| كديس العزابة المجبور على اكل السطة | |
|
+4جازية الكرخ 1 افكار abu Jasim ودعجيب 8 مشترك |
كاتب الموضوع | رسالة |
---|
ودعجيب مشرف منتدى ركن للنقاش
عدد الرسائل : 838 العمر : 46 الموقع : السودان / الخرطوم / السوق العربى المدير العام : 0 تاريخ التسجيل : 13/04/2008
| موضوع: كديس العزابة المجبور على اكل السطة السبت يونيو 28 2008, 16:26 | |
| هذا العنوان استوقفنى بالامس فى احدى الصحف ولعله رجع الذاكرة لايام العزابة ايام كنا طلبة وكنا وكنا فاذكر اننا كنا ناتى الى البيت اخر النهار وتقريبا فى وقت القيلولة وبعد ان ينتهى النهار بخيرو وشرو ياتى المساء بحنينه واهاته ويضمنا بحنو فيكون البرنامج ملئ بنسبة 99 % بعد البوش وشراب الشاى الما خمج نمشى السينما ونحضر الافلام الغربية وافلام الاكشن بالتحديد ونرجع تانى للبيت ونلقى الجماعه اخر كشاتين وكده !! ولا اذكر اننى يوما ذاكرت فيه مادة هذا عن فصل الخير اما حينما ياتى فصل الجفاف الاكل كله كان عبارة عن سلطات سلطة خضرة وسلطة حمراء وسلطة غبشاء لان السلطة رخيصة ارخص من موية الفول كله كان لايهمنا مثلما يهمنا امر الشاى فللشاى جلسة خاصة ونكهة غير والزول البسوى الشاى برضنا عندنا ليهو نظرة _ الكبابى والصينية والملاعق والبخور والطلة الحلوة و (الموية الباردة) اهم شئ _ وكانت لى قطة صغيرة سميتها ........ كانت تجرى نحوى كلما فتحت الباب ودخلت واحيانا اصحى من نومى او اتقلب يمنة ويسرا فاجدها خلفى كيف لا وهى المدللة فى بيت قلت فيه الفئران كنت اهتم لامرها كثيرا فاحضر لها ما تبقى من فتات فتتنا وتنوم غريرة العين !! اذكر اننى تغيبت لايام كثيرة بسبب الاجازة وعند حضورى وجدتها المسكينة قد تعودت اكل السلطة وباتت تتفن فيها احيان تاكل الجرجير اولا واخرى تعزل الطماطم والجزر اندهشت بادى الامر ولكنى ارجعت الامر لسوء معاملتها فبت قاب قوسين او ادنى من ان افتح فى المتواجدين بلاغا لحقوق الحيوان ولكنها استمرت فى حبها للسلطة واظنها باتت من اكلات العشب بالرغم من ان سلالتها كلها من اكلات اللحوم وبتموت فى اللحوم البيضاء التى لايد لنا تطالها وقتها الا فى الاحلام فاصبحت ضامرة هزيلة _ حتى سخر احدهم وقال لى اظنها بتعمل فى اليومين ديل ريجيم _ فذهبت للجزار واحضرت لها (مرارة) بكامل (معداتها ) فهزت ذنبها ولوحت اعلانا منها بعودتها لعالم الكدسة وازبدت واربدت حتى خشيت منها ما خشيت فخطفت الكيس بما حوى وانزوت ركنا قصيا _ وكاننى اسمع صوت معركة كلامية وحسبتها تعلمت الكلام عربى وانجليزى _ وفى احد الايام كنت قد نويت اليوم اكل لحمة ولازم كمان فاذا بها اى (قطتى) تسورت حائط الجيران وبينما صاحبة المنزل مشغولة بامور البيت خطفت قطتى الحلوة كليو لحمة ضانى وعادت وكانها وعدتنى ان تاتى به قبل ان اهتدى لوسيلة فهرولت صاحبة المنزل وصاحت باعلى صوتها تزجر وتونب( الكديسة )بت (الكلب )فطرقت باب المنزل وهى تناهد ونادتنى ياولدى الكديسة بت الكلب دى خطفت لحمتى وجاتكم هنا_ نحن ماعندنا كديسة بت الكلب نحن عندنا كديسة بت الكديس فقلت احدث نفسى ياولد انكر الحكاية واضرب اللحمة انت اصللك طولت منها واهو رزق ساقه اليك الله مالك مرجعه ولكنى تذكرت ان زوجها رجل شرير قد يصل هذا الامر الى الطلاق وتطلق هذه الزوجة المسكينة بسبب هذا الكليو فرجعت لها اللحم فتظاهرت وكاننى ازجر قطتى على فعلتها الجميلة . وبعد فترة رحلت من المنزل لكنى سمعت انها خلفت بدل الواحد خمسة ورحلت هى الاخرى بعيالها ولكن تبقت بالمنزل صغيرة اخرى تواصل ما بداءته امها من لطافة ومشقة فى ان واحد ولنا رجعة | |
