ودعجيب !!!!

أهلنا ناس السريحة ياطيبين ،يا أخوانا أسمحو لينا ننقطع فى منتداكم السمح ده ، انا زول ما من السريحة
بس بعرف السريحة حق المعرفة ... وبعرف فيها شباب ماشاء الله عليهم وبيعرفونى حق المعرفة ولى أهل ومعارف فى السريحة بى الهبل ... وشَقيّت السريحة الآف المرات .. يعنى ما غريبة على ولا غريب عليها .
آها آناس لى الحق أنقطع فى المنتدى ولا أتخارج . تانى حاجة انا شفت أغلب المنتديات بتاعت كل القرى فى المنطقة بس متصفح... لكن منتداكم دا عجبنى بالحيل (لأنو فيهو ود عجيب وأكان ما ودعجيب العجيب دا طلّق مانى داخل ). انا ما متزوج لكن دى جعلنة منى سآى عشان ودعجيب لكن آآود عجيب خزلتى ودفقت قلبى انا آآود عجيب زول داير أعرس فى العيد الفوقنا دا تقوم تقول العرس بى 30 مليون دى ما روزا عدييييل
ودعجييب آآخوى مالك علينا القَنّقر راقد هبطرش ، الشوال بقى بى كم هسى ؟
أخوك مغترب وحالتو الحمد لله تمحن الصبح الصبح بقوم مخلوع التقول انا حرامى داير البس وأجر الشغل سريع سريع العرب ديل سوو لينا لوعة الدوام الدوام .. والمنبه خلى سآآى بقينا نهم لمن نشوف ساعة فيها جرس .
الله يديك العافية آآود عجب والتحية لى كل زول فى المنتدى .

مرحبا بالعجب فى المنتدى العامر لسريحة عامر وان شاء الله عامر بوجودك يا العجب
ما دام اسمك العجب وصاحب ود عجيب بالتأكيد انك مريخابي على السكين ودي حاتكون اضافة جديدة لرابطة مشجعي المريخ بالمنتدى وكذلك مجئيك فى هذا التوقيت كان فأل خير وهو تزامن مع انتصارات المريخ الكبيرة
اداني تحية
العجب حبيبي
دموعي سالت
والمنام ابى ليه
العجب حبيبي

لك التحية والاحترام والتقدير العجب حبيبى وحبابك من هنا حدت بابك كان فى الدمام ولا فى عرعر وانا كده لقيت اسم قريب منى وانشاءالله تكون مريخابى ولو كنت مريخابى نسميك العجب العجيب يعنى الاسمين مع بعض دى كمان جعلنة منى وعلى الطلاق الجد جد الماهظاااااااااااااااااااار عشانك انت بس العرس بالفاتحة وانا بعرف بعض القرى العروس بدوك معاها غنماية حلوب عشان تحلب صباح ومساء وتشرب الشاى بمزااااااااااااااااااج وانت متكئ والحوش اتنين فدان الحمام الا تاجر ليه ركشة واللبس (عراريق ) جمع عراقى
والعراقى برضو لازم يكون xxxxxxxxxxxxxxxxxxx lllll يعنى برضو اتنين فدان وكل شئ مهلة فى مهلة وتطلق الضيق بلا رجعه الا نصة نهارية السموم اسمها اسكت سااااااااااى انت وو (ود ابرك ) والعجل والسخيلة وحرمك المصون ست الغنماية كلكم فى النهارية ديك فى راكوبة واحدة ااها رايك شنو ؟؟؟؟؟؟؟؟؟؟؟؟؟ نشيل الفاتحة ؟؟؟؟؟؟؟؟؟؟؟؟

مع تحياتى

مرحب بالعجب واتفضل معانا فى منتدانا واسمه منتدى السريحة وليس منتدى ود عجيب وخلي عندك زوق يعني الناس ديل كلهم ما عاجبنك
وبعدين انت ما العجب المعانا فى منتدى عشاق السودان ولا يخلق من الشبه اربعين؟؟؟؟؟؟؟؟؟؟؟؟؟؟؟؟

