البورة وعرس الكورة

القصيدة على وزن قصيدة د0فراج الطيب عن ثورة النقاذ وممكن تحرفت لتاخذ هذا الشكل
ناكا مما نزرع
ونلبس مما ننصع

ود عجيب ما تخلي المحن بتاعتك دي برضو بنعرس و الله يقدرنا.
بالمناسبة فرفور عمل كم؟

الاخ ودعجيب الزواج ليس تكاليف اوليه ولكن تحمل مسئوليه أذا وجده الهدف سهل التحقيق مع أزالت العقبات والحسابات ربنا يوفقك ويدك بنت الحلال التي تسعدك أهم شي الاختيار فالتحقيق أسهل 0واوصيك في الاختيار كما قال الامام علي:

فان لم تكن في بيت المرء حرت تدابره *ضاعت مصالح داره
فان شاة أن تختارلنسك حرة **فعليك ببيت الجود فخذ من خياره
وأياك والبيت الدني **فربما تعار بطول الزماني بعاره
ففهن تاتي الفتي وهو ميسر**فيصبح لايملك علوق حماره
وفيهن من تاتي الفتي وهو معسر**فيصبح كل الخير في داره
وفهن أذا غاب عنها الفتي تطالت الي جاره0

هذه خدمة خاصة لعذابة المنتدى لمعرفة مجريات سوق العرسان
مرة مشيت اشتري مع الوالدة حاجات عرس اخوي وهي تحاول و بشده ان تطبق احدى نظريات السمحة ام ولدى ... مشينا نشترى صندلية و كنت على وشك ان تجينى سكته قلبية لمن سيد المحل قال لى علبه الصندلية 100 مل ب200 جنيه ..... يا نهار مش فايت صندليه بس 200 جنيه .. ليه قال عشان ميسو هذا ميسو اصلى مافى تقليد .. مدام عاوزين رخيص فى نوع هذا اولاد الطاهر فى .... و انا مما فتحت فى الدنيا بعرف انو ميسو هى الاصلية و يا دوب كده قالوا التاج و بما انو الاسم مسموع فممكن يكون بديل بس عدم القناعة بانو الصندلية دى ما اصلية .. و طبعا نحن شعب نعجب فى التمسك بهذه الماركات الاصلية و لا نقبل اى بديل ... يعنى عشان اعمل ريحة التكلفة حتكون كم ... فرير دمور 50 جنيه مع بقية الروائح و لاحظوا قزازة واحدة فقط من كل نوع يا دوب تشربى بيها ريحتك يعنى بالميت كده عايز ليك ميزانية رهيبة عشان بس شوية ريحة ......
دى الريحة خلصنا منها نجى للتوب شىء مطرز و شىء مضغوط و آخر مطبوع و التانى مفقوع و جيب صاحبنا مفجوع.... للمناسبة تلاقى سعره الشىء و الشويات .....

نجى للحنة و اشكالها المختلفة و اسعارها المختلفة .... و اقل حاجة عاوزة 100 جنيه مع رأفت البائع
الذهب ...وووب ... هبر هبر و غوايش و احفظ مالك بدور و دورين و سلاسل جنازير كرسى جابر و طربيزة فهد و مقعد عبد الله و دقن الخمينى و الشبح و الايواكس و خلافه من الكتل الفظيعة الما معروف تتلبس او تستخدم اسلحة دمار شامل و دى طبعا ميزانيتها ... لا صندوق بينفع و لا بنك دولى الموضوع عايز اختلاس عديييييل كده ....

الملايات ... عشقنا نحن النساء الملايات المطرزة و المزركشه ... بالسيتان وبالتل و الكثير من التشكليات و الطقم الواحد لا يقل عن 200جنيه ولكن في دول الخليج ممكن تلاقوا اغلي من ذلك 0

العدة .. ترامس و صوانى و اطقم مختلفة عاد كيف لازم تكون عندك حاجات فخمة لو جاتك مناسبة على غفلة تقديم الحاجات باطقم مختلفة ضرورى ..... شوفى ياختى ما عندها غير الطقم ده و الترمسة اليتيمة دى و ميزانية تانية....تعليق الضيفات

و هنالك الكثير و الكثير من التكاليف الرهيبة التى تمتاز بها المرأة السودانية و زايده فيها بشده .... اذا كانت عاملة يمكن نقول بتخفف شوية على جيب سى السيد اما اذا كانت غير عاملة كيفن عاد يا اولاد امى ...

المرأة السودانية حقيقة تكاليفها باهظة الثمن و مرات كثيرة سبب فى وقوع الرجل فى مشاكل لا ليها اول و لا آخر فقط لانها ما قادرة تطلع نفسها من هذا التقليد المكلف الاسمو شكل المرأة السودانية البيغير اتجاه الزول و مرات الزول زاتو يعنى الطفرات الجينية دى اصلها ما بتجى علينا و نتأثر بيها على الاقل رحمة بالجيب البقى ما عارف يغطى شنو و له شنو ...

اعزائى الشواطح عايزة رأيكم بصراحة فى تكاليف المرأة و هل بتفتكروا انو هذه الاشياء ضرورة ليكم عشان نكسر رقبتنا و نعملها ام بالنسبة ليكم هيافات و هل فى بدائل مناسبة للميزانية .... اكيد حتقولوا الولية دى جنت و بقت فى صفنا .. ابدا بس غايظنى سعر الصندلية.. ...