|
| |
abu Jasim مميز جدا جدا
عدد الرسائل : 1467 العمر : 48 الموقع : Kingdom Of Saudi Arabia - Riyadh المدير العام : 0 تاريخ التسجيل : 28/04/2008
| موضوع: رد: كديس العزابة المجبور على اكل السطة السبت يونيو 28 2008, 18:51 | |
| الكديسة دي يامنتصر شكلها اصيلة
وما قصرت معاك عملت معاك واجب
وبعدين لمن خلفت حست أنها حتزيد عليك المصروف شوية
وقررت ترحل وتخلي ليك واحدة تخلفها حست كديستك دي
لكن لو مافي احراج أسمها شنو الكديسة دي ممكن تطلع
معرفة ( تـــــــــوم ) | |
|
| |
ودعجيب مشرف منتدى ركن للنقاش
عدد الرسائل : 838 العمر : 46 الموقع : السودان / الخرطوم / السوق العربى المدير العام : 0 تاريخ التسجيل : 13/04/2008
| موضوع: رد: كديس العزابة المجبور على اكل السطة الأحد يونيو 29 2008, 06:57 | |
| مشكور ياابو جاسم على المرور وعلى الذوق وعلى تفسيراتك المنطقية و الجميلة دى !!! وبعدين لو ملاحظ حينما تخلتط الالوان تتشكل لوحة وطنية جميلة رهيبة الاحمر والازرق | |
|
| |
افكار
عدد الرسائل : 28 المدير العام : 0 تاريخ التسجيل : 23/06/2008
| موضوع: رد: كديس العزابة المجبور على اكل السطة الأحد يونيو 29 2008, 13:27 | |
| كديستك دى يامنتصر اظنها عندها مزاج غريب خالص وانى اخالها قاعدة معاك فى الصينية وتقول ليك ناولنى هذا وذاك وتلولوح فى ذنبها يمنة ويسرا انت تنفع مخرج بتاع توم وجيرى والدليل نهايتك للفيلم بتاع الكديسة بانها خلفت مثنى وثلاث وان اصغر واحدة جلست على عرش والدتها مما يوحى بان للقصة بقية على العموم انتو العلمتو للكدسة الجن زاتو وخليتوهن ياكلن فى السلطة ؟؟ برافو ود عجيب على تسلسل والسرد الجميل للقصة | |
|
| |
جازية الكرخ 1 مميز
عدد الرسائل : 96 المدير العام : 0 تاريخ التسجيل : 10/05/2008
| موضوع: رد: كديس العزابة المجبور على اكل السطة الأحد يونيو 29 2008, 13:34 | |
| دي كديستك يامنتصر ولا قرد ندى القلعة. | |
|
| |
ودعجيب مشرف منتدى ركن للنقاش
عدد الرسائل : 838 العمر : 46 الموقع : السودان / الخرطوم / السوق العربى المدير العام : 0 تاريخ التسجيل : 13/04/2008
| موضوع: رد: كديس العزابة المجبور على اكل السطة الأحد يونيو 29 2008, 13:58 | |
| ياجماعة انتو قايلين القصة من وحى خيالى لا بالله طيب ماحظى بقيت مخرج وراوى كمان ياجماعة كل القصة دى كانت ببيت العذابة تطير عيشتو والله انا لو تميت القصة يمكن تشوفو حاجات تانية ولسع ماشفتو حاجة بقيه القصة فيها الكثير والمثير والمدهش انتظرونا ومش حاتقدر تغمض عينك لانو كديستى ما حاتخليكو تنومو وناو ناو جاينكم !!!!!!!!!!!!!!!!!!!!!! | |
|
| |
ودعجيب مشرف منتدى ركن للنقاش
عدد الرسائل : 838 العمر : 46 الموقع : السودان / الخرطوم / السوق العربى المدير العام : 0 تاريخ التسجيل : 13/04/2008
| موضوع: رد: كديس العزابة المجبور على اكل السطة الأحد يونيو 29 2008, 14:03 | |
| - جازية الكرخ 1 كتب:
- دي كديستك يامنتصر ولا قرد ندى القلعة.
