اهلي الزينين

السلام عليكم اهلي الطيبين سلام كتير لابنشال ولابنقال يقوليكم كيف الحال والله العظيم انا فرحانا خاص بالمنتدي طبعا عرفتو بالصدفة من مديري في الشغل قال لي يابت السريحة تعالي شوفي اهلك عملو شنو وكانت لحظة فخر بالنسبة لي ودائما للامام


بنت السريحة

مرحبتين حبابك اليوم السعيد الليلة جابك يا بت البلد
( خليك نصيحة وفتحي عيونك قدر الريال اوعى تنضمي لحزب زرقاء ) دي بتولع النيران وتقول ليك في النهاية ( دي نيران صديقة )

ياجماعة انتو اولاد وبنات مكان واحد مافي داعي للحزبية والانقسام مالكم دايرني من البداية اخذ فكرة غلط وعارفة انا ناس السريحة شنو

حللتم اهلا ونزلتم سهلا
اتمنى لك طيب الابحار على صفحات منتدى السريحة
كما اتمنى ان تكوني اضافة حقيقية للمنتدى كما ونوعا
مع محبتي للجميع

عشرات حبابك سلامات
اسلم شبابك سلامات
شايل سحابك سلامات
والقبلي شابك سلامات

مرحبا ماك فى دارك ديار السريحه العامره :D :D :D :D

بشكركم كتير على الترحيب الحار يازاد الشجون -مهاجر-ودعجيب-ادمن

اهلا يا MAK حبابك حبابك عشرة بلا كشرة
يالله خليك معاي اصلو رجالة السريحه ما عارفاهم كيف كيف وخصوصا البوصي فيك ده؟؟
واديك نصائح لازم تحفظيها كويس
*لا تدخلي مع زاد الشجون فى جدال لانه ده ممكن يكرهك المنتدى ويطفشك بطعا بعد ما يرجع من رحلة امريكا الثانية دي ويعمل ليه شعر
*ابعدي من الملثم لانه ده بدخل دخلات كده غريبه توووووووووووووش
*ابعشرين ده عريبي وممكن تكوني عاوزة ليك مترجم عشان تفهمي كلامو
*شيرين دي عصبية شويه وممكن تناقشيها لكن فى الىخر بتخرج من طورها
*ورد ده بلثم المنتدي اذا كان عندك موضوع دخلي فيه وستجدي كل ما يهمك
*هشام السريحه ده لو عندك فكرة فى الكورة ممكن يديك نبزة عن كل مباريات العالم خلال الثواني الاخيرة الماضية
ود عجيب العجيب مرات كدي ومرات كدي زي باصات الجريف
تاني منو بعدين بكمل ليك

شكرا ليك كتير يازرقاء اليمامة على النصائح دي الناس الزكرتيهم ديل كلهم بعرفهم من خلال معرفتي بالمنتدى لانه ماتتصوري قبل ماادخل معاكم كنت كل يوم من الصباح بفتح المنتدى واشوف الجديد شنو وهشام بعرف الكورة كويس لانه هلالابي والهلالاب هم ادرى الناس بالكورة

mak كتب:

شكرا ليك كتير يازرقاء اليمامة على النصائح دي الناس الزكرتيهم ديل كلهم بعرفهم من خلال معرفتي بالمنتدى لانه ماتتصوري قبل ماادخل معاكم كنت كل يوم من الصباح بفتح المنتدى واشوف الجديد شنو وهشام بعرف الكورة كويس لانه هلالابي والهلالاب هم ادرى الناس بالكورة

يعني نفهم من كده انك هلالاااااااااااااااااااااااااااااااااابيه يا خسااااااااااااااااااااااااارة

انا هلالابيه علي السكين والخساره لي شنو يادمن لانك مريخابي يعني

طبعا خسارة دمعي وا خسارة لانو اول مرة اسمع لي ببنت هلالابية فالمعروف كل البنات مريخابيات

مرحبا بك يا اخت مهيره ونرجو منك المساهمه الفاعلة التي لكي تنير وتستنيري من الآراء ولا تتوغلي كثيرا فهناك مواضيع مضيعة للوقت مثل الموالاه للهلال او المريخ وهو يعتبر افلاس فكري وركزي على المواضيع التي تفيد الحياة والدين وربنا يوفقك وترفعي اسم السريحه مع اختك الشيخه اليمامه

أنا حددتك يازرقاء اليمامه من اسلوبك عرفتك حتي أسلوبك بعد طول الفتره هذه وماتغير فيه شي وعلي تعليق علي ياسر عبد المنعم بالمثاليه لقدس أكيد تاكد أني عرفتك 0 ولكن مسموح علي ماتقولي0