Admin كتب:: مرحبا بالعجب فى المنتدى العامر لسريحة عامر وان شاء الله عامر بوجودك يا العجب
ما دام اسمك العجب وصاحب ود عجيب بالتأكيد انك مريخابي على السكين ودي حاتكون اضافة جديدة لرابطة مشجعي المريخ بالمنتدى وكذلك مجئيك فى هذا التوقيت كان فأل خير وهو تزامن مع انتصارات المريخ الكبيرة
اداني تحية
العجب حبيبي
دموعي سالت
والمنام ابى ليه
العجب حبيبي

الأدماين ..... الله يكرمك زى ما أكرمتنى بى ترحيبك السمح دا وترحيب الجماعة الرحبو بى ... الله إيديهم العافية إنتو عارفين زى السقيتونى موية من زير تحت شدرة نيمة والكوز المونيوم ستو بتريد تليس الحيط وقش الحوش وتنهر الجداد( وانا نازل من يومية طلبة بشيل طوب أخدر) .
معليش خزلتك الآدماينآ آخوى أنا هلالابى .... والكورة الزمن دا راحت من زمن باظ البحر ( معليش آخوى أنا عارفها بص لكن آسوى شنو إياهو كلامنا) ... يعنى الكورة دى خليتَّة من زمن ناس حمد والديبة حاجة عجيبة .

ودعجيب كتب:: لك التحية والاحترام والتقدير العجب حبيبى وحبابك من هنا حدت بابك كان فى الدمام ولا فى عرعر وانا كده لقيت اسم قريب منى وانشاءالله تكون مريخابى ولو كنت مريخابى نسميك العجب العجيب يعنى الاسمين مع بعض دى كمان جعلنة منى وعلى الطلاق الجد جد الماهظاااااااااااااااااااار عشانك انت بس العرس بالفاتحة وانا بعرف بعض القرى العروس بدوك معاها غنماية حلوب عشان تحلب صباح ومساء وتشرب الشاى بمزااااااااااااااااااج وانت متكئ والحوش اتنين فدان الحمام الا تاجر ليه ركشة واللبس (عراريق ) جمع عراقى
والعراقى برضو لازم يكون xxxxxxxxxxxxxxxxxxx lllll يعنى برضو اتنين فدان وكل شئ مهلة فى مهلة وتطلق الضيق بلا رجعه الا نصة نهارية السموم اسمها اسكت سااااااااااى انت وو (ود ابرك ) والعجل والسخيلة وحرمك المصون ست الغنماية كلكم فى النهارية ديك فى راكوبة واحدة ااها رايك شنو ؟؟؟؟؟؟؟؟؟؟؟؟؟ نشيل الفاتحة ؟؟؟؟؟؟؟؟؟؟؟؟

مع تحياتى

والله آآود عجيب قايتو الله يديك العافية ترحيب بالحيل سمح أنا عارف ما بتقصر إقصر الملح , بس آآود عجيب آآخوى الكورة أنا ما بريدة آآخوى كلما أشجع فريق بغلبوه وأنا المغايس تودرنى أسوى شنو عشان كدى أنا خليتَّها .آها النجى لى كلامك السمح دا ده الكلام البدورو أنا آآخوى إنتَ الزمبرت زى ما بقولوا
آآخوى نحن ناس رواكيب ساااآكت والعجب لمن تكون ماخدليك تقرتين شول طّلق التقول ماخد لى آيربص 380 الجديدة أم دورين . إنشاء الله تكون شفتها .
الحوش الواسع سمح آآود عجيب العِجبْ أكان فيهو ضِريصة دى الروقة زاتها بعدين آآود عجيب مكتر على الناس ديل كدى مالك آآخوى حمام شنو البسوهو لى آآخوى أنا زول طش ساااه .. بعدين إنشاء الله الراكوبة تكون قصيرة عشان الواحد وكتين إصنقع رويسو وهو منتكى فى الكراب إتناول كيس التمباك الداسيهو من أخو المرة فى فرق القصب فوق الراكوبة. والله آآود عجيب الراكوبة دى تستاهل سرقة jocolor

