ارحميني يا ستي ( تيتة )

الله أكبر الله أكبر..أذان الظهر..

-يارب.. يارب بحق ده الآدان تنجح يا نون يابن ابنى وأشوفك دكتور أد الدنيا

-ياستى بس أنا فى تجارة

-وماله يابنى هو يكتر على ربنا...... ده ربنا قادر على كل شئ

-ياستى ونعم بالله بس اللى بيطلع دكتور لازم يكون فى كلية الطب مش التجارة

-ياللا تجارة تجارة ..ومالها التجارة ..دى حتى التجارة شطارة..ده الله يرحمه جدك كان تاجر فى الوكالة أد الدنيا

-ياستى التجارة اللى فى الوكالة حاجة واللى فى الكلية حاجة تانية

-ع العموم شد حيلك أنته وانا أخلى جدك يخدك معاه الوكاله عشان تتدردح وتتودك فى السوق

-جدى إيه اللى هايخدنى معاه .....ده جدى مات من زمان ياستى

-يامصيبتى عبد الواحد مات..ياحبيبى ياأخويا..مكنش يومك ياسبعى

-ياستى ده ميت من تلتين سنة

-تلتين سنه..ده العمر بيجرى ياولاد تصدق ولا حسيت بيهم....ياللا أهو غار فى داهيه....قطع وقطعت سيرته..ده كان بخل الدنيا فيه..أن ما عمره دخل عليه ببطيخة ولاكيس جوافة

-ياستى حرااام عليكى عايز أذاكر بقى

-يوه..وأنا ماسكاك ياوله..ذاكر ...ذاكرعشان ربنا يكرمك وتنجح وتاخد الدبلون

-ياستى دبلون إيه..أسمه البكالوريوس

-أنته عتضحك عليه ياوله..أسمه الدبلون الواد ابن فايزة جدع زيك كده فى مدرسة التجارة وخد الدبلون

-خلاص دبلوم دبلوم ياستى ..سيبينى بقى عشان أذاكر

-ذاكر ..ذاكر ياأخويا ذاكر... تعرف ياواد ..ندرن عليا يوم ماتنجح لأكون رايحه خاطبالك عبير بت رئيسه....دىإيه ياواد.. أدب- وأخلاق..وعلام كمان

-ياستى عبير دى معاها أعدادية

-وماله يابنى ...الراجل مايعبهوش إلا جيبه

-راجل ...راجل مين ياستى...عبير دى بنت

-عبير ...عبير مين ياوله..أنته بتعرف بنات من ورانا

-لا إله إلا الله....أبوس رجلك ياستى أرحمينى بقه

-طب ذاكر....ذاكر جتك نيله وأنته طالع براوى كده زى أمك....قطعت وقطعت سيرتها...أنامش عارفه أبوك كان أجوزها على إيه..حكم...قال لبس البوصة تبقى عروسة..بس واللى نبى النبى نبى لكون مبوظه الخطوبة دى ومجوزاه أنيسة بت أختى

-ياستى خطوبة إيه..أبويا مجوز أمى من خمسة وعشرين سنة ..وبعدين أنيسة دى بنت أخوك مش بنت أختك ..وأساسا إنتى ملكيش إخوات بنات

-صحيح ياوله ..أنته عندك حق أنا مليش إخوات بنات..أصلى أناأمى ماكنتش بتخلف صبيان

-حراااااااااااااااااااااااااااااااااام ............ستى ماتطلعى البلكونة شويه ...ده الهوا حلو بره

-لأياخويا....فى جدع كده حليوه وشعره مسبسب فى البلكونه اللى فى الوش بيقعد يعاكسنى

-خلاص روحى المطبخ ...أهو زمان أمى خلصت الرز

-رز...رزإيه يابنى....هوأنا ليه سنان للرز...أناهطلع البلكونه أحسن

-طب أبقى خلى بالك م الهوى ياستى
-هوى لما يلطشك

الحمد لله أخيرا خرجت وقدرت أذاكر .. رحت الأمتحان تانى يوم وربنا كرمني وحليت كويس لكن للأسف المراقب سحب مني الورقة قبل ما أكتب أهم حاجة فيها

ياترى أنا كان إسمى إيه؟؟ ياترى كان إسمى إيه؟؟

منك لله ياستى حسبى الله ونعم الوكيل

يارب تعجبكو

وماتكنش متكررة

ههههههههههههههههههههه
lol!

الملاحظ فى كتابات المنتدى ان كثير من النصوص وخاصة الجزء الخاص بالنكات تسيطرعليه اللهجة المصرية ...!! نحن لينا لهجة واظن انها اقدر على التعبير على احوالنا واحوالنا من بيئتنا ولهجتنا جاءت من البيئة نفسها لتحكى النفسية السودانية المتشكلة من الوجدان السوداني الاصيل ولو كنا نشبه الأخوة المصريين في الظروف والأحوال والتركيب النفسي واشياء أخرى كثيرة لا يتسع المجال لذكرها لكانت اللهجة واحدة بالضرورة.... ما قصدت الا التنبيه. ولكم العتبى حتى ترضوا.

شكرا يا جازية على هذا العتاب الصريح ولكن هذا المنتدى للجميع وطبعا تخطى الحدود فجاء اخوتنا فى وادي النيل ليشاركونا ويتفاكروا ويتحاورا معنا وبالطبع لهم لهجتهم الخاصة ولهم نكاتهم فلهم الحرية فى ذلك وكذلك لك الحرية فى كتابت نكت سودانية كما تشاءين وطبعا التقصير مننا لاننا لم نقول نكت سودانية وسقراط ما قصر وهو فاكهة المنتدى

سقراط : دايما تخرجنا من الفرح لتدخلنا قمة البهجة لك الشكر في انتظار المزيد
جازية الكرخ1 :
افهم من كلامك ان كل انسان ابن بيئته يعني كل انسان يعبر بلهجته
وهذا ما فعله الاخ حاتم سقراط فهو مصري لذا لابد له ان يعبر بلهجته ، وهو عضو فعال في منتدى السريحة له كثير من الاسهامات التي نعتز بها ، لكن اذا عبر احد اعضاء السريحة بهلجة غير لهجته يمكنك الاعتراض ، لا على اللهجة ذاتها وانما على من تلهّج بها ولدينا ابن عجيب وابعشرين وزاد الشجون ( الغائب الحاضر) واخرون مغرمون بالعامية السودانية ومترعون بالقفشات الجميلة ذات المضمون المفيد ( مع محبتي)

دائما تبهجنا ياسقراط وتخرجنا من حالات النكد الذى اصبح من عاداتنا اليومية , اتعودنا عليه واتعود علينا
شكرا لك

هشام ربنا يبسطك كمان وكمان

جازية تسلم ايدك على الملاحظة بس هنعمل ايه انا مصري وابويا مصري

الادمين شكرا شكرا شكرا وشكرا على لقب الفاكهة بس انت ما حددتش النوع ( تفاح موز مانجو اوعى يكون كاكا ) هههههههههههه

مهاجر تسلم يا ريس وشكرا على كلامك

ورد ربنا يجعلنا دائما احد اسباب الفرح والبهجة ويبعد عنك وعنا وعن جميع المسلمين النكد

كل الاعضاء لقد تزين الموضوع بمكياج ردودكم لكم مني الف تحية