لا ياحبيبى دى سمكة برنادشو | |
|
| |
abu Jasim مميز جدا جدا
عدد الرسائل : 1467 العمر : 48 الموقع : Kingdom Of Saudi Arabia - Riyadh المدير العام : 0 تاريخ التسجيل : 28/04/2008
| موضوع: رد: كديس العزابة المجبور على اكل السطة الأحد يونيو 29 2008, 20:32 | |
| يا منتصر ما تهرب من واقع السوال فهو ملاحقك أين ماكنت في الماسنجر والمنتدى
بجميع اللغات .
ما أسم قطتك ؟ بالعربية الفصحة .
الـكِــديّسة اسمه شنو ؟ بالسوداني الفصيح . لاحظ فيها تصغير للاسم .
Whatis yor Cat Name بالانجليزي
شنق شوو شاننق بيش شانش شي ؟ بالصيني
كيا بلي نامكا ؟ بالهندي
أنو أن مالنو ؟ بالفلبيني
شو اسم الأوطّه هاي ؟ بالشامي
وش اسم القطو حقك هذا ؟ بالخليجي
ودي أسمها آية يا خوية بسلمتها ؟ بالمصري
والله الكديس حقك ده مااااااااااااا عرفنه أسمه ؟ بالغة الشرق الحبيي ( أدروب )
ما دايرين نارف اسمو زاتو والله ؟ بالفلاته
ياخي تعبتني أقول ليك تاني شنو ورينا وخلصنا ما يكون اسمها (( كوندليزا رايس )) واحنا ما عارفين
تحياتي لك / أبوجاســـــــــــــــــــــــــــــم | |
|
| |
هشام السريحه
عدد الرسائل : 1399 العمر : 48 الموقع : الإمارات العربية المتحدة-دبي P.O.Box 122038 Dubai-U.A.E المدير العام : 0 تاريخ التسجيل : 23/04/2008
| موضوع: رد: كديس العزابة المجبور على اكل السطة الإثنين يونيو 30 2008, 06:49 | |
| الله يخلي كديسة العزابة اللمت اللونين الارق و الاحمر يا جماعة طالما في هدنة أعلنوها ما تديسوها،، وبعدين يا منتصر صدقني الكديسة شوية كده و كانت حتصوم و تصلي،، هههههههههههههههههههههههههههههههههههههههههههههههههههههههههههههه | |
|
| |
Admin
عدد الرسائل : 1693 العمر : 51 المدير العام : 0 تاريخ التسجيل : 01/04/2008
| موضوع: رد: كديس العزابة المجبور على اكل السطة الإثنين يونيو 30 2008, 08:49 | |
| يا ود عجيب والله كديسدكم دي معزبنها عزاب يعني ولا جقمة لبن ساكت شربتها مذكورة فى سردك ده ياخي انتوا ما قاعدين تشربوا حليب وامال الكديسة دي عايشة معاكم كيف؟؟؟؟؟؟؟؟؟؟؟؟؟؟ | |
|
| |
زرقاء اليمامة مميز جدا
عدد الرسائل : 442 المدير العام : 0 تاريخ التسجيل : 19/04/2008
| موضوع: رد: كديس العزابة المجبور على اكل السطة الإثنين يونيو 30 2008, 13:34 | |
| ديل عزابة شنو يا ود عجيب المقطعين ديل؟؟؟؟؟؟؟؟؟؟؟؟؟؟؟ | |
|
| |
ودعجيب مشرف منتدى ركن للنقاش
عدد الرسائل : 838 العمر : 46 الموقع : السودان / الخرطوم / السوق العربى المدير العام : 0 تاريخ التسجيل : 13/04/2008
| موضوع: رد: كديس العزابة المجبور على اكل السطة الإثنين يونيو 30 2008, 15:52 | |
| خليك من العذابة نحن اسع فى كديستنا حرم طفشتوها منى مرة واحدة بعدين هى يعنى المسكينة ما تاكل خضار وسلطات وكلبك( العفين)ده دحين ياكل فى السمك والجمبرى ولا نسيتى _ قالت سمك قال على الحرام كلبك ده كمل جدادنا وحمام الجيران وكل يوم ساكينو بزقاق لكن عندى اخر حمامتين ان لقيتو هبشن على الطلاق الا اقصر اجلو وكلبك احسن امسكيو عليك | |
|
| |
زرقاء اليمامة مميز جدا
