الطـــــــــيش مـــا بلـــــــيد

أفضل 10 أعضاء في هذا المنتدى
Admin
هشام السريحه
ودعجيب
حاتم سقراط
زاد الشجون
زرقاء اليمامة
ورد
حمد النيل
abu gasim
ابعشرين

(الطيش) او(العطيش )سمها ما شئت كلمة تمثل عبارة او فقرة او موضوع كامل تقراه الان باستمتاع او دون اهتمام حسب تذوق الاعضاء او قراء المنتدي فكل انسان حر في قراءته فهذه الكلمة لها وقع كبير وتتردد في موسم محدد في نهاية كل عام دراسي او الفصل الاول من العام الدراسي اي مع الامتحانات واجمل في هذه الكلمة انه ضد الاول اي عندما يسال شخص عن الاول اكيد سيسال عن الطيش وهما متلازمان لا يفترقان وهنا ممكن ناخذ كسرة ونمشي للاول وطبعا دي عندها عظمة وابها براها وفي تلك اللحظات يشعر الاول انه اعظم شخص في الدنيا ومن حقه ان يفرح طالما اجتهد وكد ووجد .
اعود للطيش موضوعنا الاساسي وهناك طقوس محددة تلازم الشخص الذي ياتي في مؤخرة الفصل او الطيش والغريب هنا بمثل ما يجد الاول من اهتمام ويذيع صيته في انحا القرية وان كان الطيش لا يجد اهتمام مثله ولكن كل اهل القرية يعرفون من الطيش مثل ما يعرفون الاول اي بمعني انهما نالا شهرة متساوية .

واحيانا عندما يمر الاول في الطرقات فتجد اي يشخص يشير اليه بكل همة وروح عالية ذلك ابن فلان جاء الاول علي فصله ولكن عندما يمر الطيش تجد الناس يهمسون ويشيرون بطرف خفي اليه ويقولون ذلك طيش الفصل .
هناك طقوس تلازم الطيش حيث انه يجد ما يلا يجده الاول وهذه تتمثل في السيرة او الهتاف للطيش حتي يصل بيته وهذا ما يفتقده الاول حيث يصل الي بيته بهدؤ ودون ضوضاء وكثيرا ما نجد ان الطيش لايبدئ اي اهتمام بهذه النتيجة ولا يلقي لها بالا بل يعتبر الامر عاديا ولكن من المواقف التي لا تنسي ان هناك شخصان اشتركا في الطيش وكانت السيرة لمنزل الاقرب منهم وهما كانا اصدقاء وعندما وصلا الي منزل الاول تم السؤال من الطيش وهنا كل منهم قال الطيش فلان وحدثت مشكلة كبيرة ولكن تدخل الاجاويد حسمها دون خسائر.

ما ذكر كان عن الطيش ولكن هاك حقائق يجب ذكرها وهي نقاط كنت اسجلها كسلبيات علي المنهج التعليمي بصورة عامة وحسب فهمي انه ليس هناك بليد في هذه الدنيا فكل انسان في هذه الدنيا قد تجده يفشل في مجال معين ولكنه ينجح في مجالات اخري واذا اردت ان تتاكد من حديثي فما عليك سوي اعادة شريط الذكريات لايام الدراسة لمعرفة من كان الطيش وانظر الي مستواه الان هل هو فاشل مثلما كان في المدرسة واكيد ستجد ان النتيجة غير ذلك وان هناك من حقق نجاحا منقط النظير وهناك من يفشل .

