبق وان حاولت تسفيره للسودان للعب مع المريخ ولكنها اكتشفت بأنه لا يملك اقامة او جواز سفر ورفضت القنصلية يومها القيام باي اجراءات تساعد في دخول اللاعب للخرطوم ولكن السلطات رفضت بأن تمنح اذن لدخول اللاعب التشادي للسودان وأكد عبد المنعم الجعلي نائب رئيس رابطة المريخ بجدة أنهم في حالة استغراب ودهشة للطريقة التي دخل بها اللاعب التشادي السودان وأنهم يملكون الاوراق الخاصة به والتي سبق وتقدموا بها للقنصلية وحسب علمهم أن اللاعب التشادي لم يحصل على تاشيرة دخول من القنصلية او السفارة في الرياض وان الرابطة ستقوم بكشف كافة التفاصيل وبالمستندات .

أحيييييييييييييييييييك يا محمد و أكيد الموضوع فيه سر، بكر بنعرفه.

يا ود عجيب الظاهر حارسهم ده دخل السودان بالسنبك وبكرة الكشة بتجيب خبره