زرقاء اليمامة كتب:

النكمل ليك يا ماك اختي عشان ما تتخمي بالمظاهر الخداعة

الادمن : اهم واحد وتصوري نسيتو على العموم ده عنده برودة دم عجيبة جدا شايف النيران مولعه وكأنه ما فى حاجه عشان كده ما تتكلي عليه واذا حصلت ليك مشكلة يعمل فيها سياسي ويعمل اقتراح وتصويت واستفتاء تقول عاوز يفصل السريحة من السودان
سقراط الحكيم : ده زول بتاع نكته بالرغم من انه صعيدي والظاهر عليه بايع القضيه
قدس : ده واحد ممكن نقول عليه بتاع مزاجات متى ما كان مزاجه كويس ايجي يكتب ليه كلمتين ويغيب اسبوع
ياسر عبد المنعم : نفس وصف المذكور اعلاه مع اختلاف المنطق والمناطق
الدحيش : ده عايرة وادوها سوط زي ما بقول المثل استقباله كان فيه مشاكل وضرب بالسكاكين وحظائر كويس انك ما كنت فى اليوم داك موجودة
مهاجر : ده مهاجر بافكاره والظاهر عليه يعاني من مرض نفسي شفاه الله
المهدي : يمكن ده يكون المهدي المنتظر الذي سوف يخلصنا من بعض المشاغبين امثال زاد الشجون وابعشرين وزمرتهم
ود الجميعابي : ده عامل فيها فيلسوف زمانه وبتكلم فى حاجات كبيرة اكبر من حجم الجميعابي
شيخ عبد الرحمن : ده لا بودي ولا بجيب قاعد ينقل لينا فى اعمدة الناس تقول نحن فى بيت بكاء
بهيج : ده انا اول فاكراه وهيب ولكن طلع ود شويه ولسع ماشفنا لا شوية ولا كتير منه الظاهر لسع ما استوعب الدرس
رياض عبد العظيم : ده فرحان بالجامعة الجديدة دي وما عارفه لمتين حايقرأ الظاهر حايجي ولدي ويكون معاه زميل دراسه يوم تشوفيه واسبوع يختفي ومرضان كورة زي قريبه داك

اها كده اظن ما قصرت معاك وممكن تخشي وانت خاتة فى بطنك بطيخه صيفه واذا تذكرت واجد حاجيك راجعة وطبعا البقيه شايفين اساميهم بس لا ليهم حس ولا خبر

جزاك الله خير ايتها الزرقاء لقد افدت فاوفيت كل شخص حقه وهذا يدل على شجاعتك الادبيه والدينية وربنا يجعلك من اخوات الشعبي

الأخت ماك؛ مرحبتين بت بلدي وحبابك عشرة،
وارجو انك تكوني إضافه حقيقية للمنتدى وتشرفي بنات و نساء السريحة.

زرقاء اليمامة: يا بت يا متنعصره للنساء؛ ما تخوفي بت السريحة من الشباب،، ولو انا كنت مكانه كان حأسيب المنتدى ههههههههه.
وبالمناسبة انا فهمي في الدنيا ما كورة و بس.
وبعدين انت وصفتي شباب المنتدى كلهم إلا واحد،، يا ترى السبب شنو؟!!!!

زرقاء اليمامة كتبت:

اقتباس :

الادمن : اهم واحد وتصوري نسيتو على العموم ده عنده برودة دم عجيبة جدا شايف النيران مولعه وكأنه ما فى حاجه عشان كده ما تتكلي عليه واذا حصلت ليك مشكلة يعمل فيها سياسي ويعمل اقتراح وتصويت واستفتاء تقول عاوز يفصل السريحة من السودان

معليش يا شباب انا حأرد فقط على الجزئ الذي يهمني فيما كتبته المثيرة للجدل الزرقاء وان شاء الله ايامك كلها تكون زرقاء
يا بنت الحلال انت الظاهر عليك ما بتعرفيش حاجة عن فن الادارة والسياسة والاسلوب المتبعه هذا هو بكل المقاييس ناجح وبالذات فى فض الازمات والنزاعات العرقية والقبلية والتي انت اساس معظمها ولو ما فاكرة افكرك انا كم مرة ارسلت ليك رسالة ووجهت فى اشياء معينة ومرة فرضت عليك ان تغيري من مسار معين ولولا ذلك لانفجرت مشاكل كانت ستطيح بالمنتدى الى الدرك الاسفل... هل نسيتي كل هذا وبعدين برودة الدم دي جيبتيها من فين ولو فعلا في برودة انت متجمدة وكل ردودك ومساهماتك بدل على ذلك فدائما تخلقي المشاكل وتختفي وتخلي النيران مولعة وتزيديها حطبا واسالي نفسك وين شيرين ولماذا تركت الكتابة والمنتدى بطوله وعرضه اليس بسببك واين زاد الشجون الم تقراي سر غيابه وهو انك طفشتيه من المنتدى واين ابعشرين الذي كنت تريدي ان تغيري اسمه لبوبي؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اذا كنت فعلا شجاعة وتحبي الديمقراطيه فأظهري للعيان وبلاش الضرب تحت الحزام