هناك حالات من الذكاء المتاخر فقد تجد انسانا كان يحتل المركزي الاخير في الابتدائي ولكنه في المتوسط بتدا الانتفاضة والتقدم للامام حتي تتحقق امانيه باحراز درجة عالية وتدخله اعلي الكليات متفوقا علي غيره من الاخرين

ما دعاني لكتابة هذه المادة دون ترتيب او تحضير هو وجود اسمي في مؤخرة افضل عشرة اعضاء في المنتدي وليس الا ولذلك جاءت باجتهاد سريع وسنواصل معكم تباعا
ولكم خالص التحايا مودتي

ابعشرييييييين انت وين موسم المطر و الفيضان أخيراً جه و لا شنو، إشتقنا ليك و حواشتنا جفت،،
بعدين العاشر و ليس الطيش،فالمعيار الأساسي للترتيب هو عدد المشاركات فالعشرة المذكورين هم أكثر المشاركين في المنتدي، و هناك غيرك من لم يشارك مطلقاً، ده نسميه شنو زمان كان بقوله كلمة هي طيش الطيش صح، لو شرحتها لي تكون ما قصرته لانو انا لحدي أسه ما فاهمه، طالما علاقتك بالطيش وثيقة.

لبك مده ما بينته وانا في اشتياق لي شوفتك يا ابو 20وين انته.
كل التهنيه لبك باحراز المركز الطيش lol!

.
من الطقوس التى كانت تصاحب الطيش ايضا تسليم مفاتيح القلعه (الفصل) اها هسع انته سلموك شنو Question

با اخي انته حقو تنطط عديل من الفرحه خشيت العشره الاوائل اما نحن انشا الله حا نقفل المدرسه عديل ولا خلينها.
شتتتتتتتتتتتتتتتتتتره
خلاص ماتبكي يا عيوني اتاريهم نسو الريده نسوها حتي نسوني

هشام السريحه كتب:: ابعشرييييييين انت وين موسم المطر و الفيضان أخيراً جه و لا شنو، إشتقنا ليك و حواشتنا جفت،،
بعدين العاشر و ليس الطيش،فالمعيار الأساسي للترتيب هو عدد المشاركات فالعشرة المذكورين هم أكثر المشاركين في المنتدي، و هناك غيرك من لم يشارك مطلقاً، ده نسميه شنو زمان كان بقوله كلمة هي طيش الطيش صح، لو شرحتها لي تكون ما قصرته لانو انا لحدي أسه ما فاهمه، طالما علاقتك بالطيش وثيقة.

هشام وينك يا ملك وشكرا علي المداخلة القيمة وان جاييكم مع بداية زراعة العيش والقطن وطبعا الايام زراعة الفول وعشان ما جايب حقو قلنا ننسي ونعود مع زراعة الفتريتة الزرقا

الواثق كتب:: لبك مده ما بينته وانا في اشتياق لي شوفتك يا ابو 20وين انته.
كل التهنيه لبك باحراز المركز الطيش .
من الطقوس التى كانت تصاحب الطيش ايضا تسليم مفاتيح القلعه (الفصل) اها هسع انته سلموك شنو

با اخي انته حقو تنطط عديل من الفرحه خشيت العشره الاوائل اما نحن انشا الله حا نقفل المدرسه عديل ولا خلينها.
شتتتتتتتتتتتتتتتتتتره
خلاص ماتبكي يا عيوني اتاريهم نسو الريده نسوها حتي نسوني

الواثق كدي ادينا كم نفر كدي من حملة شهادة الطيش ولكن بشرط انهم يكونو حققو نجاحا في حياتهم العملية عشان ما تجيب ناس حقوق الانسان هنا زي ناس بهيج وامثاله

ادمن وين قفشاتك في الموضوع دا لاني اعلم عندك الكتير منها

هل تصدق يا ابعشرين ان نسبة نجاحهم فى الحياة العملية بلغت نسبة 99.99% وخاصة فى مجال البزنس وزي واحد من اولاد ود الجبل من العطاطيش جاء الى الجامعة وقال ( انتم عارفين الكروسيدا دي بكم) نط عليه واحد من الطلبة المتفلسفين قال له( اسمها كريسيدا لو سمحت ) فقال له ود الجبل ( انتم اقروها ونحن بنركبها)؟؟؟