ولا رايك شنو؟
عليك الله آآود عجيب ما أحسن من البأجروليها الزفاف
آآخوى شيل الفاتحة سااااكت دى بدورليها شورة عاين زولك؟

زرقاء اليمامة كتب:: مرحب بالعجب واتفضل معانا فى منتدانا واسمه منتدى السريحة وليس منتدى ود عجيب وخلي عندك زوق يعني الناس ديل كلهم ما عاجبنك
وبعدين انت ما العجب المعانا فى منتدى عشاق السودان ولا يخلق من الشبه اربعين؟؟؟؟؟؟؟؟؟؟؟؟؟؟؟؟

زرقاء اليمامة الله يديك العافية آآختى (بس نعلك زرقاء) مشكورة آختى إنتى عارفة إتخيلت َ شكلك طوالى وإنتى جاية تنضمى دايرة تكاتلينى فى الكلام القلتو دا شايله ليك كورة وطابه ليك مقشاشة جديدة لنج وريحة سعفها طاقة فى توبك المقدد الجابو ليك خالك من الحج قبل كم سنة ؛آآها النجيك آآختى ود عجيب مالو ما من السريحة إنتى ما قريتى حساب study

كدى حليها

العجب انت من زمن المقشاشة والكورة والله اكان كده دراهمك ديل شغلنك من زيارة اهلك دي ظهرت حاجات تانية
هاوس كلينر بديلا للمقشاة
اواني تيفال بديلا للكورة بتاعت العرس
لكن الظاهر عليك عريبي ابا عن جد وكلامك سمح بلحيل بذكرني كلام مقدم بنرامج بليلة مباشر زمان

زرقاء اليمامة كتب:: العجب انت من زمن المقشاشة والكورة والله اكان كده دراهمك ديل شغلنك من زيارة اهلك دي ظهرت حاجات تانية
هاوس كلينر بديلا للمقشاة
اواني تيفال بديلا للكورة بتاعت العرس
لكن الظاهر عليك عريبي ابا عن جد وكلامك سمح بلحيل بذكرني كلام مقدم بنرامج بليلة مباشر زمان

هيييّ عاين الزريقة إنتى قايلانى ساكن بالإيجار فى البندر أنا آآختى من الجزيرة الوااطة حدادى مدادى والبيوت حواشات أنا مغترب بس السنة ما بتمها طلّق كل عيد معيد مع أمى أنا زمان آآختى زمن القراية فى البندر ما قاعد أبيت فى الخرتوم أكان بيت فى الخرطوم الحلة جت بتمرق تستنانى يفتشو ويسألو التقول رايحليهون تور .
وأقول ليك أنا ياسع يامن أجى الحلة بشرب الشاى بى الليقيمات بقوم ليها الدقش وبقدم المعّوز ( الغنم) لى الراعى .
إتى قالوك أنا بدور الإغتراب كدى .أنا آآختى دافرنى سااااءعلى الغربة الجماعة قالو لى أمش آآزول أقطعلك جركانتين ممسى كولا وتعال وعربنا قالو الزول أكان جاتو الروقة ما ياباها .
دحين آآختى أكان جاتك الروقة ما تابيها.

مرحب بالعجب والف مرحب .. الحقيقة انا طولت ما دخلت على الموقع ومن الصدف الجميلة اني اول ما دخلت دخلت على هذا الحوار الرائع بينكم ( العجب.. ادمن .. ود عجيب .. الزرقاء ) انتو آناس اتربيتو مع عشا البايتات؟ وكان ما حضرتو زمن عشا البايتات بتكونو عشتو في ود حامد. اسلوب كتابي رائع ولغة رفيعة هجين ما بين العامية الدارجة والفصحى الرصينة نسيج لغوي يخلو من الصنعة ويبعد عن الكلفة هنيئاً لكم ولنا قبلكم بما نرى من مفردات تسعى بين الناس.

جازية الكرخ حياك الله آخوى وسلمك من محن الدنيا أشكرك آخوى على المرور الطيب ، الحمد لله آخوى نحن ناس بنعيش حياتنا بى السليمة .. والجماعة ديل سُكروزات عديل الأدمن وودعجيب الزريقة أنا بريدون سآآآ فى الله .

