عضو جديد لنج

أحييكم جمبعاً وأحني هامتي لكم ..

فقد تشرفت بنيل عضوية منتدانا الحبيب .. الذي سيكون بحق وسيلتنا الفاعلة

من أجل رفعة ورقي مدينتنا العزيزة وتبادل الأفكار والمعارف بين الأعضاء

ولكم فائق مودتي وتقديري

عسانى ان اكون اول المرحبين بك حبابك الاف الاف وديارنا تشرفت بقدومك (ام نورا) واهلا بك وبالورى المعاك كلو واقولكم اتفضلو كلكم على الديوان وحبابكم (اقصد) حبابك عشرة بلا كشرة فمرحبا باخوات مهيرة بيننا سندا قويا ودرعا واقيا يقينا شر التمزق والشتات
واسال الله العلى القدير ان تكونى اضافة حقيقية لحواء السريحة التى ما فتئت تزود عن حماءنا وتزيل من على عاتقنا هموم الحياة وكدر العيش

مرحب بيك يا أم نورا ونورت المنتدى
سؤال : اللوري ده حق منو وشايل شنو وجاي من وين؟؟؟؟؟؟؟؟؟؟؟

الف مرحب بام نورا في منتدانا ومنتدى الجميع
وما هامينى الي جيتي بيه
المهم انك جيتينا انتي في منتداك

وكل الامنيات الطيبة لك اخت ام نورا

أبو جاســـــــــــــــــــــــــــــــــــــــــم[b]

حللت أهلاً ووطئت سهلاً
حبابك ألف، وان شاء الله تكوني إضافه فاعلة للمنتدى، ومنتظريين مشاركاتك.

الف مليون حبابك ومرحبا بك الورى ده ياربى ديل الجماعه البجيبهم الحاج ود مالك ولاشنو؟؟؟

ودعجيب كتب:: عسانى ان اكون اول المرحبين بك حبابك الاف الاف وديارنا تشرفت بقدومك (ام نورا) واهلا بك وبالورى المعاك

تسلم أخي ود عجيب .. نجمالك في الأفراح

Admin كتب:: مرحب بيك يا أم نورا ونورت المنتدى
سؤال : اللوري ده حق منو وشايل شنو وجاي من وين؟؟؟؟؟؟؟؟؟؟؟

شكراً لك يا أدمن ..
أما إذا بخصوص اللوري فدا جاي من بكان بعيد خلاص .. ولسة ما وصل السريحة .. نسأل الله السلامة

abu gasim كتب:: الف مرحب بام نورا في منتدانا ومنتدى الجميع
وما هامينى الي جيتي بيه
المهم انك جيتينا انتي في منتداك

وكل الامنيات الطيبة لك اخت ام نورا

أبو جاســـــــــــــــــــــــــــــــــــــــــم[b]

بارك الله فيك أخي أبو جاسم .. متعك الله بالصحة والعافية ودمت

هشام السريحه كتب:: حللت أهلاً ووطئت سهلاً
حبابك ألف، وان شاء الله تكوني إضافه فاعلة للمنتدى، ومنتظريين مشاركاتك.

شكراً لكلماتك الطيبة أخي هشام .. وفق الله الجميع

الملثم كتب:: الف مليون حبابك ومرحبا بك الورى ده ياربى ديل الجماعه البجيبهم الحاج ود مالك ولاشنو؟؟؟

شكراً لترحيبك أخي الملثم ..
بخصوص اللوري .. شنو حكاية الجماعة البجيبهم ود مالك ديل.. نعلهم ما مراح!؟

وا خجلتي يا ام نورا والله انا آسفة اتاخرت فى استقبالك كتير ولكن كانت عندي شوية اكتئاب من المابسمى ولكن الحمد لله تجاوزت المحنة بالصبر والدعاء

مرحب بيك كتييييييييير قدر اللوري والشايله والله لوريك ده زكرني زمان ايام خالي العشاء كان بسوقه
اختى ام نورا فتحي عينيك قدر الريال والناس الرحبوا بيك ديل كلهم انا قبل كده وصفتهم لماك ولاهمية ذلك حاكرر ليك نفس الموضوع عشان ما تجي بكرة وتقولي لي ظلمتيني وما اديتني فكرة وماك احسن مني فى شنو وكلام زي ده عشان كده انا نسخت ليك الموضوع بحذافيره وجبته ليك لاعندك واظن كده ما قصرت معاك

