مجموعة من اظرف و امرح الاسئلة والاجابات المنطقية

ليه بتحط جنبك كباية شاي وانت نايم؟؟
-عشان الشاي منبه

-طب ليه بتحط كمان فنجان قهوة؟؟
-عشان لو الشاي مارنش

-طب ليه بتحط كباية ميه مليانه و واحده تانيه فاضيه ؟؟
-عشان ممكن اشرب و ممكن ما اشربش

-ليه بتحط ملح على راسك؟
-عشان ابقى حدق

-طب ليه بتحط سكر على الكرسي قبل ما تقعد؟؟
-عشان القعده تبقى حلوة

-حاجه بيضا طايرة في السما و بتقول نياو ايه هي؟
-قطه بيضا مضروبه بالشلوت

-طب حاجه سوده طايره في السما و بتقول نياو ايه هي؟
-غراب و بيستهبل

-طب حاجه سوده طايرة في السما و مابتقولش حاجه تبقى ايه؟؟
-غراب عاقل و مابيستهبلش

-طب حاجه بني طايره في السما و ما بتقلش حاجه تبقى ايه؟؟
-جزمة الراجل اللي ضرب القطه بالشلوت

-حاجه سوده طايره في السما من الشرق للغرب وفيها خط احمر؟؟
-دبانه لابسه فستان سواريه احمر و رايحه فرح صاحبتها

-حاجه سودة طايره في السما من الغرب للشرق و فيها خط احمر؟
-نفس الدبانه نسيت حاجه و راجعه تجيبها

-ايه الحيوان الاخضر الصغير اللي بياكل الزلط؟
-ابن الحيوان الاخضر الكبير اللي بياكل الزلط

-ايه هو عكس تلميذات؟
-Don`t tell me that

-ليه التعلب تخين؟؟
-عشان التعلب fat fat

-قوللي فرقين بين الليمون و الزيتون؟؟
1/فيه ليموناده و مافيش زيتوناده
2/تقدر تقول ((الناس لاموني ))ماتقدرش تقول ((الناس زاتوني))

-قوللي 5 فروق بين الوزة و لبطه؟؟
1/تقدر تحلق شعرك (زلبطه)بس ما تقدرش تحلقه(زلوزة)
2/فيه رحاله اسمه (ابن بطوطه) مافيش رحاله اسمه(ابن وزوزه)
3/تقدر(تبلبط)في البحر ما تقدرش(تبلوز)فيه
4/كلنا بنستغطى في الشتا ب(بطانيه)مش ب(وزانيه)
5/الوزة كانت بطه زمان والشيطان وزها

-قوللي 5 فروق بين الفيل و النمله؟
1/فيه( سمك فيليه) مافيش(سمك نمليه)
2/ممكن رجل الفيل(تنمل)بس مش ممكن رجل النمله (تفيل)
3/ممكن يبقى في البيت (نمليه)بس مافيش (فيليه)
4/كل واحد له (بروفيل) بس مالوش (برونمله)
5/You can(feel) but you can`t (namla)

-ايه عكس زمان؟
-the woman

-ليه القطر بيصفر قدام الصيدليه؟
-عشان القطرة تطلع

-ايه عكس نجوم؟
-نجعد

-ليه الكتكوت ما يعرفش يكذب على الفرخه؟
-عشان هي اللي فاقساه

ماهو وجه الشبه بين الحمار والأرنب؟
الحمار باللغة الانجليزية اسمه دونكي
احذف ( دون ) اتبقى كي
كي بالعربي يعني مفتاح
حط مفتاح في حكمة ... الصبر مفتاح الفرج
احذف مفتاح الفرج ، اتبقى الصبر
حط الصبر في حكمة تانية .. الصبر جميل
احذف الصبر، اتبقى جميل
فيه ممثل مصري اسمه جميل راتب
احذف جميل ، اتبقى راتب
اعكس الحرفين الأخيريين.. التاء والباء
بقت رابت
ورابت بالانجليزي يعني أرنب
وهو المطلوب اثباته

هاهاها
لا ياعم , اثبات نظريات الفيزياء ارحم كثيرا من اثبات وجه الشبه بين الحمار والارنب بتاعك

والله كلامك منظبوط

بس اهي علاقة
طيب ايه العلاقة بين

الصبر و اللبند

[quote="حاتم سقراط"]والله كلامك منظبوط

بس اهي علاقة
طيب ايه العلاقة بين

الصبر و اللبند[/quote
لا ياعم الفيزياء ارحم , غلب حمارى والحمار اللى فوق كمان صاحب الارنب اياه

عاوز تجنن الراجل يا سقراط
لا حول ولا قوة إلا بالله
والله أستمتعت خالص بقفشاتك الرائعة يا رائع
من يومك ابن نكته.

العلاقة بين الصبر واللبن

يقال ان الصبر مفتاح الفرج

كما يقال ان فرج الله قريب

وقريب عكسها بعيد

وبعيد ان انجليش يعني far

والفار بيخاف من القط

والقط بيشرب اللبن

هي دي العلاقة بين الصبر واللبن