يلا ياشباب ننفذ كلام المدير

تحدث الأخ المدير (بساطى ) عن كيفية الاستفادة القصوى من هذا الصرح الشامخ (منتدى السريحة) وذلك عبر الأليات المتوفرة لاعضا ء المنتدى وتوزيع المهام على حسب الأعضاء الموجدين داخل السودان وفى رأى أن يقوم الأخ ود البيه بتفويض الأخ ودعجيب بتوزيع المهام للأعضاء داخل السودان لعكس الثقافة الحقيقية لمدينة السريحة.
ولكم منى جزيل الشكروالتقدير

شكرا يا جيبا على تفاعلك مع هذا الموضوع الحيوي والهام جدا جدا
ويا ود عجيب الجماعة ديل اعطوك الرئاسة يالله قوم بواجباتك ووزع المهام

في الحقيقة هي فكرة جداً رائعة نكون استفدنا الاستفادة القصوى
من المنتدى وود عجيب قدها والله يوفقك لما فيه خير ياود عجيب

اولا اشكركم على هذه الثقه الكبيرة فى شخصى الضعيف وانا حقيقة بخاف من مثل هذه المهام لانى لو قبلت ستكون مهمة ليست بالسهلة كما تعتقدون فهى محتاجة لكثير من الوقت والانتباه لتحرير الاخبار اولا باول يعنى الموضوع داير تحري وتحرير( وقادسية )وكلام كتير .
وفى نهاية المطاف انا لن اكسر لكم خاطر وخاطركم غالى عندى (قبلت بالمهمة)(ok )

ودعجيب كتب:: اولا اشكركم على هذه الثقه الكبيرة فى شخصى الضعيف وانا حقيقة بخاف من مثل هذه المهام لانى لو قبلت ستكون مهمة ليست بالسهلة كما تعتقدون فهى محتاجة لكثير من الوقت والانتباه لتحرير الاخبار اولا باول يعنى الموضوع داير تحري وتحرير( وقادسية )وكلام كتير .
وفى نهاية المطاف انا لن اكسر لكم خاطر وخاطركم غالى عندى (قبلت بالمهمة)(ok )

دايما عوتنا علي ان تكون قدر المسولئه وان تكون دايما في المقدمه وهذا ان دل انما يدل علي صفاءونكران ذات وحب العمل لديك.
فسررررررررررررررر ونحن سنشد من ازرك وستجدنا رهن الاشاره.
شتتتتتتتتتتتتتتتتتتتتره
انا والاشواق في بعدك بقينا اكتر من قرايب.

الاخ منتصر دائماً ما تحرجنا بصفاتك الحميــدة
بالرغم من مشاقلك وصعوبة المهمة إلا انــــك
قبلت وابت نفسك إلا ان ترضي طمح الاخوان
فأنت كبير وكبير في عيون كل محب للوطــن
المعطى ( السريـــــــــــــحــــــــــــــــــة )
عسى ربي ان يوفقك لما قيه خيــــــــــــــــر

ـــــــــــــــــــــــــــــــــــــــــــــــــــــــــــــ
أبو جاســــــــــــــــــــــــــــــــــــــــــــــــم

الفكرة جميلة

وود عجيب هو الاصلح لمثل هذه الافكار

واعقلها وتوكل يا ود عجيب

انا موافق لاي قرار يتخذ بالاجماع وليس حكرا على ود عجيب فيالله نوزع المهام:-
انا: ممكن اغطي ليكم خطبة الجمعة بكل المساجد وماذا كان الموضوع وما دار فيها ومن هو الخطيب
ود عجيب: انا برشحه ليقوم بالدور الرياضي ويغطي كل مناشط الرايض خلال اسبوع بالصورة والقلم
قيبا : اعتقد ان له علاقات مع الاساتذة دائما يذكرها فى مواضيعه وخاصة استاذ عمر الشايقي لذلمك ممكن يقوم بهذا الدور ويعكس ما بداخل المدراس من انشطة وثقافات ولقاءت وتعريف بالاساتذة الكبار وكذلك عمل لستة بالمتفوقين من جميع الفصول بجميع المراحل وينزلها فى المنتدى
محمد ص : ممكن يقوم بدور الندوات الاسبوعية او الشهرية
الواثق : ممكن يمسك جانب التوثيق التاريخي للسريحه ونشاتها
الملثم : اظنه ما بجي السريحة كتير
ماك : ممكن نديها مهام نشاط المرأة بالسريحة
ود العمدة : يقعد مع ابوه ويطلع لينا ذكريات لمدارس زمان والطلبة المتفوقين زمان

هذه مجرد اقتراحات نرجو التصويت عليها بعد موافقة الادمن

وانا موافق يالترابى على رايك على الاقل تخففو حجم المسئولية شوية واشكرك على رائك الجميل والصريح وانا اول زول اصوت لصالحك !

واظن انا احتمال كبير اتغيب عن المنتدى لظروف عمل خارج الخرطوم وانا بعرف انو منطقة العمل الجديدة مافيها شبكة خالص لكن حتى يحين تاريخ المهمة يكون بدينا مشرع الحلم الفسيح
ولاشنو؟؟؟

الاخ منتصر لااقوال سوي وفق الله لخدمة الوطن السريحه وانت أنشاء الله لها نشد من اذرك ان شاءالله وشكرا

والله ده موضوع مثير و مفيد،، وكده حنكون جوه السريحة من بعيد،،
و سقراط طبعاً الشمار كاتلك عاوز تعرف عن السريحة الكتير الله يعافيك.

مشكور يا الترابي كده وضعت النقط على الحروف ونحن معكم قلبا وقالبا

مشكورين يا شباب على تثنية الاقتراح
انا فى واحدة نسيتها ( الشيخة الزرقاء) فلك ان تختاري مهمة مناسبة لناشطك حتى تشاركينا فى هذه المهمة والتي ستجني ثمارها للمنتدى بصورة فعالة جدا
وكمان برضو اخونا ابعشرين لسع ما دخل علينا ولا ادانا راي فى هذا الموضوع
ها زول غاطس وين تعال شيل معانا الحوبه