اشادة خاصة لود عجيب

اثناء زايارتي الاخيرة الي السريحة لوفاة عبدالقادر تنير ربنا يرحمه كنت متابع لاعضاء المنتدي وتفاعلهم مع هذه الاعمال الاجتماعية ولفت نظري مشاركة العضو منتصر عجيب يعمل بكل همة في خدمة الضيوف خاصة ناس الشرق

اجمل حاجة انو جا كم مرة بعندي لكن ما شك ابدا اني اكون موجود ولولا خفت ان يكشفني لسلمت عليه ولكن الان احييه من هنا واحيي فيه هذا النشاط

لك التحيه ابوعشرين ده انت طلعت ابو مئه وخليتنى اشك (الشك الجميل) فى كل الصيوان والناس القاعدين تحت الشجرة والناس ال فى الحافلات والناس ال فى المطبخ !!!؟؟

نطير السما ونجي ونلقاك انت هو انت
ياخي العصر تطور والزمن اتغير ( اصلو الزمن غير ملامحنا ونحن بقينا ما نحن )
على الرغم من انني ( متحمبك ) من المانجل الا ان ما يقول به هو الواجب بارك الله فيهو

ودعجيب كتب:: لك التحيه ابوعشرين ده انت طلعت ابو مئه وخليتنى اشك (الشك الجميل) فى كل الصيوان والناس القاعدين تحت الشجرة والناس ال فى الحافلات والناس ال فى المطبخ !!!؟؟

كدي رجع الذاكرة وشوف الناس الكانت قاعدة في الضل جنب الباب برة الحوش في زووول جرة فيك نور طويل

اسمع يا ود عجيب انت عاوز تعرف ابعشرين ده امشي للناس الكانت شايلة الاباريق وتغسل ليهم اكيد جرى الحوار التالي
س :انت يا ولد فيل منو
ج :انا فيل فلان
س: يا سلام وين ابوك ده
ج:ابوي قاعد
س:وين خالك
ج:فى السعودية
س:بالله سلم لي عليه
ج:اقول ليه منه
س: قول ليه .......... واكيد حايكون اداه الاجابه بدون مايدري
لكن عاوز ليك شافع شيطان من جماعة زي ناس اللتي والجدة الصغير زمان

الحوار هذه ذكرني نكته لواحد مسيخ من اولاد التكينة كان بغسل لاحد الضيوف فى عزاء فسأله
س: يا ولد انت من وين
ج : انا من فرنسا
س: فيل منو فى فرنسا Question

انا يا ابعشرين كنت موجود فى البكاء ده وكان ود عجيب فعلا بيعمل مع الناس ولكن لفترة قصيرة وبعده لم الاحظه فى اليوم الثاني وكنت عاوز اتناقش معه فى مواضيع كثيرة تهم الصحوة الاسلامية فى الحلة ولكن فى اوقات لاحقة ان شاء الله التقيه طبعا لقاء حايكون غير لقاء المنتدى بالتاكيد

التحيه للاخوة الادمن والترابى والزاد والتحيه مضاعفه لا بو عشرين هنالك ملاحظه بسيطه طالما الاخوة ابوعشرين والترابى كانو موجودين فمعناه انهم ايضا بعرفو الواجب واكثر كمان وربما هم كانو بيعملو فى الخفاء وهذا افضل واكثر اجرا منى نسال الله ان يثبت الاجر وان يغفر للمتوفى ويلهم اله الصبر والسلوان
الاخ الترابى الف مرحبا بك فى دارك دار ودعجيب ومرحبا بهذا اللقاء الذى سانتظره شوقا ووعدا
(نقعد فى الواطه ونشوف البحصل شنو ) وانشاء الله خير

رجالة وطول عمر اولادك يا سريحة رجالة

تسلموا يا شباب والله يعينكم على فعل الخير