الف شكر جازيه على المرور الحلو وانشاء الله دوام معانا بجاى فى ضل الضحى وعنقريب العجب (الكرابو) من السعف الحار لكن بعد ده يا العجب بنريد عنقريبك الهبابى وقهوتك ( الريحتها ) ترمى الزول دى وكيس تمباكك انشاءالله يكون جايبنو ليك من البندر (نورى )كمان وسفة مصلحة عندك انا قائل تساوى مئة كاس ايسكريم !!!! وتقول تاخد ليك نمة ولا جرارى حلو
اها اخوى سمعنا الدوبيت بتاعك

والله يالعجب شربنا من مما تشرب منه انت ولا ندرى متى هذه الدوامة وكلنا فى الهم والاهات شرق ولكن لاحول ولاقوة لنا فحسبنا الله ونعم الوكيل وعلى كل
بلاد الفناها على كل خال وقد
يؤلف الشء الذى ليس باحسن
وقد تستعذب ا
لارض التى
لاهوى بها
و
لا ماؤها عزب ولكنها وطن
وهذا لعمرى هو السجن الاختيارى
وحسبنا الله ولنا الله والسلام
ودالنعيم

جازية الكرخ 1 كتب:: مرحب بالعجب والف مرحب .. الحقيقة انا طولت ما دخلت على الموقع ومن الصدف الجميلة اني اول ما دخلت دخلت على هذا الحوار الرائع بينكم ( العجب.. ادمن .. ود عجيب .. الزرقاء ) انتو آناس اتربيتو مع عشا البايتات؟ وكان ما حضرتو زمن عشا البايتات بتكونو عشتو في ود حامد. اسلوب كتابي رائع ولغة رفيعة هجين ما بين العامية الدارجة والفصحى الرصينة نسيج لغوي يخلو من الصنعة ويبعد عن الكلفة هنيئاً لكم ولنا قبلكم بما نرى من مفردات تسعى بين الناس.

ياجازيه يديك العافية يا اخوى ولتكن انت اضافة لهذا الحوار لانك اضافة ثرة نتمنى ان تكون قائدا لهذا الحوار ودليلنا هو انك ذكرت ود حامد ولعلها( دومة ود حامد) للرائع الطيب صالح التى يقول فيها حينما اقترب واصفا اياها
(ها هي ذي دومة ودحامد .. أنظر إليها شامخة برأسها إلى السماء .. أنظر إليها ضاربة بعروقها في الأرض .. أنظر إلى جذعها المكتنز الممتلئ كقامة المرأة البدينة ، وإلى الجريد في أعلاها كأنه عرف المهرة الجامحة . حين تميل الشمس وقت العصر ، ترسل الدومة ظلها في هذه الربوة العالية عبر النهر ، ويستظل به الجالس على الضفة الأخرى . وحين تصعد الشمس وقت الضحى ، يمتد ظل الدومة فوق الأرض المزروعة والبيوت حتى يصل إلى المقبرة )
كتبت يا جازيه ما كتبت وتركت لنا الجراح جراح الزمن التى لاترحم رجعتنا الاف السنين الضوئية للوراء ايام كنا لانعرف غير القصص والروائع امثال احسان عبدالقدوس والطيب صالح وليتنا لازلنا كذلك ولكن كيف لنا مع هذا الزمن المجنون والمتسارع الخطى فاصبغنا اصباغا واشكالا لم نكن نعرفها وجن اسمه (المشاغل ) اه ثم اااه لهذه المشاغل والتى شغلتنا عن تصفح كتيب صغير والتذوق لما فيه ناهيك عن قراءت روائية كاملة لهولاء الكتاب وبالذات الاديب الطيب صالح الفذ مثل دومة ودحامد _ وموسم الهجرة الى الشمال _ ومريود _ وعرس الزين _ ونخلة على الجدول _ ومنسى انسان نادر وكثيرة هى الكنوز السودانية والشهية كاملة الدسم واللذيذة الطعم
لله درك ياجازيه وبرضو عافييييييييييييين ليك التاوهات دى ..