ايتها الزرقاء ان اللبيب بالاشارة يفهم وطبعا الاخ هشام اكيد يقصدني فى عدم ذكرك لي وانا اوكد لك ان صدري متسع لاي نقد ولا تهابيني وعشان ما تفهمين خطا وتكثر التأويل فقولي ما شيئت عني ولن اتضرم

العزيز الترابي
انا لست مشغوفاً بمعرفة رأي زرقاء اليمامة فيك!
يكفيني رأي انا فيك، وأوضحته بكلمة عزيزي في البداية؛؛
ولست اريد ان أعلن حرباً جديدة على المنتدى؛؛
وأملت ان ترد علي زرقاء اليمامة حتى اوضح لها ما اقصد.

Admin كتب:

زرقاء اليمامة كتبت:

اقتباس :

الادمن : اهم واحد وتصوري نسيتو على العموم ده عنده برودة دم عجيبة جدا شايف النيران مولعه وكأنه ما فى حاجه عشان كده ما تتكلي عليه واذا حصلت ليك مشكلة يعمل فيها سياسي ويعمل اقتراح وتصويت واستفتاء تقول عاوز يفصل السريحة من السودان

معليش يا شباب انا حأرد فقط على الجزئ الذي يهمني فيما كتبته المثيرة للجدل الزرقاء وان شاء الله ايامك كلها تكون زرقاء
يا بنت الحلال انت الظاهر عليك ما بتعرفيش حاجة عن فن الادارة والسياسة والاسلوب المتبعه هذا هو بكل المقاييس ناجح وبالذات فى فض الازمات والنزاعات العرقية والقبلية والتي انت اساس معظمها ولو ما فاكرة افكرك انا كم مرة ارسلت ليك رسالة ووجهت فى اشياء معينة ومرة فرضت عليك ان تغيري من مسار معين ولولا ذلك لانفجرت مشاكل كانت ستطيح بالمنتدى الى الدرك الاسفل... هل نسيتي كل هذا وبعدين برودة الدم دي جيبتيها من فين ولو فعلا في برودة انت متجمدة وكل ردودك ومساهماتك بدل على ذلك فدائما تخلقي المشاكل وتختفي وتخلي النيران مولعة وتزيديها حطبا واسالي نفسك وين شيرين ولماذا تركت الكتابة والمنتدى بطوله وعرضه اليس بسببك واين زاد الشجون الم تقراي سر غيابه وهو انك طفشتيه من المنتدى واين ابعشرين الذي كنت تريدي ان تغيري اسمه لبوبي؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اذا كنت فعلا شجاعة وتحبي الديمقراطيه فأظهري للعيان وبلاش الضرب تحت الحزام

عزيزى الادمن
ماعهدناك هكذا , رفقا بالقوارير

[quote="زرقاء اليمامة"][size=18][b]النكمل ليك يا ماك اختي عشان ما تتخمي بالمظاهر الخداعة