[b][size=12][size=18]يالله خليك معاي اصلو رجالة السريحه ما عارفاهم كيف كيف وخصوصا البوصي فيك ده؟؟
واديك نصائح لازم تحفظيها كويس
*لا تدخلي مع زاد الشجون فى جدال لانه ده ممكن يكرهك المنتدى ويطفشك بطعا بعد ما يرجع من رحلة امريكا الثانية دي ويعمل ليه شعر
*ابعدي من الملثم لانه ده بدخل دخلات كده غريبه توووووووووووووش
*ابعشرين ده عريبي وممكن تكوني عاوزة ليك مترجم عشان تفهمي كلامو
*شيرين دي عصبية شويه وممكن تناقشيها لكن فى الىخر بتخرج من طورها
*ورد ده بلثم المنتدي اذا كان عندك موضوع دخلي فيه وستجدي كل ما يهمك
*هشام السريحه ده لو عندك فكرة فى الكورة ممكن يديك نبزة عن كل مباريات العالم خلال الثواني الاخيرة الماضية
ود عجيب العجيب مرات كدي ومرات كدي زي باصات الجريف
تاني منو بعدين بكمل ليك

الادمن : اهم واحد وتصوري نسيتو على العموم ده عنده برودة دم عجيبة جدا شايف النيران مولعه وكأنه ما فى حاجه عشان كده ما تتكلي عليه واذا حصلت ليك مشكلة يعمل فيها سياسي ويعمل اقتراح وتصويت واستفتاء تقول عاوز يفصل السريحة من السودان
سقراط الحكيم : ده زول بتاع نكته بالرغم من انه صعيدي والظاهر عليه بايع القضيه
قدس : ده واحد ممكن نقول عليه بتاع مزاجات متى ما كان مزاجه كويس ايجي يكتب ليه كلمتين ويغيب اسبوع
ياسر عبد المنعم : نفس وصف المذكور اعلاه مع اختلاف المنطق والمناطق
الدحيش : ده عايرة وادوها سوط زي ما بقول المثل استقباله كان فيه مشاكل وضرب بالسكاكين وحظائر كويس انك ما كنت فى اليوم داك موجودة
مهاجر : ده مهاجر بافكاره والظاهر عليه يعاني من مرض نفسي شفاه الله
المهدي : يمكن ده يكون المهدي المنتظر الذي سوف يخلصنا من بعض المشاغبين امثال زاد الشجون وابعشرين وزمرتهم
ود الجميعابي : ده عامل فيها فيلسوف زمانه وبتكلم فى حاجات كبيرة اكبر من حجم الجميعابي
شيخ عبد الرحمن : ده لا بودي ولا بجيب قاعد ينقل لينا فى اعمدة الناس تقول نحن فى بيت بكاء
بهيج : ده انا اول فاكراه وهيب ولكن طلع ود شويه ولسع ماشفنا لا شوية ولا كتير منه الظاهر لسع ما استوعب الدرس
رياض عبد العظيم : ده فرحان بالجامعة الجديدة دي وما عارفه لمتين حايقرأ الظاهر حايجي ولدي ويكون معاه زميل دراسه يوم تشوفيه واسبوع يختفي ومرضان كورة زي قريبه داك

اها كده اظن ما قصرت معاك وممكن تخشي وانت خاتة فى بطنك بطيخه صيفه واذا تذكرت واجد حاجيك راجعة وطبعا البقيه شايفين اساميهم بس لا ليهم حس ولا خبر

[/b][/size][/b]

الترابي: طبعا انا فعلا سقط مني سهوا ولكن ليس خوفا منه لو كنت بخاف كنت خفت من الاكبر منه .. على العموم الترابي شخص يحب الترابي فى حركاته وجداله ومعارضته فقط ولكن ليس فكريا لان حامل هذا الاسم لا يعرف شيئ عن الترابي لا فى الدين ولا السياسة وهذا ظاهر للعيان وكذلك اهتزت شخصيته عندما تم التصويت على حذف الصورة وخاف من النتيجة فحذفها قبل انهاء التصويت وعلى ما اعتقد ان الترابي شخصية مدسوسة بيننا لتفرق شملنا او هناك قصد آخر لم يظهر للعيان بعد طبعا المهم يا ماك خليك معاه كويسة ولا تلخبطي عشان بعدين ما نعرف بلدك وين
محمد ص: ايضا هذا سقط مني سهوا وانا فى بوست ماء طلبت منه حاجة تكفر عن زنوبه ولكن لم يستجب ولسع انا منتظره نهايته -- المهم ده بيقولوا كان فى امريكا ومرة يقولوا رجع السودان وانا ما يهمني لا امريكا ولا اليابان فالمهم انه هنا لم يقدم شيئ بالرغم من انه عضو فى سودانيزاونلاين وهذا فخر له ولكن اثبت عدم ولائه للسريحه بالتهرب من المنتدى تارة وبالاطلالة الماسخة تارة اخرى وبعدين هو فتح ليه مشروع بتاع تبرعات للمدرسة ولم نراه لا من حيث الدعم المادي او المعنوي فالمهم يا ماك ده انا لسع ما عرفت شخصيته ولكن برضو اعملي حسابك منه [/size]

اقتباس :: والله انا آسفة اتاخرت فى استقبالك كتير ولكن كانت عندي شوية اكتئاب من المابسمى ولكن الحمد لله تجاوزت المحنة بالصبر والدعاء

تحياتى اختى زرقاء واسفه للتأخير .. تبرى من الاكتئاب