عدد الرسائل : 442 المدير العام : 0 تاريخ التسجيل : 19/04/2008
| موضوع: رد: كديس العزابة المجبور على اكل السطة الأربعاء يوليو 02 2008, 02:47 | |
| - ودعجيب كتب:
- خليك من العذابة نحن اسع فى كديستنا حرم طفشتوها منى مرة واحدة بعدين هى يعنى المسكينة ما تاكل خضار وسلطات وكلبك( العفين)ده دحين ياكل فى السمك والجمبرى ولا نسيتى _ قالت سمك قال على الحرام كلبك ده كمل جدادنا وحمام الجيران وكل يوم ساكينو بزقاق لكن عندى اخر حمامتين ان لقيتو هبشن
على الطلاق الا اقصر اجلو وكلبك احسن امسكيو عليك ليها حق تطفش عاوزنها تموت بالجوع والله لو سمعوا بيكم ناس جماعة الرفق بالحيوان كانوا سجنوكم وغرموكم وبعدين كلبي(بوبي) ده يستحيل يأكل حاجة خارج البيت وهو عارف ان انفلوزا الطيور ضاربة جدادكم وحمام الجيران عشان كده خليناه ياكل سمك وجنبري فقط | |
|
| |
هشام السريحه
عدد الرسائل : 1399 العمر : 48 الموقع : الإمارات العربية المتحدة-دبي P.O.Box 122038 Dubai-U.A.E المدير العام : 0 تاريخ التسجيل : 23/04/2008
| موضوع: رد: كديس العزابة المجبور على اكل السطة الأربعاء يوليو 02 2008, 05:59 | |
| - زرقاء اليمامة كتب:
ليها حق تطفش عاوزنها تموت بالجوع والله لو سمعوا بيكم ناس جماعة الرفق بالحيوان كانوا سجنوكم وغرموكم وبعدين كلبي(بوبي) ده يستحيل يأكل حاجة خارج البيت وهو عارف ان انفلوزا الطيور ضاربة جدادكم وحمام الجيران عشان كده خليناه ياكل سمك وجنبري فقط ما تفتحي علي نار لكن أسمو جمبري و ليس جنبري. | |
|
| |
ودعجيب مشرف منتدى ركن للنقاش
عدد الرسائل : 838 العمر : 46 الموقع : السودان / الخرطوم / السوق العربى المدير العام : 0 تاريخ التسجيل : 13/04/2008
| موضوع: رد: كديس العزابة المجبور على اكل السطة الأربعاء يوليو 02 2008, 12:28 | |
| - هشام السريحه كتب:
- زرقاء اليمامة كتب:
وجنبري فقط ما تفتحي علي نار لكن أسمو جمبري و ليس جنبري. الظاهر عليها لسع ما(ضاقتو) ولا(شافتو) ياهشو!!! | |
|
| |
زرقاء اليمامة مميز جدا
عدد الرسائل : 442 المدير العام : 0 تاريخ التسجيل : 19/04/2008
| موضوع: رد: كديس العزابة المجبور على اكل السطة الجمعة يوليو 04 2008, 12:28 | |
| لا نحن عندنا بنقول ليه جنبري لانه اصلا الاسم جاي من ربط اسمين( جن بري) فادغمت النون مع الباء وصارت (جنبري) ارجعوا (للقاموس السمكي للصياد البرمكي) | |
|
| |
فقدابى1 مميز
عدد الرسائل : 158 المدير العام : 0 تاريخ التسجيل : 02/07/2008
| موضوع: كديسة ود عجيب الجمعة يوليو 04 2008, 13:17 | |
| يااخوانا الزول قاليكم عندى كديسة يعنى يا زرقاء امسكى كلبك والباقين يعملو حسابهم (تحياتى يا ود عجيب ) نحن فى انتظارك واصل فقدابى | |
|
| |
ودعجيب مشرف منتدى ركن للنقاش
عدد الرسائل : 838 العمر : 46 الموقع : السودان / الخرطوم / السوق العربى المدير العام : 0 تاريخ التسجيل : 13/04/2008
| موضوع: رد: كديس العزابة المجبور على اكل السطة السبت يوليو 05 2008, 07:52 | |
| الله ينصر دينك يافقدابى ومرحبا بيك بيننا وبين اخوانك | |
|
| |
| كديس العزابة المجبور على اكل السطة | |
|