كيد النساء

تمكنت أم زكي من العثور على المصباح السحري وبالتالي وفر لها خادم المصباح 3فرصة أمنيات، ولكن لتحقيق هذه الأمنيات يحصل زوجها على 10 أضعاف كل أمنية تتمناها

وافقت أم زكي وكانت أمنيتها الأولى
أن تصبح أجمل سيدة في الكون أنذرها خادم المصباح السحري
بأن زوجها أبو زكي سيصبح أجمل منها بـ 10 أضعاف قالت الزوجة لا يهم،
فسأصبح أجمل جميلات الكون
وبالتالي لن يجد من هي أجمل مني

أما الأمنية الثانية فكانت
أن تصبح أغنى من في الكون وللمرة الثانية أنذرها خادم المصباح السحري بأن
أبو زكي سيصبح أغنى منها بـ 10أضعاف قالت أم زكي مايهم،
مافي فرق بين مال الزوج ومال الزوجة
وراح تكون ثروتنا واحدة

أما للأمنية الثالثة
فطلبت أن تصيبها أزمة قلبية بسيطة لا تميت
ولا تسبب إعاقات

الله يرحمك يا أبو زكي

ما قدر يتحمل عشرة نوبات قلبية !

مع خالص تحياتي ( أبو جاســـــــــــــــــــم ) [b]

والله ياكى انت دايما بتاع محن انا بتذكرك لامن كنت معانا بالفصل وانت كنت جديد (لنج) من الكرتونة وانت جاى من قطر ا و من دولة خليجية اخرى كان بتقعد فى الكنبة الاخيرة وعامل شعرك كيف كيف ماعارف ولسانك زاتو كان مازى لسانا غايتو كان ظاهر انت من اولاد المغتربين واذكر كان بجوارك الليبى وصالح محمد صالح وبهيج رد الله غربتهم سالمين غانمين
وبعدين دخلت فى الناس بطريقة عجيبة واصبحت فى فترة بسيطة صاحب شعبية كبيرة كل يوم
طالع لينا( بوهمة) وطبعا كلها بتاعت ناس برة مرة فوازير ونكت واذكر جيدا صاحبك شديد
فتح الرحمن عثمان وعمار نورالدين وامجد نجيب
انا حا اقول ليك نكته حصلت وانت كنت قاعد فى الفصل لكن ارجوك لاتجيب سيرته ؟؟
كان مرة عاملين حفله فى الفصل واخر هيصة وربة فجاءة دخل استاذ احمد ابراهيم حمد وكان صعب جدا اها لقى واحد اخونا طالع فوق الدرج قال ليه الاستاذ انزل صاحبنا من الخوف قال للاستاذ انزل فوق ولا تحت ..اتمنى من الاخ ابوجاسم لو ذاكرته 2 قيقا ان يتذكر شخصيتين من فنانين 94

الله يديك العافية اخي وحبيبي منتصر
والله الشخص ده عارفو زي جوع بطني
وبعدين الف تحية للاخوان المزكورين اعلاه
والمحبة دي انتم من فرضها علي
لقيتكم ناس حلوين ومتخاوين للدرجة البعيدة
فكونا فصل خرافي في الزمن داك
لاكن الليبي وفتح الرحمن عثمان مشكلة
لوما الاثنين ديل كنت اكون امين عام الامم المتحدة
لاكن مقتنع بالوضع على كل حال
وكل الامنيات الطيبة لك يا ود عجيب

أبوجاســــــــــــــــــم

الله ما يدينا إمراءة زي دي يا كي،،
ده بالغت عديل كده !!!!!!!!!!
ومن يوك بتاع محن،،
بالمناسبة كش ملك.

تحية للاخ هشام على المداخلة الجميلة
ياخي دي إمراءة مصيبة عارفة هي بتعمل في شنو
مخططة مارد حاصرة بين خيارات وفلتت بحصيلة
ممتازة من المال والجمال .
وبعدين كش ملك وين الرخ قافل مع الجندي
بي وين بسسسسسسسسسسسس وريني
العب غيرها يا هشو

[b]

استاهل ابوزكي وزي ما بقول المثل (الطمع ودر ما جمع)

التحية لك اخت زرقاء اليمامة

معليش ابو زكي زنبو شنوه

راجل ما عارف اي حاجة

فجة يبقى اجمل الناس واغناهم ويميوت

وما تتعصبي للنساء

وانا لوكنت بجانب المراءة كنت قلت ليها ( اطلبي الصحة )