رسالة الى أعضاء منتدى السريحه بالسودان

السادة اعضاء وعضوات منتدى السريحة من داخل السودان
ودعجيب- محمد ص - الملثم - قيبا - الواثق - ماك -ود العمدة - ابعشرين
تحية طيبة
اساس فكرة المنتدى ربط النسيج الاجتماعي بين الاهل فى السودان وشتات المغتربين الخارجي وهي دعوة للتحاور وهمزة وصل لاولئك المغتربين مع اهلهم فى السودان وهمزة الوصل هذه انتم ايها السادة الاعضاء المتصلون من داخل السودان وكل مغترب تواق ليرى ما هو الجديد فى السودان بصفة عامة والسريحة بصفة خاصة وهذه تتطلب قدر عالي من يذل الجهد من قبلكم
المطلوب:-
توزيع المهام بينكم فكل واحد منكم يمكن يكون مسؤول عن قسم هام من هذه الاقسام:-
منتدى التعريف بمدينة السريحه :- يكون هناك مسؤولين عن تجميع معلومات للتعريف بالسريحه فى شتى المجالات من تعليم وثقافة وقبائل وزراعه وغيره
المنتدى الرياضي : يكون هناك عضو متابع لحركة الرياضة فى السريحه بالصورة والقلم وينقل اي حدث مهما صغر حجمه ان شاء الله مباراة شفع بتاعة شراب دي عند المغتربين تساوي احلى من مباريات كاس العالم
لقاءت مع اهل السريحه : يكون هناك واحد مختص لعمل لقاءت مع كبار رجال السريحه والذين لهم اسهامات خاصة فى العمل الوطني واي اي شخص يراه مناسبا لعمل لقاء معه فهناك من له باع فى السياسة ومن له باع فى الزراعة والرياضة والعمل الوطني والتعليم والفكاهة كلها مجالات ممكن نعمل منها لقاءت جميلة ومفيدة جدا جدا
صور من السريحه : يكون هناك شخص يحمل كاميرا ويلتقط الصور الجميلة والفريدة من داخل
السريحة
ارجو ان تضيفوا اقتراحات اخرى حتى يتم التنشيط والحراك للمنتدى

الشكر لك ودالبيه وان تضيف لهذا المنتدى شئا من الحيوية والنشاط وهذا الزى يفترض أن يحصل لأن المنتدى ماهو الا عكس ثقافة للغير وذلك من خلال كتابات الأعضاء الجادة ونتمنى من الأعضاء الكرام الأخذ بوصية المدير وتوزيع المهام على حسب الأعضاء داخل
السودان ,,,,,,,,,,,,,,,,,,, لكن ياود البيه زرقاء اليمامة معانا ولا معاكم

يعنى ياود عجيب بت اليمامة دى خارج السودان ولا شنو وكان هى بتعرف الموية الباردة معناها عضو فعال فى الرابطة

geba كتب:

الشكر لك ودالبيه وان تضيف لهذا المنتدى شئا من الحيوية والنشاط وهذا الزى يفترض أن يحصل لأن المنتدى ماهو الا عكس ثقافة للغير وذلك من خلال كتابات الأعضاء الجادة ونتمنى من الأعضاء الكرام الأخذ بوصية المدير وتوزيع المهام على حسب الأعضاء داخل
السودان ,,,,,,,,,,,,,,,,,,, لكن ياود البيه زرقاء اليمامة معانا ولا معاكم

تساؤل فى محله يا قيبا لماذا لم يضعني ودالبيه(ماذا تقصد بهذه الكلمة قابلتني اكثر من مرة وخصوصا من الواثق) والله انا قاعدة فى السودان وكل خميسين بدي السريحة طله و نشيطة جدا جدا وممكن امسك ليكم كل المهام دي وخصوصا اليومين دي خالي العشاء قال لي تجي تقعدي معانا وهدي قعدة والنشوف ونستكم دي تاني بتسووها وين

جيبا وود عجيب والزرقاء (بالرغم من انها سقطت سهوا)
اشكركم على تلبية النداء وهاهم ديل شباب السريحة ويالله اعملوا ليكم اجتماع مصغر كدي عند الزرقاء بعد ما تتعشوا بصينية السمك والجمبري واكيد حاتنتعش الافكار بعد العشوة المدنكلة دي ويا قيبا جاتك الفرصة لكي تعوض ما فاتك من العرس

اقتباس :

تساؤل فى محله يا قيبا لماذا لم يضعني ودالبيه(ماذا تقصد بهذه الكلمة قابلتني اكثر من مرة وخصوصا من الواثق)

يا زرقاء ود البيه أو البي كما كنا نكتبها زمان اصلها جاية من كلمة بيك وطبعا بدون افتخار جدي ودبساطي اخذ درجت البكوية ايام الحكم الانجليزى المصري( محمد بساطي بيك) وتم تحريف الكلمة البيه وبقى يدعي والدي بود البيه