نكات بطعم الكسرة

طبعا اخوانا الرباطاب مشهورين بسرعة البديهة وحكى لى واحد منهم كان زميل عمل ورجل نكته يسمى الجيلى حسب القادر الان استاذ ف ام درمان _ قال واحد رباطابى قال ليه الدابى لمن يعضى الزول بخلى اسنانو فى محل العضة قام قال ولو بعد دقيقتين لاقى زول وداير يعضيه _ قالو فى المسافة دى بتكون تانى قامت ليه اسنان جديدة :قاليهم اصلو ده دابى ولا دباسة
واحد جزار نهاية اليوم لملم العظام كلها فى شوال وموديها البيت لاقاه زول قال ليه انت اصلك عازم كلاب
رد ليه بسرعة _ قال ليه الكرت ما وصلك ؟؟؟

اثنين ساكنين في أوضه ، اتحرقت اللمبه راحو جابو لمبه جديده واتخاصمو كل واحد يقول للتاني انت ركبها، أخيرا اتفقو عصمان يطلع على اكتاف عوض ويركب اللمبه ، طلع عثمان مسك اللمبه بإيده وقال : ياعوض دور !!!!!!!!!!!! lol!

واحد مسطول بيشرب سجارة وبيرجع البيت يفتح الباب بالمفتاح و يرقد ينوم

مرة كان مقرش اشترى سجارتين

ولع واحدة ونسى التانية لما رجع البيت عاوز يطلع المفتاح طلع السجارة التانية

استغرب و قال ياربي أكون أنا شربت المفتاح lol!

حلوة منك يا ود عجيب

تسلم ايدك

الله يديك العافية يا ودعجيب

على التحفة الجميلة منك يا غالي

أبو جاســــــــــــــــم

يا ابو جاسم وين هي الكسرة وين درب البير.

حقيقة يا أخت جازية الكسرة دي مفتقدنها

ودرب البير الله يرجعنا ليهو كان البير القدامي

وكان البير الوراني بس ما يكونو هدوهم الاتنين

وشكلهم هدوهم الاتنين

الله يكون في الـــــــــعـــــــــــــــــــــــــون

أبوجاســـــــــــــــــــــــــــــــم

أحد أهلنا الرباطاب كان يعمل كمساريا . والكمسارى عادة يحتفظ بعدة قمرات فى القطار وبيقبض عليها عشرين قرش ، خمسة وعشرين قرش ، خمسين حسب التساهيل . فركب بعض النساء الكبار من معارفه . فزودهم بقمرة وهو متحسر على الفقد . وسألهم قبل تحرك القطار ( ارتحتو ؟ ) فأشتكى النسوة بأن اللمبة ما شغاله . فقال لهم ( لمبة فى شنو ، عاوزين تذاكرو ؟

أحد أهلنا الرباطاب حضر لزيارة قريبه المريض فى مستشفى أمدرمان . فرفض الحراس ادخاله بالرغم من الترجى . فتسلق الدرابزين . فأتاه الحراس مهددا ( أنزل بجيب ليك البوليس ) فقال الرباطابى ( ها الغبيان ده . بوليس فى شنو . أنا بدور أسرق لى مورود؟ ).

. ) .

أحد الركاب جلس على سلم القطار مبرما شاربه . وعندما مرّ أمامه سيد الشاى للمرة العاشرة قال له ( يا جنا كب لى شاهى ) ليجد أن الشاى قد خلص . فسأل ، خلص كيف ؟ . فكان الرد ( أنا ما مريت قدامك عشرة مرات ، ما سألتنى ليه ، تبرم فى شنبك كأنك كايس محطة هنا أمدرمان العامل ثلاثة الا ربع ؟ ) .

أحد أهلنا الرباطاب خرج ماشيا مع حفيده الذى ولد بعيدا من الرباطاب وأمه غير رباطابية . وعندما شاهدا الترولّى وهو عربة صغيرة يدفعها شخصين على قضيب السكة حديد ، أحدهما يهبط والآخر يرتفع . فقال الطفل ( ده شنو ده يا جدى الزى شراب السوسو ؟ ) فضحك الجد فرحا وقال ( انت رباطابى تب ) .

أحد الاخوة الشايقية تضايق من صراخ الباعة ( حبال ، حبال ، حبال ) فقال مستاء ( انت يا جنا محطتكم ده ما فيها غير حبال ؟ ) . فرد : فى طينا منبت بدور لو رفع .

[[color=blue]size=18]وأحد المسافرين قال لبائع رباطابى ( ما عندك جنى جداد نى ؟ ) فكان الرد ( نى ليه بدور تركض فيه ؟ ) . فى سوق التمّارة فى أمدرمان يبيعون الحبال والجردقة والعطرون وأشياء كثيرة . عمنا الرباطابى سأله شخص لا يبدو كمشترى ( يا عمى الجنازير ديل للبيع ؟ ) فكا ن الرد ( لا يا ود أخوى غسلتهن ، شاريهن راجيهن ينشفو ) [/size][/color]

والله يادمن نكاتك جميييييييييييييييييلة وحلوووووووووووووووووووة بس بالطريقة دى حاتخلى الرباطاب كلهم بجاى وبكرة اتوقع انو صاحبى الرباطابى يسجل عشانك انت بس وهو قال مرات بيتصفح منتدانا بس ماعندو وقت الله يستر ما يقوم يسجل مرة واحدة

بياع الفحم جنوا كضب على الزبائن
وأصلوا ما بسكت ساكت لازم يعلق على كلام الزبون
جاتو حتجة كبيرة تشتري فحم
الحاجة : يا ولدي أديني فحم بي ألف
بتاع الفحم : اتفضلي يا أمي
الحاجة تعاين للفحم الكباه ليها في القفة وتقبل على بتاع الفحة
الحاجة : ما تزيدوا شوية فحم الياباني
بتاع الفحم : والله يا حاجة الفحم غالي وبعدين الفحم ده من سنار
لكن اللوري الجابوا ياباني

جعلي وشايقي تايهين في الخلا .. فجأة طلع للشايقي جني .. شبيك لبيك وأنا بين أيديك .. لكن عليك أن تعرف أن أي حاجه تطلبها حا أدي الوراك (الجعلي) قدرها مرتين ..
قام الشايقي صنقع ودنقر .. وقال للجني .. بالله قدّ لي عيني دي

والله يا ادمن لو الجنى ده قال لى الكلام ده وقال حايدى الزرقاء الضعف الا اقول ليه اقطع نص لسانى وقدد لى عيونى الاتنين انشوف الزرقاء حايقد ليها شنو تانى ؟؟؟!!!!!!!!!!!!!!

للدرجة دي يا ود عجيب Exclamation