الزرقاء بالغتى

دى صندلية ولا صيدلية؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


اما سوال ابو جاسم



أستفسار يا جماعة الصفر ده قبل التلاته ولا بعد التلاته
يعني 30 ولا 03 عشان نكون عارفين

اقول انت ماعارف موقع الصفر من الاعراب _ طيب خلاص الصفر ده ياعزيزى عشانك انت بس لا بعد ولاقبل نخليو ليك فى النص !!!!!!!!!!!!!!!!

والله يا ود عجيب ما تمنيت شيئ فى الدنيا دي غير شجرة خالي العشاء تتقلب شجرة صندل عشان خالي العشاء ده يكون من اغنى اغنياء العالم

والله ياود عجيب اكان كده مابعرسوا الجماعة, وبعدين يا ود عجيب البنات ماكانن بغنن زمان اغنية بتاع (الكارو) اظنك عارفها وبعدين حدثت العولمة وبقن يغنن المامغترب يبقي تاجر غرب
واخيرا سمعت بقولن في اغنية( دي السعودية اللمت العواطلية ) يعني يغتربوا وين في اروبا مثلا

الشيلة وماادراك ما الشيلة يا عذابة المنتدى للاسف الواحد منكم بقى بهتم بالناس فى كل شىء حتى وان كان هذا اكبر من قدرتو والنسوان مع العزر لاخواتي معقداتنها شوية مسالة الزواج عامة بى كل تفاصيلها انا متاكده انو فينا نقول الغالب الاعم انو حكاية الشيلة والمهر اذا كانت متعلقة بالعريس والعروس فهى بلاشك مابتبالغ لكن الحكاية اكبر منهم الاتنين والبوبار هو الخارب اى حاجة الواحد يقولك انا داير اخلى الناس تحكى باليوم العرست فيه وهو بى فعلتو دى خرب على غيرو وده كوم والاكل كوم والصيوان مية كوم والفنان الف كوم وفى الاخر الشباب هو المتضرر

حلاوتك يا ود عجيب ما بالغته عديل كده، كده التجي الزرقاء بيجاي و الله تخلي ريحتك ببغاء ببغاء أقصد جداد جداد أقصد طير طير..

انفرجت يا العذابه ابشرؤ بالخير دايرين تعرسو عرسكم كلو علي بس انتظرو 3يوم بس بالحساب
واي زول داير يعرس حتي انشاء يدبل ما عندي مانع ما عليك الا ترسل اسمك عند ود عجيب
ولا 30 ولا03 ولا ريحه اخوها. صنديله بيكم الكترابه
شتتتتتتتتتتتتتتتتتتتتتتره
السره مرقت عصور يا عديله ليه

ودعجيب كتب:

ياهشام يالذيذ نحن نعمل شنو ؟؟؟؟؟؟؟؟ جبنا تكلفة عالية قلتو اووووووووووووووووووب قللناها ليكم
برضو تقولو الروووووووووووووووووب
عملناهو ليكم بالفاتحة ساااااااااااااااى اكتر من كده العرس ده نعملو ليكم بالنية ولك امرى مانوى
ولا شنو؟؟؟؟؟؟

والله ناوي و الاستعدادات جارية و البحث في قوقل كمان جاري عشان نعرف القسمة موديانا وين؟
بس دعواتك لينا بالزوجة الصالحة و ربنا يهون، وربنا ييسر على كل عزابة المنتدى و عزابة السريحة.

ودعجيب كتب:

الواثق كتب:

انفرجت يا العذابه ابشرؤ بالخير دايرين تعرسو عرسكم كلو علي بس انتظرو 3يوم بس بالحساب
واي زول داير يعرس حتي انشاء يدبل ما عندي مانع ما عليك الا ترسل اسمك عند ود عجيب
ولا 30 ولا03 ولا ريحه اخوها. صنديله بيكم الكترابه
شتتتتتتتتتتتتتتتتتتتتتتره
السره مرقت عصور يا عديله ليه

اها الواثق ود عجيب زاتو يرسل اسمو وين ؟؟؟؟؟؟؟؟؟؟؟؟ والا ال فى ايدو القلم مابطلع شقى !؟؟؟؟؟؟؟؟؟؟
غايتو اى زول داير يرسل لى اسمو _ يرفق شهادة خلو طرف من
1 _ الخدمة الالزامية صورة / واصل
2 _ خلو طرف من الضرة الاولى ما تكون نايم بالعهدة القديمة من صوانى ، وكبابى ، واحذية ، وملايات
2 _ خلو طرف من ناس بيتكم اخلا تام من المسئوليات والمراسيل واقرار من الوالدين مشفوع باليمين
3 _ خلو طرف من ناس الكهرباء / سيد اللبن / ناس الموية / وسيد البقالة / وبتاع الكشك / صورة واصل
4 - شهادة نجاح او مايعادلها فى المراوغة والجرجرة
وكفى

5- ما يثبت انك مغترب

ماممكن مغترب داخل السودان يازرقاء(الخرطوم)أري أنه أفضل .

ات ا جني ها اود عجيب من زمان ماتقول انا داير اعرس بس افتح خشمك وشوف بحصل شنو