الادمن : اهم واحد وتصوري نسيتو على العموم ده عنده برودة دم عجيبة جدا شايف النيران مولعه وكأنه ما فى حاجه عشان كده ما تتكلي عليه واذا حصلت ليك مشكلة يعمل فيها سياسي ويعمل اقتراح وتصويت واستفتاء تقول عاوز يفصل السريحة من السودان
سقراط الحكيم : ده زول بتاع نكته بالرغم من انه صعيدي والظاهر عليه بايع القضيه
قدس : ده واحد ممكن نقول عليه بتاع مزاجات متى ما كان مزاجه كويس ايجي يكتب ليه كلمتين ويغيب اسبوع
ياسر عبد المنعم : نفس وصف المذكور اعلاه مع اختلاف المنطق والمناطق
الدحيش : ده عايرة وادوها سوط زي ما بقول المثل استقباله كان فيه مشاكل وضرب بالسكاكين وحظائر كويس انك ما كنت فى اليوم داك موجودة
مهاجر : ده مهاجر بافكاره والظاهر عليه يعاني من مرض نفسي شفاه الله
المهدي : يمكن ده يكون المهدي المنتظر الذي سوف يخلصنا من بعض المشاغبين امثال زاد الشجون وابعشرين وزمرتهم
ود الجميعابي : ده عامل فيها فيلسوف زمانه وبتكلم فى حاجات كبيرة اكبر من حجم الجميعابي
شيخ عبد الرحمن : ده لا بودي ولا بجيب قاعد ينقل لينا فى اعمدة الناس تقول نحن فى بيت بكاء
بهيج : ده انا اول فاكراه وهيب ولكن طلع ود شويه ولسع ماشفنا لا شوية ولا كتير منه الظاهر لسع ما استوعب الدرس
رياض عبد العظيم : ده فرحان بالجامعة الجديدة دي وما عارفه لمتين حايقرأ الظاهر حايجي ولدي ويكون معاه زميل دراسه يوم تشوفيه واسبوع يختفي ومرضان كورة زي قريبه داك

اها كده اظن ما قصرت معاك وممكن تخشي وانت خاتة فى بطنك بطيخه صيفه واذا تذكرت واجد حاجيك راجعة وطبعا البقيه شايفين اساميهم بس لا ليهم حس ولا خبر


]طبعا الاخت زرقاء مع انك بالغت فى مدحى , وهذا من ادبك , الا اننى كما اقول دائما اعرف بنفسى منك والله اعلم بى منى والله يغفر لى ولك ولكم , الا ان هذا لايمنعنى ان اقول قولة الحق حتى على نفسى , بس لاتغيرى رايك فيا بكرة ؟؟؟
ليس يا اختى كل مايعرف يقال , وليس كل حقيقة عندك هى حقيقة عندى , وليس راى اى فرد هو راى كل الافراد ,
ان كلامك ,حتى لو صح بعضه ,جرح الكثيرين
وانا منهم تاذيت من آرائك الشديدة فى اخواننا فى المنتدى .
انا اعلم يقينا انك كنت دايرة ضحك وهزار لكن انقلب بجد والناس زعلو
بس فين رايك فى اخونا الترابى والا خايفة منو ..... هاهاهاها
تحياتى

ع من جديد اليك يا ماك على حسب طلب الجمهور
الترابي: طبعا انا فعلا سقط مني سهوا ولكن ليس خوفا منه لو كنت بخاف كنت خفت من الاكبر منه .. على العموم الترابي شخص يحب الترابي فى حركاته وجداله ومعارضته فقط ولكن ليس فكريا لان حامل هذا الاسم لا يعرف شيئ عن الترابي لا فى الدين ولا السياسة وهذا ظاهر للعيان وكذلك اهتزت شخصيته عندما تم التصويت على حذف الصورة وخاف من النتيجة فحذفها قبل انهاء التصويت وعلى ما اعتقد ان الترابي شخصية مدسوسة بيننا لتفرق شملنا او هناك قصد آخر لم يظهر للعيان بعد طبعا المهم يا ماك خليك معاه كويسة ولا تلخبطي عشان بعدين ما نعرف بلدك وين
محمد ص: ايضا هذا سقط مني سهوا وانا فى بوست ماء طلبت منه حاجة تكفر عن زنوبه ولكن لم يستجب ولسع انا منتظره نهايته -- المهم ده بيقولوا كان فى امريكا ومرة يقولوا رجع السودان وانا ما يهمني لا امريكا ولا اليابان فالمهم انه هنا لم يقدم شيئ بالرغم من انه عضو فى سودانيزاونلاين وهذا فخر له ولكن اثبت عدم ولائه للسريحه بالتهرب من المنتدى تارة وبالاطلالة الماسخة تارة اخرى وبعدين هو فتح ليه مشروع بتاع تبرعات للمدرسة ولم نراه لا من حيث الدعم المادي او المعنوي فالمهم يا ماك ده انا لسع ما عرفت شخصيته ولكن برضو اعملي حسابك منه
*طبعا يا ورد كلامي فعلا فى محله ولا احد يجادل فى ذلك ولكن انا عندي ظنون انك من اخوات مهيرة فالدلالت كثيرة على ذلك وهي ان اسم ورد مؤنث وكذلك الثقافة الاسلامية والفكرية العاليه هذه لا تمتاز بها الا بنات حواء ولو كنت فعلا كذلك فخليك كما انت حتى لا يمتلى صندوق الرسائل الوارد فى يوم واحد