ادمن

يا اخي ادينا من نماج محلية خليك من العالمية

ابعشرين كتب:: ادمن

يا اخي ادينا من نماج محلية خليك من العالمية

يا ابو عشربن الكلام ده في المحليه بيجيب ليهو كلام تاني
ومشاكل عشان كدا خلينا في العالميه .
ولو طلعنا الشمار بتاع الطيشه ده القوات الهجين وحلف الناتو ما بفكنا .
شتتتتتتتتتتتتتتتتتتره
اذكريني يا حمامه كل ما ساجع ترنم في هواك وحب جمالك

انا بعرف واحد فى الامتحان الاول جا الاول و في الامتحان النهائي جا العطيش رايك شنو يا ابعشرين

وانا بعرف واحد امتحنوهو براهو جاء الطيش!!!!!!!!!!!!!!!!!!!!!؟؟؟؟ lol!

يعني يا ابعشرين داير توريني انك ما حصل جيت اللطيش
انا غايتو جيت مرتين بس ما فى المدرسة فى مسابقة

الواثق كتب:

ابعشرين كتب:: ادمن

يا اخي ادينا من نماج محلية خليك من العالمية

يا ابو عشربن الكلام ده في المحليه بيجيب ليهو كلام تاني
ومشاكل عشان كدا خلينا في العالميه .
ولو طلعنا الشمار بتاع الطيشه ده القوات الهجين وحلف الناتو ما بفكنا .
شتتتتتتتتتتتتتتتتتتره
اذكريني يا حمامه كل ما ساجع ترنم في هواك وحب جمالك

فتو هنا انا بعمل حماية من الولاية هناك

هناك دي عارفا وين

ودعجيب كتب:: وانا بعرف واحد امتحنوهو براهو جاء الطيش!!!!!!!!!!!!!!!!!!!!!؟؟؟؟

لو جبت زاد الشجون راجع المنتدي

بوريك الزول دا منو

هذه نكتة يا ابعشرين عن واحد من الجماعة وطبعا حصلت فى الحلة
الأب: لوين الليلة مبدر كدة.؟
التلميذ: الليلة ما النتائج!
الأب: تمام تبارك الله، بس جيب لينا نتيجة كويسة وما تتأخر
الولد ما رجع إلا مع صلاة المغرب مكتح مغبر .
الأب: يا ولد جيت الكم؟
الولد: التسعة وخمسين
الأب: والفصل فيه كم؟
الولد: ستين
الوالد: ما شاء الله جدعتلك واحد وراك.
طيب وكت أصلك جاي كده جاي متأخر ليه؟
الولد: ما كنا مسيرين الطيش

انا سمعت قالوا واحد من الرؤسا كان طيش حنتوب

جازية الكرخ 1 كتب:: انا سمعت قالوا واحد من الرؤسا كان طيش حنتوب

جازية الكرخ 1 كتب:: انا سمعت قالوا واحد من الرؤسا كان طيش حنتوب

معقوله يا جازيه الكرخ دي ذي فاطمه عبد المحمو..............ابوها منو .

شتتتتتتتتتتتتتتتتتتتتتتتتتره
بااسمك الاخضر يا اكتوبر الارض تغني

السترة واجبة

جازية الكرخ 1 كتب:: السترة واجبة

يا جازية السترة واجبة على مين؟؟؟؟؟ ده مولود الليلة عارف الكلام ده

أطيشكم مين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ نميـــــــــــــــــــــــــــــــــــــــــــــــــــــــري

زرقاء اليمامة كتب:: أطيشكم مين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ نميـــــــــــــــــــــــــــــــــــــــــــــــــــــــري

اقدري قولي التاني

ها زول والله نحن في شوق اليك (وين ما ظاهر الموسم الزراعي انتهي وبرضو ما ظهرته ) انشاء تكون بخير

شتتتتتتتتتتتتتتتتتتتتتتتتتره
فرحانه بيك كل النجوم لا غاب بريقا ولا انطفي

ابعشرين كتب:

زرقاء اليمامة كتب:: أطيشكم مين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ نميـــــــــــــــــــــــــــــــــــــــــــــــــــــــري

اقدري قولي التاني

انت ويييييييييييييييييييييييين يا ابعشرين !!!!!!!!!