وداعا ..............

كلمة الوداع يا اخوانا صعبة شديد ( وحار بالحيل فراق الزول بعد ما يوالف ) والولف كتال وما بالساهل نقول ليكم مع السلامة لكن ( مجبرٌ اخوكم لا بطل ) ساغيب عن المنتدى لاجل غير مسمى اسبوع -- شهر -- اكثر من ذلك لا ادري والله ، فراقكم ما بالخاطر لكن تبقى الذكرى وتبقى الحلة هي شجرة مقيلنا وارفة الظلال تجمعنا في كل شيء ... نفترق باجسادنا وتظل ارواحنا هائمة في فضاءات السريحة
العتبى لكل من ضايقناه بكلمة او خالفناه في راي او جرحناه بغير قصد
ود عجيب : كن دوما عيننا على هموم الحلة التي لا يغمض لها جفن
ابو الشوش : خلي حاجة بسيطة من الرقة والطيبة لمن ياتي بعدك
زرقاء اليمامة البنت الجريئة ) ... ( يا فرس كل القبيلة تلجمو يكسر قناعاتها ويفر يسكن مع البدو في الخلا ما يرضى غير الريح تجادلو وتقنعو ) ... صافية لبن ؟؟؟
الملثم : لديك الكثير المثير لا تبخل به على المنتدى
ابعشرين : تضاد الاشياء يكسبها الالق والتوهج ... مرة ثانية وثالثة ورابعة ( ادفق املا براحاتنا الفة وريد وقليلا من المحن)
ورد : عشم باكر ... فرح مرسوم على جدار الحلة عطاء لا ينتظر شكر ولا رد جميل
سقراط : طالما النيل بيجري يبقى دمنا واحد وهمنا واحد وكلنا واحد لك التحية بعمق الازرق وفورته ورحابة الابيض وسعته
ود تنير : (ليك في قلبي محبة شديدة )
الادمن : يا قايد الاسطول ....( انا افكر اذن انا موجود ) بساطي موجود اذن السريحة في المقدمة
الترابي : اختلاف الراي لا يفسد للود قضية وانت مننا وفينا
رياض عبد العظيم - ابو سالم - الجميعابي - ابو جاسم - شيخ عبد الرحمن - الدحيش والبقية من العقد الفريد : المنتدى بيتكم الثاني لا تبخلو بزيارته وترميمه وتجديده ليكون قبلة لكل فرد
استودعكم الله على امل اللقاء بكم قريبا ان شاء الله ( طابت لكم الحياة )

زاد الشجون ما انت شجن المنتدي كيف ترحل وتسيبنا علا الداعي خير ؟ لمن تفوت تميش الجرف بعدك بجف والزرع عطشان نشف كيفين تميش.........

اراك عصي الدمع شيمتك الصبر اما ( للسريحة ) نهيٌ عليك ولا امر
ارجو لا يمتد الغياب فالواحد للكل والكل للسريحة

ده كلام شنو يا زاد الشجون .. طيب قدم طلب اجازة وشوفنا حانوافق ولا لا ما ممكن كده وخلاص واجل غير مسمى المنتدى ده زي المدرسة لازم تاخذ الاذن؟؟؟؟؟؟؟؟؟؟

زمان كان سعد ود الجزولي جنو غياب فى المدرسة الابتدائية وكلما يغيب يجي الاستاذ يساله شلت اذت يقول ليه ايوه شلت من استاذ فلان ويزوغ براحه من الجلدة مره غاب سأله استاذ عابدين شلت اذن من منو قال ليه من استاذ الريح .اعابدين قال ليه معاك كضب الريح ليه اسبوع فى الخرطوم قام سعد قال ليه ايوه لاقيته فى السوق العربي وشلت منه اذن :D :D :D :D :D

غيب وتعال تلقانا نحن يا نحن
زاد الشجون اعمل حسابك على صلعتك ما يسحروها ليك

نكته عن النعام آدم
الفنان النعام آدم استيقظ فى القطار وسأل عن المحطة ثم قال ( ما دام دخلنا الرباطاب أحسن تتحصنوا ، بدوكم عين ) فقال رباطابى واقفا على الرصيف ( انت يدوك عين فى شنو ؟ فى شنبك العامل ثلاثة الا ربع ؟ ) .

مطارات الوداع ضجت قدامك وراك بيضاء
وما تطول الغيبة،،
وفي أمان الله وحفظه.