خبر وتعليق / صورة من السريحه

الكل يخمن ماذا دار فى هذا الحوار ؟؟
للعلم الشخصيات هم _ حسن محمد احمد يسار الصورة_ ويتوسطهم عمر الشايقى_ ولليمين عبد الاله الشيخ
المكان _ مسرح مدرسة عمربن الخطاب بنين للاساس
صاحب التخمين الصحيح له جايزة قيمة

كلكم يا عبده بهناك عاملين نايمين ولا يهمكم ونحن مسئوليتنا كبرت

الاخ ودعجيب تحيه متجدده علي النشاطات الباهره مدنا بمذيد من الصور لمدينة السريحه من مدارس ومساجد ومجتمعات السوق وصوره في السوق بالاخص من مطعم الضليعه ونشكر الاخوه علي حماد وجميع العاملين بتطوير المنطقه جاني أحساس بوجودي في مدينة السريحه كل صباح عندما أفتح الجهاز من الصباح وأشوف الوجه الطيبه الجاده في العمل الوطني .

وشكرا
بيـــــــــــــــــــجــــــــــــــــــو

فريق الشباب ده يحتاج لدعم مادي كتير ولازم نقف وقفة رجل واحد حتى نستعيد وضعنا فى الكاملين

Admin كتب:: فريق الشباب ده يحتاج لدعم مادي كتير ولازم نقف وقفة رجل واحد حتى نستعيد وضعنا فى الكاملين

والله مهما عملنا وقلنا لن نوفي السريحة حقها
وكلام أخونا محمد صحيح يجب علينا ان نقف وقفة رجل واحد
ونكون على قد المسئولية في الدعم لفريق الشباب فهو واجهتنا
وعلى الاخوان المواكبين لفريقنا سرد المشاكل وابلاغنا
فنحن بلسان الجميع وانا واثق جاهـــــــــــــــــــــــــــــــزون

ـــــــــــــــــــ ودمـــتـــــــــم ــــــــــــــــــــــــــ[b]

يا استاذ عمر مستوى البنات فى الدراسة احسن بكتير من مستوى طلابكم فما هو السبب

زرقاء اليمامة كتب:: يا استاذ عمر مستوى البنات فى الدراسة احسن بكتير من مستوى طلابكم فما هو السبب

يا اخت زرقاء اليمامه السنه الماضيه كانت مدرسه على بن ابى طالب اساس للبنين الاولى على مستوى المحليه
ثم انى ذكرت ان هذا البوست للتعليق ارجو ان لا يصبح ركن نقاش اخر

ودعجيب كتب:

زرقاء اليمامة كتب:: يا استاذ عمر مستوى البنات فى الدراسة احسن بكتير من مستوى طلابكم فما هو السبب

يا اخت زرقاء اليمامه السنه الماضيه كانت مدرسه على بن ابى طالب اساس للبنين الاولى على مستوى المحليه
ثم انى ذكرت ان هذا البوست للتعليق ارجو ان لا يصبح ركن نقاش اخر

يا ود عجيب حيرتني معاك انت اظنك قاصدني عددددددددددددددددددديل كده
ياخي انت موش قلت عاوز احسن تعليق على الصورة والكتبته ده كان تعليقي على الصورة فى اسلوب حوار بين الجالسين فى الطوب وليس حسب فهمك اني بعمل مقارنه بين مدارس البنات والاولاد... فهمت ولا اجيب ليك فهامة Shocked

جيبى لى فهامه
سمحه وسمح كلامه
بدل الشنه والناس الناقصاها الوسامه
فهمت والا اجيب ليك ابو علامه

لا خلاص فهمت ياستى ما عايزين نتعبك ونكلفك باحضار الجضامه دى
لانها غاليه شديد اصلى انا قبل فترة اشتريته لزول كده !!
كده مظبوط انا ظلمتك معليش: بس : استاذ عمر هو البتكلم لو لاحظتى !!

هم صراحه كلهم شبه بعض فما قادره افرز بيناتهم ما عدا واحد لونه فاتح يمكن يكون ده عادل ود العشاء خالي

زرقاء اليمامة كتب:: هم صراحه كلهم شبه بعض فما قادره افرز بيناتهم ما عدا واحد لونه فاتح يمكن يكون ده عادل ود العشاء خالي

الاخت زرقاء اليمامه لو دايرة تعرفيهم لاحظى للتعليق اسفل الصورة وبرضو تقولى زرقاء اليمامه!!!!

يا عبدو إنتوا قاعدين في الترطيبة والتكيف شوف نحنا قاعدين كيف

اولا انا مبسوط هذا الصباح ان ارى السريحة على السجية وبدون رتوش 0 وثانيا لاتى اجد زرقاء وودعجيب
بعد زمن طال اجله 0 اما عن الصورة الجميلة لسوق السريحة والجلسة التى جمعت الاخوة عبده والاخ الشايقى
هذا الرجل الذى يخفى صنائعه والله يظهرها ان الجميل 000 اذا اخفيته ظهرا
وكانه عندى يتكلم فى امر من امور السريحة 0 فقد علمته اذا عمل 0 عمل فى صمت 0 واخلاص دون بهرجة
او اعلام فى تواضع جم وادب رفيع 00 ثقال السنابل تنحنى بتواضع00 والفارغات رؤوسهن شوامخ

فلهما منى كل التحايا وانبلها 0 ويا ودعجيب ( بالصور الجميلة انعشنا ) وهل هناك اجمل من مرتع صبانا
واسف لطول التعليق 0 اسمحى لنا يا زرقاء 0 0

المدرسة دي خرجت فطاحلة ، والواحد من يتخرج منها ما يشتغل بيها الشغلة . كدي شوفها بقت كيف بالله دي مدرسة وللا خرابة ، وبعدين المغتربين قاعدين لينا ساي ، الواحد مية ريال كل أربعة شهور ما داير يدفعها يعني يومو أقل من ريال ، طيب خليهم يجي يمسكوا المدرسة دي وأنا بدفع ليهم كل شهر خمسمائة ريال .

التعليق على الصورة :

عمر الشايقي :
يا جماعة السريحة محتاجة لكثير من الضروريات والخدمات ، لكن لابد من عمل جدول لترتيب الأولويات : الأهـم ،،، فالمهـم ..........